ယႃႇယွမ်းသုမ်း လုၵ်ႉၶိုၼ်ႈမႃးလႄႈ

🗣️ ယႃႇယွမ်းသုမ်း

တိုၵ်ႉလူမ်ႉလူင်းၵႂႃႇပွၵ်ႈၼိုင်ႈၵူၺ်းၼႃႈ မၼ်းဢမ်ႇပႆႇၸႂ်ႈပၼ်ႁႃလူင်လႄႈ တၢင်းယၢပ်ႇၽိုတ်ႇဢၼ်ယႂ်ႇလူင်ၼၼ်ႉၼႃ ယႃႇယွမ်းသုမ်း လုၵ်ႉၶိုၼ်ႈမႃးၶိုၼ်းႁႂ်ႈလႆႈလႄႈၼႃႈ။

🗣️ ယႃႇယွမ်းသုမ်း

တိုၵ်ႉႁဵတ်းၽိတ်းပိူင်ႈပွၵ်ႈၼိုင်ႈၵူၺ်းၼႃႈ မၼ်းဢမ်ႇၸႂ်ႈဝႃႈၸဝ်ႈၵဝ်ႇႁဵတ်းၽိတ်းၵူႈၶၢဝ်းယၢမ်းလႄႈ ယဝ်ႉ‌ေၵႃႈဢမ်ႇၸႂ်ႈဝႃႈတႃႇသေႇၸိူင်ႉၼၼ်ၼႃ ယႃႇယွမ်းသုမ်း သိုပ်ႇႁဵတ်းမႂ်ႇထႅင်ႈလႄႈၼႃႈ။

🗣️ ယႃႇယွမ်းသုမ်း

တိုၵ်ႉယၢမ်ႈႁွင်ႉႁႆႈပွၵ်ႈၼိုင်ႈၵူၺ်းၼႃႈ မၼ်းဢမ်ႇၸႂ်ႈဝႃႈၸဝ်ႈၵဝ်ႇလႆႈႁွင်ႉႁႆႈယူႇၵူႈၶၢဝ်းယၢမ်းၼႃ ၼႂ်းၵႄႈၵၢင်မၼ်းၵေႃႈၸဝ်ႈၵဝ်ႇတင်းမီးပႃးလွင်ႈယုမ်ႉၶူဝ်ယူႇၼႃႈ ယႃႇယွမ်းသုမ်း ယုမ်ႉၶူဝ်ႁႂ်ႈလႆႈလႄႈၼႃႈ။

🗣️ ယႃႇယွမ်းသုမ်း

တိုၵ်ႉယၢမ်ႈယုမ်ႇၸႂ်ပိူၼ်ႈလႄႈလႆႈထုၵ်ႇယွၵ်ႇလႅၼ်ပွၵ်ႈၼိုင်ႈၵူၺ်း မၼ်းဢမ်ႇၸႂ်ႈဝႃႈၸဝ်ႈၵဝ်ႇတေလႆႈထုၵ်ႇယွၵ်ႇလႅၼ်ယူႇၵူႈၶၢဝ်းယၢမ်းၼႃ ယႃႇယွမ်းသုမ်း ၶတ်းၸႂ်ယႃႇႁႂ်ႈပဵၼ်ၵူၼ်းဢၼ်ထုၵ်ႇယွၵ်ႇလႅၼ်ထႅင်ႈၼၼ်ႉၵူၺ်းလႄႈၼႃႈ။

🗣️ ယႃႇယွမ်းသုမ်း

တိုၵ်ႉယၢမ်ႈတူၵ်းသုမ်း(လူႉလႅဝ်)ပွၵ်ႈၼိုင်ႈၵူၺ်းၼႃႈ မၼ်းဢမ်ႇၸႂ်ႈဝႃႈၸဝ်ႈၵဝ်ႇတေတူၵ်းသုမ်း(လူႉလႅဝ်)ယူႇၵူႈၶၢဝ်းယၢမ်းၼႃ  ၸဝ်ႈၵဝ်ႇတပဵၼ်ၵူၼ်းဢွင်ႇ‌ေပႉယူႇဝၼ်းၼိုင်ႈမႃး ယႃႇယွမ်းသုမ်း ၶေႉၶဵင်ႇလႄႈသိုပ်ႇၶတ်းၸႂ်ၵႂႃႇထႅင်ႈလႄႈၼႃႈ။

🗣️ ယႃႇယွမ်းသုမ်း

တိုၵ်ႉပဵၼ်ၵူၼ်းဢၼ်ပိူၼ်ႈယၢမ်ႈထၢင်ႇလဵၵ်ႉ (ၶီႇၼဵၵ်း/တဵၵ်းတဵင်) ပွၵ်ႈၼိုင်ႈၵူၺ်းၼႃႈ ဢမ်ႇၸႂ်ႈဝႃႈၸဝ်ႈၵဝ်ႇတေထုၵ်ႇပိူၼ်ႈထၢင်ႇလဵၵ်ႉ (ၶီႇၼဵၵ်း/တဵၵ်းတဵင်) ၼၼ်ႉယူႇၵူႈၶၢဝ်းယၢမ်းၼႃ ၸဝ်ႈၵဝ်ႇတေၶၢမ်ႈပူၼ်ႉလႆႈယူႇၼႃႈလွင်ႈယၢပ်ႇဢၼ်ၼၼ်ႉ ယႃႇယွမ်းသုမ်း  သိုပ်ႇၶတ်းၸႂ်ၶၢမ်ႈပူၼ်ႉႁႂ်ႈလႆႈလႄႈၼႃႈ။

🗣️ ယႃႇယွမ်းသုမ်း

တိုၵ်ႉယၢမ်ႈပႆသဵၼ်ႈတၢင်းၽိတ်း‌ႄလႈၵၢၼ်ႉသုမ်းပွၵ်ႈၼိုင်ႈၵူၺ်းၼႃႈ ဢမ်ႇၸႂ်ႈဝႃႈၸဝ်ႈၵဝ်ႇတေပႆသဵၼ်ႈတၢင်းၽိတ်းယူႇၵူႈၶၢဝ်းယၢမ်းၼႃ ‌ေၶႉၶဵင်ႇ‌ႄလႈၼႃႈသဵၼ်ႈတၢင်းဢၼ်ယၢပ်ႇၼၼ်ႉၸဝ်ႈၵဝ်ႇ‌ေတၶၢမ်ႈပူၼ်ႉလႆႈ‌ႄလႈထိုင်ယိူင်းမႆၢယူႇၼႃ ယႃႇယွမ်းသုမ်း သိုပ်ႇယၢင်ႈပႆၵႂႃႇႁႂ်ႈလႆႈလႄႈၼႃႈ။

#တေႃႈၼင်ႇတဝ်ႇမၼ်းၵၢၼ်းထိူင်းပေႃးၼၼ်ႉမၼ်းယင်းထိုင်ယိူင်းမႆၢယူႇၼႃႈ

#ၸဝ်ႈၵဝ်ႇၵေႃႈယႃႇယွမ်းသုမ်းလႄႈၼႃဝၼ်းၼိုင်ႈတေထိုင်ယိူင်းမႆၢယူႇ

#သင်ဝႃႈၸဝ်ႈၵဝ်ႇၶတ်းၸႂ်ပႆၵႂႃႇႁႂ်ႈမႅၼ်ႈၶၢဝ်းယၢမ်းလႄႈဢမ်ႇၵိုတ်းလိုဝ်ႈပႅတ်ႈၼႆ

#ယုမ်ႇယမ်လႄႈဝႃႈၸဝ်ႈၵဝ်ႇတေဢွင်ႇပႄႉမိူၼ်တဝ်ႇၼၼ်ႉ🐢🐢။

22 / 11 / 202

ၼွင်ႉလႅင်း (HZL)

ၼွင်ႉၸၢႆး တေတေႇၼႃႈႁိူၼ်းယဝ်ႉမႆႁႃႉ?

💞💞 ၼွင်ႉၸၢႆးမီးၵၢၼ်ငၢၼ်းဢၼ်မၼ်ႈၵိုမ်းဝႆႉယဝ်ႉႁႃႉ? တေဢဝ်မေးတႄႇၼႃႈႁိူၼ်းၼႆသေ ဝူၼ်ႉဝႃႈတေႁႃလႆႈငိုၼ်းပၼ် လႄႈ ဢဝ်ပုၼ်ႈၽွၼ်းတဵမ်ထူၼ်ႈလႆႈယဝ်ႉႁႃႉ။

💞💞 ဝႆႉဝႃႈ ပေႃႈမႄႈမႂ်းၸၢႆးမၢၵ်ႈမီးၼႆလႄႈ ၵူၺ်းၵႃႈမၼ်းၸၢႆးလူး ၸွင်ႇမၢၵ်ႈမီးၼႄႇ။ ငိုၼ်းၶမ်းဢၼ်ပေႃႈမႄႈမၼ်းၸၢႆးမီးၼၼ်ႉလူး တေၵုမ်ႇထူၼ်ႈယူႇႁႃႉ။ သင်ဝႃႈမၼ်းဢမ်ႇမေႃႁႃႁွမ်ႁဵတ်းသင်ပေႃးၼႆၸိုင် ပေႃးထိုင်ၶၢဝ်းယၢမ်းမၼ်းမႃးၵေႃႈ တေမူတ်းၵႂႃႇၵူၺ်း။

💞💞 ဢမ်ႇၼၼ်ၵေႃႈ ပေႃႈမႄႈၽၢႆႇမေးမၢၵ်ႈမီးသေ ႁၼ်ထိုင်ငိုၼ်းသေ ဢဝ်ၵႂႃႇၼႆႁႃႉ။ သင်တေပိုင်ႈဢိင်မေးၵူၺ်းတႄႉ တိုၼ်းယုမ်ႇလႃႈ ဢမ်ႇပဵၼ်ၶီႈၵႃႈၵေႃႈ တေပဵၼ်ၵူၼ်းၸႂ်ႉၶဝ်ၵူၺ်း။ ပေႃးဢမ်ႇမီးၼမ်ႉၵတ်ႉသင်ၼႆ ၽၢႆႇပေႃႈမႄႈၼၢင်းမေးၶဝ်ၵေႃႈ တေဢမ်ႇဝႆႉၵႃႈၶၼ်ၼိူဝ်မႂ်းသင်။

💞💞 သင်တေဝူၼ်ႉဝႃႈ ပိူၼ်ႈၵေႃႈတႄႇၼႃႈႁိူၼ်းၵႂႃႇၸိူင်ႉၼႆ မၼ်းၵေႃႈၸႂ်ႈယူႇ။ ၵူၺ်းၵႃႈ ၵူၼ်းႁဝ်းဢၼ်ဝႃႈၼႆႉ သင်ထိုင်ၶိင်ႇမၢၵ်ႇၵေႃႈ တေမၢၵ်ႇၵူၺ်း။ ၵူၺ်းၵႃႈ ယႃႇပေလိုမ်းဝူၼ်ႉလႄႈ ပေႃးထိုင်ၶိင်ၼႆ တေလႆႈဢဝ်ၵႂႃႇၶၢႆၼႂ်းၵၢတ်ႇထႅင်ႈယူႇ။

💞💞 မိူဝ်ႈတိုၵ်ႉပဵၼ်ၵေႃႉႁၵ်ႉၵၼ်ၼၼ်ႉတႄႉ တၢင်းႁၵ်ႉဢၼ်ဝႃႈၼၼ်ႉ ပဵၼ်မၢႆၼိုင်ႈၼႆသေတႃႉ ၵူၺ်းၵႃႈ ဝၢႆးသေ တႄႇၼႃႈႁိူၼ်းယဝ်ႉၼႆႉတႄႉ တုၵ်ႉႁူမ်ႈၵၼ် ၵိၼ်ႁူမ်ႈၵၼ်သေ ၶတ်းၸႂ်ၼၼ်ႉယဝ်ႉ။ ၵူၺ်းၵႃႈ ပုၼ်ႈၽွၼ်းၵႃႈဢၼ်ၼၼ်ႉ ၼင်ႉၸၢႆးတေလႆႈပဵၼ်ၵူၼ်းၵေႃႉဢၼ် ႁပ်ႉဢဝ်ပုၼ်ႈၽွၼ်းဢိူဝ်ႈ။ သင်ဝႃႈ မႂ်းၵတ်ႉၶႅၼ်ႇၼႆ တေထုၵ်ႇမေးမႂ်းလႄႈ ပေႃႈမႄႈၽၢႆမေးၼၼ်ႉယွင်ႈယေႃးဢိူဝ်ႈ။ ၵူၺ်းၵႃႈ ပေႃးမႂ်းဢမ်ႇလႆႈလွင်ႈသင်ၼႆတႄႉ တေထုၵ်ႇသႄႉသွမ်းဢၼ်ဝႃႈၼၼ်ႉ မၼ်းတိုၼ်းၸႂ်ႈယူႇယဝ်ႉ။

💞💞 ၵုင်ႇသိၵ်ႈၶႃႇၽူႈၸႆၢးၵေႃႉၼိုင်ႈၼၼ်ႉ ပဵၼ်လွင်ႈၼၢင်းမေး မေႃၼပ်ႉယမ်ၸဝ်ႈၽူဝ်ၼၼ်ႉယဝ်ႉ။ ယႃႇႁႂ်ႈၼၢင်းမေးၵႂႃႇလၢတ်ႈၽႆၢႇၼႃႈပိူၼ်ႈဝႃႈ ဢမ်ႇၶဝ်ႈ တၢင်းတိုဝ်းၼႆ ၵမ်ႉမႃး မႂ်းတေပဵၼ်ၵူၼ်း ဢမ်ႇလႆႈလွင်ႈၼႆဢိူဝ်ႈ။

💞💞 ပေႃႈၸဝ်ႈႁိူၼ်းဢၼ်ဝႃႈၼၼ်ႉ ပေႃးလၢတ်ႈဢၼ်တေႉမၼ်းပေႃးၼႆ မိူၼ်တင်းလႆႈပႆၼိူဝ်ၸိူၵ်ႈယဝ်ႉ။ သင်ၸိူဝ်ႉဝႃႈ လွင်ႈတႅပ်းတတ်းသဵၼ်ႈၸႂ်ႈမႂ်း ၼၼ်ႉ မၢၼ်ႇမႅၼ်ႈသေ ဢွင်ႇမၢၼ်ၵႂႃႇၼႆ တေဝႆႉမိူၼ်ၼင်ႇ ၽြႃးသူႇၼိုင်ႈသေ ၼပ်ႉယမ်ယဝ်ႉ။ ၵူၺ်းၵႃႈ သင်ဝႃႈမႂ်းၼၼ်ႉ ၶတ်းၸႂ်လီတီႈသုတ်းသေ ဢမ်ႇဢွင်ႇ မၢၼ်မႃးပေႃးၼႆ ယႃႇဝႃႈတေၼပ်ႉယမ် လႃႈ ၶဝ်ႈၵူၺ်းဢမ်ႇၶႂ်ႈတၵ်းပၼ်ၵွၼ်ႇ ယဝ်ႉ။

💞💞 ၼႃႈႁိူၼ်းဢၼ်ဝႃႈၼၼ်ႉ မိူၼ်ၼင်ႇ ႁိူဝ်းဢၼ်မီးယူႇၼႂ်းၵႄႈပၢင်ႇလႆၢႇသေ မီးလူမ်းလႅင်ႉလူင်ၼၼ်ႉၼႆသေတႃႉ မၼ်းၵေႃႈမီးမိူဝ်ႈၾိင်ႈၾႃႉရႃႇသီႇဢုတု ၶႅမ်ႉလီၼၼ်ႉယူႇ။ ဢမ်ႇဝႃႈတေႁေႃႈ မိူဝ်ႈလႂ်ၵေႃႈယဝ်ႉ ဢၼ်လွင်ႈယႂ်ႇတႄႉ တေႁဵတ်းႁိုဝ် ယႃႇႁႂ်ႈႁိူဝ်းပိၼ်ႈၼၼ်ႉ ၵူၺ်း။

 💞💞 ထႅင်ႈလွင်ႈၼိုင်ႈသမ်ႉ မိူဝ်ႈပႆႇဢဝ်ၵၼ် ၼၼ်ႉ ထုၵ်ႇလီဝူၼ်ႉတူၺ်းလီလီယူႇ မၢင်ပွၵ်ႈမၢင်လႂ် မိူဝ်ႈတိုၵ်ႉပဵၼ်ၵေႃႉႁၵ်ႉ ၵၼ်ၼၼ်ႉ တေႁူႉလွင်ႈၸႂ်လဵၵ်ႉၵၼ်ၼႆ သေတႃႉၵေႃႈ မိူဝ်ႈၽွင်းတႄႇၼႃႈႁိူၼ်း ယဝ်ႉၼၼ်ႉတႄႉ တေၶႂ်ႈပဵၼ်သင်ၼႆ ၵေႃႈ တေပဵၼ်မႃးယူႇ။ လွင်ႈၸိူဝ်းၼႆႉ တွၼ်ႈတႃႇၼွင်ႉၸႆၢး ပေႃးတေယိူၼ်ႉလႆႈ ၼၼ်ႉ ၼွင်ႉၸႆၢးလူဝ်ႇလႆႈႁၢင်ႈႁႅၼ်းဝႆႉ ယဝ်ႉ။ ၼႃႈႁိူၼ်းဢၼ်ဝႃႈၼၼ်ႉ ယႃႇပေဝူၼ်ႉဝႃႈ သွင်ၵေႃႉၵူၺ်းတေလႆႈယူႇ ႁူမ်ႈႁွမ်းၸွမ်းၵၼ် တေလႆႈဝူၼ်ႉပႃး ထႅင်ႈဝႃႈ တေႁဵတ်းႁိုဝ်ႁႂ်ႈပီႈၼွင်ႉၸိူဝ်ႉၶိူဝ်း ၶဝ်ႈၵၼ်လႆႈၼႆၵွၼ်ႇဢိူဝ်ႈ။

 💞💞 သင်ႁဵတ်းၵၢၼ်သေ တူၵ်းသုမ်းၵႂႃႇပေႃး ၼႆ မႄးၶတ်းၸႂ်ၶိုၼ်းလႆႈယူႇၼႆသေတႃႉ သင်တူၵ်းသုမ်းလွင်ႈၼႃႈႁိူၼ်းၵႂႃႇပေႃး ၼႆတႄႉ တႃႇတေမႄးၶတ်းၸႂ်ၶိုၼ်း ၼၼ်ႉ မၼ်းဢမ်ႇငႆၢႈငႆၢႈ။ မီးတိုဝ်ႉတၢင်း တႃႇတေတႄႇတင်ႈမႂ်ႇၼႆသေတႃႉၵေႃႈ မၼ်းတေဢမ်ႇမီးၵႃႈၶၼ်မိူၼ်ၼင်ႇ ၽူဝ် မႂ်ႇမေးမႂ်ႇယဝ်ႉ။ ဢမ်ႇဝႃႈသင်ၵေႃႈယဝ်ႉ သင်ဝႃႈလႆႈႁဵတ်းသွင်ပွၵ်ႈၼႆ မၼ်းတေ ဢမ်ႇၶႅမ်ႉ ဢၼ်လီသုတ်းတႄႉ ႁဵတ်းပွၵ်ႈ လဵဝ်သေ ၶႅမ်ႉလႅပ်ႈၵႂႃႇၼၼ်ႉ တေလီဢိူဝ်ႈ။ ယွၼ်ႉၼၼ် သင်တေတႄႇၼႃႈ ႁိူၼ်းပေႃးဝႃႈၼႆၸိုင် တႃႇတေဢမ်ႇ လိူၵ်ႈၽိတ်းၼၼ်ႉ ၼွင်ႉၸႆၢးထုၵ်ႇလီ ႁၢင်ႈႁႅၼ်းဝႆႉဢွၼ်တၢင်းဢိူဝ်ႈ။

ပိၼ်ႇတႅမ်ႈ

#ယိင်းမွၼ်းလၢဝ်

21November/2020

#မောင်သာချို