ပၢႆးဝူၼ်ႉၶပ်ႉ

ၵၢင်ၸႂ်မီးၸိူင်ႉႁိုဝ်ၵေႃႈ ပၼ်တၢင်းႁၼ်ထိုင်ၵၼ်လႆႈ

Sunday, August 6, 2017

ႁဵတ်းသင်ၵေႃႈ ယႃႇႁႂ်ႈလွတ်ႈတၢင်းႁူႉ

ယႃႇႁႂ်ႈလွတ်ႈတၢင်းႁူႉ
-----------------------------
ႁဵတ်းသင်ၵေႃႈယဝ်ႉ ယႃႇႁႂ်ႈမၼ်းလွတ်ႈ ယႃႇႁႂ်ႈမၼ်းႁၢမ်း တၢင်းႁူႉ။ ၸဵမ်လွင်ႈယူႇလွင်ႈသဝ်း၊ ၼႃႈၵၢၼ်တႃငၢၼ်း၊
လွင်ႈႁၵ်ႉလွင်ႈပႅင်းၸၵႂႃႇၸိူဝ်းၼႆႉ၊ ပေႃးႁၢမ်းသေတၢင်းႁူႉ ပေႃးၼႆ တေဢမ်ႇၶိုၼ်ႈသၢင်ႉၶိုၼ်ႈသုင်လႆႈ၊ ယဝ်ႉၵေႃႈ တေဢမ်ႇမီးလွင်ႈဢုၼ်ႇၸႂ်။

တၢင်းႁူႉဢၼ်ဝႃႈၼႆႉ
တေႁဵတ်းႁႂ်ႈႁဝ်း လႆႈၵတ်းယဵၼ်လွတ်ႈၽႄးၶဵၼ်ဢိူဝ်ႈ။
တေႁဵတ်းႁႂ်ႈႁဝ်း လႆႈၶိုၼ်ႈသၢင်ႉၶိုၼ်ႈသုင်ဢိူဝ်ႈ။
တေႁဵတ်းႁႂ်ႈႁဝ်း ႁူႉလႆႈဢၼ်ၽိတ်းဢၼ်ထုၵ်ႇဢိူဝ်ႈ။
တေႁဵတ်းႁႂ်ႈႁဝ်း လွတ်ႈဢွၵ်ႇလႆႈ တႂ်ႈၵုမ်းၵမ်ပိူၼ်ႈဢိူဝ်ႈ။
တေႁဵၼ်းႁႂ်ႈႁဝ်း မီးတၢင်းသိူဝ်းၸႂ်ဢိူဝ်ႈ။
တေႁဵတ်းႁႂ်ႈႁဝ်း ႁူႉတီႈတႅမ်ႇတီႈသုင်ဢိူဝ်ႈ။
တေႁဵတ်းႁႂ်ႈႁဝ်း မီးႁႅင်းၸႂ်လႄႈ ႁတ်းႁဵတ်းႁတ်းသၢင်ႈဢိူဝ်ႈ။
တေႁဵၼ်းႁႂ်ႈႁဝ်း ယုမ်ႇယမ်လႆႈတူဝ်ၸဝ်ႈၵဝ်ႇဢိူဝ်ႈ။

တႃႇတေလႆႈတၢင်းႁူႉဢၼ်ဝႃႈၼၼ့်ၵေႃႈ ႁႂ်ႈလူလိၵ်ႈပၼ် ၼမ်။
ပေႃးလူလိၵ်ႈၼႆ
----------------------------------
တေႁဵတ်းႁႂ်ႈႁဝ်း မီးပၢႆးဝူၼ်ႉလီ
တေႁဵတ်းႁႂ်ႈႁဝ်း မီးသမႃႇထိ တူၼ်ၼိမ်ၸႂ်ၼိမ်လီ
တေႁဵတ်းႁႂ်ႈႁဝ်း မေႃလၢတ်ႈမေႃၸႃ
တေႁဵတ်းႁႂ်ႈႁဝ်း ႁူႉလႆႈ တၢင်းႁူႉဢၼ်မႂ်ႇမႂ်ႇ
တေႁဵတ်းႁႂ်ႈႁဝ်း တႅပ်းတတ်းလႆႈ ဢၼ်ၽိတ်းဢၼ်ထုၵ်ႇ။
တေႁဵတ်းႁႂ်ႈႁဝ်း မီးၼမ်ႉၵတ်ႉတၢင်းၶႅၼ်ႇ ၸၵႂႃႇၸိူဝ်းၼႆႉယဝ်ႉ။

No comments:

Post a Comment