ၼႃႈႁိူၼ်းမူၼ်း လႄႈ ဢပုမ်ႇ

ၼႃႈႁိူၼ်းမူၼ်းလႄႈ ဢပုမ်ႇ

------------------------------
ၼႂ်းၼႃႈႁိူၼ်းၼိုင်ႈလင်ၼၼ်ႉ ပဵၼ်ၼႃႈႁိူၼ်းၵူၼ်းမီး၊
ၼႃႈႁိူၼ်းၵူၼ်းၽၢၼ်၊ ၼႃႈႁိူၼ်းၶုၼ်သင်ၵေႃႈယဝ်ႉ

ပေႃးဝႃႈလႆႈတေႇတင်ႈၸၢတ်ႈပၢၼ်ၼႂ်းၼႃႈႁိူၼ်းမႃးယဝ်ႉ
ၼိုင်ႈလင်ပေႃးဝႃႈၼႆၸိုင် ၼႂ်းၼႃႈႁိူၼ်းၼၼ်ႉ မိူဝ်ႈၵျေႃႇ
ၵေႃႈတေမီး မိူဝ်ႈတုၵ်ႉၵေႃႈတေမီး မိူၼ်ၵၼ်မူတ်းမူတ်း
တင်းၵူၼ်းမီးၵူၼ်းၽၢၼ်။
ၼႂ်းၼႃႈႁိူၼ်းဢွၼ်ႇၼိုင်ႈလင်ၼၼ်ႉ
သင်ဝႃႈႁိုင်ပူၼ်ႉၵႂႃႇမွၵ်ႈ ႑႐႐ ပၢၵ်ႇပီယဝ်ႉပေႃးဝႃႈၼႆၸိုင်
သင်ဢဝ်မၢၵ်ႇတႃ ၼႂ်းလုၵ်ၶူင်းၵၢင်လူင်ၼႆႉတူၺ်းၶိုၼ်း
ပေႃးဝႃႈၼႆၸိုင် ၼႂ်းၼႃႈႁိူၼ်းဢွၼ်ႇလင်ၼၼ်ႉ တေမိူၼ်
ဢပုမ်ႇဢၼ်ပိူၼ်ႈၵႆႉလေႇၶႆႈၼေၵၼ်ၼၼ်ႉၵူၺ်းၼင်ႇၵဝ်ႇ။

ၵူၺ်းၵႃႈဝႃႈ
ၼႃႈႁိူၼ်းဢွၼ်ႇၸဝ်ႈၵဝ်ႇဢၼ်လႆႈပဵၼ်ၼႃႈႁိူၼ်းမႃး
တင်းမႄးတင်းလုၵ်ႈၸဝ်ႈၵဝ်ႇၸိူဝ်းၼၼ်ႉ တႃႇတေ
ပဵၼ်လႆႈဢပုမ်ႇဢွၼ်ႇ ႁႂ်ႈပိူၼ်ႈပေႃးလႆႈၶႆႈၼေၵၼ်ၼႂ်ႂ်း
႑႐႐ ပၢၵ်ႇပီမိူဝ်းၼႃႈၼၼ်ႉ ဢမ်ႇၸႂ်ႈလႄႈဝႃႈမၼ်းငၢႆႈငၢႆႈ
ၼင်ႇၵဝ်ႇ။ သင်ဢမ်ႇၸႂ်ႈ ၼႃႈႁိူၼ်းဢွၼ်ႇဢၼ်သၢင်ႈ
ပိုၼ်းဝႆႉလႄႈ ဢၼ်ၵူၼ်းတင်းၼမ်လႆႈပိုင်ႈဢိင် ဝႆႉမိူၼ်ၼင်ႇ
ပေႃႈမႄႈပိူၼ်ႈၼၼ်ႉယဝ်ႉ။

ၼႃႈႁိူၼ်းၸဝ်ႈၵဝ်ႇလူး ပေႃးထႅင်ႈ႑႐႐ပီမိူဝ်းၼႃႈမႃးပေႃးၼႆ
တေၶႂ်ႈႁႂ်ႈမၼ်းပဵၼ်ၼႃႈႁိူၼ်းဢၼ်မီးၸိုဝ်ႈသဵင်လီလႄႈ
ပဵၼ်ၼႃႈႁိူၼ်းဢပုမ်ႇဢၼ်ၵူၼ်းထဝ်ႈၶဝ်ၶိုၼ်းၶႆႈၼေလုၵ်ႈ
ဢွၼ်ႇၶဝ်ၼၼ်ႉယူႇႁိုဝ်။
ၵူႈၸိူဝ်းၵူႈလွင်ႈၼၼ်ႉ မၼ်းယူႇတီႈတူဝ်ၸဝ်ႈၵဝ်ႇႁဵတ်း
သၢင်ႈဝႆႉၼၼ်ႉၵူၺ်း။

ပေႃးၶႂ်ႈႁႂ်ႈပဵၼ်ၼႃႈႁိူၼ်းလီ လႄႈ ပဵၼ်ၼႃႈႁိူၼ်းမီးပိုၼ်းဝႆႉ
ပေႃးဝႃႈၼႆၸိုင် ၼႂ်းၼႃႈႁိူၼ်းၸဝ်ႈၵဝ်ႇၼၼ်ႉ

႑ႉ တေလႆႈမီး ပၵ်းပိူင်သေယူႇသၢင်ႈၵိၼ်သဝ်းၵႂႃႇ။
႒ႉ တေလႆႈမီး ၼႃႈၵၢၼ်ငၢၼ်းလီ။
႓ႉ တေလႆႈမီး လွင်ႈဢွမ်ႇလွမ်ႈၽွမ်ႉၽဵင်ႇၵၼ်။
႔ႉ တေဢမ်ႇလႆႈမီး လွင်ႈၽိတ်းထုၵ်ႇမေႃးၵႂၢမ်းၵၼ်။
႕ႉ တေလႆႈမီး ပၺ်ႇၺႃႇ ၶတ်းသၢင်ႈၼႃႈႁိူၼ်းႁႂ်ႈလီ။
႖ႉ တေလႆႈပဵၼ် ၼႃႈႁိူၼ်းဢၼ်ၵူၼ်းတင်းၼမ်လႆႈပိုင်ႈဢိင်။
႗ႉ ပၵ်းပိူင်ၼႃႈႁိူၼ်းလီၸဝ်ႈၵဝ်ႇတမ်းသၢင်ႈဝႆႉၼၼ်ႉ
ႁႂ်ႈပုတ်ႈၵၼ်သိုပ်ႇယိပ်းၵႂႃႇလႆႈၶၢဝ်းၵႆ။
႘ႉ ၵူၼ်းၼႂ်းၼႃႈႁိူၼ်းတင်းသဵင်ႈ တေလႆႈၸွမ်းပၵ်းပိူင်
ၼႂ်းၼႃႈႁိူၼ်း ဢၼ်ၽူႈၶတ်းၼႃႈႁိူၼ်း တမ်းဝႆႉပၼ်။
ၸိူဝ်းၼႆႉယဝ်ႉ။