ၸႂ်ဢၼ်မေႃတူၺ်း ၶၢဝ်းယၢဝ်းၵႆ

ၸႂ်ဢၼ်မေႃတူၺ်း ၶၢဝ်းယၢဝ်းၵႆ
-------------------------------------
ဢၼ်ၶဝ်ၵျႃႉၶႅၼ်ႇသေပိူၼ်ႈ၊ ဢၼ်ၶဝ်ဢွင်ႇမၢင်ႇထၢင်ႇသႃးသေပိူၼ်ႈၼၼ်ႉ ၶဝ်မီးလွင်ႈ လၢၵ်ႇလၢႆးသင်လႃႇ။
ပေႃးဢဝ်ထုင်းၸၢမ်ႇမၼ်းဝႃႈပေႃးၼႆၸိုင် ၸၸိူဝ်းၶဝ်ၼၼ်ႉ ၶဝ်ၵိူတ်ႇပႃးမႃးလႄႈ ၶဝ်ၵျႃႉၶႅၼ်ႇ ၶဝ်ၶိုၼ်ႈယႂ်ႇဢမ်ႇၸႂ်ႈ၊ 

ၶဝ်မေႃပႆသဵၼ်ႈတၢင်းလတ်းလႄႈ ၶဝ်ၵႂႃႇႁွတ်ႈတင်းၼႃႈ ဢွၼ်တၢင်းပိူၼ်ႈၵေႃႈဢမ်ႇၸႂ်ႈ။
ၼမ်ႉၵတ်ႉၶဝ်ၼႆႉ မိူၼ်ၼင်ႇဢၼ်ၵူၼ်းတင်းၼမ်ႁူႉသေ ယိပ်းၵမ် ၵျၢင်ႉတိုဝ်းၵၼ်လႆႈၵႂႃႇယူဝ်းယူဝ်းဢွၼ်ႇၼၼ်ႉၵူၺ်းၼင်ႇ

ၵဝ်ႇ၊  ၵူၺ်းၵႃႈ ၶဝ်မေႃ ႁဵတ်းသၢင်ႈၶိုင်ပွင် ဢၼ်ၶႅမ်ႉသုတ်းလိူဝ်ပိူၼ်ႈ၊  ဢမ်ႇယႃႉလူႉလႅဝ် ဢမ်ႇပၼ်ႁၵ်း ဢမ်ႇပၼ်တူၵ်း ၼႆၼၼ်ႉယဝ်ႉ။
ပေႃးတေလၢတ်ႈသိုဝ်ႈသိုဝ်ႈၵေႃႈ ပဵၼ်ၸႂ်ဢၼ်ဝူၼ်ႉမုင်ႈႁၼ်လႆႈၶၢဝ်းယၢဝ်းၵႆသေ ၶတ်းၸႂ်ႁဵတ်းသၢင်ႈၵႂႃႇ ဢမ်ႇပၼ်ၸႂ်တူၵ်း ၸႂ်ႁူင်ႈၸႂ်လမ် ၸႂ်ပွတ်း ၸႂ်လူႉသေ လဵင်ႉလႆႈၼမ်ႉၸႂ်ၸဝ်ႈၵဝ်ႇ ႁႂ်ႈမၼ်းပေႃးၵႅၼ်ႇၶႅင်ၼႅၼ်ႈၼႃလီၼၼ်ႉယဝ်ႉ။

မိူၼ်ၼင်ႇ တႃႇတေပဵၼ်မႃး တူၼ်ႈမႆႉလူင်ႁၢင်ႈလီၼိုင်ႈတူၼ်ႈၼႆႉ ဢၼ်လွမ်ႇလွင်ႈသုတ်းမၼ်းၵေႃႈ ပဵၼ်ငဝ်ႈႁၢၵ်ႈမၼ်းၼၼ်ႉယဝ်ႉ၊  တူၼ်ႈမႆႉၼၼ်ႉ ၵႃႈၶႂ်ႈႁဵတ်းၽၢင်ႁၢင်ႈမၼ်းႁၢင်ႈလီထၢၼ်ႇႁိုဝ်ၵေႃႈ ပေႃးဝႃႈငဝ်ႈႁၢၵ်ႈမၼ်း ဢမ်ၵႅၼ်ႇၶႅင် ဢမ်ႇၶိူင်ႇ

ၶမ်ႉ ဢမ်ႇၼႅၼ်ႈၼႃပေႃးဝႃႈၼႆၸိုင် တူၼ်ႈမႆႉၼၼ်ႉ ႁၢင်ႈလီတၢၼ်ႇႁိုဝ်ၵေႃႈ မၼ်းတေ ဢမ်ႇၵႂႃႇၶၢဝ်းယၢဝ်းၵႆလႆႈ။

ၵူၼ်းပႆတၢင်းၵေႃႉၼိုင်ႈၼၼ်ႉ တေလႆႈတူၺ်းႁၼ် ၶၢဝ်းယၢဝ်း သေပႆ ၵူမ်ႈၼႃႇသေပႆၵေႃႈဢမ်ႇလီ၊ ႁႅၼ်ၼႃႇသေပႆၵေႃႈ 

ဢမ်ႇလီ  မိူဝ်ႈထုၵ်ႇလီၵူမ်ႈၵေႃႈလူဝ်ႇၵူမ်ႈၸူဝ်ႈၵႅပ်ႉၸူဝ်ႈၵမ်း၊ မိူဝ်ႈလူဝ်ႇႁႅၼ်ၵေႃႈ ႁႅၼ်လႆႈယူႇၸူဝ်ႈၵႅပ်ႉၸူဝ်ႈၵမ်း။

ပေႃးၵူမ်ႈၼႃႇသေ ဢမ်ႇတူၺ်းတင်းၼႃႈ ဢမ်ႇႁႅၼ်သေဢိတ်းၵေႃႈ တင်းၼႃႈ မီးသင် တင်းၼိူဝ်မီးသင်ဢၼ်ဝႃႈၼၼ်ႉၵေႃႈ ၸဝ်ႈၵဝ်ႇ တေဢမ်ႇႁူႉလႆႈ။ ပေႃးတူၺ်းတင်းၼႃႈသေပႆတိၵ်းတိၵ်းၵေႃႈ တင်းတႂ်ႈမီးသင် တင်းၼိူဝ်မီးသင်ဢၼ်ဝႃႈၼၼ်ႉၵေႃႈ  တေဢမ်ႇႁၼ်လႆႈ။ ပေႃးႁႅၼ်လူင်ၵႂႃႇသမ်ႉ တင်းတႂ်ႈမီးလုၵ်းႁႃႉ တင်းၼႃႈ မီးတေႃႁႃႉဢၼ်ဝႃႈၼၼ်ႉၵေႃႈ ၸွင်ႇၸဝ်ႈၵဝ်ႇသမ်ႉတေႁူႉ။

ယွၼ်ႉၼၼ် တီႈဢၼ်ႁႅၼ်ၵေႃႈလူဝ်ႇလႆႈႁႅၼ်၊ တီႈဢၼ်ၵူမ်ႈၵေႃႈ လူဝ်ႇလႆႈၵူမ်ႈ၊ တီႈဢၼ်လူဝ်ႇတူၺ်းလႆႈတင်းၼႃႈၵေႃႈလူဝ်ႇလႆႈတူၺ်းၼႆၼၼ်ႉယဝ်ႉ။

ၵူၼ်းၵေႃႉဢၼ်ဝူၼ်ႉႁၼ်လႆႈၶၢဝ်းယၢဝ်းၵႆသေႁဵတ်းၵၢၼ်ၼၼ်ႉမၼ်းဝူၼ်ႉဝႃႈ မၼ်းတိုၼ်းတေလႆႈ လွင်ႈဢွၵ်ႇမၢင်ႇၼၼ်ႉ

ယဝ်ႉ၊   လွင်ႈဢွင်ႇမၢင်ႇမၼ်းၼၼ်ႉၵေႃႈ မၼ်းတေသိုပ်ႇယိပ်းၵမ်လႆႈ ၵႂႃႇတင်းၼႃႈၶၢဝ်းႁိုင်ၼၼ်ႉယဝ်ႉ၊ မိူၼ်ၼင်ႇ ၽႆး

ၽိူင်းၼႆႉပေႃးဝႃႈမၼ်းမႆႈၼႆ မႆႈလႆႈလီၼႃႇ လုၵ်ႉလီၼႃႇ၊ ၵူၺ်းၵႃႈ မႆႈလႆႈလီဝႃႈၼႆသေတႃႉ မၼ်းမႆႈလႆႈၵမ်ႉဢွၼ်ႇၼိုင်ႈၵူၺ်း
မၼ်းဢမ်ႇမႆႈလႆႈၶၢဝ်းႁိုင်၊ လူဝ်ႇႁႂ်ႈပဵၼ်ၽႆးၽိုၼ်းလွၼ်ႉၵႅၼ် ႁဵတ်း ႁႂ်ႈမၼ်းမႆႈသူၼ်းတုမ်ပၼ်ၸဝ်ႈၵဝ်ႇယူႇတႃႇသေႇၼႆၼၼ်ႉယဝ်ႉ။

ၵူၼ်းႁဵတ်းၵၢၼ်လူင် ပၢႆးမၢၵ်ႈမီး တေႃးမၢတ်ႉသ် ဝတ်ႉသၢၼ်း၊(Thomas Watson Sr) ၼႆႉ မၼ်းယိူင်းဢၢၼ်းဝႃႈ ၼႃႈၵၢၼ်
မၼ်းၼၼ်ႉ ပေႃးဝၼ်းၼိုင်ႈမႃး ႁႂ်ႈမၼ်းပူၼ်ႉပိူၼ်ႈ တီႈၼႂ်းလူၵ်ႈၼႆႉၼႆယဝ်ႉ။
မိူဝ်ႈဢသၢၵ်ႈမၼ်းလႆႈ ႔႐ ၼၼ်ႉမၼ်းႁဵတ်းၵၢၼ်ၵုမ်ႇပၼ်ႇၼီႇ ဢွၼ်ႇသေ မၼ်းပဵၼ်မၢၼ်ႇၼႄႇၵျိူဝ်ႇၵူႈၸိူဝ်ႉၵူႈလွင်ႈၼၼ်ႉယဝ်ႉ။
ၵၢၼ်ၶဝ်တေႉ ၶူင်သၢင်ႈဢွၵ်ႇ ၶိူင်ႈၸၢၵ်ႈတႅမ်ႈမၢႆၶၢဝ်းယၢမ်း၊ ၸၢၵ်ႈဢၼ်မၢႆပၼ်ၸလၢင်းၼၼ်ႉယဝ်ႉ။ ဢၼ်ၵပ်းၵၢႆႇလူၺ်ႈၸၢၵ်ႈၶဝ်ၼၼ်ႉသေ ဝူၼ်ႉဢွၵ်ႇလႆႈထႅင်ႈဢၼ်ၶိုၵ်ႉလူိဝ်ၼၼ်ႉယူႇယဝ်ႉ၊ ၸၢၵ်ႈဢၼ်ဝူၼ်ႉလႆႈၼၼ်ႉတေႉ   

တေၵဵပ်းႁွမ်လႆႈ မၢႆတူဝ်ၼပ်ႉတင်းၼမ်သေၼႂ်းၼၼ်ႉ သင်ဝႃႈၶႂ်ႈၸႂ်ႉဢၼ်လႂ် ၸိူင်ႉႁိုဝ်ၼႆေၵႃႈ တေၸႂ်ႉလႆႈ
ငၢႆႈလိူဝ်သေၼႆႉ ဢမ်ႇဝႃႈၵပ်းၵၢႆႇလူၺ်ႈ လွင်ႈတူဝ်ၼပ်ႉၵူၺ်း၊
တၢင်ႇၸိူဝ်ႉတၢင်ႇပိူင်ၵေႃႈ ဢဝ်ၸႂ်ႉလႆႈလႄႈ ၸင်ႇလႆႈႁဵတ်းဢွၵ်ႇမႃးထႅင်ႈ ဢၼ်ပဵၼ်ဝႃႈ ၶွမ်း Computer ၼၼ်ႉယူႇယဝ်ႉ။

မိူဝ်ႈမၼ်းတိုၵ်ႉတေႇၸႁဵတ်းဢွၵ်ႇၼၼ်ႉ မၼ်းဝူၼ်ႉဝႃႈ တႃႇတေၸႂ်ႉယိပ်းတိုဝ်းလႆႈ ၶွမ်းၼႆႉ တိုၵ်ႉလူဝ်ႇယူႇထႅင်ႈသိပ်းပီ၊ ၼႂ်းၶၢဝ်းတၢင်းသိပ်းပီၼၼ်ႉ မၼ်းၶူင်သၢင်ႈဢွၵ်ႇလႆႈ ၶိူင်ႈၸၢၵ်ႈတင်းၼမ်သေ ၶွမ်းၼၼ်ႉၵေႃႈ ၶုိၼ်းၶူင်သၢင်ႈမူၼ်ႉမႄး 

ၼင်ႇႁိုဝ်ႁႂ်ႈပေႃးတေပဵၼ်ဢၼ်ၶႅမ်ႉလႅပ်ႈသုတ်းလႄႈ ၸိုဝ်ႈၵုမ်ႇပၼ်ႇၼီႇၶဝ်မိူဝ်ႈၼၼ်ႉၵေႃႈ ၶိုၼ်းမႃးလၢႆႈပဵၼ်  International Business Machines Corporation ၼၼ်ႉယဝ်ႉ။ တေႃႈလဵဝ်တေႉ ပေႃးဝႃႈၵုမ်ႇပၼ်ႇၼီႇ
IBM (တူဝ်ပွတ်းမၼ်း) ၼႆပိူၼ်ႈႁူႉတင်းၵမ်ႇၽႃႇယဝ်ႉ။

ဝၢႆးသေဢသၢၵ်ႈမၼ်းယႂ်ႇမႃးယဝ်ႉ ပိူၼ်ႈမႃးထၢမ်မၼ်းဝႃႈ ဝူၼ်ႉလႆႈ ၸိူင်ႉႁိုဝ်သေ ႁဵတ်းမႃး မိူဝ်ႈတေႇၸဝူၼ်ႉလႆႈသေႁဵတ်းမႃးၼၼ်ႉဢသၢၵ်ႈလႆႈမွၵ်ႈၵႃႈႁိုဝ်၊ မၼ်းတွပ်ႇဝႃႈ ၶႃႈဝူၼ်ႉလႆႈလႄႈတေႇၸႁဵတ်းမႃး ၸဵမ်မိူဝ်ႈၶႃႈတင်ႈၵုမ်ႇပၼ်ႇၼီႇဢွၼ်ႇၶႃႈၼၼ်ႉယဝ်ႉ။ ၼႆယဝ်ႉ။

 မၼ်းမႃးတီႈယိူင်းဢၢၼ်းလႄႈ ႁဵတ်းသၢင်ႈၸွမ်း လွင်ႈမၼ်ႈၸႂ်ၸဝ်ႈၵဝ်ႇၼၼ်ႉယဝ်ႉ။

ပေႃးမႃးတူၺ်းမၼ်းႁဵတ်းၵၢၼ်မႃးပေႃးၼႆ မၼ်းဢမ်ႇဝႆႉ ဢႃႇရူင်ႇ တၢင်းဝူၼ်ႉတၢင်းမဵဝ်းၼမ်၊ မၼ်းဝူၼ်ႉဢၼ်ၵပ်းၵၢႆႇလူၺ်ႈၵၢၼ် မၼ်းဢၼ်လဵဝ်၊ ဢဵၼ်ႁႅင်းမၼ်းၼၼ်ႉၵေႃႈ မၼ်းဢဝ်ဝၢင်းပၼ် ၼႃႈၵၢၼ် ၶိူင်ႈၸၢၵ်ႈမၼ်းဢၼ်လဵဝ်၊ ႁၼ်မႅၼ်ႈၼင်ႇၼႆယဝ်ႉ။

ယဝ်ႉၵေႃႈ မၼ်းဢမ်ႇဝူၼ်ႉဝႃႈ မၼ်းတေဢၢၼ်းၵျႃႉၶႅၼ်ႇ ၵတ်ႉၶႅၼ်ႇ ၵူႈၽၢႆႇ ၵူႈပိူင်၊ မၼ်းဢမ်ႇဢၢၼ်းႁူႉလႆႈ ၵူႈသမ်ႇသႅၼ်ပိူင်၊ ႁူင်းၵၢၼ် ဢၼ်ပိူင်ႈဢွင်ႇမၢင်ႇယူႇႁင်းပိူၼ်ႈၸိူဝ်းၼၼ်ႉၵေႃႈ မၼ်းဢမ်ႇၶဝ်ႈ ၸႂ်၊ မၼ်းဝူၼ်ႉၶိုင်ပွင်ၼႃႈၵၢၼ်မၼ်းဢၼ်လဵဝ် တေႁဵတ်းႁိုဝ်ႁႂ်ႈပေႃးၶိုၼ်ႈၸၼ်ႉၶိုၼ်ႈသုင် ႁႂ်ႈပိူၼ်ႈပေႃးလႆႈမႃးပိုင်ႈဢိင်မၼ်း၊ ၼၼ်ႉဢၼ်လဵဝ်ၵူၺ်း။

သင်ဝႃႈ ၸဝ်ႈၵဝ်ႇဢမ်ႇၸႂ်ႈ ၸဝ်ႈၶွင်ၵုမ်ႇပၼ်ႇၼီႇသေ သမ်ႉပဵၼ် ၵူၼ်းႁဵၼ်းၵၢၼ်ၼႂ်းလုမ်းၼႂ်းၸၢႆးယူႇၵေႃႈ မၼ်းယူႇတီႈ

တၢင်းမၼ်ႈၸႂ်ႁဝ်း တၢင်းႁဵတ်းတင်းသၢင်ႈႁဝ်း လၢႆးဝႆႉဝၢင်းၼမ်ႉၸႂ်ႁဝ်း၊ လၢႆး ၵပ်းသိုပ်ႇႁဝ်းၼၼ်ႉၵူၺ်း၊ ပေႃးဝႃႈၶဝ်

ၸိူဝ်းၼၼ်ႉလီပေႃးဝႃႈၼႆၸိုင် ၵူႈၸိူဝ်ႉၵူႈလွင်ႈ မၼ်းၵေႃႈ တေမႃးမီးၼႂ်းမိုဝ်းၸဝ်ႈၵဝ်ႇယူႇဢမ်ႇႁၢင်ႉ။

ပေႃးဝႃႈၸဝ်ႈၵဝ်ႇ ႁဵတ်းၸွမ်းၼင်ႇ ဢၼ်ၵိုင်ႇတၢၼ်ႇငိုၼ်းလိူၼ်ၸဝ်ႈၵဝ်ႇၼၼ်ႉၵူၺ်းသေ တၢင်းႁဵတ်းႁဝ်းၵေႃႈ ဢမ်ႇတိူဝ်း

လိူဝ်မႃး၊ တၢင်းဝူၼ်ႉႁဝ်းၵေႃႈ ဢမ်ႇတိူဝ်းလိူဝ်မႃး၊ ၼမ်ႉၸႂ်ႁဝ်းၵေႃႈဢမ်ႇပိူင်ႈသင်ၵၼ်တင်းမိူဝ်ႈၵွၼ်ႇ ပေႃးဝႃႈၼႆတေႉ ၵူႈၸိူဝ်ႉၵူႈလွင်ႈမၼ်းၵေႃႈတေဢမ်ႇထူးသင်မႃး မိူဝ်ႈၼႆႉၵေႃႈ တေမိူၼ်ၵၼ်တင်းမိူဝ်ႈၼၼ်ႉၵူၺ်း။

ပေႃးဝႃႈတင်းႁဵတ်းတင်းသၢင်ႈႁဝ်းၵေႃႈ ဢမ်ႇတိူဝ်းလိူဝ်မႃး၊တၢင်းဝူၼ်ႉတၢင်းၶႂ်ႈၸႂ်ႁဝ်းၵေႃႈတိုၵ်ႉမိူၼ်ၵဝ်ႇယူႇ၊ လၢႆးဝႆႉဝၢင်း
ၼမ်ႉၸႂ် လႄႈ ပၢႆးၵပ်းသိုပ်ႇႁဝ်းၵေႃႈ ဢမ်ႇလၢၵ်ႇလၢႆးသင်မႃးပေႃးၼႆ ၸၼ်ႉထၢၼ်ႈႁဝ်းၵေႃႈ တေဢမ်ႇလၢၵ်ႇလၢႆးသင်မႃးၸွမ်းပေႃးၸၼ်ႉထၢၼ်ႈႁဝ်းဢမ်ႇလၢၵ်ႇလၢႆးသင်မႃးၸွမ်းၵေႃႈ ငိုၼ်းလိူၼ် ႁဝ်းၵေႃႈ တေမိူၼ်ၵဝ်ႇယူႇၼၼ်ႉၵူၺ်း၊ ပေႃးပဵၼ်ၸိူင်ႉၼၼ်မႃးၸၢင်ႈၸပ်းၶၢၼ်ႉသေ ၸၢင်ႈဢဝ်ၼႃႈၵၢၼ်ႁဝ်းလူႉလႅဝ်ၵႂႃႇ တႃႇၸၢတ်ႈပၢၼ်ႁဝ်းမိူဝ်းၼႃႈၵေႃႈ တေလႆႈတေႃႇသူႈထႅင်ႈၵူၼ်းတင်းၼမ်ၼႆၼၼ်ႉယဝ်ႉ။

လိၵ်ႈပိၼ်ႇ  ပၢႆးဝူၼ်ႉၶပ်ႉ