Who I am? ၵဝ်ပဵၼ်ၽႂ်

=================
လွင်ႈဝူၼ်ႉၶႆႈၸႂ်ဢၼ်ဝႃႈၼႆႉ ပဵၼ်လွင်ႈယၢပ်ႇသုတ်း
ဢိူဝ်ႈ။ၸင်ႇလၢႆဝႃႈ ၵူၼ်းႁဵတ်းမၼ်းဢေႇၼၼ်ႉၼႃႇ။
-ႁိၼ်ႇၼႃႇရီႇၾိူတ်ႉ

ၵႂၢမ်းၼမ်း

*********
ႁူဝ်ၶေႃႈလိၵ်ႈဢၼ်ၸႂ်ႉတိုဝ်းဝႃႈ ၵဝ်ပဵၼ်ၽႂ်ၼႆၼႆႉ
တေၶႂ်ႈလၢၵ်ႇလၢႆးတႃႇၽူႈလူၶဝ်ယူႇ။ယွၼ်ႉႁဝ်းဢမ်ႇ
ၵႆႉၸႂ်ႉတိုဝ်းၵႂၢမ်းၶေႃႈၼႆႉ။ႁဝ်းၵႆႉထၢမ်ပိူၼ်ႈဝႃႈ သူ
ပဵၼ်ၽႂ်ၼႆၵွၺ်း။ၶေႃႈထၢမ်ၼႆ့ၼႆ့ မၼ်းပဵၼ်လၢႆးၶုၵ်း
ၶူၼ်ႉ ဝူၼ်ႉၶႆႈၸႂ်တူၺ်းၶိုၼ်း တူဝ်ၵဝ်ႇၼၼ်ႉယဝ်ႈ။

ၵၢၼ်ဝူၼ်ႉၶႆႈၸႂ်ၼႆႉ မၼ်းလမ်ႇလွင်ႈတေႉတေႉ ပုတ်ႉ
ထၸဝ်ႈ မီးၸႂ်ၶႂ်ႈဢွၵ်ႇထိူၼ်ႇၵႃမ​သေ ၶတ်းၸႂ်ႁႂ်ႈပဵၼ်
ပဵၼ်ပုတ်ႉထမႃးၵေႃႈ ယွၼ်ႉၸဝ်ႈဝူၼ်ႉၶႆႈၸႂ် ႁၼ်သႂ်ႇ
လွင်ႈတုၵ်ႉၶသတ်ႉတဝႃႇယဝ်ႈ။

ႁိၼ်ႇၼရီႇၾိူတ်ႉ ၶူင်ႊသၢင်ႈဢွၵ်ႇမႃးလႆႈ ၵႃးတႃႇ
ၵူၼ်းတၢင်းလုမ်ႈၾႃႉၸႂ်ႉတိုဝ်းလႆႈၵေႃႈ ယွၼ်ႉဝႃႈ
မၼ်းဝူၼ်ႉၶႆႈၸႂ် ႁၼ်ထိုင်တၢင်းတုၵ်ႉၶ ၵူၼ်းၽၢၼ်
ၶဝ်ၼၼ်ႉယဝ်ႈ။

မၢၵ်ႉၶျ်သူႊၵႃႊပိူတ်ႊ ၶူင်ႊသၢင်ႈၽဵတ်ႉပုၵ်ႉဢွၵ်ႇမႃး
လႆႈၼႆႉၵေႃႈ ယွၼ်ႉမၼ်းဝူၼ်ႉၶႆႈၸႂ် တႃႇၵၢၼ်ၵပ်း
သိုပ်ႇသၢၼ်ၵူၼ်း ၼႂ်းၵၢပ်ႊပၢၼ်မႂ်ႇၼႆႉယဝ်ႈ။
ပေႃးတူၺ်းပိူင်ပဵၼ်ၸိူဝ်းၼႆႉၸိုင် တေလႆႈဝႃႈဢၼ်
လုမ်ႈၾႃႉၶိုၼ်ႈယႂ်ႇမႂ်ႇသုင်မႃးၼႆႉ ပဵၼ်ယွၼ်ႉၵွပ်ႈပိူဝ်ႈ
ၵုၼ်းမုၼ် ၶဝ်ၸဝ်ႈၸိူဝ်းမီး တၢင်ႈဝူၼ်ႉၶႆႈၸႂ်ၼၼ်ႉ
ၼႆ ၽႂ်တေဢမ်ႇထဵင်လႆႈ။

ၵၢၼ်ဝူၼ်ႉၶႆႈၸႂ် လွင်ႈတူဝ်ၸဝ်ႈၵဝ်ႇၵေႃႈ တေႃႈမိူၼ်
ၼင်ႇၼႆၵူၺ်း။
ၸွင်ႇယၢမ်ႈဝူၼ်ႉမႅၼ်ႈယူႇႁႃႉ ဝႃႈယိုင်ႈဝၼ်းယိုင်ႈ
ဝၼ်းၼႆႉ ႁဝ်းဢမ်ႇၶုၵ်းၸႂ်လႆႈ တူဝ်ၸဝ်ႈၵဝ်ႇႁဝ်းၼႆႉ
ၼႆ။ႁဝ်းၵုမ်ႇၶုၵ်းၸႂ်လႆႈပိူၼ်ႈ ၵုမ်ႇၶဝ်ႈၸႂ်လွင်ႈပိူၼ်ႈ
ၵုမ်ႇၶႂ်ႈႁူႉလွင်ႈပိူၼ်ႈယူႇတိၵ်းတိၵ်းၵူၺ်း။

ပေႃးၶဝ်ႈၸႂ်ၶႂ်ႈႁူႉ ၶႂ်ႈႁၼ်တႄႇလွင်ႈပိူၼ်ႈၸိုင် ဢၼ်
တေမႃးပၼ်တၢင်းတုၵ်ႉၶ ၸႂ်ဢွၼ်တၢင်းသုတ်းၵေႃႈ
ပဵၼ်တၢင်းပဵၼ်ၶွၺ်ၼၼ်ႉယဝ်ႉ။ၶွၺ်ဢမ်ႇယဝ်ႉဢမ်ႇ
ဝၢႆးလႆႈ ပိူၼ်ႈၶိုၵ်ႉၸိူင်ႉၼၼ် ပိူၼ်ႈၶႅမ်ႉၸိူင်ႉၼႆ။ယၵ်ႉ
တူၺ်းပိူၼ်ႈသေ ငဝ်ပိူၼ်ႈသိူၼ်ႈပဵၼ်ၵူၼ်းတူၵ်းသုမ်း
ဢၼ်ဢမ်ႇလႆႈလွင်ႈ။ၵိုင်ႇလီပဵၼ်ယူႇႁႃႉၸိူင်ႉၼၼ်
ၶွင်ႁဝ်းတိုၼ်းဢမ်ႇၶဝ်ႈၸႂ်တူဝ်ၵဝ်ႇမႃးလူး ႁဝ်းဢမ်ႇ
ႁဵၼ်းႁႃတၢင်းႁူႉ ဢမ်ႇၸူႉတွမ်ငိုၼ်းၶမ်းမႃး ဢမ်ႇ
ဝူၼ်ႉသွၼ်ႇတူၺ်းတူဝ်ႁဝ်းမႃးလႄႈ ႁဝ်းၸင်ႇတူၵ်း
လိုၼ်းပိူၼ်ႈၵႂႃႇၼႆ ဢမ်ႇဝူၼ်ႉၶႆႈၸႂ်လူး။

ပဵၼ်ႁိုဝ်ၵေႃႈလီ လွင်ႈဝၼ်းလင်ဢၼ်ဝႃႈၼၼ်ႉ ပေႃး
ဢမ်ႇၶိုၼ်းလၢတ်ႈ မၼ်းၵေႃႈဢမ်ႇမီးယဝ်ႉ။ထႅင်ႈပိူင်
ၼိုင်ႈ ႁဝ်းၵေႃႈႁူၼ်လင် ၵႂႃႇတေႇတင်ႈမႆႇဢမ်ႇလႆႈ
ဢၼ်ႁဵတ်းလႆႈတေႃႈလဵဝ်ၼႆႉတႄႉ လူဝ်ႇၶွတ်ႇယွတ်ႈ
ပၢႆမၼ်း ႁႂ်ႈႁၢင်ႊလီလီၼၼ်ႉၵွၺ်း။တင်ႈတႄႇၼႆႉၵႂႃႇ
ၶိုၼ်းမႄးထၢမ်တူဝ်ၵဝ်ႇၶိုၼ်းလႄႈ။

Who I am?ၵဝ်ပဵၼ်ၽႂ်
=================
တႃႇႁူႉထိုင်ဝႃႈ ၸဝ်ႈၵဝ်ႇပဵၼ်ၽႂ်ၼႆၼၼ်ႉ ယူႇတီႈ
ဝႃႈ ၸဝ်ႈၵဝ်ႇႁဵတ်း၊ဝူၼ်ႉ၊လၢတ်ႈ�၊သင်ယူႇၼႆၼၼ်ႉ
ယဝ်ႉ။
ယူႇတီႈတၢင်းဝူၼ်ႉၸဝ်ႈၵဝ်ႇသေ တေပဵၼ်မႃးၵႂၢမ်း
လၢတ်ႈၸဝ်ႈၵဝ်ႇယဝ်ႈ။ဝၢႆးၼၼ်ႉလုၵ်ႉတီႈၵႂၢမ်းလၢ
တ်ႈၸဝ်ႈၵဝ်ႇသေ မၼ်းတေပဵၼ်မႃးလွင်ႈႁဵတ်းတၢင်း
သၢင်ႈၸဝ်ႈၵဝ်ႇယဝ်ႈ။ပေႃးႁဵတ်းႁိုင်မႃးၸိုင် တေ
ပဵၼ်မႃးတၢင်းယၢမ်ႈယဝ်ႈ။ပေႃးၸဝ်ႈၵဝ်ႇယၢမ်ႈယဝ်ႉ
ၸဝ်ႈၵဝ်ႇႁဵတ်းသင်ၵေႃႈမၼ်းတေပဵၼ်ၵႂႃႇၸွမ်းၼင်ႇ
ၸဝ်ႈၵဝ်ႇယၢမ်ႈႁဵတ်းၼၼ်ႉၵူၺ်း။

တၢင်းယၢမ်ႈၼၼ်ႉယဝ်ႉ ဢၼ်တေတႅပ်းတတ်းပၼ်
ဝႃႈၽဝၸဝ်ႈၵဝ်ႇ တေလီတေၶိုၼ်ႈယႂ်ႇမႃးလိူဝ်ၼႆႉ
ယူႇႁႃႉဢမ်ႇၶိုၼ်ႈၼႆၼၼ်ႉ။

ဢၼ်ၸဝ်ႈၵဝ်ႇၶိုင်ပွင် ႁဵတ်းသၢင်ႈယူႇၸိူဝ်းၼၼ်ႉ
မၼ်းတေမွၵ်ႇၼေဝႃႈ ၸဝ်ႈၵဝ်ႇပဵၼ်ၽႂ်ၼႆဢမ်ႇႁၢင်ႉ

Where I am?ၵဝ်မီးတီႈလႂ်
===================
မိူဝ်ႈဝႃးၵဝ်ၼွၼ်းလပ်းၼၼ်ႉ ပဵၼ်ၵဝ်တၢႆ
ၵဝ်ႇတိုၼ်ႇမႃးၵၢင်ၼႂ်ၼႆႉ ပဵၼ်ၵဝ်ၵိူတ်ႇမႂ်ႇ။
-မႁတ်ႉတမ ၵၼ်ႇၻီႇ

ၽဝဢၼ်ဢမ်ႇမီးလွင်ႈလႅၵ်ႈလၢႆႈတိူဝ်းတွၼ်းသင်မႃး
လိူဝ်ၵဝ်ႇၼႆႉ ပဵၼ်ဢၼ်လီဢိမ်ႇမိူဝ်ႇတေႉတေႉ။မိူၼ်
ၵဵမ်းဢၼ်လဵၼ်ႈယူႇၵေႃႈ ဢမ်ႇၽၢၼ်ႇပူၼ်ႉၼၼ်ႉ
ယဝ်ႉ။ဢိမ်ႇ ဢမ်ႇၶႂ်ႈသိုပ်ႇလဵၼ်ႈထႅင်ႈ။ယူႇၼႂ်းၽဝ
ဢၼ် ဢမ်ႇမီးတၢင်းၶိုၼ်ႈယႂ်ႇ ဢမ်ႇမီးတီႈမုင်ႈမွင်း
ၼၼ်ႉ ဢမ်ႇမီးၽႂ်ၶႂ်ႈသိုပ်ႇမီးသၢႆၸႂ်လေႃႇ။

သင်ဢမ်ႇၶႂ်ႈယူႇ တီႈၼႂ်းၽဝဢၼ်လီဢိမ်ႇမိူဝ်ႇၼၼ်ႉ
ၼႆၸိုင် ၸဝ်ႈၵဝ်ႇမိူဝ်းဝႃးလႄႈမိူဝ်ႈၼႆႉ ၶဵင်ႇၵၼ်တႃႉ။
ၵႂႃႇႁွတ်ႈယိူင်းမၢႆၽႂ်ႁႃႉထိူင်း မၼ်းဢမ်ႇလမ်ႇလွင်ႈ
မၼ်းလမ်ႇလွင်ႈတီႈဝႃႈ ႁဝ်းၶႅၼ်ႇမႃးလိူဝ်ၵူႊဝၼ်း
သၢင်ႈၽဝႁဝ်း လီမႃးလိူဝ်ၵူႊဝၼ်းဝၼ်း ဢၼ်ပူၼ်ႉ
မႃးၼၼ်ႉယူႇႁႃႉၼႆၵွၺ်း။

What I have to do?ၵဝ်တေလႆႈႁဵတ်းႁိုဝ်
===============================
ပေႃးၶႂ်ႈႁၼ်လူဝ်ႇႁႃ ပေႃးၶႂ်ႈႁူႉလူဝ်ႇထၢမ်
သင်ၶႂ်ႈမေႃလူဝ်ႇႁဵၼ်းၼႆယဝ်ႈ။ႁူပ်ႉထူပ်းၺႃးမႃး
ပၼ်ႁႃလွင်ႈၶွင်ႈၶမ်သင်ၵေႃႈယႃႇ ပေႃးႁဝ်းမေႃ
ဢွၵ်ႇၶေႃႈထၢမ်တေႃႇတူဝ်ၵဝ်ႇ ႁႂ်ႈမႅၼ်ႈလၢႆးမၼ်း
ၸိုင် တိုၼ်းတေႁၼ်တၢင်းဢွၵ်ႇတႃႇသေႇ။

ၽိူဝ်ႇတႃႉတေၸႂ်ႉတိုဝ်းၶေႃႈၵႂၢမ်းဝႃႈ ၵဝ်ဢမ်ႇပဵၼ်
လႆႈယဝ်ႉၼႆၼၼ်ႉ ၸၢမ်းမႃးပိၼ်ႇလႅၵ်ႈလၢႆႈထၢမ်
တူဝ်ၵဝ်ႇဝႃႈ ၵဝ်တေလႆႈႁဵတ်းႁိုဝ်ၼႆတူၺ်းလႄႈ
ပေႃးမီးၶေႃႈထၢမ် တိုၼ်းမီးၶေႃႈတွပ်ႇယူႇၵူႊတႃႇ
သေႇယဝ်ႈ။

ၶေႃႈလူပ်း
********
မၢၼ်ႇမႅၼ်ႈယူႇတေႉ ၸွမ်းၼင်ႇႁိၼ်ႇၼရီႇၾိူတ်ႉ
ဝႃႈ လွင်ႈဝူၼ်ႉၶႆႈၸႂ်ၼႆႉမၼ်းယၢပ်ႇ ၸင်ႇလႆဝႃႈၵူၼ်း
ႁဵတ်းမၼ်းမီးဢေႇၼႆၼၼ်ႉ။သင်ၸဝ်ႈၵဝ်ႇၶႂ်ႈပဵၼ်
ၵူၼ်းဢၼ်ၶိုၼ်ႈယႂ်ႇလိူဝ်ၼႆႉ ၶႂ်ႈလႆႈၸၢတ်ႈပၢၼ်ၽဝ
ဢၼ်ၶိုၵ်ႉၶႅမ်ႉသေၼႆႉၸိုင် ဢမ်ႇဝူၼ်ႉၶႆႈၸႂ်တႄႉ
တိုၼ်းဢမ်ႇလႆႈ။

ၵၢၼ်ဝူၼ်ႉၸႂ်လႆလၢႆ"လႄႈတင်းဝူၼ်ႉၶႆႈၸႂ် ႁႂ်ႈႁၼ်
သဵၼ်ႈႁၼ်တၢင်းၼႆႉ မၼ်းဢမ်ႇမိူၼ်ၵၼ်။ဝူၼ်ႉပူၼ်ႉ
ဝူၼ်ႉပႅတ်ႈၼႆႉ မၼ်းဢမ်ႇမီးတီႈပွင်ႇ။ၽဝႁဝ်းၼႆ့ၼႆ
ၵေႃႈဢမ်ႇၶိုၼ်ႈယႂ်ႇသင်မႃး ယွၼ်ႉမၼ်းလႆႈ။

ၽၢၵ်ႇႁႂ်ႈဝူၼ်ႉၶႆႈၸႂ်ၵၼ်-
-ၵဝ်ပဵၼ်ၽႂ်?
-ၵဝ်မီးတီႈလႂ်?
-ၵဝ်တေလႆႈႁဵတ်းႁိုဝ်?

ယုမ်ႇယမ်ဝႃႈ လိၵ်ႈႁူဝ်ၼႆႉၼႆႉ တေၸွၺ်ႈၸဝ်ႈၵဝ်ႇ
လႄႈႁူမ်ႈတင်း တႆးၵေႃႉတႆးသေႈ ၸဝ်ႈၵဝ်ႇလႆႈယူႇ
ၶႃႈဢေႃႈ။

မႂ်ႇသုင်ၵၢင်ၼႂ်ဝၼ်းတိတ်ႉၶႃႈ-

ၼေႃႇလၢဝ်မိူင်း ၼွင်ဢူႇ
17.December.2017
(Page-တွၼ်ႈထိုင်ၵေႃႉၸႂ်တူၵ်းၼႆႉ တႅမ်ႈပိုၼ်ၽေ
ၼေ လွင်ႈပၢႆးပၺ်ႇၺႃႇၵၢၼ်ငိုၼ်း၊လွင်ႈတၢင်းႁၵ်ႉ
လႄႈ ပၢႆးဝူၼ်ႉလွင်ႈယုၵ်ႉယွင်ႈထၢတ်ႈၸႂ်ၶႃႈဢေႃႈ)