လွၵ်းလၢႆးလီ ( 7 ) ပိူင် တႃႇႁႂ်ႈၸႂ်ႉတိုဝ်းၶၢဝ်းယၢမ်းႁႂ်ႈမီးၽွၼ်းလီ

မၢင်ပွၵ်ႈမၢင်လႂ် ၼိုင်ႈဝၼ်းၼႆႉ မီးပဵၼ် ( 24 )ၸူဝ်ႈမွင်းေၵႃႈ
ႁဵတ်းသင်ႄလႈဢမ်ႇၵုမ်ႇထူၼ်ႈၼႆ ေတၶိုၼ်းထၢမ်မႅၼ်ႈ
တူဝ်ၸဝ်ႈၵဝ်ႇၶိုၼ်းယူႇ။
ေပႃးၼၼ်ၼိုင်ႈဝၼ်းၼႆႉ မီးၶၢဝ်းယၢမ်းၼမ်လိူဝ် ( 24 )ၸူဝ်ႈမွင်း
ၼႆၸိုင်ႈ ေတၵုမ်ႇထူၼ်ႈယူႇႁ?

ဢမ်ႇၵုမ်ႇထူၼ်ႈလႆႈၼင်ႇၵဝ်ႇ။ ႁဵတ်းသင်ႄလႈၼႆ ၵွပ်ႈဢမ်ႇၸႂ်ႉ
ၶၢဝ်းယၢမ်းၸွမ်းပၵ်းၸွမ်းပိူင်တႅတ်ႈ ႁႂ်ႈမီးၽွၼ်းလီၼၼ်ႉယဝ်ႉ။
ေပႃးၼၼ် ေတႁဵတ်းႁိုဝ်ၸႂ်ႉၶၢဝ်းယၢမ်းၸွမ်းပၵ်းၸွမ်းပိူင်
ႁႂ်ႈေပႃးမီးၽွၼ်းလီမၼ်းလႃႇၼႆၸိုင် .......

1. ထတ်းသၢင်ႈပႂ်ႉတူၺ်းဝႃႈ ၸဝ်ႈၵဝ်ႇႁဵတ်းႁိုဝ်ၸႂ်ႉတိုဝ်း
ၶၢဝ်းယၢမ်းၼၼ်ႉယူႇ။

ေပႃးယဝ်ႉ ၵိုတ်းယိုတ်းပႅတ်ႈတၢင်းႁဵတ်းသၢင်ႈ လွင်ႈဢၼ်
ၸဝ်ႈၵဝ်ႇႁဵတ်းဢမ်ႇမီးၽွၼ်းလီၼၼ်ႉယူႇႄလႈ။
ၼႂ်းၼိုင်ႈဝၼ်း ( 24 )ၸူဝ်ႈမွင်းၼၼ်ႉ လွင်ႈဢၼ်ၸဝ်ႈၵဝ်ႇ
လူဝ်ႇလႆႈႁဵတ်းၼၼ်ႉေၵႃႈ ေတမီးတင်းၼမ်ယူႇ။
ေပႃးၶႂ်ႈၸႂ်ႉတိုဝ်းၶၢဝ်းယၢမ်း ႁႂ်ႈမီးၽွၼ်းလီေၵႃႈ ၼ်ႂးၶၢဝ်းယၢမ်း
( 24 )ၸူဝ်ႈမွင်းၼၼ်ႉ ထတ်းသၢင်လဵပ်ႈႁဵၼ်းတူၺ်းဝႃႈ
ၸဝ်ႈၵဝ်ႇေတလႆႈၸႂ်ႉတိုဝ်းၸိူင်ႉႁိုဝ်ၼႆေသ ၵုိတ်းယိုတ်းပႅတ်ႈ
တၢင်းႁဵတ်းသၢင်ႈ လွင်ႈဢၼ်ၸဝ်ႈၵဝ်ႇႁဵတ်းဢမ်ႇမီးၽွၼ်းလီ
ၼၼ်ႉယူႇႄလႈ။

2. တမ်းဝၢင်းတၢင်းယိူင်းဢၢၼ်းၸဝ်ႈၵဝ်ႇေသ ႁဵတ်းသၢင်ႈ
ႁႂ်ႈဢွၵ်ႇၼမ်ႉဢွၵ်ႇတူဝ်။

ဝႆႉတၢင်းယူိင်းဢၢၼ်းၼႆႉ ႁႂ်ႈဢဝ်ၶၢဝ်းယၢမ်းသူၼၼ်ႉ ပၵ်းသႂ်ႇ
တွၼ်ႈတႃႇတီႈလွင်ႈယႂ်ႇၼၼ်ႉၵူၺ်းႄလႈ၊ ပဵၼ်ဢၼ်လွင်ႈယႂ်ႇ
တွၼ်ႈတႃႇ သဵၼ်ႈတၢင်းလႅၵ်ႈလၢႆႈၶိုၼ်ႈယႂ်ႇ ၶွင်ၸၢတ်ႈပၢၼ်သူ
ၼၼ်ႉယဝ်ႉ။

3. ႁဵတ်းသဵၼ်ႈမၢႆၶပ်ႉၸႅၼ်ႇ လွင်ႈဢၼ်ၸဝ်ႈၵဝ်ႇေတႁဵတ်း။

ေပႃးဝႃႈၶႂ်ႈၸႂ်ႉတိုဝ်းၶၢဝ်းယၢမ်း ႁႂ်ႈေပႃးမီးၽွၼ်းလီၼႆၸိုင်
ႁဵတ်းသဵၼ်ႈမၢႆၶပ်ႉၸႅၼ်ႇ လွင်ႈဢၼ်ၸဝ်ႈၵဝ်ႇေတႁဵတ်း
ၸိူဝ်းၼၼ်ႉ။ ေပႃးယဝ်ႉ လွင်ႈၸိူဝ်းၼၼ်ႉ ႁဵတ်းႁႂ်ႈတဵမ်ထူၼ်ႈ
ႁႂ်ႈယဝ်ႉတူဝ်ႈလီငၢမ်းၵႂႃႇႄလႈ။

4. တွၼ်ႈတႃႇေတႁဵတ်းလႆႈ ဢၼ်လွင်ႈယႂ်ႇဢွၼ်ႇတၢင်းၼၼ်ႉ
ႁဵတ်းလွၵ်းၶၢဝ်းယၢမ်းမၼ်းဝႆႉႄလႈ။

ဢၼ်ဢမ်ႇလွင်ႈယႂ်ႇသမ်ႉ ၵုမ်ႇသဵင်ႈၶၢဝ်းယၢမ်းၸွမ်းယူႇေသ၊
ယႃႇႁႂ်ႈပဵၼ် ဢၼ်လွင်ႈယႂ်ႇသမ်ႉ ဢမ်ႇၵုမ်ႇထူၼ်ႈၶၢဝ်းယၢမ်း
ၼၼ်ႉ ၸၼ်လွၵ်းၶၢဝ်းယၢမ်း တွၼ်ႈတႃႇဢၼ်လွင်ႈယႂ်ႇ
ၼၼ်ႉဝႆႉႄလႈ။

5. သိုပ်ႇႁဵတ်းၵႂႃႇတၢင်းၼႃႈ။

တွၼ်ႈတႃႇေတႁဵတ်းႁႂ်ႈယဝ်ႉတူဝ် ဢၼ်လွင်ႈယႂ်ႇတႃႇၸၢတ်ႈပၢၼ်
ၸဝ်ၵဝ်ႇၼၼ်ႉ လိုမ်းဝႆႉတၢင်ႇလွင်ႈတၢင်ႇဢၼ် ၸူဝ်ႈၵႅပ်ႉၼိုင်ႈ။
ၵူၺ်း တီႈဢၼ်တႅပ်းတတ်းဝႃႈ ဢၼ်လႂ်လွင်ႈယႂ်ေသပိူၼ်ႈ
ဢၼ်ဝႃႈၼၼ်ႉႄတႉ ေတလႆႈႁႂ်ႈမၢၼ်ႇမႅၼ်ႈယူႇ။

6. မၵ်းမၼ်ႈဝႆႉၶၢဝ်းယၢမ်း ဢၼ်ၸဝ်ႈၵဝ်ႇေတလိုဝ်ႈ။

မီးၶၢဝ်းယၢမ်းၵႃႈႁိုဝ်ေၵႃႈ ဢမ်ႇလူဝ်ႇႁဵတ်းၵၢၼ်တိၵ်း"ၵူၺ်း
ၼင်ႇၵဝ်ႇ။ မိူဝ်ႈလူဝ်ႇလိုဝ်ႈေၵႃႈ လူဝ်ႇလႆႈလိုဝ်ႈၸွမ်းလူၺ်ႈ
ၶၢဝ်းယၢမ်းၽွင်ႈယူႇ။

7. ပၼ်သူးၸဝ်ႈၵဝ်ႇႁင်းၵူၺ်း။

လွင်ႈဢၼ်ၸဝ်ႈၵဝ်ႇၶၢမ်ႈပူၼ်ႉ ႄလႈ ၶိုၼ်ႈယႂ်ႇမႂ်ႇသုင်မႃး
ၵူႈၼိုင်ႈဢၼ်ၸိူဝ်းၼၼ်ႉ ပၼ်သူး ၊ ေၵျႃႇသိူဝ်း ၊ ႁၢၼ်ႉၸႂ်လူၺ်ႈ
လွင်ႈၶိုၼ်ႈယႂ်ႇၸဝ်ႈၵဝ်ႇႄလႈ။

တွၼ်ႈတႃႇၵူၼ်းေၵႃႉဢၼ်ဝႆႉၵႃႈၶႃႈ ငိုၼ်းၼၼ်ႉ
ၶၢဝ်းယၢမ်းၼႆႉ ပဵၼ်ငိုၼ်း ....
တွၼ်ႈတႃႇၵူၼ်းေၵႃႉဢၼ်ဝႆႉၵႃႈၶၼ် ၶမ်းၼၼ်ႉ
ၶၢဝ်းယၢမ်းၼႆႉ ပဵၼ်ၶမ်း ....
တွၼ်ႈတႃႇၵူၼ်းေၵႃႉဢၼ်ဝႆႉၵႃႈၶႃႈ ပၺ်ႇၺႃႇၼၼ်ႉ
ၶၢဝ်းယၢမ်းၼႆႉ ပဵၼ်ပၺ်ႇၺႃႇ ....
တွၼ်ႈတႃႇၵူၼ်းေၵႃႉဢၼ်ဝႆႉၵႃႈၶႃႈ ၸၢတ်ႈပၢၼ်ၼၼ်ႉ
ၶၢဝ်းယၢမ်းၼႆႉ ပဵၼ်ၸၢတ်ႈပၢၼ်ယဝ်ႉ ....

ယွၼ်ႉၼၼ် ႁႂ်ႈေမႃဢွၼ်ၵၼ်ဝႆႉၵႃႈၶၼ်ၶၢဝ်းယၢမ်းေသ၊
ၶတ်းၸႂ်ေတႃႇသူႈၵႂႃႇ တႃႇၸၢတ်ႈပၢၼ်ၽႂ်မၼ်း ႁႂ်ႈၶိုၼ်ႈယႂ်ႇၵႂႃႇ
ေသၵမ်း။

ၼပ်ႉယမ်ယႂ်ႇၼမ်ထိုင်ၵူႈေၵႃႉေသ .......

ပိၼ်ႇတႅမ်ႈ ... မႆႉသၢင်းၶမ်း