ပေႃးဢႃယု ထူၼ်ႈ ႓႐ ပၢႆယဝ်ႉ ဢၼ်ထုၵ်ႇလီႁူႉဝႆႉ ဢၼ်လွင်ႈယႂ်ႇ ႁႃႈပိူင်

ပေႃးဢႃယု ထူၼ်ႈ ႓႐ ပၢႆယဝ်ႉ ဢၼ်ထုၵ်ႇလီႁူႉဝႆႉ ဢၼ်လွင်ႈယႂ်ႇ ႁႃႈပိူင်။

ၼႂ်းၼႃႈႁိူၼ်းၼိုင်ႈဢၼ်ၼၼ်ႉ ၽူဝ်လႄႈမႄး မႄးလႄႈၽူဝ် လူဝ်ႇလႆႈမီးလွင်ႈႁၵ်ႉႁွမ်ၵၼ်ၼမ်လိူဝ်မိူဝ်ႈဢွၼ်တၢင်းၼၼ်ႉယဝ်ႉ။ ယဝ်ႉၵေႃႉၼႂ်းၶၢဝ်းယၢမ်းမွၵ်ႈဢႃယု ႓႐ ပၢႆၼႆႉပဵၼ်ဢၼ်မႅၼ်ႈၽွင်းၼႃႈႁိူၼ်းမူၼ်းလီၼၼ်ႉယဝ်ႉ။ ယွၼ်ႉၼၼၼ် ၼင်ႇႁိုဝ်တေဢမ်ႇပဵၼ် မႃး ပေႃႈႁၢင်ႉမႄႈႁၢင်ႉ လႄႈလုၵ်ႈလုၵ်ႈၼႃႈလဵၵ်ႉၼၼ်ႉယဝ်ႉ။ ၵွပ်ႈၼၼ်လႄႈ တေလၢတ်ႈပၼ် လွင်ႈတၢင်း ဢၼ်တေဝႄႈလႆႈလွင်ႈတၢင်း ႁႃႈပိူင် ဢၼ်ထုၵ်ႇလီႁူႉ ဢၼ်လွင်ႈယႂ်ႇတႃႇၼႂ်းၼႃႈႁိူၼ်းမူၼ်းၼိုင်ႈလင်ၼၼ်ႉယဝ်ႉ။

႑ - တေလႆႈၵိုတ်းပႅတ်ႈ လွင်ႈမုင်ႈမွင်း ဢၼ်ၶႂ်ႈပဵၼ်ထႅင်ႈ။

ၸၢတ်ႈပၢၼ်ႁဝ်းၼႆႉ မၢင်ပွၵ်ႈမၢင်လႂ် မၼ်းတေဢမ်ႇပဵၼ်မႃးလႆႈ ၸွမ်းၼင်ႇဢၼ်ႁဝ်းမုင်ႈမွင်းမႃးတင်းမူတ်းၼၼ်ႉ၊ ယဝ်ႉၵေႃႈယႃႇပေၼၵ်းၸႂ် မႆႈၸႂ်ၸွမ်း လွင်ႈတၢင်းဢၼ်ၶႂ်ႈပဵၼ်ၼၼ်ႉ။ ပေႃးဝႃႈဢႃယု ထူၼ်ႈထိုင် ႓႐ ပၢႆယဝ်ႉ ၸၢတ်ႈပၢၼ်ႁဝ်းၼႆႉ မၼ်းၶိုၼ်ႈငၢႆႈ လူင်းငၢႆႈၼၼ်ႉယဝ်ႉ၊ ယွၼ်ႉၼၼ် လူဝ်ႇလႆႈၼိမ်တူဝ်ၼိမ်ၸႂ် သေ မီးၵၢၼ်သင်ၵေႃႈ ႁဵတ်းၵႂႃႇပၼ်မၢၼ်ႇမၢၼ်ႇသေ ႁႂ်ႈမီးလွင်ႈမူၼ်ႈသိူဝ်း ၼႂ်းၼႃႈမူၼ်းၵၼ်သေၵမ်း။

႒ - လွႆးလွႆး မၢၼ်ႇမၢၼ်ႇ။

ဢႃယုမွၵ်ႈ ႓႐ ပၢႆယဝ်ႉ မၼ်းပဵၼ်ၶၢဝ်းယၢမ်း လူတ်းယွမ်းလူင်း လွင်ႈႁဵတ်းၵၢၼ်ၽွင်ႈၼၼ်ႉယဝ်ႉ။ မၼ်းဢမ်ႇၸႂ်ႈ ၶၢဝ်းဢၼ် တေလႆႈဢဝ်ဢဵၼ် ဢဝ်ႁႅင်းသေ ႁဵတ်းတေႉႁဵတ်းဝႃႈ မိူၼ်ၼင်ႇ မိူဝ်ႈတိုၵ်ႉလႆႈ သၢဝ်းပၢႆၼၼ်ႉ၊ မၼ်းပဵၼ်ၶၢဝ်းဢၼ်တေလႆႈမီး လွင်ႈတမ်းဝၢင်းၽႅၼ်ၵၢၼ်ၶႅမ်ႉၶႅမ်ႉ လႄႈ မီးပၢႆးဝူၼ်ႉ Idea ၶိုၵ်ႉၶိုၵ်ႉသေ ႁဵတ်းၵႂႃႇ ပုင်ႇမၢၼ်ႇ လွႆးလွႆးၼၼ်ႉယဝ်ႉ။ ယွၼ်ႉဝႃႈ မၼ်းပဵၼ်ၶၢဝ်းဢၼ် တေလႆႈယူႇလူၺ်ႈ ၼႃႈႁိူၼ်းမူၼ်းလႄႈ လူဝ်ႇလႆႈမီးလွင်ႈဢုၼ်ႇဢူၵ်းဢုၼ်ႇၸႂ် ၼိူဝ်လုၵ်ႈလၢင်းၼၢင်းမႄးၼၼ်ႉယဝ်ႉ။

႓ - ၵူၺ်းယႃႇပေၸုၼ်ႉပႅတ်ႉ လွင်ႈႁတ်းႁၢၼ်။

ပေႃးဢႃယု ထူၼ်ႈ ႓႐ ပၢႆယဝ်ႉ ၵႆႉမီးလွင်ႈ ထိူင်းထိူဝ်ႉၼႂ်းၼႃႈၵၢၼ်ဢၼ်တေလႆႈ တႅပ်းတတ်း၊ ၵွပ်ႈဝႃႈ လွင်ႈတူဝ်ထူပ်းမႃးၼမ်လႄႈ ၵူႈၸိူဝ်းၵူႈလွင်ႈ လႆႈဝူၼ်ႉလႆႈသၢင်ႈသေႁဵတ်းၵႂႃႇ တႅပ်းတတ်းၵႂႃႇၼၼ်ႉယဝ်ႉ။ ၵူၺ်း ယႃႇပေၸုၼ်ႉပႅတ်ႈၵၢၼ်ၸဝ်ႈၵဝ်ႇ ဢၼ်လႆႈႁဵတ်းမႃး ၸဵမ်မိူဝ်ႈလႂ် တင်းႁိုင်တင်းႁီးၼၼ်ႉ ယႃႇၶႂ်ႈလၢႆႈပႅတ်ႈ သေ ၶႂ်ႈႁဵတ်းၵၢၼ်မႂ်ႇ။ ယွၼ်ႉဝႃႈ ၸဝ်ႈၵဝ်ႈၵဝ်ႇတေဢမ်ႇမီးၶၢဝ်းယၢမ်း မိူၼ်မိူဝ်ႈၵွၼ်ႇသေ လုမ်းလႃးၵၢၼ်ၼၼ်ႉႁႂ်ႈပေႃးလီ မိူၼ်ၼင်ႇၵၢၼ်ဢၼ်ၵဝ်ႇ ဢၼ်လႆႈႁဵတ်းမႃးပီယၢဝ်းၶၢဝ်းႁိုင်ၼၼ်ႉ။

႔ - ပၢႆးယူႇလီ။

တေလႆႈဝႆႉ ပၢႆးယူႇလီၸဝ်ႈၵဝ်ႇ ပဵၼ်လွင်ႈယႂ်ႇတေႉတေႉၼၼ်ႉယဝ်ႉ၊ တေဢမ်ႇလႆႈယူႇမဝ်ၵိၼ်မၢင် မိူၼ်ၼင်ႇမိူဝ်ႈၵူႈပွၵ်ႈယဝ်ႉ။

႕ - ယႃႇပေထၢင်ႇ။

ဢၼ်လွင်ႈယႂ်ႇသုတ်းၸမ်ႉ ပေႃးဢႃယု ထူၼ်ႈထိုင် ႓႐ ပၢႆမႃးယဝ်ႉၼႆ ယႃႇထၢင်ႇဝႃႈ ၸဝ်ႈၵဝ်ႇပဵၼ်ၵူၼ်းထဝ်ႈၼၼ်ႉယဝ်ႉ။ ၵူၺ်းၵႃႈ ပေႃးတႅၵ်ႈၵၼ်တင်း မိူဝ်ႈဢွၼ်တၢင်းတေႉၵေႃႈ ပဵၼ်ဢၼ်ယႂ်ႇမႃးယူႇ။ ယႂ်ႇမႃးဢၼ်ဝႃႈၼၼ်ႉၵေႃႈ ယႃႇႁႂ်ႈဢႃယုယႂ်ႇမႃးလၢႆလၢႆ ႁႂ်ႈတၢင်းႁူႉလႄႈလွင်ႈမေႃတူၺ်းႁၼ်ၵႂၢင်ႈၵႂၢင်ႈၼၼ်ႉၵေႃႈ ႁႂ်ႈယႂ်ႇမႃးၸွမ်းၵၼ်၊ ပေႃးၸဝ်ႈၵဝ်ႇထၢင်ႇဝႃႈ ၸဝ်ႈၵဝ်ႇ ဢႃယုယႂ်ႇယဝ်ႉၼႆ ၵူဝ်ၸဝ်ႈၵဝ်ႇ ၸႂ်တူၵ်း၊ ၵူဝ်ႁႄ ယွၼ်ႉဢႃယုယႂ်ႇယဝ်ႉသေ တၢင်းႁူႉဢမ်ႇယႂ်ႇၸွမ်း။

ၼပ်ႉယမ်ထိုင် ၽူႈလူလိၵ်ႈႁဝ်းၶဝ်တင်းသဵင်ႈသေ

ပၢႆးဝူၼ်ႉၶပ်ႉ

credit : Duwun