တင်းယၢမ်ႈလီ

တၢင်းယၢမ်ႈလီ  ဢၼ်တေမီးၽွၼ်းတွၼ်ႈတႃႇၸၢတ်ႈပၢၼ်ၵူၼ်း

1. ပေၶတ်းၸႂ်ႁႂ်ႈပိူၼ်ႈထၢင်ႇယႂ်ႇ ဢၼ်လွင်ႈယႂ်ႇၼႆႉ
လူဝ်ႇမီးလွင်ႈယုမ်ႇယမ်တူဝ်ၸဝ်ႈၵဝ်ႇၵူၺ်း။

2. ဝႆႉတၢင်းယိူင်းဢၢၼ်းသုင်သုင် ၵူၺ်းၵႃႈ တႄႇၶတ်းၸႂ်
ၶ်ုင်သၢင်ႈ လိူင်ႈလဵၵ်ႉလဵၵ်ႉဢွၼ်ႇၼၼ်ႉၵႂႃႇလႄႈ။

3. သႂ်ႇၸႂ်သႂ်ႇႁႅင်းသေ ၶတ်းၸႂ်ႁဵတ်းၵၢၼ်လႄႈ ယုမ်ႇယမ်
ဝႆႉဝႃႈ ဝၼ်းၼိုင်ႈတေလႆႈၶိုၼ်ႈယႂ်ႇၼႆလႄႈ။



4. ၶတ်းၸႂ်ၽိုၵ်း ႁႂ်ႈၼမ်ႉၵတ်ႉၶူင်သၢင်ႈႁဝ်း ႁႂ်ႈတိူဝ်း
ၶိုၼ်ႈမႃးသေႇသေလႄႈ။

5. သွၵ်ႈႁႃလူပပ်ႉၶိုၵ်ႉၶႅမ်ႉ ဢၼ်တေမီးၽွၼ်းတွၼ်ႈတႃႇ
ၸၢတ်ႈပၢၼ်သူၼၼ်ႉလႄႈ။

6. တူဝ်ထူပ်းၶိုင်ႈသၢင်ႈလႄႈ ပေၵူဝ်ႁဵတ်းၽိတ်း။

7. ပေပေႃးလမ်ႇမၢၵ်ႈလေႃးၽလိူဝ်ႁႅင်း ၼိူဝ်ၶူဝ်းၶွင်
လွင်ႈလမ်ႇမၢၵ်ႈလေႃးၽၼႆႉ မၼ်းႁဵတ်းႁႂ်ႈၵႂႃႇၸူး
သဵၼ်ႈတၢင်းတူၵ်းသုမ်းဢိူဝ်ႈ။

8. ယူႇႁႂ်ႈပဵၼ်ၵူၼ်းမေႃထွမ်ႇလႄႈ လွင်ႈဢၼ်ထွမ်ႇပၼ်
ၶေႃႈၵႂၢမ်ႈပိူၼ်ႈလၢတ်ႈၼၼ်ႉ မၼ်းတေႁဵတ်းႁႂ်ႈမီးၽွၼ်းလီ
တွၼ်ႈတႃႇသူယူႇ။

9. ၶတ်းၸႂ်ႁႂ်ႈမေႃဢဝ်တွၼ်ႈသွၼ် လွင်ႈၽိတ်းလႄႈ
ဢွၼ်ၼၼ်ႉ ယွၼ်ႉသင်လႄႈတူၵ်းသုမ်းၼႆၼၼ်ႉၵေႃႈ
ႁဵတ်းႁႂ်ႈႁူႉတႅတ်ႈတေႃးလႄႈ။

10. ၶတ်းၸႂ်ႁႂ်ႈလွင်ႈသိူၵ်ႈသမ်ႇၶိုၵ်ႉၶႅမ်ႉလႄႈ ႁႂ်ႈမေႃၵုမ်
မေႃႁူမ်ႈသၢင်ႈလႄႈ။

11. ဢမ်ႇလူဝ်ႇလႆႈလၢတ်ႈ လွင်ႈဢၼ်ၸဝ်ႈၵဝ်ႇႁူႉသဵင်ႈ
သဵင်ႈၼၼ်ႉသေႇသေႇလေႃႇ မၢင်ၸိူဝ်ႉမၢင်လွင်ႈၵေႃႈ
တေလႆႈသူင်ႇသိမ်းၽွင်ႈယူႇ။

12. တၢင်းႁူႉတၢင်းမေႃပၺ်ႇၺႃႇ ဢၼ်ၸဝ်ႈၵဝ်ႇမီးဝႆႉ
မေႃဝႆႉၼၼ်ႉ သိုပ်ႇၽေႈသွၼ်ပၼ်ၽွင်ႈလႄႈ တင်းသွၼ်သေ
မိူၼ်တင်းၸဝ်ႈၵဝ်ႇၶိုၼ်းလဵပ်ႈႁဵၼ်း ယဝ်ႉၵႂႃႇၸွမ်းၵၼ်။

13. သွၵ်ႈႁႃလဵၼ်ႈၵေႃႉ ဢူၺ်းလီဢၼ်မီးၼမ်ႉၵတ်ႉ
တင်းၶႅၼ်ႇမၼ်းၼၼ်ႉလႄႈ လႆႈသိူၵ်ႈသမ်ႇႁိမ်းႁွမ်းလီ
ဢၼ်ဝႃႈၼၼ်ႉ မၼ်းႁဵတ်းႁႂ်ႈၸၢတ်ႈပၢၼ်သူ လႅၵ်ႈလၢႆႈ
ၶိုၼ်ႈယႂ်ႇမႃးဢိူဝ်ႈ။

14. ႁၵ်ႉႁွမ်တူဝ်ၸဝ်ႈၵဝ်ႇလႄႈ တူၺ်းထိုင်ပၢႆးယူႇလီသေ
ၶတ်းၸႂ်ယူႇ ႁႂ်ႈတူဝ်ၸႂ် ၸိုၼ်ႈသႂ်လႄႈ။

15. ပၢၵ်ႈပႅတ်ႈတၢင်းယၢမ်ႈဢမ်ႇလီၼၼ်ႉပႅတ်ႈလႄႈ
တင်းယၢမ်ႈယွၵ်း ဢၼ်ၵႆႉသဵင်ႈၶၢဝ်းယၢမ်း ဢၼ်ၵႆႉၸၢႆႇ
လူင် ၸၢႆႇပိုၼ်ႉၸၢႆႇပႅတ်ႈၸိူဝ်းၼၼ်ႉ ၸၵႂႃႇၵေႃႈ ၵိုတ်းယိုတ်း
ပႅတ်ႈ တေႇဢဝ်ၼႆႉၵႂႃႇလႄႈ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇၶႃႈ။
ဢိင် မႆႉသၢင်းၶမ်း ယူႇၶႃႈ
ၸိုၼ်ႈလႅင်း(ၼမ်ႉႁၢမ်းၵိူဝ်)
4.3.2019 ဝၼ်းၸၼ်