သဵၼ်ႈတၢင်းၼမ်ႉၵတ်ႉၽူႈဢွၼ်ႁူဝ် တႃႇ​​တေတဵမ်ထူၼ်ႈ

ၽူႈၸွမ်းလင်လီ

တွၼ်ႈတႃႇ​​တေပဵၼ်ၽူႈဢွၼ်ႁူဝ်ၼၼ်ႉ လူဝ်ႇလႆႈပဵၼ်
ၽူႈၸွမ်းလင်ဢွၼ်တၢင်း။ ​​ပေႃးၼၼ် ႁဝ်းမႃးလၢတ်ႈ
လွင်ႈပဵၼ်ၽူႈၸွမ်းလင်ဢွၼ်တၢင်းၼၼ်ႉၵွၼ်ႇ။
​​ပေႃးဢမ်ႇပဵၼ်ၽူႈၸွမ်းလင်လီ​​ၵေႃႈ ဢမ်ႇပဵၼ်လႆႈ ၽူႈ
ဢွၼ်ႁူဝ်လီ၊ ဝူၼ်ႉသွၼ်ႇထတ်းသၢင်တူဝ်ၸဝ်ႈၵဝ်ႇ
တူၺ်းလႄႈ။



ၵူၼ်းၵူႈ​​ၵေႃႉ ပဵၼ်မႃးၽူႈၸွမ်းလင်ၵူႈ​​ၵေႃႉယူႇယဝ်ႉ။
​​ပေႃးဝႃႈ ၽူႈၸွမ်းလင်ၼႆ​​ၵေႃႈ လူဝ်ႇလႆႈဝူၼ်ႉသွၼ်ႇ
ထတ်းသၢင်တူဝ်ၸဝ်ႈၵဝ်ႇ လႄႈ ဢွင်ႈတီႈၸဝ်ႈၵဝ်ႇယူႇ။
ၽူႈၸွမ်းလင် ​​တေမီးယူႇ 2 မဵဝ်း၊ ၽူႈၸွမ်းလင် ​​ၵေႃႉ
ဢၼ်ၽူႈဢွၼ်ႁူဝ်လၢတ်ႈသင်​​ၵေႃႈ ၵူမ်ႈႁူဝ်​​ဢေႃႈၶႃႈယူႇ
ၵူၺ်း လႄႈ ၽူႈၸွမ်းလင် ​​ၵေႃႉဢၼ်ႁတ်းတၵ်ႉႁတ်းဝႃႈ
​​တေႃႇထိုင်ၽူႈဢွၼ်ႁူဝ် ၼႆယူႇယဝ်ႉ။

ၸဝ်ႈၵဝ်ႇပႃးၼႂ်း​​ၵေႃႉထီႉၼိုင်ႈႁႃႉ ​​ၵေႃႉထီႉသွင်?၊ ပႃးၼႂ်း
​​ၵေႃႉထီႉလႂ်ၼႆၼၼ်ႉ ဝူၼ်ႉသွၼ်ႇထတ်းသၢင်တူၺ်းဢဝ်
လႃႈ။ ၶႂ်ႈဝႃႈၼႆႉ သင်ဝႃႈၸဝ်ႈၵဝ်ႇႁဵတ်းမႃး မိူၼ်ၼင်ႇ​​
ၵေႃႉထီႉၼိုင်ႈ ၵူမ်ႈႁူဝ်​​သေ ​​ဢေႃႈၶႃႈ ​​ဢေႃႈၶႃႈမႃးၵူၺ်း
တႄႉ ပေႃးၸဝ်ႈၵဝ်ႇပဵၼ်ၽူႈဢွၼ်ႁူဝ်မႃး​​ၵေႃႈ ၸဝ်ႈၵဝ်ႇ​​
တေလႆႈၸႂ်လုၵ်ႈၼွင်ႉ ဢၼ်ၵူမ်ႈႁူဝ် ​​ဢေႃႈၶႃႈ ​​ဢေႃႈၶႃႈ
ၼႆၵူၺ်း။ ယွၼ်ႉဝႃႈ ၸဝ်ႈၵဝ်ႇပဵၼ်ၵူၼ်းၸွမ်းလင် ၼင်ႇ
ၼၼ်မႃးၵူၺ်းလူး။ သင်ဝႃႈ ယၢမ်းမိူဝ်ႈၸဝ်ႈၵဝ်ႇၽိတ်း
လၢတ်ႈၽိတ်း ယူႇၽိတ်းမႃးလႄႈ လုၵ်ႈၼွင်ႉၶိုၼ်းဝႃႈ
ၶိုၼ်းတၵ်ႉမႃးၼႆၸိုင် ၸဝ်ႈၵဝ်ႇတေဢမ်ႇႁပ်ႉၶၢမ်ႇလႆႈ၊
ဝႃႇသၼႃႇႁပ်ႉၶၢမ်ႇလႆႈ​​ၵေႃႈ​​တေဢမ်ႇမီး။

ယွၼ်ႉၼၼ် လူဝ်ႇလႆႈဝူၼ်ႉသွၼ်ႇထတ်းသၢင်ဝႃႈ ၸဝ်ႈ
ၵဝ်ႇလုၵ်ႉသဵၼ်ႈတၢင်းလႂ်မႃးၼႆယူႇ။ သင်ဝႃႈ တႃႇ​​တေ
ပဵၼ်ၽူႈဢွၼ်ႁူဝ်​​တေႉ​​တေႉၼႆၸိုင် ၶႂ်ႈႁႂ်ႈပွင်ႇၸႂ်ၼိူဝ်
တင်းသွင်မဵဝ်း၊ တင်းသွင်လၢႆး။ ၶႂ်ႈႁႂ်ႈၽိုၵ်းတူဝ်ထူပ်း
တင်းသွင်မဵဝ်း၊ တင်းသွင်လၢႆးယူႇယဝ်ႉ။
ထႅင်ႈၽၢႆႇထႅင်ႈတၢင်းၼိုင်ႈ​​ၵေႃႈ ဝႆႉၵႃႈၶၼ်ၽူႈဢွၼ်ႁူဝ်
​​သေ သင်ၸိူဝ်ႉဝႃႈ ​​ၶေႃႈဢၼ်မၼ်းလၢတ်ႈၼၼ်ႉ မၢၼ်ႇ
မႅၼ်ႈၸိုင် ဝႆႉလွင်ႈၼပ်ႉယမ်​​သေ ​​ဢေႃႈၸဝ်ႈ​​ ​​ဢေႃႈၶႃႈ၊
သင်ဝႃႈ သဵၼ်ႈတၢင်းဢၼ်ၸဝ်ႈၵဝ်ႇ​​တေပႆၼၼၼ်ႉ
မၢၼ်ႇမႅၼ်ႈယူႇၼႆၸိုင် လူဝ်ႇလႆႈၸွမ်းယွမ်းႁပ်ႉၶေႃႈၵႂၢမ်း
လႄႈ ၵၢင်ၸႂ်ၽူႈဢွၼ်ႁူဝ်ႁဝ်း၊ လူဝ်ႇလႆႈမီးၸႂ်ၸိူင်ႉၼႆ
ယူႇယဝ်ႉ။

လွင်ႈတၢင်း လႄႈ ၽွၼ်းလီၽွၼ်းၸႃႉ ဢမ်ႇၽတ်ႉၽဵင်ႇ
လၢႆးဝႆႉဝၢင်းၽၢင်ႁၢင်ႈ လႄႈ လွင်ႈလၢတ်ႈလွင်ႈၸႃၶွင်
ၽူႈဢွၼ်ႁူဝ်ႁႅင်း​​ဢေႇၼႆၸိုင် ​​ပေလၢတ်ႈပႃႈၼႃႈပႃႈတႃ။
ပႃႈၼႃႈပႃႈတႃဢၼ်ဝႃႈၼၼ်ႉ ၶႂ်ႈဝႃႈ ပႃႈၼႃႈၶႅၵ်ႇ လႄႈ
ပရိၵ်ႈသၢတ်ႈၼၼ်ႉယဝ်ႉ။ မိူဝ်ႈပႃႈၼႃႈပရိၵ်ႈသၢတ်ႈ
ၼၼ်ႉ တ​​ပေး ​​ပေလၢတ်ႈႁႂ်ႈြသႃႇ၊ လုၵ်ႈလၢင်း ​​ပေလၢတ်ႈ
ႁႂ်ႈ​​ပေႃႈမႄႈ၊ လုၵ်ႈၼွင်ႉ ​​ပေလၢတ်ႈႁႂ်ႈၽူႈဢွၼ်ႁူဝ် ႁဵတ်း
ႁႂ်ႈလႆႈတၢင်းဢၢႆ​​သေ၊ တူၺ်းၶၢဝ်းယၢမ်းဢၼ်သၢင်ႇထုၵ်ႇယဝ်ႉ ၸင်ႇၵွႆႈၸီႉၸမ်ႈလၢတ်ႈၼႄပၼ်ဢဝ်လႄႈ။
ႁဝ်းလူဝ်ႇလႆႈမီးတၢင်းယၢမ်ႈ ​​မေႃလၢတ်ႈ ႁတ်းလၢတ်ႈ
ၸိူင်ႉၼၼ်ၽွင်ႈယူႇ။ ပေႃးမီးၸိူင်ႉၼၼ်ၵွၼ်ႇ ၸင်ႇပဵၼ်
မႃးၽူႈဢွၼ်ႁူဝ်လႆႈ​​တေႉ​​တေႉ။ ၵူၼ်းဢၼ်ဝႃႈၼႆႉ ၽႂ်​​
ၵေႃႈဢမ်ႇတဵမ်ထူၼ်ႈလႆႈၵူႈၸိူဝ်ႉၵူႈလွင်ႈ။ ဢမ်ႇပဵၼ် Perfect လႆႈၼင်ႇၵဝ်ႇ။

သင်ဝႃႈ ၸဝ်ႈၵဝ်ႇပဵၼ်ၽူႈဢွၼ်ႁူဝ်​​တေႉ​​တေႉမႃးၼႆၸိုင်
​​ၽူႈၸွမ်းလင် ၵေႃႉဢၼ်ၵူမ်ႈႁူဝ်​​ဢေႃႈၶႃႈယူႇၼၼ်ႉ​​ၵေႃႈ
​​ႁဝ်းတေႁပ်ႉၶၢမ်ႇမႃးလႆႈ။ ၵေႃႉဢၼ်မီး​​ၸေႇတၼႃႇ
ၶႂ်ႈႁႂ်ႈႁဝ်းလီ​​သေ ၸီႉၸမ်ႈလၢတ်ႈၼႄႁဝ်းၼၼ်ႉ​​ၵေႃႈ ​​
ႁဝ်းတေႁပ်ႉၶၢမ်ႇမႃးလႆႈ။ သင်ဝႃႈ လႆႈတင်းသွင်ၽၢႆႇ
ၸိူင်ႉၼၼ်ၵွၼ်ႇ ၸင်ႇပဵၼ်ၽူႈဢွၼ်ႁူဝ်လီလႆႈၼၼ်ႉ
ယဝ်ႉ။

သင်သမ်ႉဢမ်ႇၸႂ်ႈၸိူင်ႉၼၼ် ႁပ်ႉၶၢမ်ႇ​​ၵေႃႉဢၼ် ၵူမ်ႈ
ႁူဝ်​​ဢေႃႈၶႃႈယူႇၵူၺ်း၊ ၸဝ်ႈၵဝ်ႇ​​ၵေႃႈ သမ်ႉလုၵ်ႉသဵၼ်ႈ
တၢင်းၼၼ်ႉမႃးလႄႈ ၸဝ်ႈၵဝ်ႇ​​ၵေႃႈ ​​တေထုၵ်ႇၺႃး
​​"ဢေႃႈၶႃႈ ​​ဢေႃႈၶႃႈ" ၼႆ​​သေ ၺႃးၵူၼ်းၸိူဝ်းဢၼ်ၵူမ်ႈ
ႁူဝ်​​ဢေႃႈၶႃႈယူႇမဵဝ်းလဵဝ်ၼၼ်ႉ လႅၼ်တႃႇ​​သေႇယူႇ
ၼၼ်ႉၵူၺ်းယဝ်ႉ။

သင်ၸိူဝ်ႉဝႃႈ ၸဝ်ႈၵဝ်ႇဢမ်ႇႁပ်ႉၶၢမ်ႇလႆႈ ဢမ်ႇလႆႈၸႂ်
လွင်ႈတၢင်ႇၵေႃႉ ၸီႉၸမ်ႈလၢတ်ႈၼႄ၊ ဢမ်ႇလႆႈယူႇတီႈ
ၽူႈၸွမ်းလင်​​ၵေႃႉၼိုင်ႈ​​မႃးသေ၊ ပေႃးၺႃးၽႂ်​​ၵေႃႈ
ဢၼ်ၼႆႉတႄႉဢမ်ႇၸႂ်ႈ​​လေႃႇ။ လွင်ႈၼႆႉဢမ်ႇမႅၼ်ႈလၢႆး
မၼ်း​​လေႃႇၼႆ​​သေ ​​ပေႃးၺႃး Criticize ၵူၼ်း ၵေႃႉဢၼ်
ၵႆႉထတ်းသၢင်ၸီႉၸမ်ႈ သင်ၺႃးထတ်းသၢင်ၸီႉၸမ်ႈ
မႃးၸိုင် ​​တေဢမ်ႇလႆႈၸႂ်။ ၸိူင်ႉၼင်ႇၼႆ ပေႃးပဵၼ်ၽူႈ
ဢွၼ်ႁူဝ်မႃးၵွၼ်ႇ ၸင်ႇ​​တေႁူႉယဝ်ႉ။

တၢင်းႁၼ်ထိုင်ၽူႈၸွမ်းလင် လႄႈ တၢင်းႁၼ်ထိုင်ၽူႈ
ဢွၼ်ႁူဝ်ၼၼ်ႉ ဢမ်ႇမိူၼ်ၵၼ်လႆႈ​​။ ပဵၼ်ၸိူင်ႉႁိုဝ်​​ၵေႃႈ
ယဝ်ႉ လွင်ႈဢၼ်ၽူႈဢွၼ်ႁူဝ်လၢတ်ႈၸိူဝ်းၼၼ်ႉ
ၵႃႈၽူႈၸွမ်းလင် ပႆႇထိုင်တီႈယူႇၽူႈဢွၼ်ႁူဝ်ၼၼ်ႉ
ဢမ်ႇႁူႉလႆႈ၊ ဢမ်ႇႁၼ်လႆႈတၢၼ်ႇ​​ၵေႃႉပဵၼ်ၽူႈဢွၼ်ႁူဝ်။
ထတ်းသၢင်လႆႈၸွမ်းတၢင်းႁၼ်ထိုင်ၽႂ်မၼ်းလႆႈယူႇ။
ၵူၺ်းၵႃႈ တၢင်းႁၼ်ထိုင်ၽူႈဢွၼ်ႁူဝ် လႄႈ တၢင်းႁၼ်
ထိုင်ၽူႈၸွမ်းလင်ၼၼ်ႉ ဢမ်ႇမိူၼ်ၵၼ်လႆႈ။ ၽူႈဢွၼ်
ႁူဝ်သမ်ႉ တူၺ်းတီႈဢၼ်လႆႈႁူႉႁၼ်တူဝ်ထူပ်းမႃးၼၼ်ႉ​​
သေ ဢွၼ်ႁူဝ်ၸတ်းၵၢၼ်ဝၢင်းၽႅၼ်လႄႈၼႆ ၼႃႈၵၢၼ်
ဢၼ်ၸဝ်ႈၵဝ်ႇလႆႈဝၢင်းၽႅၼ်ယူႇၼၼ်ႉ ဢမ်ႇၸၢင်ႈ
လၢတ်ႈၼႄၽူႈၸွမ်းလင်ၵူႈၸိူဝ်ႉၵူႈလွင်ႈလႆႈ။

ၽွင်းမိူဝ်ႈၸဝ်ႈၵဝ်ႇတိုၵ်ႉႁဵတ်း တိုၵ်ႉပဵၼ်ၽူႈၸွမ်းလင်
ယူႇၼၼ်ႉ​​ ၶတ်းၸႂ်ဢဝ်ႁႂ်ႈလႆႈတင်းသွင်မဵဝ်း။
​​ပေႃးဝႃႈၸဝ်ႈၵဝ်ႇ​​တေထတ်းသၢင်ၽူႈဢွၼ်ႁူဝ်ၼႆ​​ၵေႃႈ
တူၺ်းလွင်ႈတူၺ်းတၢင်း တူၺ်းၶၢဝ်းယၢမ်းဢၼ်သၢင်ႇ
ထုၵ်ႇ​​သေၸင်ႇလၢတ်ႈ။ ၵူၺ်း​​တေဢမ်ႇလႆႈလဵင်ႉၸႂ်ဝႃႈ
ဢၼ်ၸဝ်ႈၵဝ်ႇလၢတ်ႈၼၼ်ႉ ၽူႈဢွၼ်ႁူဝ်​​တေလႆႈထွမ်ႇ ​​
တေလႆႈဢဝ်ၼႆ မဵဝ်းလဵဝ်။

ယူႇတီႈၽူႈၸွမ်းလင်​​ၵေႃႉၼိုင်ႈ​​သေ ​​တေလႆႈႁတ်းလၢတ်ႈ
ထတ်းသၢင်ၽူႈဢွၼ်ႁူဝ်ၶိုၼ်း ၸွမ်းလွင်ႈၸွမ်းတၢင်း
လူၺ်ႈသၢင်ႇထုၵ်ႇ လႄႈ တိုၼ်း​​တေလႆႈ​​မေႃလၢတ်ႈဝႆႉ
ယူႇယဝ်ႉ။ ၵူၺ်းၵႃႈ ​​ပေသွၼ်ႇဝႃႈ ဢၼ်ၸဝ်ႈၵဝ်ႇလၢတ်ႈ
ၼၼ်ႉ ၽူႈဢွၼ်ႁူဝ်​​တေလႆႈယွမ်းႁပ်ႉဢဝ်။ သင်ႁဝ်း
သမ်ႉ လဵင်ႉၸႂ်ဝႆႉဝႃႈ သင်ၽူႈဢွၼ်ႁူဝ်ဢမ်ႇယွမ်းႁပ်ႉ
ဢဝ်ၼႆၸိုင် ​​တေၸၢင်ႈထၢင်ႇလဵၵ်ႉၼိူဝ်ၽူႈဢွၼ်ႁူဝ်
ယူႇယဝ်ႉ။ ႁဵတ်းဢၼ်သၢၼ်ၶတ်းၽူႈဢွၼ်ႁူဝ် ဢမ်ႇ
တူၺ်းထိုင်ၽူႈဢွၼ်ႁူဝ်ၼႆ ဢမ်ႇလီ။ ယွၼ်ႉၼၼ်
လွင်ႈပွင်ႇၸႂ်ဢၼ်ဝႃႈၼႆႉ လွင်ႈၼႆႉ​​ၵေႃႈပႃးယူႇယဝ်ႉ။

ၼႃႈၵၢၼ် လႄႈ ၽူႈဢွၼ်ႁူဝ်

လွင်ႈဢၼ်ပဵၼ်မႃးၽူႈဢွၼ်ႁူဝ်ၼႆႉ မီးယူႇသွင်မဵဝ်း။
ၵေႃႉဢၼ်ဢမ်ႇမီးၸႂ်ၶႂ်ႈပဵၼ်ၽူႈဢွၼ်ႁူဝ်​​သေ ပဵၼ်မႃး
ၽူႈဢွၼ်ႁူဝ်ၸွမ်းလူၺ်ႈႁဵတ်းၵၢၼ် လႄႈ ​​ၵေႃႉဢၼ်
ႁဵတ်းဢဝ်ႁႂ်ႈပဵၼ်မႃးၽူႈဢွၼ်ႁူဝ်ၼႆ မီးသွင်မဵဝ်းၼႆႉ
ယူႇယဝ်ႉ။ ဝူၼ်ႉတူၺ်းလူး သွင်​​ၵေႃႉၼႆႉ ၽႂ်မီးၵႃႈၶၼ်
လိူဝ်​​သေၽႂ်။ ၸိူဝ်းဢၼ်ဢမ်ႇႁဵတ်းၵၢၼ်​​သေ ႁဵတ်းႁႂ်ႈ
ပဵၼ်ၽူႈဢွၼ်ႁူဝ်ယူႇၼၼ်ႉ မီးတင်းၼမ်။ ၵူၺ်း ၵေႃႉ
ဢၼ်ႁဵတ်းၵၢၼ်​​သေ ပဵၼ်မႃးၽူႈဢွၼ်ႁူဝ်ၼၼ်ႉ ၼႂ်းၵႃႈ
ၵူၼ်းၼိုင်ႈပၢၵ်ႇ မီးၼိုင်ႈ​​ၵေႃႉ၊ ၼိုင်ႈႁဵင် မီးၼိုင်ႈ​​ၵေႃႉ၊
ၼိုင်ႈမိုၼ်ႇ ၸၢင်ႈၵႂႃႇမီးၼိုင်ႈၵေႃႉ။ ၵမ်ႉၼမ်တႄႉ ႁဵတ်း
ၵၢၼ်တႃႇပဵၼ်ၽူႈဢွၼ်ႁူဝ်ၵူၺ်း။ ပဵၼ်ၸိူင်ႉႁိုဝ်​​ၵေႃႈလီ
ၼမ်ႉၵတ်ႉၽူႈဢွၼ်ႁူဝ်ဢၼ်ဝႃႈၼႆႉ တႃႇႁဵတ်းၵၢၼ်​​
တႃႇပဵၼ်ၵၢၼ်​​တေႉတေႉၵူၺ်း။

​​ၵေႃႉဢၼ်ဢမ်ႇႁဵတ်းၵၢၼ်​​သေ ပဵၼ်ၽူႈဢွၼ်ႁူဝ်ၼၼ်ႉ
​​ၵေႃႈမီးယူႇ။ မၢင်ၸိူဝ်း​​ၵေႃႈ ၸွမ်းလူၺ်ႈပၢၼ်သိုပ်ႇပၢၼ်
ၸီႇၼီႇယႃႇ​​သေလႄႈ ပဵၼ်မႃးၽူႈဢွၼ်ႁူဝ်။ ၵူၺ်း ၼမ်ႉ
ၵတ်ႉတႄႉဢမ်ႇမီးသင်​​တေႉ​​တေႉ။ ၸိူဝ်းဢၼ်ဢမ်ႇ
ႁဵတ်းၵၢၼ်သင်​​သေ ပဵၼ်ၽူႈဢွၼ်ႁူဝ်ယူႇၼၼ်ႉ​​ၵေႃႈ
မီးတင်းၼမ်။ "ဢွၼ်ၵၼ်ႁဵတ်းၵၢၼ်လႄႈ ​​ပေႃးႁဵတ်း
ၵၢၼ် ​​တေပဵၼ်ၽူႈဢွၼ်ႁူဝ်ဢိူဝ်ႈ" ၼႆ ၸိူဝ်းဢၼ်ႁဵတ်း
ၵၢၼ်ၵူႈ​​ၵေႃႉပဵၼ်မႃးၽူႈဢွၼ်ႁူဝ်ႁ​​ၵေႃႈ သမ်ႉဢမ်ႇပဵၼ်
ၼင်ႇၵဝ်ႇ။ ၽွင်းမိူဝ်ႈႁဵတ်းၵၢၼ် တင်းႁဵတ်းၵၢၼ်​​သေ
လူဝ်ႇသင်လၢႆ''၊ လူဝ်ႇမီးသင်လၢႆ'' ၸင်ႇပဵၼ်ၽူႈဢွၼ်ႁူဝ်​​
ပေႃးဝႃႈၼႆၸိုင် လူဝ်ႇလႆႈမီးလွင်ႈပွင်ႇၸႂ်ၼမ်လိူဝ်ပိူၼ်ႈ
ၼၼ်ႉယဝ်ႉ။ ပေႃးမီးလွင်ႈပွင်ႇၸႂ်​​ၵေႃႈ မီးလွင်ႈယိူၼ်ႉ
ၵၼ်လႆႈ။ လူဝ်ႇလႆႈမုင်ႈႁၼ်တူၺ်းၵႂၢင်ႈလိူဝ်​​သေပိူၼ်ႈ။
ယဝ်ႉ​​ၵေႃႈ လူဝ်ႇလႆႈၶၢမ်ႇယၢပ်ႇလႆႈလိူဝ်​​သေပိူၼ်ႈၼၼ်ႉ
ယဝ်ႉ။ ပေႃးၸိူင်ႉၼၼ် ၸင်ႇ​​တေထူပ်းၺႃးဢၼ်လီ
လိူဝ်သေပိူၼ်ႈ။ လိူဝ်​​သေပိူၼ်ႈ လိူဝ်​​သေပိူၼ်ႈၸႃႉၵႂႃႇ
ၼၼ်ႉယူႇယဝ်ႉ။

တႃႇ​​တေမီးလွင်ႈပွင်ႇၸႂ်ၼိူဝ်ပိူၼ်ႈ လႄႈ ၼိူဝ်ၼႃႈၵၢၼ်
ၼၼ်ႉ တူဝ်ၸဝ်ႈၵဝ်ႇ ​​တေလႆႈႁဵတ်းမႃး ၽူႈၸွမ်းလင်။
တူဝ်ၸဝ်ႈၵဝ်ႇ ​​တေလႆႈ​​မေႃၸႂ်ႉလုၵ်ႈၼွင်ႉၽူႈၸွမ်းလင်။
​​ပေႃးဝႃႈ​​ၶေႃႈၵႂၢမ်းယူဝ်းယူဝ်း​​ၵေႃႈ "ၸႂ်ႉ" ၼႆယဝ်ႉ။
ၵူၺ်းၵႃႈ ​​ပေႃးဝႃႈ​​ၶေႃႈၵႂၢမ်းၵၢပ်ႈပၢၼ်ပၢႆးပိင်ႇၺႃႇတႄႉ
"ၸတ်းၵၢၼ်" ၼႆယဝ်ႉ ​။ ပေႃးဢဝ်ၵၢပ်ႈပၢၼ်ပၢႆးပိင်ႇၺႃႇ
​​သေ တူၺ်း​​ၶေႃႈၵႂၢမ်းဢၼ် "ၸႂ်ႉ" လႄႈ "ၸတ်းၵၢၼ်"
ၼႆႉ မၼ်းပႅၵ်ႇပိူင်ႈၵၼ်။ "ၸတ်းၵၢၼ်" ဢၼ်ဝႃႈၼႆႉ
လုၵ်ႉၸုၵ်း ၸႅၼ်ႇထႅဝ်​​တင်းသဵင်ႈသေလႄႈၸတ်း။
ၸဝ်ႈၵဝ်ႇ​​ၵေႃႈ မေႃၵၢၼ်​​သေလႄႈ ပႂ်ႉၵႅမ်ၸွမ်းထတ်း
တူၺ်းယူႇၼၼ်ႉယဝ်ႉ။ ၼႆႉပိူၼ်ႈဝႃႈ ၸတ်းၵၢၼ်။
ၸင်ႇ​​တေပဵၼ် ဢွၼ်ၼႃႈၵၢၼ်ၶႅမ်ႉလႅပ်ႈယဝ်ႉတူဝ်ၼႆ
ယဝ်ႉ။ မၢင်ၸိူဝ်းသမ်ႉ ၸတ်းၵူၺ်း၊ တူဝ်ၶဝ်တႄႉဢမ်ႇ​​မေႃၵၢၼ်ၵေႃႈမီး။
"ၸႂ်ႉ" ဢၼ်ဝႃႈၼႆႉသမ်ႉ ၸီႉသင်ႇႁႂ်ႈႁဵတ်းယဝ်ႉ​​ ၵွင်
လင်ၵႂႃႇပႅတ်ႈ။ လၢတ်ႈသင်ႁဵတ်းဢၼ်ၼၼ်ႉဢၼ်ၼႆႉ
ၼႃႉၼႆ​​သေ ၵွင်လင်ၵႂႃႇပႅတ်ႈ။ ၶႂ်ႈႁဵတ်း​​ၵေႃႈႁဵတ်း၊ ဢမ်ႇ
ၶႂ်ႈႁဵတ်း​​ၵေႃႈလႆႈ။ လၢတ်ႈၵႂႃႇလၢႆလၢႆၵူၺ်း ဢမ်ႇဝၢႆႇတူၺ်း
ၶိုၼ်းသင်ယဝ်ႉ။ မၼ်းပႅၵ်ႇပိူင်ႈၵၼ်ၸိူင်ႉၼႆ။

Management ဢၼ်ဝႃႈၼၼ်ႉ​​ၵေႃႈ မိူၼ်ၵၼ်ၵူၺ်း။
"ၸႂ်ႉ" လႄႈ "ၸတ်းၵၢၼ်"၊ ၸတ်းယဝ်ႉ ပဵၼ်ၵၢၼ်။
"ၸႂ်ႉ" ၼႆႉသမ်ႉ ဢမ်ႇဝၢႆႇတူၺ်းယဝ်ႉ။ ၼၼ်ႉယဝ်ႉပဵၼ် Management။ တူဝ်ၸဝ်ႈၵဝ်ႇ လူဝ်ႇလႆႈလူင်ႉလႅၼ်ႇ
ၼႃႈၵၢၼ်၊ သင်ၸဝ်ႈၵဝ်ႇ ဢမ်ႇလူင်ႉလႅၼ်ႇၼႃႈၵၢၼ်ၶွင်
ၸဝ်ႈၵဝ်ႇၸိုင် ၸဝ်ႈၵဝ်ႇ​​တေဢမ်ႇၸတ်းၵၢၼ်ဝၢင်းၽႅၼ်
သင်လႆႈ။ ယွၼ်ႉၼၼ်ႉ ၼိူဝ်ပိူၼ်ႈ​​ၵေႃႈ ၸဝ်ႈၵဝ်ႇ​​တေလႆႈ
ပွင်ႇၸႂ်၊ ၼိူဝ်ၼႃႈၵၢၼ်​​ၵေႃႈ ၸဝ်ႈၵဝ်ႇ​​တေလႆႈပွင်ႇၸႂ်လီ''
ၼၼ်ႉယဝ်ႉ။

လၢႆးလၢတ်ႈၵႂၢမ်း

ဢွၼ်တၢင်းသုတ်း တႃႇႁႂ်ႈ​​မေႃလၢတ်ႈၵႂၢမ်းၼၼ်ႉၸိုင်
​​ပေႃးထုၵ်ႇလီလၢတ်ႈ​​ ၸင်ႇလၢတ်ႈ၊ ပေႃးဢမ်ႇထုၵ်ႇလီ
လၢတ်ႈ ယႃႇ​​ပေလၢတ်ႈ။ ဢၼ်ၼႆႉ လွင်ႈယႂ်ႇ။ ပေႃးဝႃႈ
ဢမ်ႇထုၵ်ႇလီလၢတ်ႈၼႆ​​ၵေႃႈ မိူၼ်တင်း ဢမ်ႇမီးၸႂ်ၶႂ်ႈ
လၢတ်ႈၼႆ သၢင်းလၢင်းယူႇလူး။ ပေႃးဝႃႈ ဢမ်ႇထုၵ်ႇလီ
လၢတ်ႈၼႆၼၼ်ႉ လူဝ်ႇလႆႈၸႂ်ႉလွၵ်းလၢႆး ၽၢင်ႁၢင်ႈ
ၼႃႈတႃဢဝ်ၼၼ်ႉယဝ့်။

ၽွင်းမိူဝ်ႈၵႂႃႇတႃႈပႆတၢင်း မီးၼိူဝ်လူတ်ႉၼိူဝ်ၵႃး ၼိူဝ်ႁိူဝ်း
ဝိၼ် ဢမ်ႇၼၼ် ​​သေ​​ၵေႃႉ​​ၵေႃႉ လဵင်ႉၶဝ်ႈမုၼ်းၶဝ်ႈပွင်း
ႁဝ်း ၵူၺ်း ဢၼ်မၢင်မဵဝ်းသမ်ႉ ​​တေဢမ်ႇမႅၼ်ႈႁဝ်းလႄႈ
​​တေလႆႈထဵင်ၶိုၼ်းၼၼ်ႉ ​​ပေႃးဝႃႈၼႆၸိုင် လူဝ်ႇလႆႈဝႆႉ
ၽၢင်ႁၢင်ႈဢမ်ႇဢဝ်​​သေ မွၵ်ႇလၢတ်ႈဝႃႈ "​​ဢေႃႈၶႃႈ ၶွပ်ႈ
ၸႂ်ယႂ်ႇၼမ်ၶႃႈ" ၼႆယူႇယဝ်ႉ။ မိူဝ်ႈလဵၵ်ႉလဵၵ်ႉ ၸင်ႇဝႃႈ
ပူႇမွၼ်ႇၼၢႆးယႃႈ ​​ပေႃႈမႄႈသြႃႇသမႃးယၢမ်ႈသွၼ်မႃးဝႆႉ
ၼၼ်ႉ ​​တေဢမ်ႇလႆႈဝႆႁူဝ်။ သူပ်း​​ၵေႃႈ ​​တေဢမ်ႇလႆႈၸႂ်ႉ
ဝႃႈ "ဢိူဝ်းဢိူဝ်ႇ" ၼႆ​​သေထဵင်ၶိုၼ်း။ ၼႃႈတႃ​​ ​​တေလႆႈ
ယုမ်ႉ''ယၢႆႈ'' တင်းငွၵ်းႁူဝ်​​သေ လႆႈဝႃႈ "​​ဢေႃႈၶႃႈ ၸူမ်း
ယဝ်ႉၶႃႈ" ၼႆယူႇယဝ်ႉ။ ၶူဝ်းၶွင်မၼ်းတႄႉဢမ်ႇဢဝ်၊
ၵူၺ်းၵႃႈ တေလႆႈဝႃႈ "​​ၸူမ်းယဝ်ႉၶႃႈ" ၼႆယူႇ။

​​​ပိူင် International ​​ၵေႃႈ ၼင်ႇၼၼ်။ ၸၢဝ်းၶိူဝ်းလႂ်
ၸၢဝ်းၶိူဝ်းၼၼ်ႉ တိုၼ်းမီးၾိင်ႈထုင်း ​​ၶေႃႈၵႂၢမ်းယဵၼ်ႇ
ငႄႈ။ ပေႃးပဵၼ်ၶိူဝ်းဢင်းၵိတ်ႉ ပိူၼ်ႈၸႂ်ႉ​​တေႃႇၵၼ်
တႃႇ​​သေ။ ပေႃးဢမ်ႇဢဝ်ၶွင်တီႈပိူၼ်ႈပၼ်ၼၼ်ႉ ၶဝ်
လၢတ်ႈဝႃႈ "No, thank you. No, thanks.” ၼႆယူႇ
ယဝ်ႉ။

​​ပေႃးပဵၼ်ၽူႈဢွၼ်ႁူဝ်မႃး​​တေႉ​​တေႉယဝ်ႉၼႆၸိုင် ​​တေလႆႈ
လၢတ်ႈ​​တေႃႇၵၼ်၊ ဢုပ်ႇဢူဝ်းပိၼ်ႇလႅၵ်ႈလၢႆႈလူၺ်ႈ
ၶဵင်ႇတႃႉ​ၶေႃႈၵႂၢမ်းၵၼ်မႃးယဝ်ႉ။ ယွၼ်ႉၼၼ် မိူဝ်ႈႁဝ်း
ပႆႇပဵၼ်ၽူႈဢွၼ်ႁူဝ်ထိုင်ၸၼ်ႉ ဢုပ်ႇဢူဝ်းၶဵင်ႇတႃႉ​​ၶေႃႈ
ၵႂၢမ်းၵၼ်ၼၼ်ႉ ႁဝ်းလူဝ်ႇလႆႈလဵပ်ႈႁဵၼ်း၊ ၵွၵ်းတူၺ်း
ဢၼ်ၽူႈယိုၼ်ႈယႂ်ႇ ၵူၼ်းလူင်ၶဝ်ၼင်ႇၵၼ် လၢတ်ႈ​​တေႃႇ
ၵၼ်။ ဢုပ်ႇဢူဝ်းၵၼ်။ ၶဝ်ၸႂ်ႉ​​ၶေႃႈၵႂၢမ်း​​တေႃႇၵၼ်ၸိူင်ႉ
ႁိုဝ်၊ ၼမ်ႉၵႅၼ်​​ၶေႃႈၵႂၢမ်းၶဝ် မီးၸိူင်ႉႁိုဝ် ၼႆယူႇယဝ်ႉ။

တီႈဢၼ်ၽူႈယႂ်ႇၵူၼ်းလူင်ၶဝ် လၢတ်ႈ​​တေႃႇၵၼ်ၼၼ်ႉ
​​ၵေႃႈ မီးလၢႆလၢႆၸၼ်ႉ။ ၸၼ်ႉ​​တေႃႇၸၼ်ႉ လၢတ်ႈ​​တေႃႇ
ၵၼ် ဢမ်ႇမိူၼ်ၵၼ်။ လွင်ႈ​​တေႇတူင်ႉတၵ်ႉၵၼ် လႄႈ
လွင်ႈၶွတ်ႇယွတ်ႈပၢႆၵႂၢမ်းၽူႈဢွၼ်ႁူဝ်ၶဝ်ၼင်ႇၵၼ် ၸႂ်ႉ
​​တေႃႇၵၼ် ၸၵႂႃႇၸိူဝ်းၼႆႉ ႁဝ်းလူဝ်ႇလႆႈလဵပ်ႈႁဵၼ်း
ၼၼ်ႉယဝ်ႉ။

ႁဝ်းပၢႆလူဝ်ႇလႆႈယူႇၼိမ်ၼိမ်​​သေ ​​လၢတ်ႈဝႃႈ "ဢေႃႈၶႃႈ
ၶွပ်ႈၸႂ်ၶႃႈ"၊ ႁဝ်းသမ်ႉ ၵုမ်ႇလၢတ်ႈသႂ်ႇလၢတ်ႈသႂ်ႇယူႇ
ၵူၺ်းၼႆၸိုင် ပိူၼ်ႈႁူႉၼမ်ႉၵတ်ႉႁဝ်းၵမ်းလဵဝ်ယဝ်ႉ။
ဢၼ်ၼႆႉ ၶႂ်ႈမၢႆထိုင်ၸႂ်ၸဝ်ႈၵဝ်ႇ။ ၼမ်ႉၵတ်ႉၽူႈဢွၼ်ႁူဝ်
လီၼႆ​​သေ ​​ပေသွၼ်ႇဝႆႉၸိူင်ႉၼၼ်။ ႁဝ်းလူဝ်ႇလႆႈသွၼ်ႇ
ဝႃႈ ၵူၼ်းႁိမ်းၶၢင်ႈႁဝ်း လႄႈ ၵူၼ်းဢၼ်ႁဝ်းႁၼ်ယူႇ
ၸိူဝ်းၼၼ်ႉ ပဵၼ်ၵူၼ်းဢၼ်ၶႅၼ်ႇလိူဝ်ႁဝ်းယဝ်ႉၼႆယူႇ။
ယွၼ်ႉသင်လႄႈၼႆ လွင်ႈဢၼ်ၶဝ်​​တေၶႅၼ်ႇလိူဝ်​​ႁဝ်း
​​သေလွင်ႈလွင်ႈၼၼ်ႉ မၼ်းတိုၼ်းမီးယူႇၼၼ်ႉယဝ်ႉ။
သွၼ်ႇဝႃႈ ၸဝ်ႈၵဝ်ႇၵူၺ်းႁူႉ၊ ၸဝ်ႈၵဝ်ႇၵူၺ်း​​မေႃၼႆ​​သေ
ၵုမ်ႇပဵၼ်ၸဝ်ႈၵဝ်ႇလၢတ်ႈသႂ်ႇလၢတ်ႈသႂ်ႇၼႆၸိုင် ​​တေ
ဢမ်ႇၸၢင်ႈလႆႈသင်တီႈပိူၼ်ႈ။ လူဝ်ႇလႆႈ​​မေႃတူၺ်း
ၸွမ်းလူၺ်ႈသၢႆငၢႆငဝ်းလၢႆးၼႃႈၵၢၼ်ၸဝ်ႈၵဝ်ႇ ၊ ၸွမ်း
လူၺ်ႈၶိင်ႇၶၢဝ်းယၢမ်း​​သေ ​​တေပဵၼ်ၸဝ်ႈၵဝ်ႇၵူၺ်း
​​တေလႆႈလၢတ်ႈႁႃႉ ဢမ်ႇၼၼ် ​​ဢေႃႈၶႃႈ ၶွပ်ႈၸႂ်ၶႃႈၼႆ​​သေ ​​တေလႆႈယူႇၼိမ်ၼိမ်ၼႆ လူဝ်ႇလႆႈ​​​​မေႃၸႅၵ်ႇ ႁူႉဝႆႉ
ၼင်ႇၼႆယူႇ။ ပေႃးဝႃႈပွတ်းပွတ်းမၼ်း​​ၵေႃႈ ​​ပေႃးထိုင်
ၶၢဝ်းယၢမ်းထုၵ်ႇလီလၢတ်ႈ ၸင်ႇၵွႆႈလၢတ်ႈ၊ ပေႃးဢမ်ႇ
ထိုင်ၶၢဝ်းယၢမ်းလၢတ်ႈ​​ ယႃႇ​​ပေလၢတ်ႈၼႆယဝ်ႉ။

ၼႂ်းတြႃးၽြႃးပဵၼ်ၸဝ်ႈ​​ႁေႃးမႃး​​ၵေႃႈ မီးတင်းၼမ်။
ၵႃႇလဝႃႇတီႇ လၢတ်ႈၵႂၢမ်းလူၺ်ႈ ၸွမ်းၶိင်ႇၸွမ်းၶၢဝ်း။
​​ပေႃးထုၵ်ႇလီလၢတ်ႈ​​ ၸင်ႇလၢတ်ႈ၊ ပေႃးဢမ်ႇထုၵ်ႇလီ
လၢတ်ႈ ယႃႇ​​ပေလၢတ်ႈ။ တေလႆႈဢမ်သူပ်းဢမ်ၵႂၢမ်းဝႆႉ။
ပီႇယဝႃႇၸႃႇ ​​တေလႆႈလၢတ်ႈ​​ၶေႃႈၵႂၢမ်းဢၼ်လီႁၵ်ႉႁွမ်။
ၽရုသဝႃႇၸႃႇ ​​တေဢမ်ႇလႆႈလၢတ်ႈၵႂၢမ်းလိူင်း သူပ်း
ၵျၢမ်း၊ သင်ဝႃႈ လွင်ႈ​​တေလႆႈတွပ်ႇထဵင်ၼၼ်ႉ ​​ပေႃႇပဵၼ်
မႃး​​ၵေႃႈ တေလႆႈ​​​ေမႃဝႆႉၼႃႈတႃယုမ်ႉ''ယၢႆႈ''​​သေ တွပ်ႇ
ၶိုၼ်းဝႃႈ "ၶွပ်ႈၸႂ်ၶႃႈ" ၼင်ႇၼႆယူႇ။ လိူဝ်ၼၼ်ႉ​​ၵေႃႈ
ဢမ်ႇတွပ်ႇထဵင်ၶိုၼ်း​​သေ ​​လႆႈလၢတ်ႈဝႃႈ "ၶွပ်ႈၸႂ်ၶႃႈ"
ၼင်ႇၼႆယူႇ။ လိူဝ်ၼၼ်ႉထႅင်ႈ​​ၵေႃႈ လၢတ်ႈဝႃႈ "ၶွပ်ႈၸႂ်
ၶႃႈ" ၼႆ​​သေဢမ်ႇၵႃး၊ ၸဝ်ႈၵဝ်ႇၸႂ်လမ်ယူႇၼႆ​​သေတႃႉ
​​ၵေႃႈ ပႃးတူဝ်ပႃးၸႂ် သၢၼ်မိုဝ်းတူင်ႉတၵ်ႉၵၼ် ဢမ်ႇ
ၼၼ် ၵွတ်ႇႁူဝ်မႃႇၵၼ်​​သေ ​​တေလႆႈၶွပ်ႈၸႂ်​​တေႃႇၼိူဝ်
ၵၼ်ၼင်ႇၼႆယူႇ။ ၽၢင်ႁၢင်ႈလၵ်ႉၶၼႃႇၽူႈဢွၼ်ႁူဝ်လီ
ၼႆႉ လူဝ်ႇလႆႈမီးၸိူင်ႉၼင်ႇၼႆယဝ်ႉ။

သင်ဝႃႈ ပဵၼ်ၽူႈဢွၼ်ႁူဝ်မႃး​​တေႉ​​တေႉယဝ်ႉၼႆၸိုင်
ပဵၼ်ၽူႈဢွၼ်ႁူဝ်ၶွင်ၼႃႈႁိူၼ်းၸဝ်ႈၵဝ်ႇ ၊ ၽူႈဢွၼ်ႁူဝ်
ၶွင်ၶူင်းၵၢၼ်ၵုမ်ႇပၼီႇ ၊ ၽူႈဢွၼ်ႁူဝ်ၶွင်ၸၢဝ်းပီႈၼွင်ႉ
ၸဝ်ႈၵဝ်ႇ ၊ ၽူႈဢွၼ်ႁူဝ်ၶွင်ဢိူင်ႇ ၊ ၽူႈဢွၼ်ႁူဝ်ၼႂ်း​​ၸေႈ
တွၼ်ႈမႃးယဝ်ႉၼႆၸိုင် ၼမ်ႉၵတ်ႉၼင်ႇၼႆၼႆႉ တိုၼ်း
လူဝ်ႇ။ တိုၼ်းလူဝ်ႇလႆႈမီးၼၼ်ႉယဝ်ႉ။ ပေႃးဝႃႈၸိူင်ႉ
ၼင်ႇၼႆ​​ၵေႃႈ ထတ်းသၢင်တူၺ်းၶိုၼ်းၵူၼ်းၸဝ်ႈၵဝ်ႇ၊
ထတ်းသၢင်တူၺ်းၶိုၼ်း ၵူၼ်းယႂ်ႇပႃႈၼိူဝ်ၸဝ်ႈၵဝ်ႇ၊
ထတ်းသၢင်တူၺ်းၶိုၼ်း ၵူၼ်းပႃႈတႂ်ႈၸဝ်ႈၵဝ်ႇဝႃႈ ၽႂ်မီး
ၼမ်ႉငတ်ႉတဵမ်ထူၼ်။ ၽႂ်ဢမ်ႇမီးၼမ်ႉၵတ်ႉတဵမ်ထူၼ်ႈ။
လွင်ႈၼႆႉ ၸဝ်ႈၵဝ်ႇ​​တေလႆႈတႅပ်းတတ်းပၼ်ဝႃႈ တဵမ်ႈထူၼ်ႈ ဢမ်ႇတဵမ်ထူၼ်ႈၼႆ ဢမ်ႇၸႂ်ႈ။ မၼ်း​​တူၺ်းႁင်း
တူဝ်မၼ်းၶိုတ်း​​သေ တႅပ်းတတ်းဝႃႈ တဵမ်/ဢမ်ႇတဵမ်ၼႆ
ယဝ်ႉ။ ၵဵဝ်ႇလူၺ်ႈလွင်ႈလၢတ်ႈၵႂၢမ်းၼႆႉ​​သေလႄႈ ႁၼ်
လႆႈၸႅင်ႈလႅင်းလီယူႇ။ တေလႆႈ​​မေႃတူၺ်းႁၼ် ​​မေႃၽိုၵ်း
ၼင်ႇၼႆယူႇယဝ်ႉ။

ၽၢင်ႁၢင်ႈလၢႆးဝႆႉဝၢင်းၶွင် ၽူႈဢွၼ်ႁူဝ်လီ

ဝၢႆး​​သေလၢတ်ႈၼႄလၢႆးလၢတ်ႈၸႃၶွင်ၽူႈဢွၼ်ႁူဝ်
ၵႂႃႇယဝ်ႉ ၵမ်းၼႆႉ ​​တေသိုပ်ႇလၢတ်ႈၼႄ ၽၢင်ႁၢင်ႈလၢႆးဝႆႉ
ဝၢင်းၶွင်ၽူႈဢွၼ်ႁူဝ်ပဵၼ်ပိူင်ယႂ်ႇ။ တူၺ်းၸွမ်ၸိုင်ႈဢူဝ်ႇ
ပႃႈမႃး ၸွမ်ပွင်ၸိုင်ႈမိူင်းဢ​​မေႇရိၵၢၼ်ႇလႄႈ။ မၼ်းဝႆႉ
ဝၢင်းၽၢင်ႁၢင်ႈမိုဝ်းမၼ်းၸိူင်ႉႁိုဝ်?။ မၼ်းၼႆႉ ဢဝ်​​ၶေႃႈ
ၵႂၢမ်းဢၼ်ဝႃႈ Change ဢွၼ်ႇ​​ၶေႃႈၼႆႉ​​သေ ဢဝ်ႁူဝ်ၸႂ်
ၵူၼ်းမိူင်းမႃးယူႇယဝ်ႉ။ ၵႂၢမ်းလၢတ်ႈၽူႈဢွၼ်ႁူဝ်ၼိုင်ႈ​
​ၵေႃႉၼၼ်ႉ ၸႂ်ႈ​​တေႉဢမ်ႇၸႂ်ႈ​​တေႉၼႆ တူၺ်းလၢႆးဝႆႉ
ဝၢင်းမိုဝ်း၊ လၢႆးၵႂႃႇလၢႆးပႆ၊ တူၺ်းၽၢင်ႁၢင်ႈလွင်ႈတူင်ႉ
ၼိုင်ၶဝ်ယူႇယဝ်ႉ။

ၽၢင်ႁၢင်ႈလွင်ႈတူင်ႉၼိုင်ၶွင်ၵူၼ်းၼိုင်ႈ​​ၵေႃႉၼႆႉ ႁႂ်ႈမၼ်း
မိူၼ်ၽၢင်ႁၢင်ႈၵူၼ်းၸႅတ်ႈၸႅတ်ႈ​​တေႉၼႆၼၼ်ႉ ဢမ်ႇ
လႃႈလီမီး။ ၵူၼ်းဢၼ်​​လေႃးၽၢင်ႁၢင်ႈလွင်ႈတူင်ႉၼိုင်
သတ်းၼၼ်ႉၵူၺ်းယဝ်ႉၼမ်။ ဢၼ်ၵႂႃႇမိူၼ်ပဵတ်း​​ၵေႃႈ​​
တေၵႂႃႇ။ ဢၼ်ၵႂႃႇမိူၼ်ၸၢင်ႉ​​ၵေႃႈ​​တေၵႂႃႇ။ ဢၼ်တူၺ်း
မိူၼ်ၸၢင်ႉ​​ၵေႃႈ​​ တေတူၺ်း။ ဢၼ်တူၺ်းမိူၼ်ၵႃ​​ၵေႃႈ
​​တေတူၺ်း။ ဢၼ်ပႆမိူၼ်လိင်း​​ၵေႃႈ ​​တေပႆ။ ၽၢင်ႁၢင်ႈ
လွင်ႈတူင်ႉၼိုင်ၶွင်ၵူၼ်း​​ၵေႃႉၼိုင်ႈလႄႈ​​ၵေႃႉၼိုင်ႈ ​​
ၵေႃႉဢၼ်မိူၼ်ၽၢင်ႁၢင်ႈၵူၼ်းၸႅတ်ႈၸႅတ်ႈဢၼ်ဝႃႈၼႆႉ ​​
ဢမ်ႇလႃႈလီ။ ပေႃးၶိုၼ်းတူၺ်း သတ်းၼင်ႇၵၼ် တိၼ်
သွင်ၶွၼ်မိူၼ်ၵၼ်​​သေတႃႉ​​ၵေႃႈ လၢႆးၵႂႃႇလၢႆးပႆၶဝ်ဢမ်ႇ
မိူၼ်ၵၼ်။ တိၼ်သီႇၶွၼ်မိူၼ်ၵၼ်​​၊ မိူၼ်ၼင်ႇ သိူဝ် လႄႈ
မႅဝ်း လၢႆးပႆဢမ်ႇမိူၼ်ၵၼ်။ တေႃႈမႅဝ်း မိူဝ်ႈၵႂႃႇယူဝ်းယူဝ်း
ပဵၼ်မဵဝ်းၼိုင်ႈ၊ မိူဝ်ႈၵႂႃႇၽွင်းမိူဝ်ႈငွမ်းတူဝ်သတ်း ပဵၼ်
မဵဝ်းၼိုင်ႈ။ ယင်းဢမ်ႇမိူၼ်ၵၼ်။ သိူဝ်​​ၵေႃႈမိူၼ်ၼင်ႇ
ၼၼ်၊ လၢႆးၵႂႃႇလၢႆးပႆယင်းလႅၵ်ႈလၢႆႈၵႂႃႇၸွမ်းငဝ်းလၢႆး
ယူႇယဝ်ႉ။

ၽူႈဢွၼ်ႁူဝ်လူင်တူဝ်သတ်းပႃႇထိူၼ်ႇၼႆႉ ပဵၼ်သၢင်ႇသီႈ
ယဝ်ႉ။ သၢင်ႇသီႈၼႆႉ မိူဝ်ႈၵႂႃႇမိူဝ်ႈပႆ၊ မိူဝ်ႈလိုပ်ႈတူဝ်ထိူၼ်ႇ မိူဝ်ႈယူႇၸွမ်းတူဝ်မႄႈ ယူႇၸွမ်းလုၵ်ႈတူဝ်ဢွၼ်ႇၶဝ်၊
ဢမ်ႇၼၼ် မိူဝ်ႈပႆယူဝ်းယူဝ်းၸိူဝ်းၼႆႉ ၽၢင်ႁၢင်ႈမိူၼ်
ၵၼ်မူတ်းၼၼ်ႉယဝ်ႉ။ ယွၼ်ႉသင်လႄႈ ပဵၼ်ႁူဝ်ၼႃႈလူင်
ၼႂ်းပႃႇထိူၼ်ႇၼႆ ယွၼ်ႉၽၢင်ႁၢင်ႈမိူၼ်ၵၼ်ၼၼ်ႉယဝ်ႉ။
​​တေႃႈၼင်ႇ လွင်ႈၵႂႃႇလွင်ႈပႆၽြႃးပဵၼ်ၸဝ်ႈ ႁႂ်ႈၵူၼ်းႁဝ်း
ႁူႉၸႅင်ႈလႅင်းလီၼႆလႄႈ ယင်းဢဝ်သၢင်ႇသီႈၼႄပိူင်
တႅၵ်ႈမၼ်းယူႇယဝ်ႉ။ ဢမ်ႇမီးၶၢဝ်းယၢမ်းဢၼ်သတိ
လုတ်ႈ။ ဢမ်ႇမီးၶၢဝ်းယၢမ်းဢၼ်ဝီႇရိယလုတ်ႈ။
သၢင်ႇသီႈၼႆႉ မိူဝ်ႈၺွပ်းပၢင်တၢႆးၼႆႉ​​ၵေႃႈ ပဵၼ်ႁႅင်းၼႆႉ။
မိူဝ်ႈၺွပ်းသိူဝ်/မီ​​ၵေႃႈ ပဵၼ်ႁႅင်းၼႆႉ။ မိူဝ်ႈၺွပ်းၸၢင်ႉလူင်​​
ၵေႃႈ ပဵၼ်ႁႅင်းၼႆႉ။ လွင်ႈၵႂႃႇမႃႈတူင်ႉၼိုင်တင်းသဵင်ႈ
ပဵၼ်ဢၼ်လဵဝ်ၵၼ်မူတ်းၼၼ်ႉယဝ်ႉ။
​
ၽၢင်ႁၢင်ႈလၢႆး​​တေၵႂႃႇႁတ်းႁတ်းႁၢၼ်ႁၢၼ် ၼႂ်းၵႄႈၵၢင်
ပရိၵ်ႉသၢတ်ႈၼႆႉ မီးပရိၵ်ႉသၢတ်ႈၼိုင်ႈ​​ၵေႃႉသွင်​​ၵေႃႉ
ၵူၺ်း​​ၵေႃႈ လူဝ်ႇပဵၼ်ၽၢင်ႁၢင်ႈၼႆႉ။ မီးပရိၵ်ႉသၢတ်ႈ ႁဵင်
မိုၼ်ႇ/လၢၼ်ႉလူင်​​ၵေႃႈ လူဝ်ႇလႆႈပဵၼ်ၽၢင်ႁၢင်ႈၼႆႉ။
​​တေႃႈၼင်ႇၽၢင်ႁၢင်ႈလွင်ႈတူင်ႉၼိုင်သၢင်ႈသီႈ ဢၼ်
ဢုပ်ႉပိူင်ႇထိူၼ်ႇပႃႇလူင်ၼၼ်ႉ ယင်းပဵၼ်ၸိူင်ႉၼႆၸိုင်
လွင်ႈတူင်ႉၼိုင်ၽူႈဢွၼ်ႁူဝ် ဢၼ်​​တေဢွၼ်ႁူဝ်ၵူၼ်း
​​ၼၼ်ႉ​​ၵေႃႈ လူဝ်ႇလႆႈပဵၼ်ၽၢင်ႁၢင်ႈမဵဝ်းၸိူင်ႉၼႆယဝ်ႉ။
​​
​​ၵေႃႉဢၼ်ၶႂ်ႈပဵၼ်ၽူႈဢွၼ်ႁူဝ်ၼၼ်ႉ လူဝ်ႇလႆႈလဵပ်ႈႁဵၼ်း
တီႈၽူႈဢွၼ်ႁူဝ်၊ လွင်ႈၵႂႃႇမႃးပႆ လွင်ႈလၢတ်ႈလွင်ႈၸႃ
ၸႃႉၵႂႃႇ လၢႆးၽၢင်ႁၢင်ႈလွင်ႈတူင်ႉၼိုင်ၽူႈဢွၼ်ႁူဝ်။
ႁဝ်းလူဝ်ႇလႆႈလဵပ်ႈႁဵၼ်း။ တေလၢတ်ႈထႅင်ႈ၊ မႄးလၢႆးမိုဝ်း
မႄးလွင်ႈလၢတ်ႈလွင်ႈၸႃ၊ မႄးၽၢင်ႁၢင်ႈလွင်ႈတူင်ႉၼိုင်၊
မႄးၽၢင်ႁၢင်ႈလွင်ႈတူင်ႉၼိုင် မဵဝ်းဢၼ်​​တေလီတူၺ်း
ၼႂ်းၵႄႈၵူၼ်းတင်းၼမ်ၼၼ်ႉလႄႈ။

​​​တႃႇ​​တေပဵၼ်ၽူႈဢွၼ်ႁူဝ်လီၼၼ်ႉ

- ​​တေလႆႈၸႂ်ႉပၢႆးဝူၼ်ႉ လႄႈ ဝူၼ်ႉၶူၼ်ႉၶႂႃႉၼမ်ၼမ်
- ​​တေလႆႈၶၢမ်ႇယၢပ်ႇၽိုတ်ႇ လႄႈ ယိူၼ်ႉၵၼ်ႈ
- ​​တေလႆႈၶၢမ်ႇႁိူဝ်ႉဢူၼ်ႈ လႄႈ ၸႂ်သုၵ်ႉသၵ်ႉ
- ​​တေလႆႈႁဵတ်းၵၢၼ်ၼမ်လိူဝ်​​သေပိူၼ်ႈ
- ​​တေလႆႈၽိုၵ်းၼမ်လိူဝ်​​သေပိူၼ်ႈ လႄႈ ​​မေႃၼမ်လိူဝ်​​သေပိူၼ်ႈ
- ​​တေလႆႈလူင်ႉလႅၼ်ႇၵတ်ႉၶႅၼ်ႇ ၽၢႆႇၵၢၼ်ထတ်းသၢင်ၼိူဝ်လုၵ်ႈၼွင်ႉ လႄႈ ၵူၼ်းတင်းၼမ်
- ​​တေလႆႈမီးလွင်ႈယဵင်ႇငႄႈ လႄႈ မီးမႅတ်ႉတႃႇ
- ​​တေလႆႈမီးၼမ်ႉၵတ်ႉၸတ်းၵၢၼ်ဝၢင်းၽႅၼ်တႅတ်ႈ​​တေႃးလီ လႄႈ ၸွမ်းၶၢဝ်းယၢမ်းၽဵၼ်ႈ
- ​​တေလႆႈမီးၼမ်ႉၵတ်ႉလွင်ႈၵပ်းသိုပ်ႇတိတ်း​​တေႃႇလၢတ်ႈၸႃလီ
- ​​တေလႆႈမီးလွင်ႈယုမ်ႇယမ်ၼိူဝ်တူဝ်ၵဝ်ႇ လႄႈ ႁတ်းႁၢၼ်ၼႂ်းလွင်ႈဢွၼ်ႁူဝ်
- ​​တေလႆႈမီးလွင်ႈသိုဝ်ႈယူဝ်း လႄႈ မီးလွင်ႈ​​မေႃပၼ် ယိုၼ်ႈမႅင်ႇ
- ​​တေဢမ်ႇတူၺ်းႁၼ်ပုၼ်ႈသုၼ်ႇတူဝ်
- ​​တေလႆႈမီးသႅတ်ႉၸႃႇ လႄႈ ​​မေႃဢဝ်ပုၼ်ႈၽွၼ်း
- ​​တေလႆႈမီးလွင်ႈတူင်ႉတိုၼ်ႇလႅတ်းသႅဝ်း လႄႈ မီးသတိ ဝီႇရိယလီတႃႇ​​သေႇ

ၸိူဝ်းၼႆႉ ပဵၼ်ၽၢင်ႁၢင်ႈ လၵ်ႉၶၼႃႇတွၼ်ႈတႃႇ​​တေပဵၼ်
ၽူႈဢွၼ်ႁူဝ်လီၼိုင်ႈၵေႃႉယူႇယဝ်ႉ။

* ​​ပေႃးၸဝ်ႈၵဝ်ႇဝူၼ်ႉဝႃႈ ​​တေပဵၼ်ယႂ်ႇ ၸဝ်ႈၵဝ်ႇ​​ၵေႃႈ​​တေပဵၼ်ယႂ်ႇ
* ​​ပေႃးၸဝ်ႈၵဝ်ႇဝူၼ်ႉဝႃႈ ၶႂ်ႈပဵၼ်သင် ၸဝ်ႈၵဝ်ႇ​​ၵေႃႈ ​​တေပဵၼ်ၸွမ်းၼင်ႇၸဝ်ႈၵဝ်ႇဝူၼ်ႉ

ၼပ်ႉယမ်ယႂ်ႇၼမ်ထိုင်ၵူႈ​​ၵေႃႉ​​သေ .............

                                   ပိၼ်ႇတႅမ်ႈ/မႆႉသၢင်းၶမ်း
                               (ပၢႆးဝူၼ်ႉၶပ်ႉ လပ်ႉၽၢႆၽၢႆ)