မိူဝ်ႈၶႃႈေၵႃႉလဵၵ်ႉလဵၵ်ႉ
ေပႃးပိူၼ်ႈထၢမ်ဝႃႈ ေပႃႈသူ ႄလႈ ႄမႈသူ
သူႁၵ်ႉၽႂ်လိူဝ်ၽႂ်
ၶႃႈေၵႃႈယၢမ်ႈတွပ်ႇဝႃႈ ႁၵ်ႉႄမႈ
ၽွင်းမိူဝ်ႈၶႃႈတွပ်ႇဝႃႈၼၼ်ၼၼ်ႉ
ေၵႃႉပဵၼ်ေပႃႈၸဝ်ႈေၵးၸူးၸဝ်ႈမႅတ်ႉတႃႇ
ၵႆႉယုမ်ႉေသတူၺ်းၶႃႈယူႇ
ေပႃႈဢၼ်ဝႃႈၼႆႉၶဝ်ႁိုဝ်ႄၼဢွၵ်ႇ
လွင်ႈမႅတ်ႉတႃႇတၢင်းႁၵ်ႉၶဝ်
ဢဝ်လွင်ႈတၢင်းႁၵ်ႉဢၼ်ႁၵ်ႉလုၵ်ႈၼၼ်ႉ
ႁွပ်ႇဝႆႉၼႂ်းႄၵႈဢူၵ်းေသ
ဢမ်ႇပၼ်လုၵ်ႈလႆႈႁိူဝ်ႇလႆယွႆႉ
ေပႃႈၼႆႉလႆႈႁဵတ်းၵၢၼ်တႃႇၼႃႈႁိူၼ်း
ေပႃးေတလႆႈၵိၼ်လႆႈၼုင်ႈလႆႈၸၢႆႇ ၼၼ်ႉ
မိူဝ်ႈၶႃႈေၵႃႉလဵၵ်ႉၶႃႈဢမ်ႇႁူႉမႅၼ်ႈ
မိူဝ်ႈလဵဝ်ၶႃႈေၵႃႈေၵႃႉယႂ်ႇ
လႆႈၶဝ်ႈယူႇၼႂ်းႄၵႈၵူၼ်း
ၶႃႈေၵႃႈလႆႈဝူၼ်ႉႁၼ်ၶိုၼ်း
တၢင်းယုမ်ႉေပႃႈဢၼ်မီးၵႃႈၶၼ်
မီးၼမ်ႉၼၵ်းယူႇၼႂ်းႄၵႈတၢင်းယုမ်ႉပွမ်ႄလႈ
လွင်ႈႁဵတ်းၵျၢင်ႈၵူၼ်းၶဝ်ယူႇ
မိူဝ်ႈလဵၵ်ႉ
ႁဝ်းေပႃႈႄမႈလုၵ်ႈ
ၼင်ႈၵိၼ်ၶဝ်ႈၸွမ်းၵၼ်ၼၼ်ႉ
ေပႃႈဢဝ်ၼိူဝ်ႉမႃးသႂ်ႇပၼ်ၼႂ်းဝၢၼ်ႇၶဝ်ႈၶႃႈေသ
တွၼ်ႈတႃႇမၼ်းသမ်ႉၵိၼ်လုပ်ႇဢဝ်
မၼ်းလၢတ်ႈဝႃႈေပႃႈၵျိုၵ်ႈၵိၼ်ဝႃႈၼႆ
ေပႃႈၸဝ်ႈေၵးၸူး
ဢၼ်ပဵၼ်ၵူၼ်းပႅၵ်ႇပိူင်ႈလူင်ၼၼ်ႉ
မၼ်းပၢၵ်ႈပႅတ်ႈမႃႇၼၽူႈၸၢႆးေသ
ၶတ်းၸႂ်ေတႃႇသူႈဢမ်ႇယွမ်းၵၢၼ်ႉ
ၵုင်ႇမုၼ်ေၵးၸူးမၼ်းၼႆႉ
ယႂ်ႇၼမ်ၼိူဝ်ၶႃႈႄတႉႄတႉ
တႃႇေပႃႈႄတႉလႆႈၵိၼ်ၽၢၼ်ယူႇၽၢၼ်ေသတႃႉ
တွၼ်ႈတႃႇလုၵ်ႈၵဝ်ႄတႉႁႂ်ႈလႆႈၼုင်ႈလီၵိၼ်လီ
သူင်ႇလုၵ်ႈၶိုၼ်ႈႁဵၼ်းႁႂ်ႈေပႃႈသုတ်းၼၼ်ႉ
တီႈေတႉမၼ်းေပႃႈၼႆႉ
တဵမ်ထူၼ်ႈၼႃႇေသႁဵတ်းပၼ်ႄတႉဢမ်ႇၸႂ်ႈ
ႁိူဝ်ႇယမ်းၶူၼ်ႁူဝ်ၵူႈသဵၼ်ႈ
ႁိူဝ်ႇေပႃးယွႆႉႁူဝ်ေတႃႇတိၼ်ႁဵတ်းတႃႇလုၵ်ႈၼႆႉ
မၼ်းမီးၵႃႈၶၼ်ယိုင်ႈယႂ်ႇတႃႇၶႃႈႄတႉယဝ်ႉ
မင်ပွၵ်ႈမင်လႂ်ၶႃႈဝူၼ်ႉမႅၼ်ႈဝႃႈ
ၽၢႆႇလင်ေၶႃႈၵႂၢမ်းဢၼ်ၶႃႈယၢမ်ႈလၢတ်ႈဝႃႈ
ၶႃႈႁၵ်ႉႄမႈ ၊ တၢင်းယုမ်ႉေပႃႈၼႆႉ
မၼ်းမီးၼမ်ႉၼၵ်းေတႉ
ဢၼ်ႄမႈယၢမ်ႈပွၼ်ႈၶဝ်ႈၶၢဝ်ၼိုင်ႈၵမ်း
ၶဝ်ႈၼိုင်ႈမဵတ်ႉဢွၼ်ႇၼၼ်ႉ
မၼ်းေၵႃႈလုၵ်ႉတီႈႁိူဝ်ႇေပႃႈၼိုင်ႈယွတ်ႇမႃး
မိူဝ်ႈလဵဝ်ႄတႉၶႃႈႁူႉယဝ်ႉ
ၶႃႈယုၵ်ႉမိုဝ်းသိပ်းၼိဝ်ႉေသဝႆႈထိုင်ေပႃႈ
ဢမ်ႇဝူၼ်ႉတႃႇတူဝ်ၵဝ်ႇ
ဝူၼ်ႉတႃႇမိူဝ်းၼႃႈလုၵ်ႈေသ
ငႅၵ်ႈဢူၵ်းၶၢမ်ႇလွင်ႈယၢပ်ႈၽိုတ်ႇၼႂ်းေလႃးၵ
ၶႃႈလႆႈႁူႉဝႃႈၽႃႇမိုဝ်းေပႃႈလႆႈၸႃးၼႆႉ
မၼ်းမႃႈဢိုၵ်ႉၼိုၵ်ႉၸႂ်ၶႃႈႄတႉယဝ်ႉေပႃႈဢိူၺ်
ထိုင်ယၢမ်းလဵဝ် ငိုၼ်းဢၼ်ၶႃႈေတႃႉႄတႉႁႃလႆႈ
ငိုၼ်းလိူၼ်ဢွၼ်ႇၶႃႈၼၼ်ႉေသ
ႁႂ်ႈလႆႈႁပ်ႉႁၢပ်ႇပုတ်ႈၵၢၼ်
ဢၼ်ေပႃႈႁဵတ်းၼၼ်ႉၶႃႈႄလႈ
ထိုင်ၵမ်းေပႃႈလိုဝ်ႈယဝ်ႉ
ႁႂ်ႈၶႃႈလႆႈပဵၼ်ဢဵၼ်ႁႅင်းေပႃႈၵႂႃႇေတႃႇၸူဝ်ႈၼႃ
မႅတ်ႉတႃႇေပႃႈ ၊ ေၸႇတၼႃႇေပႃႈ
ဢလၢင်းေပႃႈဢၼ်ပဵၼ် ႁိူဝ်ႇၵူႈတွမ်ႇၼၼ်ႉ
ႁႂ်ႈၶႃႈလႆႈယူႇတီႈၼႆႈေသ ၶုပ်ႉဝႆႈ
ႁႂ်ႈေပႃႈယူႇလီ၊ ႁႂ်ႈၸႂ်ၶျၢမ်းသႃႇ၊
ႁႂ်ႈဢသၢၵ်ႈေပႃႈယိုၼ်းယၢဝ်းၵႂႃႇထႅင်ႈႁိုင်ႁိုင်ၶႃႈ
ေပႃႈ
#ပိၼ်ႇတႅမ်ႈ
🔥ယွတ်ႈၾႆး🔥
No comments:
Post a Comment