မိူဝ်ႈပေႃႈ ၶဝ်ႈၵႂႃႇၼႂ်းႁွင်ႈၼွၼ်းလုၵ်ႈသၢဝ် ဢၼ်တိုၵ်ႉလႆႈဢႃႇယူႉ ႑႖ ၶူပ်ႇၼၼ်ႉ

ၼႂ်းၶၢၼ်းၼၼ်ႉ ႁၼ်ၶပ်ႉဝၢင်းဝႆႉ တႅတ်ႈတႅတ်ႈၼႅတ်ႈၼႅတ်ႈသေ ႁၼ်လိၵ်ႈၽိုၼ်ၼိုင်ႈ ဢၼ်တၢင်ႇဝႆႉၼိူဝ်ၽိူၼ်ၼၼ်ႉ
မိူဝ်ႈၵေႃႉပဵၼ်ပေႃႈလူတူၺ်းလိၵ်ႈၼၼ်ႉ------

ပေႃႈ ႁၵ်ႉ ဢူၺ်------
လုၵ်ႈၸႂ်ဢမ်ႇလီၸွမ်း လွင်ႈဢၼ်လုၵ်ႈယိင်းလႆႈတႅမ်ႈ လိၵ်ႈၽိုၼ်ၼႆႉယူႇဢေႃႈ----။



လုၵ်ႈယိင်းႁၵ်ႉပေႃႈလႄႈမႄႈတေႉတေႉယူႇၶႃႈဢေႃႈ-----။

ၵူၺ်းၵႃႈ လုၵ်ႈယိင်းၵႂႃႇၸွမ်းၵေႃႉဢၼ်လုၵ်ႈယိင်းႁၵ်ႉၼၼ်ႉယဝ်ႉၶႃႈဢေႃႈ-----။

ပေႃႈႁဝ်းယႃႇၸႂ်လမ်လုၵ်ႈယိင်းၼႃႈ ၵေႃႉႁၵ်ႉၶႃႈၼႆႉ မၼ်းလီၼိူဝ်ၶႃႈယူႇ----။

မၼ်းသမ်းတႅတ်ႉတူး ၶႅၼ်လၢႆးတၢၼ်ႇႁိုဝ်ၵေႃႈ ၶႃႈလုၵ်ႈယုမ်ႇယမ်ဝႃႈ မၼ်းႁၵ်ႉၶႃႈတေႉယူႇ----။

ဢႃႇယုမၼ်းတေႉ ယႂ်ႇလိူဝ်ၶႃႈ ႑႔ ပီ၊ ၼႃႈႁိူၼ်းမၼ်း လႆႈလူႉမႃး၊ မၼ်းပၼ်ၵႂၢမ်းမၼ်ႈတီႈလုၵ်ႈယိင်းဝႃႈ မၼ်းၶၢတ်ႇၵၼ်လႆႈလီယဝ်ႉ ၼႆဝႃႈ----။

ၵႂၢမ်းမၼ်ႈမၼ်း ယၢမ်ႈလူႉမႃးယဝ်ႉ ႑႕ ပွၵ်ႈသေတႃႉ ဢၼ်ပၼ်ပွၵ်ႈၵမ်းၼႆႉတေႉ ပဵၼ်ပွၵ်ႈလိုၼ်းၼႆ လုၵ်ႈယိင်း
ယုမ်ႇယမ်ဝႆႉယူႇဢေႃႈ----။

ယဝ်ႉၵေႃႈ လုၵ်ႈယိင်း ၸပ်းတွင်ႉဝႆႉၸွမ်းမၼ်းဢေႃႈ----။

ဢႃႇယူႉလုၵ်ႈယိင်း လႆႈ႑႖ ၵူၺ်းဝႃႈၼႆသေတႃႉ တၢၼ်ႇၼႆႉၵေႃႈၵိူတ်ႇလုၵ်ႈလႆႈယူႇ ဢမ်ႇပဵၼ်သင်၊ ၵိူတ်ႇပၼ် လုၵ်ႈၼမ်ၼမ်သေ တေႇတင်ႈၸၢတ်ႈပၢၼ် ၵႂႃႇၼႆၼၼ်ႉ ၶႃႈလုၵ်ႈမီးၵၢင်ၸႂ်ဝႆႉယူႇဢေႃႈ-----။
ၵၢင်ၸႂ်မၼ်းၵေႃႈ ဝႃႈၸိူင်ႉၶႃႈလုၵ်ႈၼႆႉယဝ်ႉ၊ ယွၼ်ႉၼၼ် ပေႃႈႁဝ်း ယႃႇမႆႈၸႂ်ၸွမ်းလုၵ်ႈယိင်းၼႃႈ----။

မၼ်းဢမ်ႇမီးၼႃႈၵၢၼ်သင်ၼႆသေတႃႉ မၼ်းပၼ်ၵတိ ၵႂၢမ်းမၼ်ႈတီႈၶႃႈဝႃႈ မၼ်းတေတိုတ်းပႅတ်ႈ ဢၼ်လုတ်ႇ
ယႃႁႅင်ႈ (ယႃသၢင်းၵႅတ်ႉ) ၼၼ်ႉၼႆဝႃႈ။

သင်ဝႃႈ ပေႃႈႁၵ်ႉလုၵ်ႈယိင်းၼႆ ပေႃႈႁဝ်းယႃႇႁႂ်ႈၽႂ်ႁူႉၸွမ်းလွင်ႈၶႃႈလုၵ်ႈၼႃႈ-----။

ပေႃးဝႃႈ လုၵ်ႈယိင်းမၢၵ်ႈမီးလီပဵၼ်မႃးဝၼ်းၼိုင်ႈ လုၵ်ႈယိင်းတေၶိုၼ်းမႃးတွပ်ႇၵုင်ႇပေႃႈလႄႈတင်း
မႄႈယူႇၵူၺ်းၶႃႈ။

ပေႃႈႁဝ်းၵေႃႈ ၶႃႈႁၵ်ႉ ။  ၵေႃႉႁၵ်ႉၵေႃႈ ၶႃႈႁၵ်ႉ။
ၵူၺ်းၵႃႈ လုၵ်ႈယိင်းၵႂႃႇၸွမ်းၵေႃႉဢၼ်ၶႃႈ ႁၵ်ႉလိူဝ်ၼၼ်ႉၶႃႈဢေႃႈပေႃႈ---။

တေဢမ်ႇမီးဝၼ်းလိုမ်းၵုင်ႇပေႃႈမႄႈၸဝ်ႈၵျေးၸူးတင်း
သွင်သေ-----
           ----   ၶႃႈလုၵ်ႈယိင်း--။

ဝၢႆးလူလိၵ်ႈသုတ်းယဝ်ႉ ၵေႃႉပဵၼ်ပေႃႈ ၸႂ်လမ် ဢွၵ်ႇတေႃးသ မိုဝ်းပေႃးသၼ်ႇ၊ မိူဝ်ႈတိုၵ်ႉဢၢင်ႈ သိၵ်ႇပႅတ်ႈ
ၽိုၼ်လိၵ်ႈဢၼ်လူယူႇၼၼ်ႉ တင်းတႂ်ႈၼၼ်ႉ ႁၼ်တႅမ်ႈဝႆႉ
ထႅင်ႈလႄႈ မၼ်းၶိိုၼ်းသိုပ်ႇလူထႅင်ႈ---။

ပေႃႈ ႁၵ်ႉ ဢူၺ်----
                    လိၵ်ႈဢၼ်တႅမ်ႈဝႆႉတင်းၼိူဝ်ၼၼ်ႉ
ဢမ်ႇၸႂ်ႈ ဢၼ်မၢၼ်ႇမႅၼ်ႈၶႃႈ---။

တေႃႈလဵဝ် ၶႃႈလုၵ်ႈမႃးမီးတီႈႁိူၼ်းဢူၺ်းၵေႃႉ ႁိမ်းႁိူၼ်းႁဝ်းၼႆႉဢေႃႈ-----။

ၶႃႈလုၵ်ႈၶႂ်ႈလၢတ်ႈၼႄပေႃႈႁဝ်းဝႃႈ ၼႂ်းလူၵ်ႈၼႆႉ ဢၼ်ႁၢင်ႈႁၢႆႉလိူဝ် Report card ၶႃႈၼၼ်ႉ ယင်းမီးထႅင်ႈ
တင်းၼမ်ၼႆ ၶႃႈလုၵ်ႈၶႂ်ႈလၢတ်ႈၼႄပေႃႈႁဝ်းဢေႃႈ။

  တီႈၽိူၼ်တႅမ်ႈလိၵ်ႈၶႃႈ ၼႂ်းမိုဝ်းၸၼ် (ဢၼ်သွႆး) ၼၼ်ႉ မီး Report card ၶႃႈ ဢၼ်တီႈႁူင်းႁဵၼ်းပၼ်မႃး
ၼၼ်ႉဢေႃႈ၊ ပေႃႈႁဝ်းယႃႇတူၺ်း မၢႆဝၢၵ်ႈ (ဢမၢတ်ႈ) မၼ်းၼမ်လႄႈဢေႇသေ ထူဝ်းလၢႆးမိုဝ်းပၼ် လုၵ်ႈယိင်းၽွင်ႈၶႃႈၼႃႈ----။

ပေႃးဝႃႈ ပေႃႈႁဝ်း ၸႂ်လမ်ႁၢႆယဝ်ႉၼႆႉ သိုပ်ႇၽူၼ်းႁွင်ႉၶႃႈလုၵ်ႈၼႃႈ--- I love you daddy.

ယိၼ်းၸူမ်းၽူႈလူလိၵ်ႈႁဝ်းၶဝ်တင်းသဵင်ႈသေ 
တႅမ်ႈပၼ် comment ၸွမ်းၼင်ႇၸဝ်ႈၵဝ်ႇႁၼ်ထိုင်
တီႈပွင်ႇၽိုၼ်လိၵ်ႈၼႆႉတူၺ်းၶႃႈလႄႈ

ၸဝ်ႈၶမ်းလဵၵ်ႉ

Translation from  yan myo aung 7. 1 .20