လိၵ်ႈၵမ်းလိုၼ်းသုတ်း ၵေႃႉထုၵ်ႇတၢမ်ႇတၢႆ ဢၼ်တိုၵ်ႉပႂ်ႉၶေႃႈပူင်

လိၵ်ႈၵမ်းလိုၼ်းသုတ်း ၵေႃႉထုၵ်ႇတၢမ်ႇတၢႆ ဢၼ်တိုၵ်ႉပႂ်ႉၶေႃႈပူင်
-----------------------------------------------------------------------
ၵူၼ်းထွင်ႇၵေႃႉဢၼ်တိုၵ်ႉပႂ်ႉ တႃႇတေလႆႈတၢႆယူႇၼၼ်ႉ ၵၢင်ၸႂ်ၸဝ်ႈၵဝ်ႇ ဢၼ်ၶႂ်ႈပဵၼ်ၵမ်းလိုတ်းသုတ်း မၼ်းယွၼ်းၸေႈဝၢင်ၼိုင်ႈလႄႈ တင်းၵမ်တႅမ်ႈလႅမ်ႈၼိုင်ႈၼၼ်ႉယဝ်ႉ။  ဝၢႆးသေမၼ်းတႅမ်ႈႁိုင်ၵႂႃႇတၢၼ်ႇတၢၼ်ႇယဝ်ႉ မၼ်းဢဝ်ၵႂႃႇပၼ်ၵေႃႉဢၼ်ပႂ်ႉဝႆႉၽၵ်းတူၼၼ်ႉသေ မၼ်းလၢတ်ႈဝႃႈႁႂ်ႈဢဝ်လိၵ်ႈၼႆႉ မိူဝ်းပၼ်ထိုင်ၼႂ်းမိုဝ်းမႄႈမၼ်းၼႆၼၼ်ႉယဝ်ႉ။


လိၵ်ႈဢၼ်မၼ်းၸၢႆးတႅမ်ႈၼၼ်ႉၸမ်ႉႉႉႉႉႉႉ

မႄႈႉႉႉႉသင်ဝႃႈ ၼႂ်းလူၵ်ႈလူင်ၼႆႉ မီးလွင်ႈၽဵင်ႇပဵင်းလိူဝ်ၵဝ်ႇပေႃးဝႃႈၼႆၸိုင် လုၵ်ႈၵေႃႉလဵဝ်ၵူၺ်းဢမ်ႇၸႂ်ႈ ဢၼ်တေလႆႈတၢႆၼၼ်ႉ ပႃးမႄႈႁဝ်းၵေႃႉၼိုင်ႈဢေႃႈ။ ၵွပ်ႈသင်လႄႈပေႃးဝႃႈၼႆၸိုင် ဢၼ်လုၵ်ႈပဵၼ်ဝႆႉယူႇ  တေႃႈလဵဝ်ၼႆႉ မၼ်းၵေႃႈ    ဢမ်ႇလွတ်ႈပႃးမႄႈႁဝ်းၼၼ်ႉယဝ်ႉ။

ၶိုၼ်းဝူၼ်ႉတူၺ်းၶိုၼ်းၶႃႈလႄႈ မိူဝ်ႈလုၵ်ႈၵႂႃႇလၵ်ႉဢဝ်လူတ်ႉပိူၼ်ႈၼၼ်ႉမႃးထိုင်ႁိူၼ်းယဝ်ႉ ၼင်ႇႁိုဝ်ပေႃႈႁဝ်းတေဢမ်ႇ ႁၼ်ၼၼ်ႉ မႄႈႁဝ်းၵေႃႉၸွႆႈလုၵ်ႈ ႁႂ်ႈလုၵ်ႈဢဝ်သိူင်ႇဝႆႉ ၸိူင်ႉၼၼ် ၸိူင်ႉၼႆ ၼႆဢမ်ႇၸႂ်ႈႁိုဝ်။

ၵူၼ်းႁိမ်းႁိူၼ်းႁဝ်း မိူဝ်ႈၶႃႈၵႂႃႇလၵ်ႉၸူၵ်းထူင်တိဝ်ႈမိုဝ်းၶဝ် လၵ်ႉဢဝ်ငိုၼ်းၼႂ်းဢႅပ်ႇၼင်ပိူၼ်ႈၼၼ်ႉၵေႃႈ မႄႈႁဝ်းတိုၵ်ႉတွင်းလႆႈယူႇဢမ်ႇၸႂ်ႈၶႃႈႁႃႉ---ႁႃးမႄႈလုၵ်ႈသွင်ၵေႃႉ ဢဝ်ငိုၼ်းၼၼ်ႉသေၵႂႃႇၸၢႆႇၵၢတ်ႇမႃးၸွမ်းၵၼ်ဢမ်ႇၸႂ်ႈၶႃႈၼႄႇ။

မိူဝ်ႈပေႃႈလႄႈတင်းလုၵ်ႈ မေႃးၵႂၢမ်းၼမ်ၵၼ်ယဝ်ႉသေ ပေႃႈႁဝ်းသမ်ႉလူင်းႁိူၼ်းၵႂႃႇၼၼ်ႉၶႃႈလူး ၸွင်ႇမႄႈႁဝ်းတိုၵ်ႉတွင်းလႆႈယူႇၶႃႈႁႃႉ--။   မိူဝ်ႈၶႃႈတိုၵ်ႉၶိုၼ်ႈႁဵၼ်းသေ ဝၢႆးတွပ်ႇႁဵၼ်းယဝ်ႉ ၶႃႈလုၵ်ႈၵႂႃႇလၵ်ႉဢဝ်ဢမၢတ်ႈတီႈၼႂ်းလုမ်းၼၼ်ႉ ဝၢႆးသေ ၶူးသွၼ်ၶဝ်ႁူႉဝႃႈၶႃႈၵႂႃႇလၵ်ႉၼႆၵေႃႈ ၶူးၶဝ်ၵေႃႈ လိုပ်ႈလုၵ်ႈဢွၵ်ႇႁူင်းႁဵၼ်းၵမ်းလဵဝ်။ မီးပေႃႈႁဝ်း ဢဝ်ပုၼ်ႈၽွၼ်းလုၵ်ႈသေ သင်ႇသွၼ်လုၵ်ႈဝႆႉ။

လုၵ်ႈၼႆႉ တိုၵ်ႉပဵၼ်လုၵ်ႈဢွၼ်ႇၵေႃႉၼိုင်ႈၵူၺ်း သမ်ႉပဵၼ်ၵူၼ်းႁဵတ်းပၼ်ႁႃလူင်ၵေႃႉၼိုင်ႈၵေႃႈၸႂ်ႈ။ ၶႃႈလုၵ်ႈၼႆႉ တိုၵ်ႉပဵၼ်ၵေႃႉဢၼ်ပေႃႈမႄႈလူဝ်ႇသင်ႇသွၼ် ဢွၼ်လၵ်းထႅင်ႈတင်းၼမ်ၵွၼ်ႇ။

လုၵ်ႈၼႆႉဢမ်ႇၸႂ်ႈ ၵေႃႉဢၼ်ပေႃႈလႄႈမႄႈ လႆႈၸႂ်ႉၵိၼ်ႁႅင်းသေထွမ်ႇၵႂၢမ်းပေႃႈမႄႈၼၼ်ႉယဝ်ႉ။ ယွၼ်ႉၼၼ် ဢၼ်ပဵၼ်မႃးႁႃးမႄႈလုၵ်ႈ ၵူႈၸိူဝ်ႉၵူႈလွင်ႈၼၼ်ႉ လုၵ်ႈပွႆႇဝၢင်းၶႂၢင်ႉပၼ်မႄႈႁဝ်းယူႇဢႄႃႈ။

လိၵ်ႈဢၼ်လုၵ်ႈတႅမ်ႈထိုင်မႄႈၼႆႉ သင်ဝႃႈၼႂ်းလူၵ်ႈၼႆႉတိုၵ်ႉမီးယူႇပေႃးဝႃႈၼႆၸိုင် ၼႂ်းလုၵ်ႈၵူႈတီႈ ႁႂ်ႈလိၵ်ႈလုၵ်ႈၼႆႉ ႁွတ်ႈထိုင်ၼႂ်းမိုဝ်း ၸိူဝ်းဢၼ်ပဵၼ်ပေႃႈမႄႈၼၼ်ႉတင်းၼမ်သေၵမ်း။

တေႃႈလဵဝ်ၼႆႉ ၶႃႈလုၵ်ႈၵေႃႈႁူႉယဝ်ႉဝႃႈ ပၺ်ႇၺႃႇလူင်ၼႆ ႁဵတ်းပၼ်လႆႈ လွင်ႈၽိတ်းလႄႈလွင်ႈထုၵ်ႇတႃႇၵူၼ်းႁဝ်းသေ  ဢမ်ႇ ၵႃး ႁဵတ်းႁႂ်ႈၵူၼ်းၼႂ်းလူၵ်ႈၼႆႉ မီးၼမ်ႉၵတ်ႉ မီးပၢႆးဝူၼ်ႉ မီးဢဵၼ်ႁဵင်းၵႅၼ်ႇၶႅင်ထႅင်ႈတင်းၼမ်။

ငိၼ်းၸူမ်းယႂ်ႇၼမ်တေႉၶႃႈ မႄႈမႄႈ ဢၼ်ဢဝ်ဢသၢၵ်ႈလႅၵ်ႈပၼ်လုၵ်ႈသေ တေႃႇႁႂ်ႈလုၵ်ႈပေႃးသဵင်ႈသၢၵ်ႈသၢႆၸႂ်ၵႂႃႇ ဢၼ်မႄႈႁဝ်ႈလႆႈၸွႆႈထႅမ်မႃးၸိူဝ်းၼၼ်ႉ။

လုၵ်ႈပဵၼ် လုၵ်ႈၽိတ်းမႄႈႉႉႉႉ။

တီႈဢၼ်လီမၢႆတွင်း
ပေႃႈမႄႈၵေႃႉဢၼ် ဢမ်ႇယၢမ်ႈယိပ်း ၶွၼ်ႉသေ တူပ်းႁႂ်ႈလၢပ်ႇ တၢပ်ႇႁႂ်ႈၵူဝ်တီႈၼိူဝ်လုၵ်ႈၼၼ်ႉ မိူၼ်ၵၼ်တင်း ၶဝ်ၸင်းလုၵ်ႈလၢင်းၶဝ်ၼႆၼၼ်ႉယဝ်ႉ။ပေႃးဝႃႈပဵၼ်ပေႃႈမႄႈ ၵေႃႉဢၼ်ႁၵ်ႉလုၵ်ႈလၢင်းပေႃးၼႆ မိူဝ်ႈလုၵ်ႈလၢင်းၶဝ်လဵၵ်ႉၼွႆႉ ၼၼ်ႉ  ၶဝ်သင်ႇသွၼ် ဢွၼ်လီ ႁႂ်ႈယဵၼ်ႇငႄႈသေ ပွႆႇႁႂ်ႈလုၵ်ႈၶဝ်ၶဝ်ၶိုၼ်းႁဵၼ်း ႁႂ်ႈႁဵၼ်းႁႃပၺ်ႇၺႃႇ ႁႃတၢင်းႁူႉတၢင်း ႁၼ်ၼႆၼၼ်ႉယဝ်ႉ။

သုတ်တၢၼ်ႇၵျၢမ်း ႑႓ : ႒႔ (သမ်မႃၵျၢမ်း)
ၶိုၼ်းဢဝ်မႃးၸႅၵ်ႇၽေ တွၼ်ႈလီသွၼ်ဢဝ်။