တေႁဵတ်းႁိုဝ်ႁႂ်ႈထၢတ်ႈၸႂ်ၵႅၼ်ႇၶႅင်

ၵဝ်ၶႃႈပဵၼ်ၵူၼ်းပႆထိူင်း ၵူၺ်းၵႃႈဢမ်ႇတွၼ်ႉ

ႁူၼ်လင်။[ဢေႇပရႃႇႁမ်ႇ လိၼ်ၶွလ်းၼ်]

ဝႃႈတေယွမ်းၼမ်ႉၼၵ်းတူဝ်ၼႆသေ သိုဝ်ႉ
သွၵ်းတိၼ်တႃႇလႅၼ်ႈၵၢင်ၼႂ်ဝႆႉၵူႈၼိုင်ႈ ယဝ်ႉၵေႃႈသိုဝ်ႉ ၽၵ်းယိူဝ်ႈၼၢင်းၶဵဝ် ပဵၼ်သႃႉၵွၼ်ႇ။

တႃႇလုၵ်ႉၸဝ်ႉလႆႈၼၼ်ႉ သိုဝ်ႉဝႆႉပႃး Alarm ထႅင်ႈ မိူဝ်ႈလုၵ်ႉလႅၼ်ႈလႆႈမႃးမွၵ်ႈသွင်သၢမ်
ဝူင်ႈယဝ်ႉၼၼ်ႉၸင်ႈတူၺ်းၼမ်ႉၼၵ်း ဢမ်ႇယွမ်းသင်သေဢိတ်း။
ႁိုင်ၵႂႃႇလိူၼ်ၼိုင်ႈၵေႃႈဢမ်ႇပိူင်ႈ ၸႂ်ၵေႃႈတူၵ်းမႃးၵၢင်ၼႂ်ဢမ်ႇၶႂ်ႈလုၵ်ႉယဝ်ႉ။ ထႅင်ႈဝၼ်းၼိုင်ႈမႃးသမ်ႉလုၵ်ႉၵေႃႈ တိုၼ်ႇလႃႈ။
လိုၼ်းသုတ်း မႃႇလႅၼ်ႈမႃႇလိၼ်ႈသင်ယဝ်။
ဢၢၼ်းတႅမ်ႈၸိူင်းၼႆသေ သိုဝ်ႉလူပပ်ႉၸိူင်း ႁေသွင်သၢမ်ပပ်ႉ တေႇတႅမ်ႈသွင်သၢမ်ၼႃႈ

တေႇငဝ်ႈမၼ်းယဝ်ႉသေတႃႉ ဢမ်ႇမေႃလူပ်းလင်တေသုတ်းဢမ်ႇသုတ်း လူၵႂႃႇလူမႃးဢမ်ႇထုၵ်ႇၸႂ်သိၵ်ႇပႅတ်ႈၽိုၼ်ၼိုင်ႈယဝ်ႉၽိုၼ်ၼိုင်ႈ ႁိုင်မႃးၵေႃႈဢမ်ႇပဵၼ်ၸိူင်းသေပွၵ်ႈ ၸႂ်တူၵ်းမႃးသေ ၸဵမ်ဢၼ်
ၵမ်တႅမ်ႈတင်းပပ်ႉ တၢင်းၸိူင်း ဢဝ်ဝိုတ်ႉၶဝ်ႈၵူၺ်ယိူဝ်ႇပႅတ်ႈသဵင်ႈသဵင်ႈယဝ်ႉ။
ၼႆႉတႄႉပဵၼ်တူဝ်ထူပ်းတႆးၵေႃႉၼိုင်ႈလႄႈတူဝ်ထူပ်းၶႃႈၼၼ်ႉယဝ်ႉ။

တေႇယၢင်ႈပႆ ၼႂ်းၶၢဝ်းတၢင်းၽဝၼႆႉတၢင်းႁဝ်းထၢင်ႇလႄႈ ဢၼ်ပဵၼ်တေႉ ၵႂႃႇၵၼ်ၼႃႇ
မိူဝ်ႈၸၸ​တႄႉ ပေႃးႁဵတ်းၼႆတေပဵၼ်ၼႆ ပေႃးပဵၼ်ၼႆတေႁဵတ်းၼႆ ၼႆသေလၢမ်းၶၢတ်ႈ ဝႆႉထႃႈယူၵေႃႈ
ထိုင်မိူဝ်ႈႁဵတ်းတေႉတေႉလႄႈ ဢမ်ႇပဵၼ်မႃးၼႆၸိုင်ၸၢင်ႈၸႂ်တူၵ်းၸႂ်လူႉသေ ၵိုတ်းယိုတ်းပႅတ်ႈ ၵၢၼ်
တၢင်းယိူင်းဢၢၼ်းတူဝ်ၵဝ်ႇၵႂႃႇ ၸိူင်ႉၼင်ႇပိူင်ပဵၼ်တၢင်းၼိူဝ် သွင်ပိူင်ၼႆႉယဝ်ႉ။
ပေႃးထူပ်းၺႃးမႃး တၢင်းယၢပ်ႇၸႅတ်ႈၸႅတ်ႈၼင်ႇၼၼ် ၵူၼ်းၸိူဝ်းၸႂ်ၵႅၼ်ႇၶဝ်တႄႉ တေ
ပူၼ်ႉၵႂႃႇလႆႈယူႇ ပုၼ်ႈတႃႇၵေႃႉႁႅင်းၸႂ်ဢေႇၶဝ်တႄႉဢမ်ႇငၢႆႈငၢႆႈတႃႇၶၢမ်ႈပူၼ်ႉလႆႈ။
သင်ၽူႈလူလိၵ်ႈပဵၼ် ၵူၼ်းၵေႃႉၼိုင်ႈဢၼ်ထၢတ်ႈၸႂ် ဢမ်ႇၵႅၼ်ႇၶႅင်သေ သမ်ႉမီးၵၢင်ၸႂ်
ၶႂ်ႈလႅၵ်ႈလၢႆႈပႅတ်ႈၸႂ်ၼၼ်ႉၼႆ ၶႃႈမီးလွၵ်းလၢႆးလီတႃႇမႃးပိုၼ်ၽေမွၵ်ႇလၢတ်ႈၼေထိုင်ယူႇ။
လွၵ်းလၢႆးဢၼ်ၼႆႉတႄႉ ပဵၼ်လၢႆးဢၼ်တပ်ႉသိုၵ်းၶိုၵ်ႉတွၼ်းNavy SEALs ၶွင်ၸိုင်ႈမိူင်း
ယူႇဢႅတ်ႉၶဝ် ၸႂ်ႉတိုဝ်းၼၼ်ႉယဝ်ႉ ထႅင်ႈၸုမ်းၼိုင်ႈမိူၼ်ၼင်ႇ ၽူႈလဵၼ်ႈႁႅင်း ဢူဝ်ႇလမ်ႇပိတ်ႉၶဝ်ၵေႃႈ
ၸႂ်ႉတိုဝ်းလၢႆးၼႆႉၽိုၵ်းသွၼ်မိူၼ်ၵၼ်။   ဢူဝ်ႇလမ်ႇပိတ်ႉတႄႉဝႆႉသေၵွၼ်ႇယဝ်ႉ
ဢၼ်ၶႂ်ႈသပ်းလႅင်းၼေၼႆႉ ပဵၼ်တပ်ႉသိုၵ်းNavy SELs ၶဝ် ၶဝ်ၼႆႉပဵၼ်တပ်ႉသိုၵ်း ဢၼ်ၵႅၼ်ႇၶႅင်
သုတ်းၼႂ်းၸိုင်ႈမိူင်းဢ​မေႇရီႇၵၢၼ်ႇ တႃႇလႆႈၶဝ်ႈပဵၼ်ၵေႃႉႁၢၼ်ၼႂ်းတပ်ႉၼႆႉ ဢမ်ႇငၢႆႈငၢႆႈ ၵူၼ်းၵမ်ႉ
ၼမ်ၶႂ်ႈပဵၼ်ၵေႃႉႁၢၼ် ၼႂ်းတပ်ႉၼႆႉသေတႃႉ ၽွင်းမိူဝ်ႈၽိုၵ်းသွၼ်ၼၼ်ႉ ဢမ်ႇၶၢမ်ႇလႆႈလႄႈ လႆႈႁူၼ်
လင်ဢွၵ်ႇၶိုၼ်းမီးတၢင်းၼမ်ယဝ်ႈ။
လွၵ်းလၢႆးၶဝ်ၽိုၵ်းၼၼ်ႉ ယၢပ်ႇလိူဝ်သိုၵ်းႁၢၼ်ယူဝ်းယူဝ်းၶဝ် ၽိုၵ်းၼၼ်ႉတေႉတေႉ
သင်ၶႂ်ႈႁၼ်တၢမ်တူဝ်ၵေႃႈ လူတ်ႇတူၺ်းၼႂ်းၸိူင်း Lone Survivor ၼၼ်ႉလႆႈယူႇၶႃႈ။ၼင်ႇႁိုဝ်တူဝ်
တေၵႅၼ်ႇၶႅင်ၼၼ်ႉ ၽိုၵ်းသွၼ်သေဢမ်ႇၵႃး ၼင်ႇႁိုဝ်ထၢတ်ႈၸႂ်တေၵႅၼ်ႇၶႅင်ၵေႃႈ ၽိုၵ်းပၼ်တေႉ"
ဝႃႈဝႃႈယဝ်ႈ။လွၵ်းလၢႆးၽိုၵ်းသွၼ်ၶဝ်ၼၼ်ႉ မီးၼင်ႇတႂ်ႈၼႆႉယဝ်ႉ။

(႑)ႁႂ်ႈမေႃတူၺ်းႁၼ်ၽၢႆႇလွင်ႈလီၽွင်းတေႁဵတ်းၵၢၼ်လႄႈ ၽွင်းတိုၵ်ႉႁဵတ်း
ယူႇၼၼ်ႉ ႁႂ်ႈမေႃဝႆႉၸႂ်တူၺ်းႁၼ်ၽၢႆႇ လွင်ႈလီသေႁဵတ်းသၢင်ႈၼႆယဝ်ႉ။
ၵူၼ်းႁဝ်းၼႆႉ ၽွင်းထူပ်းၺႃးမႃး လွင်ႈၶွင်ႈၶမ်သေပိူင်ပိူင်ၼႆ ၸႂ်ဢမ်ႇၼိမ် ၸႂ်တိုၼ်ႇတဵၼ်ႈ
ဢမ်ႇႁဵတ်းသၢင်ႈၵၢၼ်လႆႈလီလီ။တပ်ႉသိုၵ်းၶဝ်ၼႆႉတႄႉ လႆႈထူပ်းသင်ၵေႃႈတေဢမ်ႇလႆႈၵူဝ် တေလႆႈ
ဝႆႉၸႂ်ၼိမ်ၼိမ်သေႁဵတ်းၼႆယဝ်ႉ။လၢႆးၽိုၵ်းၶဝ်ၼၼ်ႉ ၸႂ်ႉလမ်ၶဝ်ႈတႂ်ႈၼမ်ႉ

မိူဝ်ႈတေႇၸလမ်ၼၼ်ႉ ပႃးလွတ်ႇထူၺ်ႈၸႂ်သေတႃႉပေႃးႁွတ်ႈထိုင်ၵႂႃႇတႂ်ႈၼမ်ႉယဝ်ႉ ၽူႈၽိုၵ်းသွၼ်ၶဝ်
ပူတ်းပႅတ်ႈလွတ်ႇထူၺ်ႈၸႂ်ယဝ်ႉ ဢဝ်မႃးမတ်ႉဝႆႉၽၢႆႇလင်ပႅတ်ႈၼႆယဝ်ႉ။
ၵေႃႉႁၢၼ်ဢၼ်ၼၼ်ႉ တေလႆႈၶတ်းၸႂ်လိတ်ႈယဝ်ႉဢဝ်မႃး သႂ်ႇတႂ်ႈၶူႈၼင်ၸဝ်ႈၵဝ်ႇ ၶူးၽိုၵ်းသွၼ်
ၼၼ်ႉၵေႃႈတေမႃးဢဝ်မတ်ႉဝႆႉၶိုၼ်း ၽၢႆႇလင်ထႅင်ႈႁဵတ်းၼႆ ႁႂ်ႈၶၢမ်ႇႁိုင်ပဵၼ် သၢဝ်းမဵတ်ႉၵွၼ်ႇ ပေႃးဝႃႈ
ၽၢၼ်ႇပူၼ်ႉလႆႈ ၶၢဝ်းတၢင်းသၢဝ်းမဵတ်ႉၵွၼ်ႇ ၸင်ႇတေပွင်ႇဝႃႈ ဢွင်ႇပူၼ်ႉၵၢၼ်သွၼ်။
သင်ဝႃႈၵမ်းဢွၼ်တၢင်း ဢမ်ႇၽၢၼ်ႇလႆႈၼႆပၼ်ၶၢဝ်းယၢမ်း မီးသုၼ်ႇႁဵတ်းလႆႈ ထႅင်ႈယူႇႁႃႈပွၵ်ႈ
ယွၼ်ႉဝႃႈၼႂ်းႁႃႈၵေႃႉၼၼ်ႉ မီးၵေႃႉလဵဝ်ၵူၺ်း ဢၼ်ပူၼ်ႉလႆႈၵမ်းလဵဝ်။
ထၢင်ႇဝႃႈငၢႆႈၼႃႇၼႆယူႇၶႃႈႁ ပေႃးယၢမ်ႈလမ်ၼမ်ႉၼႆတေႁူႉၵၼ်ယူႇ လွင်ႈဝႃႈပေႃးယူႇတႂ်ႈၼမ်ႉ
ၼႆႉၵူၼ်းႁဝ်းမီးၸႂ်ၵူဝ်လိူဝ်သေ ယူႇတၢင်းၼိူဝ်။  ၽွင်းထၢင်ႇဝႃႈၸမ်တၢႆယဝ်ႉ ၼႆၼၼ်ႉၶႅၼ်း
ၸႂ်တဵၼ်ႈႁႅင်းယဝ်ႉၵေႃႉႁၢၼ်ၸိူဝ်းၶဝ်ၼႆႉတႄႉၵေႃႈၸမ်တၢႆလႄႈလႄႈၵေႃႈၸႂ်တေဢမ်ႇလႆႈတိုၼ်ႇတဵၼ်ႈ
တေလႆႈဝႆႉၸႂ်ၼိမ်ၼိမ်သေ လိတ်ႈၸိူၵ်ႈၽၢႆႇလင်ၶဝ်ယဝ်ႉဢဝ်မႃး သႂ်ႇတီႈၶူႈၼင်ၶဝ်ယဝ်ႈ။
ပုၼ်ႈတႃႇႁဝ်းၼႃႇ တေဢဝ်မႃးၸႂ်ႉတိုဝ်းလႆႈၸိူင်ႉၼင်ႇႁိုဝ်ၼႆ ၵေႃႈယူဝ်းယူဝ်းဢွၼ်ႇၵွၺ်းၶႃႈ
ဝႆႉၸႂ်ၼိမ်ၼိမ် တူၺ်းႁၼ်ၽၢႆႇလွင်ႈလီသေယဝ်ႉႁဵတ်းသၢင်ႈ၊လၢတ်ႈၸႃ ယူႇသဝ်းၶႃႈလႄႈ။

(႒)ဝႆႉယိူင်းမၢႆတႅတ်ႈၼႅတ်ႈ
ၵႂၢမ်းၶေႃႈၼႆႉ တေၵႆႉငိၼ်းၵၼ်ၼႃႇယဝ်ႉၶႃႈ ၵူၺ်ႈၼႃႇ ဝူၼ်ႉတူၺ်းလူး ဝႃႈႁဝ်းႁဵတ်းၸွမ်းလၢႆပွၵ်ႈ
ၸၢမ်းၶိုၼ်းဝူၼ်ႉတူၺ်းတူၺ်းၶႃႈလႄႈ။  ၵေႃႉႁၢၼ်ၸိူဝ်းၶဝ်ၼႆႉ တိုၼ်းလႆႈမီးယိူင်းမၢႆ
ဝႆႉတႃႇၵူႈဝၼ်းလႄႈ ၵူႈလိူၼ်ၸိူဝ်းၼၼ်ႉတႃႇသေႇ။ မိူၼ်ၼင်ႇ တင်ႈဢဝ်လုၵ်ႉမႃးတေႃႇ ၵိၼ်ၶဝ်ႈၵၢင်ၼႂ်
တင်ႈဢဝ်ၵိၼ်ၶဝ်ႈၼႂ် တေႃႇၵၢင်ဝၼ်း ယဝ်ႉၵေႃႈဝၢႆးဝၼ်းႁူဝ်ၶမ်ႈ ၸိူဝ်းၼႆႉ ၶဝ်လႆႈတတ်မၵ်းဝႆႉမူတ်း"
ပေႃးႁဵတ်းၸိူင်ႉၼႆ ၼမ်ႉၵတ်ႉၶဝ်ၵေႃႈ ၶိုၼ်ႈယဝ်ႉၶိုၼ်ႈထႅင်ႈ ၶႅၼ်ႇယဝ်ႉ တေၶႅၼ်ႇထႅင်ႈတိၵ်း"ယူႇယဝ်ႉ။

ႁဝ်းဢဝ်မႃးၸႂ်ႉတိုဝ်း ၼႂ်းၽဝၵူႈဝၼ်းႁဝ်းလႆႈမိူၼ်ၼင်ႇမိူဝ်ႈၼႆႉတေႁဵတ်းသင်လၢႆလၢႆၼႆၼၼ်ႉ
တႅမ်ႈမၢႆဝႆႉယဝ်ႉ ၶတ်းၸႂ်ႁဵတ်းႁႂ်ႈယဝ်ႉတူဝ်ႈၵူႈဢၼ်ပေႃးယဝ်ႉယိူင်းမၢႆၼိုင်ႈယဝ်ႉၶိုၼ်းတႅမ်ႈဢၼ်မႂ်ႇထႅင်ႈ
ၽိုၵ်းပၼ်တၢင်းၶႅၼ်ႇတူဝ်ႁဝ်းတႃႇသေႇ သင်ဝႃႈႁဝ်းပဵၼ်ၵူၼ်းတႅမ်ႈလိၵ်ႈၼႆၵေႃႈ ၼိုင်ႈဝၼ်းတေတႅမ်ႈ
ၵႃႈႁိုဝ် တႅမ်ႈသင် တေႁဵတ်းၶႅမ်ႉၵႃႈႁိုဝ်ၼႆၶတ်းၸႂ်ႁႂ်ႈၶႅၼ်ႇယူႇသေႇသေႇ။

(႓)ႁႂ်ႈႁၼ်ဝႆႉၼႂ်းတႃ
ဢွၼ်တၢင်းသုတ်းလပ်းတႃသေ ဝူၼ်ႉထိုင်တီႈႁဝ်းၶႂ်ႈၵႂႃႇ လႄႈၸၢတ်ႈပၢၼ် ဢၼ်ႁဝ်းၶႂ်ႈ
ပဵၼ်ၶႃႈလႄႈ သင်ၶႂ်ႈပဵၼ်ၵူၼ်းမေႃလၢတ်ႈၵႂၢမ်းၶႅၼ်ႇၽၢႆႇၼႃႈၵူၼ်းၼမ်ၼႆ ဝူၼ်ႉႁၼ်ၵူၼ်းၼမ်ၼမ်ၶဝ်
ယၵ်ႉတူၺ်းသႂ်ႇတီႈသူၵေႃႉလဵဝ်ယဝ်ႉ ထွမ်ႇပၼ်သဵင်တူပ်းမိုဝ်းလင်လင်ၼၼ်ႉလႄႈ။
ၶႂ်ႈမိူၼ်ၵူၼ်းယွင်ႇဝႆႉယူႇ ၵူၺ်းၵႃႈဝႃႈမၼ်းမီးၽွၼ်းလီတေႉတေႉ သင်သူၸၢမ်းတူၺ်း
SEALsၶဝ်ၵေႃႈ ၸႂ်ႉတိုဝ်းလၢႆးၼႆႉယဝ်ႉ ၶဝ်ဝူၼ်ႉႁၼ်ၼႂ်းတႃၶဝ် လွင်ႈဝႃႈၶဝ်တိုၵ်းၽူႈၶဵၼ်ပေႉယဝ်ႉ
ထွမ်ႇတူၺ်းသဵင်ၸူမ်း တႆးၵေႃႉၸိူဝ်းတိုၵ်းမႃးၸွမ်းၵၼ်ၸိူဝ်းၼႆႉသေ ၽိုၵ်းသွၼ်တႃႇထၢတ်ႈၸႂ်ၶွင်ၶဝ်
ႁႂ်ႈၵႅၼ်ႇၶႅင်ယူႇယဝ်ႉ။

(႔)ႁဵတ်းႁႂ်ႈမိူၼ်ဢၼ်တေႉ
ၵေႃႉႁၢၼ်ၸိူဝ်းၶဝ်ၼႆႉ ပိၵ်ႉသမ်ႉဝႃႈၽိုၵ်းၼႆသေတႃႉ ၶဝ်လႆႈၽိုၵ်းႁၢဝ်ႈႁႅင်း ၼင်ႇမၼ်းပဵၼ်
ပၢင်တိုၵ်းတေႉတေႉၼၼ်ႉယဝ်ႉ။  မိူဝ်ႈလဵၵ်ႉႁဝ်းယၢမ်ႈတွပ်ႇလိၵ်ႈၵၼ်မႃးၵူႈၵေႃႉယူႇဢမ်ႇၸႂ်ႈႁိုဝ် 

ဢၼ်ပဵၼ်တွပ်ႇၸၢမ်းမၼ်းၵူႈဝူင်ႈဝူင်ႈၼၼ်ႉ ပိၵ်ႉသမ်ႉပႆႇၸႂ်ႈဢၼ်တေႉသေတဝႆႉမိူၼ်ၼင်ႇဢၼ်တေႉ

သေတွပ်ႇၼၼ်ႉၼႃႇ။  ၸၢတ်ႈပၢၼ်ၵူႈဝၼ်းႁဝ်းၵေႃႈ ၸိူင်ႉၼႆယဝ်ႉမၢင်လွင်ႈ ဢမ်ႇပႆႇၸႂ်ႈဢၼ်တေႉ 

ၼႆသေတႃႉ ဝႆႉမိူၼ်ၼင်ႇဢၼ်တေႉသေႁဵတ်းသၢင်ႈယႃႇပေဝႆႉမဝ်"မၢင်"ၵၢၼ်သင်ၵေႃႈယဝ်ႉၼႆယဝ်ႉ။

ယိူင်းၸူးထိုင်တႆးၵေႃႉၵူႈၵေႃႉ ၸိူဝ်းထၢတ်ႈၸႂ်ဢမ်ႇပႆႇၵႅၼ်ႇၶႅင်လႄႈ ပႆႇႁူႉလွၵ်းလၢႆးၽိုၵ်းပၼ်
ထၢတ်ႈၸႂ်ႁႂ်ႈၵႅၼ်ႇၶႅင်ၼၼ်ႉသေ ၸင်ႇလႆႈၶတ်းၸႂ်လဵပ်ႈႁဵၼ်းပိၼ်ႇမႃးတႅမ်ႈတၢင်ႇလူင်းၼေယဝ်ႉၶႃႈ။
ယုမ်ႇယမ်ဝႃႈတေၸွၺ်ႈတႆးၵေႃႉၶဝ်လႆႈယူႇ။

မႂ်ႇသုင်ဝၼ်းၽတ်း-

#ၼေႃႇလၢဝ်မိူင်း(ၼွင်ဢူႇ)
#Navy SEALs