တေႁဵတ်းႁိုဝ် ႁႂ်ႈငိုၼ်းလိူၼ်ၶိုၼ်ႈ

တေႁဵတ်းႁိုဝ် ႁႂ်ႈငိုၼ်းလိူၼ်ၶိုၼ်ႈ
=========================
ၵူၼ်းႁဝ်းၼႆႉ ဢမ်ႇၾၢင်ႉႁၼ်မႅၼ်ႈ တိုဝ်ႉတၢင်း
သုၼ်ႇလႆႈသုၼ်ႇပဵၼ်ၼၼ်ႉလူင်။ယွၼ်ႉၵွပ်ႈဝႃႈ
တိုဝ်ႉတၢင်း သုၼ်ႇလႆႈသုၼ်ႇပဵၼ် ဢၼ်ဝႃႈၼႆႉ
မၼ်းၵႆႉပွမ်ပဵၼ်ႁၢင်ႈ ၵူၼ်းႁဵတ်းၵၢၼ်သေမႃးႁႃ
ၼၼ်ႉယဝ်ႉ?။ -Thomas Edison

လႆႈလူႁူဝ်ၶေႃႈ လိၵ်ႈၼႆႉယဝ်ႉ ၽူႈလူလိၵ်ႈႁဝ်း
ၶဝ် တေဢွၼ်ၵၼ်ယုမ်ႉ ယူႇၼေႃထၢင်ႇတႄႉ။
တေႁဵတ်းႁိုဝ်ႁႂ်ႈ ငိုၼ်းလိူၼ်ၶိုၼ်ႈၼႆႁႃႉ? 😄😄
ဢူဝ်ႉႁူဝ်ႇ! တီႈၼႂ်းၸႂ်ၵူႈၵေႃႉ တေမီးလွင်ႈထၢင်ႇ
ထိူမ်ငမ်းငဝ်းဝႆႉယူႇ ဝႃႈၸွင်ႇမီးလၢႆးမၼ်းတေႉၼႆ။

ပေႃးၵပ်းၵၢႆႈလွင်ႈ ငိုၼ်းလိူၼ်မႃးၸိုင် ၵူၼ်းႁဵတ်းၵၢၼ်ၵမ်ႉပႃႈၼမ် ဢမ်ႇတူၺ်းၽၢႆႇၶဝ် ၵူၺ်းၶႂ်ႈၼေး
သႂ်ႇၽၢႆႇပဵၼ်ပေႃႈလဵင်ႉမႄႈလဵင်ႉတိၵ်းတိၵ်းၵွၺ်း။ ယွၼ်ႉၼၼ် ၸင်ႇၵမ်းၵမ်းတုၵ်း ႁႂ်ႈၶိုၼ်ႈငိုၼ်းလိူၼ်
ပၼ်ၶဝ်ၼႆၼၼ်ႉၼႃႇ။

ၶႃႈလႆႈႁၼ်လုၵ်ႈဢွၼ်ႇၵေႃႉၼိုင်ႈ မၼ်းၶႂ်ႈႁႂ်ႈငိုၼ်းလိူၼ်မၼ်းၶိုၼ်ႈၼႆလႄႈ ၵႂႃႇတုၵ်းယွၼ်းတီႈပေႃႈ
လဵင်ႉၶဝ် ပဵၼ်ႁူၵ်းပွၵ်ႈၼႆဝႃႇ။တီႈတေႉမၼ်းတႄႉဢမ်ႇတၢပ်ႈၵႂႃႇ ႁဵတ်းထိုင်ထၢၼ်ႇၼၢၼ်ႉ။ငိုၼ်းလိူၼ်
ဢၼ်ဝႃႈၼႆႉ ယူႇလၢႆလၢႆမၼ်းႁိုဝ်ၶိုၼ်ႈမႃးလႆႈ ႁင်းၶေႃမၼ်းလႃႇ။

ၶႃႈၵေႃႈ ၶိုၼ်းပၼ်တၢင်းႁၼ် တီႈလုၵ်ႈဢွၼ်ႇၵေႃႉၼၼ်ႉဝႃႈ မႂ်းတူၺ်းၽၢႆႇမႂ်း တႃႇမႂ်းၶႂ်ႈလႆႈၵူၺ်းလႄႇ
တူၺ်းၽၢႆႇပေႃႈလဵင်ႉၽွင်ႈလႄႈ ဝႃႈၶဝ်လူဝ်ႇသင်ၼႆၼၼ်ႉ။ သင်မႂ်းပဵၼ်ပေႃႈလဵင်ႉၼႆ မႃးယွၼ်းတုၵ်း
ၶိုၼ်ႈငိုၼ်းလိူၼ်ၼင်ႇၼႆ မႂ်းတေၶိုၼ်ႈပၼ်ယူႇႁႃႉ။ ပီႈဢၢႆႈၶႂ်ႈဝႃႈၼႆႉ တၢင်းၽိတ်းမီးတီႈၶႃႈၼႆႁ?

တၢင်းၽိတ်းတႄႉဝႆႉသေၵွၼ်ႇ ႁဝ်းဝႃႈတီႈယူပ်ႈယွမ်းၼႆဢဝ်ၵႂႃႈ။

ပေႃးၼၼ် တီႈယူပ်ႈယွမ်းၶႃႈ သမ်ႉပဵၼ်သင်?။

ၼၼ်ႉတႄႉ မႂ်းတေလႆႈ ထၢမ်တူဝ်မႂ်းႁင်းၵွၺ်းယဝ်ႉၵေႃႈၶိုၼ်းတွပ်ႇ တူဝ်ၸဝ်ႈၵဝ်ႇမႂ်းၶိုၼ်းဢိူဝ်ႈ။

ဢမ်ႇၸႂ်ႈပုၼ်ႈၽွၼ်းၽႂ်။ၶႃႈလၢတ်ႈၼင်ႇၼႆယဝ်ႉတူၺ်းႁၼ်မၼ်း တိုၵ်ႉၶႂ်ႈၵႂင်ဝႆႉယူႇလႄႈ ၸင်ႇႁွင်ႉ
မၼ်းမႃးၸမ်ၸမ်သေဝႃႈ ၵဝ်တေလၢတ်ႈၼေမႂ်းလၢႆးလပ်ႉ ဢၼ်ငၢႆႈသုတ်း တႃႇငိုၼ်းလိူၼ်ၶိုၼ်ႈ။
ထွမ်ႇလီလီၼႃ- ၼႂ်းၵူၼ်းၼိုင်ႈပၢၵ်ႇၼၼ်ႉ ပေႃးမႂ်းပဵၼ် ၵူၼ်းၶတ်းၸႂ်ႁၢဝ်ႉႁၢဝ်ႉႁႅင်း တေႉတေႉဝႃႈဝႃႈ 

ၼႆ မႂ်းတေပူၼ်ႉပိူၼ်ႈၶိုၼ်ႈၵႂႃႇလႆႈ တႃႇႁႃႈသိပ်းၵေႃႉဢိူဝ်ႈ ပွင်ႇၸႂ်ယူႇႁႃႉ?။

သမ်ႉထႅင်ႈပေႃးမႂ်း ပဵၼ်ၵူၼ်းသိုဝ်ႈယူဝ်း ဢမ်ႇလိင်ႉဢမ်ႇလႅၼ် ဢမ်ႇမူၵ်းဢမ်ႇပၢႆႈ လူင်းၵၢၼ်မၢၼ်ႇ"
ယုမ်ႇယုမ်ႇယမ်ယမ်တေႃႇ ၼႃႈၵၢၼ်သေႁဵတ်းသၢင်ႈပေႃးၼႆ မႂ်းတေပူၼ်ႉၵႂႃႇလႆႈထႅင်ႈ ၵူၼ်းသီႇသိပ်းၵေႃႉ
ၵမ်းလဵဝ်ဢိူဝ်ႈ။ထႅင်ႈသိပ်းၵေႃႉၶႃႈလူး?လုၵ်ႈဢွၼ်ႇၼၼ်ႉထၢမ်။

ၵူၼ်းသိပ်းၵေႃႉၼၼ်ႉတႄႉ ပေႃးမႂ်းဢမ်ႇၶတ်းၸႂ်ႁဵတ်းၵၢၼ် ဢဝ်လိပ်းဢဝ်တၢႆ တေႉတေႉၼႆၸိုင်
မႂ်းဢမ်ႇပူၼ်ႉၶဝ်ၼၼ်ႉလႆႈ။   ပီႈဢၢႆႈၶႂ်ႈဝႃႈၼႆႉ ၼႂ်းၵူၼ်းႁဵတ်းၵၢၼ်ၼိုင်ႈပၢၵ်ႇၼႆႉတႃႇႁႃႈသိပ်းၵေႃႉ 

ပဵၼ်ၵူၼ်းၶၢၼ်ႉၼႆၶႃႈၵႃႈ။ မႅၼ်ႈယဝ်ႉ။ထႅင်ႈသီႇသိပ်းၵေႃႉသမ်ႉ ပဵၼ်ၵူၼ်းလိင်ႉၵၢၼ်ၸွင်ႇ

ၸႂ်ႈ။ၼႆႉၵေႃႈမႅၼ်ႈယဝ်ႈ။
သိပ်းၵေႃႉသမ်ႉၼႃႇ ဢေႃႈ!သိပ်းၵေႃႉၼႆႉ သမ်ႉပဵၼ်ၵူၼ်းႁဵတ်းၵၢၼ်တေႉတေႉ ၶတ်းၸႂ်တေႉတေႉၶဝ်
ၸွင်ႇၸႂ်ႈႁိုဝ်?။

ၸႂ်ႈယဝ်ႉဢၢႆႈၼွင်ႉ ၸူမ်းယဝ်ႉၼႃဢၼ်မႂ်းပွင်ႇၸႂ်ၵမ်းၼႆႉတွင်းဝႆႉလႄႈ ၶႂ်ႈႁႂ်ႈငိုၼ်းလိူၼ်ႁဝ်းၶိုၼ်ႈသေ
ဢမ်ႇတၢပ်ႈၵႂႃႇယွၼ်းၶိုၼ်ႈ တီႈပေႃႈလဵင်ႉႁဝ်းၼၼ်ႉႁဵတ်းသင် ပေႃႈလဵင်ႉၼိုင်ႈၵေႃႉၼႆႉ လုၵ်ႈၼွင်ႉမၼ်း
ႁဵတ်းၵၢၼ်ဢမ်ႇႁဵတ်း ပဵၼ်ႁိုဝ်ပဵၼ်ႁႃၼႆ ၸွင်ႇၶႅၼ်းမၼ်းဢမ်ႇႁူႉဢမ်ႇၸႂ်ႈ ၶဝ်တိုၼ်းထတ်းသၢင်ႈတူၺ်း
ယူႇတႃႇသေႇ သူၶဝ်ၵူၺ်းဢမ်ႇၾၢင်ႉႁၼ်ၼင်။  ပေႃးၶတ်းၸႂ်ယူႇလႄႈ မၼ်းဢမ်ႇၶိုၼ်ႈပၼ်လူး

တေႁဵတ်းႁိုဝ်လႃႇ?

မႂ်းႁမ်ႉတေငိူဝ်ႈႁေ ႁဵတ်းၵၢၼ်တီႈၼၼ်ႈ ယူႇႁဵတ်းသင်လႃႇ။ ယွၼ်ႉႁဝ်းမိုတ်ႈၵၼ်လီလႄႈ ၶႃႈဝႃႈသႂ်ႇ
ၸိူင်ႉၼၼ်သေတႃႉ မၼ်းၵေႃႈဢမ်ႇၸႂ်လမ်သင်ၼင်ႇၵဝ်ႇ။ ဝၢႆးၼၼ်ႉ ထႅင်ႈသီႇလိူၼ် လႆႈငိၼ်းၶၢဝ်ႇ
ဝႃႈငိုၼ်းလိူၼ်မၼ်းၶိုၼ်ႈယဝ်ႉၼႆယူႇ။ မၼ်းၵေႃႈၶိုၼ်းတႅမ်ႈလိၵ်ႈ ၽၢၵ်ႇမႃးမွၵ်ႇလၢတ်ႈၼေၶႃႈယူႇ။

ၼႆႉတႄႉပဵၼ်ပိူင်ပဵၼ် လွၵ်းလၢႆးတႃႇႁႂ်ႈငိုၼ်းလိူၼ်ၶိုၼ်ႈဢၼ်တိူဝ်ႉယမ်သုတ်း ဢၼ်ပိူၼ်ႈၸႂ်ႉၵၼ်မႃး
ၼမ်သေ ၵူၼ်းၵမ်ႈၽွင်ႈပႆႇႁူႉၼၼ်ႉယဝ်ႉ။ တေႃႈလဵဝ်ႁူႉၵၼ်ယဝ်ႉၵေႃႈၸၢမ်းၸႂ်ႉတူၺ်းၶႃႈလႄႈ။

လွၵ်းလၢႆးဢၼ်ၼႆႉ ၸႂ်ႉလႆႈၼႂ်းၼႃႈၵၢၼ်ၵူႈတီႈၵူႈဢွင်ႈယဝ်ႉၶႃႈ ဢမ်ႇၵွမ်ႉၵႃႈ ၵၢၼ်ယွၼ်းၶိုၼ်ႈ
ငိုၼ်းလိူၼ်ပိူင်လဵဝ် ၵူၼ်းဢၼ်ၸႂ်ႉတိုဝ်းလွၵ်းလၢႆးၼႆသေ ဢွင်မၢၼ်ၵႂႃႇတေႉတေႉဝႃႈ မီးထႅင်ႈတၢင်း
ၼမ် ၼႂ်းၼၼ်ႉတေလိူၵ်ႈတႅမ်ႈၼေ လွင်ႈပိူင်ပဵၼ်ၵူၼ်းၵေႃႉၼိုင်ႈ ပဵၼ်သ​ထေးလူင် ႁၢၼ်ႉၶၢႆၶူဝ်းၵုၼ်ႇ
ၵူႈမဵဝ်းမဵဝ်း ႁိင်ႇၼႃႇရီႇၵၢႆႇသႃႇၼၼ်ႉယဝ်ႉ။လၢႆးယွၼ်းႁဵတ်းၵၢၼ်ႁိင်ႇၼႃႇရီႇၵၢႆႇသႃႇ

============================
မိူဝ်ႈၼၼ်ႉ မၼ်းပႆႇပဵၼ်သ​ထေး ဢႃႇယုမၼ်းၵေႃႈတိုၵ်ႉမီးသိပ်းႁူၵ်းၵွၺ်းၵွၼ်ႇ။ လဵၵ်ႉၵႃႈၼၢၼ်ႉသေ
တႃႉ မၼ်းပေႃးယၢမ်ႈႁဵတ်းၵၢၼ် မႃးလၢႆမဵဝ်းၼႃႇယဝ်ႉၼႆယဝ်ႉ။

ပိူဝ်ႈတႃႇၸၢမ်းတူၺ်း ၼမ်ႉၵတ်ႉတၢင်းၶႅၼ်ႇတူဝ်ၵဝ်ႇမၼ်း မၼ်းၵႂႃႇယွၼ်းႁဵတ်းၵၢၼ် တီႈလၢၼ်ႉ
သုၵ်ႈၶႅပ်းႁၢင်ႈလၢၼ်ႉၼိုင်ႈ ၵူၺ်းၵႃႈလၢႆးယွၼ်းႁဵတ်းၵၢၼ်မၼ်း ဢမ်ႇမိူၼ်ပိူၼ်ႈ။မၼ်းၶဝ်ႈၵႂႃႇႁႃ
လုင်းၸဝ်ႈၶွင် လၢၼ်ႉၼၼ်ႉသေဝႃႈ။

လုင်းလုင်းၶႃႈ ၶႃႈၶႂ်ႈႁဵတ်းၵၢၼ်တီႈလၢၼ်ႉ လုင်းႁဝ်းၶဝ်ၼႆႉဢေႃႈ။ၼႂ်းၶၢဝ်းတၢင်း သွင်လိူၼ်ၵွၺ်း
ၼင်ႇႁိုဝ်ငိုၼ်းၶဝ်ႈ ၼႂ်းလၢၼ်ႉ လုင်းႁဝ်းၶဝ်ၼႆႉပေႃးတေတိူဝ်းမႃး သၢမ်ပုၼ်ႈၼၼ်ႉ ၶႃႈႁဵတ်းပၼ်
လႆႈၶႃႈဢေႃႈ ၼႆယဝ်ႉ။

ၵႂၢမ်းလၢတ်ႈမၼ်း ႁတ်းႁၢၼ်တႅၵ်ႇလႅင်းလီၼႃႇ။ ၵူၺ်းၵႃႈ မၼ်းလၢတ်ႈၵႂၢမ်းၸိူင်ႉၼႆ ယွၼ်ႉပဵၼ်ပွၵ်ႈ
ဢွၼ်တၢင်းသုတ်းလႄႈ ၼင်ႇႁိုဝ်တေဢမ်ႇသၼ်ႇၼၼ်ႉ မၼ်းလႆႈထိင်းတူဝ်မၼ်း တေႉတေႉယူႇ။

ၸိူင်ႉႁိုဝ်ဢေႉ မႂ်းတေႁဵတ်းႁိုဝ်ပၼ်ဢႃႊ။ ၸဝ်ႈလၢၼ်ႉၶႅပ်းႁၢင်ႈ တၢင်းၶူဝ်တၢင်းထၢမ်ယူႇ။

ၶႃႈဝႃႈတေႉၶႃႈဢေႃႈ ပေႃးမၼ်းဢမ်ႇတိူဝ်းမႃးသၢမ်ပုၼ်ႈၼႆ ယႃႇပၼ်ၶႃႈသေပႅၵ်ႉ။ၵူၺ်းၵႃႈ
ပေႃးမၼ်းတိူဝ်းမႃးတေႉၼႆ ငိုၼ်းတိူဝ်းသၢမ်ပုၼ်ႈၼၼ်ႉ လုင်းႁဝ်းတေလႆႈပၼ်ၶႃႈၼိုင်ႈၶိုင်ႈ ၼႆယဝ်ႉ။

ႁႃႉ!ပေႃးမိူၼ်ၼင်ႇ မႂ်းလၢတ်ႈၼၼ်ႉတေႉ ၵဝ်တေဢၢပ်ႈပၼ်မႂ်း ပဵၼ်ၽူႈၸတ်းၵၢၼ်မၼ်းမူတ်းၵွၼ်ႇ
ဢိူဝ်ႈ။ၸဝ်ႈလၢၼ်ႉၵေႃႈတွပ်ႇဝႃႈၼႆယဝ်ႉ။ မၼ်းၵေႃႈ ႁၢၼ်ႉၸႂ်ႁၢၼ်ႉၶေႃးသေ ၶဝ်ႈႁဵတ်းၵၢၼ်
တီႈၼႂ်းလၢၼ်ႉ သုၵ်ႈၶႅပ်းႁၢင်ႈၼႆႉၵႂႃႇယူႇယဝ်ႉ။

ဝၢႆးမၼ်းလႆႈႁဵတ်းၵၢၼ်တီႈၼၼ်ႈ ႁိင်ႇၼႃႇလီၶိုၼ်းၶႆႊၼေၶိုၼ်း တူဝ်ထူပ်းမၼ်းၼင်ႇၼႆ။

ဝၢႆးၸဝ်ႈလၢၼ်ႉ ႁပ်ႉၶႃႈၶဝ်ႈႁဵတ်းၵၢၼ်ယဝ်ႉၼၼ်ႉတေႇၸႃႉမၼ်း ၶႂ်ႈတူၵ်းၸႂ်ၶိုၼ်း ၵတိၸဝ်ႈၵဝ်ႇၶိုၼ်း
ယူႇ တေလႆႈႁဵတ်းႁႂ်ႈ မၼ်းပဵၼ်လႆႈတေႉယဝ်ႉလူး။ ၶပ်ႉမၢႆၼိုင်ႈ ဢၼ်ၶႃႈႁဵတ်း တႅမ်ႈလိၵ်ႈပၢႆႉဝႆႉတီႈၽၢႆႇ
ၼႃႈလၢၼ်ႉဝႃႈ သုၵ်ႈပၼ်ၶႅပ်းႁၢင်ႈႁႂ်ႈယဝ်ႉ ၼႂ်းဝၼ်းလဵဝ် ၼႆၼၼ်ႉယဝ်ႉ။ ယွၼ်ဝႃႈပေႃးၶႃႈ ႁဵတ်းၼၼ်
တေဢမ်ႇမီး ၶၢဝ်းယၢမ်းလႆႈၼွၼ်းလႄႈၸဝ်ႈလၢၼ်ႉၼၼ်ႉ ႁၢမ်ႈၶႃႈယူႇ ဝႃႈဢမ်ႇပဵၼ်လႆႈၼႆ။ၶႃႈၵေႃႈ
တိုၼ်းတေႁဵတ်းႁႂ်ႈမၼ်းပဵၼ် ၼႆတေႃႇမၼ်းၶိုၼ်း။ လီဢၢမ်းၼႃႇ မိူဝ်ႈၼၼ်ႉ ၶႃႈသုၵ်ႈၶႅပ်းႁၢင်ႈတၢင်း
ၶိုၼ်း တေႃႇၵၢင်ၼႂ်သီႇမူင်းသေတႃႉ တႃၼွၼ်းဢမ်ႇလူႉ ႁဵတ်းၵၢၼ်ၼႆႉ ႁိုင်ပဵၼ်႑႘ၸူဝ်ႈမူင်းၵေႃႈ ၶႃႈ
ဢမ်ႇပဵၼ်သင် တေလႆႈဝႃႈယွၼ်ႉၶႃႈ သိူဝ်းၸႂ်ၸွမ်းဢၼ်လႆႈၶတ်းၸႂ်ႁဵတ်း ၼင်ႇၵႂၢမ်းလၢတ်ႈ တူဝ်ၵဝ်ႇ
ၼၼ်ႉလႄႈ ၸင်ႇဢမ်ႇပဵၼ်သင်ၼႆယူႇ။ဝၢႆးၼၼ်ႉၵူၼ်းမႃးၸူး သုၵ်ႈၶႅပ်းႁၢင်ႈၵေႃႈ ၼမ်မႃးၵူႈဝၼ်း
ၼမ်မႃးလိူဝ်ၵဝ်ႇ ယွၼ်ႉဝႃႈမၼ်းလႆႈၼႂ်း ဝၼ်းလဵဝ်ၼၼ်ႉယဝ်ႉ။ ၵွပ်ႈလႆႈႁဵတ်း ၼမ်လိူဝ်မိူဝ်ႈၵူႈပွၵ်ႈမႃး
လႄႈ ၶႃႈမႄးလႅၵ်ႈလၢႆႈ လၢႆးၶပ်ႉလၢႆးတမ်း ၼႃႈၵၢၼ်ၸိူဝ်းၼၼ်ႉ ၵူႈလွင်ႈပႅတ်ႈ။ ထိုင်မႃးသွင်လိူၼ်
မိူဝ်ႈမႃးၼပ်ႉတူၺ်း ငိုၼ်းၶဝ်ႈၼၼ်ႉ လိူဝ်မႃးထႅင်ႈပဵၼ်သီႇပုၼ်ႈၵွၼ်ႇ။ ၶႃႈၵေႃႈ ၵိုင်ႉၵၢင်ႉလႆႈၶိုၼ်ႈပဵၼ်
ၵႂႃႇ ၽူႈၸတ်းၵၢၼ်ၼႃႈၵၢၼ် တၢင်းသဵင်ႈတၢင်းမူတ်း ယူႇယဝ်ႉ။

ၼႆႉတႄႉ ပဵၼ်တူဝ်ထူပ်းသ​ထေးလူင် မိူဝ်ႈမၼ်းပႆႇမီးသင် တိုၵ်ႉပဵၼ်မၢဝ်ႇထႅဝ်ႇဢွၼ်ႇ ဢႃႇယု႑႖ ၼၼ်ႉ
ယဝ်ႉ။
ၼမ်ႉၸႂ်ႁိင်ႇၼႃႇရီႇၵၢႆႇသႃႇၼႆႉ ပေႃးပိူၼ်ႈႁဵတ်းၵၢၼ် ႑႐ ၸူဝ်ႈမူင်း မၼ်းႁဵတ်း႑႘ၸူဝ်ႈမူင်း။
ပေႃးၵၢၼ်ပိူၼ်ႈႁဵတ်းႁႂ်ႈယဝ်ႉၼႂ်းၼိုင်ႈဝၼ်း မၼ်းႁဵတ်းႁႂ်ႈယဝ်ႉလႆႈၼႂ်းၶိုင်ႈဝၼ်း။
ပေႃးၶူဝ်းဢၼ်ပိူၼ်ႈထုၵ်ႈ ၶၢမ်ႇၼိုင်ႈပီ မၼ်းၶတ်းၸႂ်ႁႂ်ႈၶၢမ်ႇသွင်ပီၼၼ်ႉယဝ်ႉ။

ၵၢၼ်ဢၼ်မၼ်းၶဝ်ႈႁဵတ်းမႃး ၵူႈတီႈတီႈၼႆႉ တိုၼ်းၶိုၼ်ႈယႂ်ႇၵႂႃႇတေႉတေႉဝႃႈဝႃႈၵူႈဢၼ်။ ဝၢႆးၼၼ်ႉ
တၢမ်တူဝ်မၼ်းၵေႃႈ ၶိုၼ်ႈပဵၼ်မႃးသ​ထေးလူင်ၵေႃႉၼိုင်ႈ ဢၼ်မီးငိုၼ်းတေႃႇလႃႇၼပ်ႉႁူဝ်ႁဵင်လၢၼ်ႉ
မၼ်းၼၼ်ႉယူႇယဝ်ႉ။ၵႂၢမ်းၽၢၵ်ႇတွၼ်ႈမၼ်းဢၼ်ၼိုင်ႈဝႃႈဝႆႉ။

ၵူၼ်းႁဝ်းၵမ်ႉၼမ်ၼမ်ၼႆႉ ၼႂ်းၼမ်ႉၵတ်ႉတၢင်းၶႅၼ်ႇ ၶဝ် ၼိုင်ႈပၢၵ်ႇၼၼ်ႉ ၶဝ်ၸႂ်ႉတိုဝ်းၼႂ်းသိပ်းၼိုင်ႈသေ
ၶိုၼ်းတၢႆ ၵႂႃႇလၢႆလၢႆပႅတ်ႈယဝ်ႉ။သင်ၸိူဝ်ႉဝႃႈ မီးၵႃႈႁိုဝ်ၵေႃႈ ၸႂ်ႉတိုဝ်းသဵင်ႈသဵင်ႈၼႆ လွင်ႈၶိုၼ်ႈယႂ်ႇတူဝ်
ၵဝ်ႇၼၼ်ႉ တူဝ်ၸဝ်ႈၵဝ်ႇ ယင်းတေလႆႈဢၢမ်းၶိုၼ်းၵွၼ်ႇၼႆယဝ်ႉ။

ယုမ်ႇယမ်ဝႃႈ တေၸွၺ်ႈထႅမ်ပၼ်လႆႈ တႆးၵေႃႉၸိူဝ်းၶႂ်ႈႁႂ်ႈငိုၼ်းလိူၼ်ၶိုၼ်ႈ ဢမ်ႇၼၼ် ၸိူဝ်းၶႂ်ႈႁႂ်ႈၼႃႈ
ၵၢၼ်ၸဝ်ႈၵဝ်ႇၶိုၼ်ႈယႂ်ႇ တိူဝ်းတွၼ်းလိူဝ်ၵဝ်ႇၼၼ်ႉယူႇၼႆၶႃႈ။

ပေႃးမီးၽွၼ်းလီယူႇၼႆ သိုပ်ႇပိုၼ်ၽေၼေပၼ်တႆးၵေႃႉတႆးသႄႈလႄႈ ပီႈပီႈၼွင်ႉၼွင်ႉထႅင်ႈသေ
ၵမ်းၶႃႈ။ယႃႇလိုမ်းပၼ်ႁႅင်းလၢႆႉတိတ်းတၢမ်းဝႆႉၼႃႈလိၵ်ႈဢၼ်ၼႆႉၶႃႈၼေႃႈ။

မႂ်ႇသုင်ၵၢင်ၼႂ်ဝၼ်းသဝ်ၵူႈၵေႃႉၶႃႈ-

#ၼေႃႇလၢဝ်မိူင်း ၼွင်ဢူႇ
#႑႒.ဢေႃးၵၢသ်ႉ.႒႐႑႗