ပိုၼ်ႉထၢၼ်လၢႆးႁႃငိုၼ်း

ပိုၼ်ႉထၢၼ်လၢႆးႁႃငိုၼ်း
================
ရေႃးပိူတ်ႉ(Robrert T-Kiyosaki)ၼႆႉ
ပဵၼ်ၵျႃႇပၢၼ်ႇ သၢႆသိုပ်ႇၶိူဝ်းႁိူၼ်းၵမ်းထူၼ်ႈသီႇ
ပဵၼ်လုၵ်ႈၶိုင်ႈဢ​မေႇရီႇၵၢၼ်ႇၼႆယဝ်ႉ။ ၵိူတ်ႇတီႈ
ၵုၼ်ႁႃႇဝူၺ်ႇယၼ်ႇ လႆႈၸုမ်ႈၶူးမႃးတီႈ ၸၼ်ႉၸွမ်
ၼိဝ်းယွၵ်ႉ။မၼ်းလႆႈၶဝ်ႈႁၢပ်ႇၵၢၼ်သိုၵ်း မိူဝ်ႈပၢၼ်
ဢ​မေႇရီႇၵၢၼ်ႇ ၶဝ်ႈတိုၵ်းဝႅတ်ႉၼၢမ်း ယဝ်ႉၵေႃႈ
ပဵၼ်ၽူႈမီးၸၼ်ႉ ၼႂ်းၽၢႆႇတပ်ႉလူမ်းၵေႃႉၼိုင်ႈ။

ဝၢႆးသေမၼ်း ဢွၵ်ႇတပ်ႉမႃးယဝ်ႉၼၼ်ႉ မၼ်းတေႇ

တင်ႈၵုမ်ႇပၼ်ႇၼီႇ ထူင်ငိုၼ်းမိူဝ်ႈ႑႖႗႗ ယူႇယဝ်ႉ။ ဝၢႆးၼၼ်ႉ သိုပ်ႇပိုတ်ႇၽုၺ်ႇ ၵုမ်ႇပၼ်ႇၼီႇၽၢႆႇၵၢၼ်
ပၢႆးမၢၵ်ႈမီး လွၵ်းလၢႆးႁႃငိုၼ်းထႅင်ႈသေ ပူင်သွၼ်ပၼ်လုၵ်ႈႁဵၼ်း ဢၢၼ်ႇႁူဝ်မိုၼ်ႇႁူဝ်ႁဵင်မၼ်း ယူႇယဝ်ႉ။

တေႃႈလဵဝ် မၼ်းပဵၼ်မီႇလျႅၼ်ႇၼႃႇ သ​ထေးဢၼ်မီးငိုၼ်းၼပ်ႉပဵၼ်ႁူဝ်လၢၼ်ႉမၼ်း ၵေႃႉၼိုင်ႈသေ
ပိၵ်ႉသမ်ႉဢမ်ႇၶႂ်ႈ ႁဵတ်းၵၢၼ်သင်ၵေႃႈ ယူႇသဝ်းၵႂႃႇလၢႆလၢႆလႆႈယဝ်ႉၼႆယဝ်ႉ။

လွၵ်းလၢႆးဢၼ်တေ တၢင်ႇလၢတ်ႈၼေၵႂႃႇၼႆႉတႄႉပဵၼ်လွၵ်းလၢႆး ဢၼ်ပေႃႈၵူၼ်းမီး သင်ႇသွၼ်ပၼ်
ႁႂ်ႈမၼ်းမၢၵ်ႈမီးမႃးၼၼ်ႉယဝ်ႉ။

**************
ၽွင်းၵူၼ်းႁဝ်းတၢင်းၼမ် ဢွၼ်ၵၼ်ဝႃႈ ပေႃးၶႂ်ႈမၢၵ်ႈမီး လူဝ်ႇၶတ်းၸႂ်တေႉတေႉဝႃႈဝႃႈ ယၢပ်ႇ"
ယၢၵ်ႈ"သေၵွၼ်ႇ ၸင်ႇၸၢင်ႈမီးလႆႈ ၼႆယူႇၼၼ်ႉ။ ပေႃႈၵူၼ်းမီး(Rich Dat's) သမ်ႉသင်ႇသွၼ်ဝႃႈ
ပေႃးၶႂ်ႈပဵၼ်ၵူၼ်းမီးၼႆ လူဝ်ႇႁဵတ်းၵၢၼ် ဢၼ်ဢွၵ်ႇႁႅင်းဢေႇဢေႇ လႆႈၼမ်ႉမႅတ်ႈ ၼမ်ၼမ်ၼၼ်ႉဢိူဝ်ႈ
ၼႆဝႃႇ။

ၽူႈလူလိၵ်ႈႁဝ်းၶဝ် တေႁၼ်ထိုင်ၼင်ႇႁိုဝ် ၼိူဝ်ၵႂၢမ်းလၢတ်ႈမၼ်းၼႆႉ။ ဝူၼ်ႉတူၺ်းၶိုၼ်း ႁင်းၽႂ်
မၼ်းၵမ်ႉၼိုင်ႈ ယႃႇၽုမ်ႈသိုပ်ႇလူ။

မၼ်းလီလႃႈလၢတ်ႈ ဢမ်ႇၸႂ်ႈသႄႈ တၢမ်တူဝ်မၼ်းၵေႃႈ ၸႂ်ႉတိုဝ်းၵျၢင်ႉၵမ် ယူႇသဝ်းမႃးၸွမ်း လွၵ်းလၢႆး
ၽႅၼ်ၵၢၼ်ဢၼ်ၼႆႉလႄႈ မၼ်းပေႃးလႆႈပဵၼ် ၿီႇလျႅၼ်ႇၼႃႇလူင်ၵေႃႉၼိုင်ႈယဝ်ႉၼင်ႇၵဝ်ႇလူး။

လွၵ်းလၢႆးတႃလႆႈငိုၼ်းၼႆႉ မၼ်းၸႅၵ်ႇၽေၼေပၼ်ဝႃႈ မီးသီႇသႅၼ်းၼႆယဝ်ႉ။
ၼၼ်ႉတႄႉပဵၼ် E,S,B,Iၼႆသီႇသႅၼ်းၼႆႉယဝ်ႉ။

သႅၼ်းE,ယိူင်းထိုင်Employee ၵူၼ်းၵိၼ်ငိုၼ်းလိူၼ်ၶဝ်ၼၼ်ႉၵေႃႈၸႂ်ႈ။ ၵူၼ်းၸိူဝ်းဢၼ် မုင်ႈမွင်းၼႃႈၵၢ
ၼ်ၶၢမ်ႇႁိုင်မၼ်ႈၵိုမ်း ငိုၼ်းၶဝ်ႈလီ ၼႆၸိူဝ်းၼၼ်ႉယဝ်ႉ။

သႅၼ်းS,ယိူင်းထိုင်Small Business ၵူၼ်းၵႃႉၵူၼ်းၶၢႆဢွၼ်ႇၶဝ် ၶူင်းၵၢၼ်လဵၵ်ႉဢွၼ်ႇၶဝ် ၸိူဝ်းၼၼ်ႉ
ယဝ်ႉ။သႅၼ်းၼႆႉ ပႆႇၶိုၵ်ႉၼႃႇလူင်လၢင် ၼႆသေတႃႉၶႅၼ်းသေ သႅၼ်းထိၼိုင်ႈယူႇ။

B,ယိူင်းထိုင်Business ၸဝ်ႈၶူင်းၵၢၼ်လူင်ၶဝ်ၼႆၼၼ်ႉယဝ်ႉ။ ၸဝ်ႈၶူင်းၵၢၼ်ဢွၼ်ႇၶဝ် လႄႈ
ၸဝ်ႈၶူင်းၵၢၼ် ယႂ်ႇလူင်ၶဝ်ၼႆႉ လွင်ႈၶဝ်ၸႂ်ႉတိုဝ်း

#ႁႅင်းထိပ်ႇတွင်ႈ တႃႇၼႃႈၵၢၼ်ၶဝ်ၼၼ်ႉ တေလႆႈႁၼ်ပႅၵ်ႇပိူင်ႈၵၼ်တေႉတေႉယူႇဢမ်ႇႁၢင်ႉ။ယွၼ်ႉ
ဝႃႈ ၶူင်းၵၢၼ်ယႂ်ႇၶဝ် ၸႂ်ႉတိုဝ်းၵူၼ်းႁဵတ်းၵၢၼ်လႆႈၼမ်လိူဝ်လႄႈ ၽွၼ်းလီတိုၼ်းၼမ်လိူဝ်ယူႇယဝ်ႉ။

I,ယိူင်းထိုင်Investor ၸဝ်ႈတိုၼ်းလၢင်း ၼႆၼၼ်ႉယဝ်ႉ။ ၶဝ်ၸိူဝ်းၼႆႉ ဢဝ်ငိုၼ်းႁဵတ်းတိုၼ်း သေႁႃ
ငိုၼ်း။ယွၼ်ႉငိုၼ်း ႁဵတ်းၵၢၼ်ပၼ်ၶဝ်လႄႈ တၢမ်တူဝ်ၶဝ်တႄႉ ဢမ်ႇတၢပ်ႈႁဵတ်းၵၢၼ်ယဝ်ႉ။

ၽူႈလူလိၵ်ႈႁဝ်းၶဝ် ၶိုၼ်းတူၺ်းၶိုၼ်း တူဝ်ၵဝ်ႇၵၼ်လႆႈယဝ်ႉၶႃႈ လွင်ႈဝႃႈ ႁဝ်းထိုင်ၸၼ်ႉလႂ် ယဝ်ႉတေ
ဢၢၼ်းၵႂႃႇၸၼ်ႉလႂ်ယူႇၼႆၼၼ်ႉ။

ၸၼ်ႉထၢၼ်ႈတႃႇတေ ပဵၼ်သ​ထေးလႆႈၼၼ်ႉသႅၼ်းမၢႆၼိုင်ႈ ဢမ်ႇပေႃးမီႈတီႈမုင်ႈမွင်းသင်
ငိုၼ်းလိူၼ်ၼၼ်ႉ ဢမ်ႇၸၢင်ႈႁဵတ်းပၼ် ႁႂ်ႈႁဝ်းပဵၼ်သ​ထေးၵူၼ်းမီးလႆႈ။

မၢႆသွင်တႄႉ ၶႅၼ်းၸႂ်မႃးယူႇသေတႃႉ တိုၵ်ႉတေလႆႈသႂ်ႇၶွၼ်ႇၼမ်ၼႃႇ။ ယဝ်ႉၵေႃႈ တႃႇတေပဵၼ်သ​ထေး
ၶၢဝ်းတၢင်းမၼ်းၵႆ။ဢၼ်တမ်းၸႂ်သေ ၽႂ်းလိူဝ်သုတ်းလႄႈလႆႈၼမ်လိူဝ်သုတ်းၼၼ်ႉတႄႉ ပဵၼ်သွင်သႅၼ်း
ၽၢႆႇတႂ်ႈၼႆႉၼၼ်ႉယဝ်ႉ။

ၵူၺ်းၵႃႈ ၵူၼ်းၵမ်ႉၼမ် ၶမ်ယူႇၼႂ်းမၢႆၼိုင်ႈၼၼ်ႉတိၵ်းတိၵ်းၵူၺ်း။ ၶႂ်ႈလႆႈငိုၼ်းလိူၼ်လီလီ ၵၢၼ်မၼ်ႈ
ၵိုမ်းၼႆလၢႆလၢႆ။ဢမ်ႇသူႈႁတ်းဝူၼ်ႉ တႃႇတေႇတင်ႈၶူင်းၵၢၼ်တူဝ်ၵဝ်ႇႁင်းၵူၺ်း ပၢၼ်သိုပ်ႇပၢၼ် ပဵၼ်
လုၵ်ႈၸၢင်ႈယူႇတႃႇသေႇယဝ်ႉ။ၵူၼ်းၸိူဝ်းၼၼ်ႉပေႃႈၵူၼ်းမီး ႁွင်ႉၶဝ်ဝႃႈ'ၶႃႈငိုၼ်း'ၼႆယဝ်ႉ။

ၸဝ်ႈငိုၼ်းဢၼ်ဝႃႈၼၼ်ႉ ၶဝ်ၸႂ်ႉတိုဝ်းငိုၼ်း ႁႃငိုၼ်းပၼ်ၶဝ်။ ၶႃႈငိုၼ်းၶဝ်သမ်ႉ ၵုမ်ႇလႆႈလမ်းၸွမ်းလင်
ငိုၼ်းသေ ဢဝ်ၽဝဢွၼ်ႇၶဝ် သဵင်ႈၵႂႃႇဝၼ်းလႂ်ဝၼ်းၼၼ်ႉယူႇ။ ငိုၼ်းလိူၼ်ဢွၵ်ႇယဝ်ႉၵေႃႈလႄႇ လႄႇ
ယဝ်ႉၵေႃႈမႃးႁဵတ်းၵၢၼ် ႁဵတ်းၵၢၼ်ယဝ်ႉလႆႈငိုၼ်းလိူၼ် လႆႈငိုၼ်းလိူၼ်ယဝ်ႉ...ပၼ်ႇတူင်ႇယူႇတိၵ်း႒

ၽိုၼ်လိၵ်ႈၽိုၼ်ၼႆႉ ပဵၼ်ၽိုၼ်ဢၼ်ပွတ်းၼႃႇလႄႈဢမ်ႇၸၢင်ႈတႅမ်ႈၼေလႆႈသဵင်ႈ။ တေႁုပ်ႈဢဝ်တီႈယမ်
ၵမ်ဢဝ်တီႈလွင်ႈယႂ်ႇမၼ်းပၼ်ၵွၺ်းယဝ်ႉ။သင်ဝႃႈၽူႈလူလိၵ်ႈႁဝ်းၶဝ် ဢၢၼ်းတေတေႇတင်ႈၶူင်းၵၢၼ်
တူဝ်ၵဝ်ႇၼႆ ယႃႇလိုမ်းလႅၼ်ႇသၢမ်လႅၼ်ႇၼႆႉၶႃႈၼႃႈ။

႑။လႅၼ်ႇၼႃႈၵၢၼ်လီလီ
႒။လႅၼ်ႇလွင်ႈၸတ်းၵၢၼ်ငိုၼ်းလီလီ
႓။လႅၼ်ႇလွင်ႈငိုၼ်း ၼႂ်းၵၢၼ်လူင်းတိုၼ်းလီလီၸိူဝ်းၼႆႉသေၵမ်း။

ၼင်ႇႁိုဝ်ပၺ်ၺႃႇလၢႆး ႁႃငိုၼ်းပေႃးတေတိူဝ်းတွၼ်းလိူဝ်ၵဝ်ႇၼၼ်ႉ လူလိၵ်ႈၵၢၼ်ပၢႆးမၢၵ်ႈမီးၼမ်ၼမ်။
ထွမ်ႇၶၢဝ်ႇပၢႆးမၢၵ်ႈမီးၼမ်ၼမ်။ဢုပ်ႇၵုမ် ၵၼ်တၢင်းၵူၼ်းမီးတူဝ်ထူပ်း ၼႂ်းၵၢၼ်ႁႃငိုၼ်း။ၸိူဝ်းၼႆႉတေ
ပဵၼ်တီႈၵမ်ႉၸွၺ်ႈထႅမ်ပၼ် တႃႇယိူင်းဢၢၼ်းၽူႈလူလိၵ်ႈႁဝ်းၶဝ်ဢမ်ႇႁၢင်ႉ။

#ငိုၼ်းဢၼ်ဝႃႈၼၼ်ႉမႃးၸွမ်းၺၢၼ်ႇဢိူဝ်ႈ
#ယူႇတီႈသူၶဝ်မေႃၶိုင်ၵူၺ်း။
[Rich Dat's]

မႂ်ႇသုင်ၵၢင်ၶမ်ႈၵူႈၵေႃႉၶႃႈ-

#ၼေႃႇလၢဝ်မိူင်း #ၼွင်ဢူႇ
႑။လိူၼ်ဢေႃးၵၢတ်ႉ။႒႐႑႗။ဝၼ်းဢင်းၶၢၼ်း