ႁၢင်ႈႁႅၼ်းၸႂ်ဝႆႉယဝ်ႉၼႄႇ

တေႁၵ်ႉၵူၼ်းၵေႃႉၼိုင်ႈၼၼ်ႉ
ႁၢင်ႈႁႅၼ်းၽိူဝ်ႇၸႂ်ဝႆႉၽွင်ႈယဝ်ႉႁႃ?
ဝႃႈ  ႉႉ  မၼ်းတေလႆႈၸဵပ်းၼႆ

ႁၵ်ႉၶဝ်ယဝ်ႉ ႉႉ ၶဝ်ဢမ်ႇႁၵ်ႉၶိုၼ်း
လႆႈၸႂ်ၶဝ်ယဝ်ႉ ႉႉ ၶဝ်ဢမ်ႇသူၼ်ၸႂ်ၶိုၼ်း
ၶတ်းၸႂ်ပေႃးၶႂ်ႈတၢႆ ၵူၺ်းၵေႃႈဢဝ်ပေႉၸႂ်ၶဝ်ဢမ်ႇလႆႈ
လိုၼ်းသုတ်း ႉႉ ၶဝ်ၵေႃႈၵႂႃႇလႆႈꩡႂ်ၵူၼ်းတၢင်ႇၵေႃႉ



ၵူၺ်းၵေႃႈ ႉႉ ႁဝ်းၵေႃႈယင်းတိုၵ်ႉၶႂ်ႈၸၢမ်းတူၺ်း
တၢင်းႁၵ်ႉပွၵ်ႈၵမ်းၼႆႉယူႇ  ႉႉႉ  ။

တေႁၵ်ႉၵူၼ်းၵေႃႉၼိုင်ႈၼၼ်ႉ
ႁၢင်ႈႁႅၼ်းၸႂ်ဝႆႉယဝ်ႉ ၸွင်ႇၸႂ်ႈ?  ႉႉႉ

ႁၵ်ႉၶဝ်ယဝ်ႉ ႉႉ
ၵူၺ်း ဝၼ်းၼိုင်ႈၵေႃႈတိုၼ်းတေလႆႈၽေတၢင်းၵၼ်ၵႂႃႇ
ႁဝ်းၶဝ်ႈတိုဝ်းတၢင်းၶဝ်ဢမ်ႇလႆႈ
ၶဝ်ၵႂႃႇၸွမ်းႁဝ်းဢမ်ႇပဵၼ်လႆႈ
ႁၵ်ႉၵၼ်တေႃႈလဵဝ်ၼႆႉ
ၵူၺ်းဢမ်ႇပၼ်ၶေႃႈမၼ်ႈၵႅၼ်ႇလႆႈဝႃႈ  ႉႉ တေတေႃႇၸူဝ်ႈ

ႁူႉၵႃႈတေမီးယူႇဝၼ်းၼိုင်ႈ ႉႉ
ဢၼ်တေလႆႈၽေတၢင်းၵၼ်ၵႂႃႇၼၼ်ႉ
မၼ်းၵေႃႈပဵၼ်သၽႃႇဝၽိင်ႈတိုၼ်းပဵၼ်ၶွင်ၶူင်းၵၢင်
ဢၼ်ပဵၼ်မႃးယူႇၵူႊဝၼ်းယဝ်ႉ။

ႁၢင်ႈႁႅၼ်းၸႂ်ဝႆႉယဝ်ႉႁႃႉ?
ဝႃႈ ႉႉ ဝၼ်းၼိုင်ႈႁူႉတေလႆႈတိူဝ်ႉၸႂ်ယူႇၼႆၼၼ်ႉ

သင်ဝႃႈ ႁၢင်ႈႁႅၼ်းၸႂ်ဝႆႉယဝ်ႉပေႃးၼႆၸိုင်
တိူဝ်ႉၸႂ်ၵေႃႈ ႉႉ ယႃႇပေၵႂႃႇသေလၢႆမၼ်း
မီးတၢင်းသိူဝ်းၸႂ် ၼႂ်းၶၢဝ်းတၢင်းမိူဝ်ႈလႆႈႁၵ်ႉၵၼ်ၼၼ်ႉလႄႈ

မၼ်းပဵၼ်ၶၢဝ်းယၢမ်း ဢၼ်လီတီႈသုတ်း
တွၼ်ႈတႃႇၸၢတ်ႈပၢၼ်ႁဝ်းယဝ်ႉ
မၼ်းပဵၼ်ဢႃးလၢင်းၶွင်ၸၢတ်ႈပၢၼ်ႁဝ်းယဝ်ႉ
သင်ဝႃႈ ႉႉ မၼ်းၽိတ်းပိူင်ႈၵႂႃႇၼႆၵေႃႈ
ႁႂ်ႈဝူၼ်ႉဝႃႈ ႉႉ မၼ်းပဵင်းၵေးလၢင်းမၼ်းၵူၺ်းၼႆလႄႈ

သမ်ႉဢမ်ႇသင် ႁဝ်းၵေႃႈယၢမ်ႈႁၵ်ႉၵၼ်မႃး
ၶၢဝ်းတၢင်းၸူဝ်ႈၵႅပ်ႉယူႇ။

ပဵၼ်ႁႅင်းၸႂ်တႃႇၵူႊၵေႃႉၶႃႈ။❤❤
======================

ၼပ်ႉယမ်ထိုင်ၽူႈလူလိၵ်ႈတၢင်းသဵင်ႈၶႃႈ။
ပိၼ်ႇ - ၶမ်းသိုဝ်ႉ [ မိူင်းသူႈ ]
10 - 03 - 2019