ပၢႆးဝူၼ်ႉ

×× သင်ဢမ်ႇမီးတၢင်းႁတ်းႁၢၼ်ၸိုင် ဢမ်ႇဝႃႈတေၶတ်းၸႂ်ႁႃတၢၼ်ႇလႂ်ၵေႃႈ ဢမ်ႇမ​ီးတၢင်း
တေတဵမ်ထူၼ်ႈမႃးလႆႈ  ။

×× သင်ဢမ်ႇမီးလွင်ႈယိူၼ်ႉၵၼ်ႈၸိုင်
ၸဝ်ႈၵဝ်ႇပဵၼ်ၽၢႆႇမၢၼ်ႇမႅၼ်ႈယူႇသေတႃႉ ဝၢႆးမႃးတီႈယူႇ
တႃႇၸဝ်ႈၵဝ်ႇတေဢမ်ႇမီးၵွၼ်ႇဢိူဝ်ႈ ။



×× သင်ဢမ်ႇမီးၺၢၼ်ႇပၢႆႇၺႃႇၸိုင် ယူႇတီႈလႂ်သေဢမ်ႇဝႃႈ ဢမ်ႇမီးဝၼ်းတေမီးၸူဝ်ႈပၢၼ်
ဢၼ်မူၼ်ႈသိူဝ်းလႆႈ ။

×× သင်ဢမ်ႇမီးၸႂ်ထမ်ႇမတြႃးၸိုင်
ယူႇတီႈလႂ်သေဢမ်ႇဝႃႈ တေဢမ်ႇမေႃပဵင်းပေႃးႁၢၼ်ႉၸႂ်
ၸွမ်းလွင်ႈဢၼ်ပဵၼ်ယူႇ ။

×× ဢွၵ်းဢေႃဢၼ်မီးပၢႆးဝူၼ်ႉထၢင်ႇယႂ်ႇတူဝ်
ၸႂ်မႃႇၼတဵမ်ဝႆႉယူႇၼႂ်းမၼ်းၼၼ်ႉ ၶတ်းၸႂ်သွၵ်ႈႁႃ
လွင်ႈၵတ်းယဵၼ်တၢၼ်ႇလႂ်ၵေႃႈ ဢမ်ႇၸၢင်ႈထူပ်းႁၼ်
လႆႈ ။

×× ၶတ်းၸႂ်ယူႇပဵၼ်ၵူၼ်းလီ ဢမ်ႇၸွမ်းသုၵ်ႉယုင်ႈ
ယႃႉၵဝ်းလွင်ႈပိူၼ်ႈၼႆၵေႃႈ ဢမ်ႇပူၼ်ႉလွတ်ႈလႆႈ ၵႂၢမ်း
သေႉၼေး ၵူၼ်းတၢင်းၼမ်ၶဝ်ၼင်ႇၵဝ်ႇ ။

×× မီးၶူဝ်းၶွင်ငိုၼ်းၶမ်းတဵမ်ထူၼ်ႈဝႆႉယူႇသေတႃႉ
သင်ႁၢမ်းလွင်ႈပွင်ႇၸႂ်တေႃႇၵၼ်ၸိုင် ဢမ်ႇမီးတၢင်းတေ
ထူပ်းတၢင်းႁၵ်ႉၸႅတ်ႈလႆႈ ။

×× ပဵၼ်ၵူၼ်းၵတ်ႉၶႅၼ်ႇၼႃႇတၢၼ်ႇလႂ်သေၵေႃႈယဝ်ႉ
တိုၼ်းမီးတင်းၵူၼ်းယုၵ်ႉယွင်ႈလႄႈၵူၼ်းသေႉၼေး
လေႃးလႄးၵၼ်ယူႇယဝ်ႉ ။

×× မေႃႁႃပၢႆးမၢၵ်ႈမီးတၢၼ်ႇလႂ်ၵေႃႈယဝ်ႉ
သင်ဢမ်ႇမေႃလူႇမေႃတၢၼ်း ဢမ်ႇမေႃယိုၼ်ႈပၼ်ၸိုင်
ပႆႇၸႂ်ႈၽူႈမၢၵ်ႈမီးၸႅတ်ႈၸၢင်ႇ ။

××မီးၵႅဝ်ႈသႅင်ၵႃႈၶၼ်ယႂ်ႇယူႇၼႂ်းမိုဝ်းၸဝ်ႈၵဝ်ႇသေယဝ်ႉ
သင်သမ်ႉဢမ်ႇႁူႉၵႃႈၶၼ်မၼ်းၸိုင် မိူၼ်ၵၼ်တင်းမီး
မၢၵ်ႇႁ​ိၼ်လုၵ်ႈၼိုင်ႈၼၼ်ႉၵူၺ်း ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။

ငဝ်ႈတိုၼ်း - page Dr Shwe Tun

ပိၼ်ႇ - မွၵ်ႇႁၢမ်းဢၢႆ ( ဝဵင်းသဝ်ႁိၼ် )
9 . 3 . 2019 ဝၼ်းသဝ်