​​ၶေႃႈမၢႆတွင်း-တွၼ်ႈတႃႇပဵၼ်ႁႅင်းတွၼ်ႈတႃႇၼႂ်းၸၢတ်ႈပၢၼ်

#တီႈၼႂ်းၸၢတ်ႈပၢၼ်

* တီႈၼႂ်းၸၢတ်ႈပၢၼ် ပေႃးထူပ်းတၢင်းယၢပ်ႇၽိုတ်ႇမႃး
ႁႃလွၵ်းလၢႆးၵႄႈလိတ်ႈလႄႈ။

* တီးၼႂ်းၸၢတ်ႈပၢၼ် ပေႃးဢမ်ႇမီးတၢင်းဢွၵ်ႇ
ၶတ်းၸႂ်ၽၢင်ႈဢွၵ်ႇလႄႈ။



* တီႈၼႂ်းၸၢတ်ႈပၢၼ် ပေႃး Reason (လွင်ႈတၢင်း)
ၼမ်ၸိုင် Result (တႃႇလႆႈၽွၼ်းလီ) ဢမ်ႇဢွၵ်ႇ။

* တီႈၼႂ်းၸၢတ်ႈပၢၼ် တၢင်းႁဵတ်းသၢင်ႈလႂ်ၵေႃႈ
တိူဝ်ႉၽႂ်ၵေႃႈ ၶိုၼ်းယွၼ်ႈမၼ်း တိုၼ်းမီး။

* တီႈၼႂ်းၸၢတ်ႈပၢၼ် ပေႃးၶႂ်ႈလႆႈ Fruits (ၼမ်ႉတွၼ်း
ၽွၼ်းလီ) လူဝ်ႇလႆႈလၢႆႈ Roots (ငဝ်ႈႁၢၵ်ႈ ၼၼ်ႉယူႇ။

* တီႈၼႂ်းၸၢတ်ႈပၢၼ် ပေႃးၶႂ်ႈပိတ်းဢဝ်လႆႈ လူဝ်ႇ
လႆႈၽုၵ်ႈၸိူဝ်ႉၽၼ်မၼ်းယဝ်ႉ။

* တီႈၼႂ်းၸၢတ်ႈပၢၼ် ပေႃးၶႂ်ႈႁႂ်ႈမီးဢဵၼ်ႁႅင်းဝႆႉ
လူဝ်ႇလႆႈသႂၢင်းႁႅင်းထၢတ်ႈၸႂ်ဝႆႉယူႇတႃႇသေႇ။

* တီႈၼႂ်းၸၢတ်ႈပၢၼ် ပေႃးဢမ်ႇမီးလွင်ႈယိုၼ်ႈမႅင်ႇ
ပေၶႂ်ႈလႆႈလွင်ႈလႆႈလႄႈ။

* တီးၼႂ်းၸၢတ်ႈပၢၼ် ပေႃးပၼ်ၶၢဝ်းယၢမ်းၵေႃႈ
မၼ်းၵေႃႈတေလႅၼ်ႈလေႃႈလီ။

* တီႈၼႂ်းၸၢတ်ႈပၢၼ် ပေႃးႁႃႁွမ်သိမ်းပႅင်းၵွၼ်ႇ
ၸင်ႇထုတ်ႇဢဝ်ၸႂ်ႉတိုဝ်းလႄႈ။

* တီႈၼႂ်းၸၢတ်ႈပၢၼ် တႃႇႁႂ်ႈၶိုၼ်းသွၼ်လႆႈၼၼ်ႉ
လူဝ်ႇလႆႈလဵပ်ႈႁဵၼ်းသွၼ်ဢဝ်ဝႆႉ။

* တီးၼႂ်းၸၢတ်ႈပၢၼ် တႃႇႁႂ်ႈဢွၼ်ႁူဝ်လႆႈၼၼ်ႉ
လူဝ်ႇႁႂ်ႈပဵၼ်ၵေႃႉၸွမ်းလင်လီဝႆႉဢွၼ်တၢင်း။

* တီႈၼႂ်းၸၢတ်ႈပၢၼ် ပေႃးၸဝ်ႈၵဝ်ႇဢမ်ႇၶူင်သၢင်ႈ
လွင်ႈၼွၼ်းၾၼ်ယိူင်းဢၢၼ်းၸဝ်ႈၵဝ်ႇၵေႃႈ တေလႆႈထုၵ်ႇ
ပိူၼ်ႈႁိမ် ၶူင်သၢင်ႈလွင်ႈၼွၼ်းၾၼ်ပိူၼ်ႈၼၼ်ႉၵူၺ်း။

* တီးၼႂ်းၸၢတ်ႈပၢၼ် ပေႃးၶၢမ်ႇၸဵပ်းၸွမ်းလူၺ်ႈ
လွင်ႈမၢၼ်ႇမႅၼ်ႈဝႆႉၵေႃႈ တေလႆႈၸၢမ်ႇလွင်ႈလီ။

* တီႈၼႂ်းၸၢတ်ႈပၢၼ် လွင်ႈႁူႉႁၼ်ပွင်ႇၸႂ် လွင်ႈမၢၼ်ႇ
မႅၼ်ႈၼၼ်ႉ တေႁဵတ်းႁႂ်ႈပဵၼ်မီးၼမ်ႉၸႂ်မၢၼ်ႇမႅၼ်ႈယူႇတႃႇ
သေႇၼၼ်ႉယဝ်ႉ။

* တီးၼႂ်းၸၢတ်ႈပၢၼ် တွၼ်ႈတႃႇၸၢတ်ႈပၢၼ်ၸဝ်ႈၵဝ်ႇ
ၼၼ်ႉ ပုၼ်ႈၽွၼ်းမီးတီႈၸဝ်ႈၵဝ်ႇသဵင်ႈသဵင်ႈၵူၺ်း။

* တီူၼႂ်းၸၢတ်ႈပၢၼ် ပေႃးၶႂ်ႈၶိုၼ်ႈယႂ်ႇမၢၵ်ႈမီး လူဝ်ႇလႆႈ
ၽင် တိုၼ်းလၢင်းဢွၼ်တၢင်းၵွၼ်ႇ။

* တီးၼႂ်းၸၢတ်ႈပၢၼ် ပေႃးၶႂ်ႈပဵၼ် ၶႂ်ႈၸိုဝ်ႈၸႂ်ႈ တေလႆႈ
ႁဵတ်းတေႉတေႉ ပေႃးၼၼ်ၵွၼ်ႇၸင်ႇပဵၼ်တေႉတေႉ။

* တီႈၼႂ်းၸၢတ်ႈပၢၼ် ပေႁႂ်ႈလႆႈသုမ်းဝၢင်းပွႆႇၽႃႈ
ၵေႃႉဢၼ်ဝႆႉၵႃႈၶၼ်ႁဝ်းၼၼ်ႉတေႉတေႉလႄႈ။

* တီႈၼႂ်းၸၢၸ်ႈပၢၼ် ပေလိင်ႉလႅၼ် ၵေႃႉဢၼ်မီးတၢင်း
ယုမ်ႇယမ်ၼိူဝ်ႁဝ်းတေႉတေႉလႄႈ။

* တီႈၼႂ်းၸၢတ်ႈပၢၼ် ပေယွမ်းၵၢၼ်ႉငၢႆႈငၢႆႈ ႁႂ်ႈယုမ်ႇယမ်
ဝႃႈ (ဢမ်ႇပဵၼ်လႆႈဢၼ်ဝႃႈၼၼ်ႉ ဢမ်ႇမီး) ႁႂ်ႈႁၼ်ထိုင်
ႁူႉဝႆႉဝႃႈ (ပႆႇႁဵတ်းလႄႈ ပႆႇပဵၼ်လႆႈ) ၼႆၵူၺ်းလႄႈ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇၶႃႈ။
ဢိင် မႆႉသၢင်းၶမ်း ယူႇၶႃႈ
ၸိုၼ်ႈလႅင်း(ၼမ်ႉႁၢမ်းၵိူဝ်)
19.3.2019 ဝၼ်းဢၢင်းၵၢၼ်း