ယႃႇႁဵတ်းႁၢႆႉတူဝ်ၸဝ်ႈၵဝ်ႇ

✌️ ၵုိတ်းလိုဝ်ႈလွင်ႈ လၢတ်ႈထုိင်လွင်ႈၽိတ်းပိူင်ႈဝၼ်းလင်✌️

     ဝၼ်းလင်ဢမ်ႇႁဵတ်းႁၢႆႉၽႂ် မီးႁဝ်းၵူၺ်း ဢဝ်လွင်ႈဝၼ်းလင်ေသ မႃးႁဵတ်းႁၢႆႉတူဝ်ၸဝ်ႈၵဝ်ႇ ေတႃႇထိုင်တေမႃးပဵၼ်ဝၼ်းၼႆႉ   ဢမ်ႇမီးၽႂ်  ၼႂ်းလုမ်ႈၾႃႉၼႆႉ  ဢမ်ႇ ယၢမ်ႈယင်ႈၽိတ်း   ၵူႈေၵႃႉၵေႃႈ    မီးပိုၼ်းလင်ဢမ်ႇလီ လႄႈ  ေၶႃႈၽိတ်းပိူင်ႈ ၵူႈေၵႃႉယဝ်ႉ   ၵူၺ်းၵႃႈဝၼ်းလင် ေၵႃႈပဵၼ်ဝၼ်းလင် ဢမ်ႇမီးၽႂ်ေတႁူၼ်လင်ေသ ၵႂႃႇႄၵႈ ၶၢႆၶိုၼ်းလႆႈ။



    ႁဝ်းၸင်ႇဢဝ်   လွင်ႈၽိတ်းပိူင်ႈၼၼ်ႉ   ပဵၼ်တွၼ်ႈသွၼ် တႃႇေတသုိပ်ႇယၢင်ႈ ၵႂႃႇထႅင်ႈတၢင်းၼႃႈ  ၼင်ႇႁုိဝ် ေတဢမ်ႉၽိတ်းပိူင်ႈ   ၶုိၼ်းႁွႆးၵဝ်ႇၼၼ်ႉ   သဵၼ်ႈတၢင်း ဢၼ်လီလိူဝ်ပိူၼ်ႈေၵႃႈ ၵိုတ်းလိုဝ်ႈလွင်ႈ ဝူၼ်ႉထုိင်ၶိုၼ်း လွင်ႈဝၼ်းလင် တီႈဢၼ်ပူၼ်ႉမႃးယဝ်ႉ ၵိုတ်းလွင်ႈႄၼး တၢင်းၽိတ်းၵူႈလွင်ႈ  တီႈဢၼ်ၽိတ်းပိူင်ႈ   လႆႈပဵၼ်မႃး ၼၼ်ႉ လႄႈဢၼ်လမ်ႇလွင်ႈႄတႉႄတႉေၵႃႈပဵၼ် လွင်ႈပွႆႇ ဝၢင်းပၼ်တူဝ်ၵဝ်ႇယဝ်ႉ။

✌️ၶဝ်ေတဝူၼ်ႉၸိုင်ႉႁုိဝ်ေၵႃႈ ပွႆႇၶဝ်ၵႂႃႇလႄႈ✌️

    ယုမ်ႉဝႆႉေသ ဢီႈသင်တီႈဢမ်ႇလီ  ပွႆႇႁႂ်ႈပူၼ်ႉၵႂႃႇလႄႈ ယိုင်ႈႁဝ်းေၵႃႉယႂ်ႇမႃး  လုမ်ႈၾႃႉေတသွၼ် ႁႂ်ႈႁဝ်းႁူႉဝႃႈ ၽႂ်တီႈဢၼ်ဢမ်ႇထုၵ်ႇလီမႆႈၸႂ်. ?  တွင်းဝႆႉဝႃႈ ႁဝ်းေတလီမွၵ်ႈၵႃႈႁုိဝ်ေၵႃႈယဝ်ႉ     သင်ၸိူဝ်ႉဝႃႈ  ၶဝ်ဢမ်ႇလႆႈၸႂ် ႁဵတ်းလီေတႃႇထုိင်တၢႆေၵႃႈ ၶဝ်ဢမ်ႇလႆႈၸႂ် မီးၵူၼ်းႁၵ်ႉ ေၵႃႈတိုၼ်းမီးၵူၼ်းၸင်းယဝ်ႉ။

   ပဵၼ်လွင်ႈႄတႉၶွင်  ၶူင်းၵၢင်ယဝ်ႉ   ႁဝ်းဢမ်ႇထုၵ်ႇလီ ဢဝ်သႂ်ႇၸႂ် ေၶႃႈၵႂၢမ်းတီႈဢၼ် ၵူႈေၵႃႉလၢတ်ႈ ေသပူၼ်ႉ ၶဝ်ႈမႃးၼႂ်းၸၢတ်ႈပၢၼ်ႁဝ်း  ယႃႇလႅၵ်ႈလၢႆႈဢီႈသင်  တီႈ ဢၼ်ဢမ်ႇၸႂ်တူဝ်ၸဝ်ႈၵဝ်ႇ တွၼ်ႈတႃႇၼႂ်းသၢႆတႃ တၢင်ႇ ၵေႃႉ   ၽႂ်ေတဝူၼ်ႉဢီႈသင်ေၵႃႈ  တိူင်းၶဝ်လႄႈ   မႆႈၸႂ် ၵူၼ်းေၵႃႉဢၼ်   လမ်ႇလွင်ႈၼႂ်းၸၢတ်ႈပၢၼ်ႁဝ်း   ေၵႃႈပေႃးယဝ်ႉ

✌️ႁႂ်ႈၶၢဝ်းယၢမ်း ႁဵတ်းပုၼ်ႈၽွၼ်းၶွင်မၼ်း✌️

    ၸဵပ်းေၵႃႈၸဵပ်း  ငဝ်ေၵႃႈငဝ်ႄလႈ ဢမ်ႇလူဝ်ႇၵႅၼ်ႇၶႅင် ယူႇၵူႈမိူဝ်ႈ သင်ၸိူဝ်ႉဝႃႈႁဝ်း တိူဝ်ႉၸႂ်ေၵႃႈ မၵ်းမၼ်ႈလႆႈ ဝႃႈ ႁဝ်းယင်ႈတိုၵ်ႉမီး  လွင်ႈႁူႉထုိင်(feeling )ယူႇ ဢမ်ႇမီးၽႂ်ဢမ်ႇယၢမ်ႈၽိတ်းပိူင်ႈ  ဢမ်ႇယၢမ်ႈငဝ် ဢမ်ႇယၢမ်ႈ ၸဵပ်းသႅပ်ႇ မၼ်းေၵႃႈလူဝ်ႇမီး လွင်ႈတၢင်းမၢင်ဢၼ် ၼႂ်း ၸၢတ်ႈပၢၼ်ယဝ်ႉ တီႈႁဵတ်းႁႂ်ႈၸႂ်ႁဝ်းဢမ်ႇလီ ပဵၼ်လွင်ႈ သႃႇၽႃႇဝ တီႈဢၼ်လႆႈထူပ်းယဝ်ႉ။

   ယုမ်ႇယမ်ဝႃႈ   ၶၢဝ်းယၢမ်းၼႆႉ  ႁဵတ်းပဵၼ်လႆႈၵူႈလွင်ႈ လႄႈႁႂ်ႈၶၢဝ်းယၢမ်း  ႁဵတ်းပုၼ်ႈၽွၼ်းၶွင်မၼ်း   ယႃႇပေ ႁိပ်ႈၼႅတ်ႈ တီႈေတယၢင်ႈပူၼ်ႉလွင်ႈတုၵ်ႉ  ၵႂႃႇလူၺ်ႈတီႈ ႁဝ်းဢမ်ႇပဵၼ်သင်    ယိုင်ႈထူပ်းၼမ်ေၵႃႈ    ယုိင်ႈၶႅၼ်း ႁဵတ်းႁႂ်ႈပွင်ႇၸႂ်ၼမ်ယဝ်ႉ သင်ၶၢဝ်းယၢမ်းပူၼ်ႉေသ ႁဝ်းပူၼ်ႉမႃးလႆႈ ၵႂႃႇယဝ်ႉၸိုင် ေတယဵၼ်းပဵၼ် လွင်ႈငၢႆႈငႅမ်ႈ တႃႇႁဝ်းၵူၺ်း။

✌️ပဵၼ်ၵူၼ်း တီႈဢမ်ႇဝူၼ်ႉၼမ် ေၵႃႈလီ✌️

    ပွႆႇၵႂႃႇၽွင်ႈေၵႃႈလီ ၵဵပ်းဝူၼ်ႉၵူႈလွင်ႈေၵႃႈ ဢွၵ်ႈေဢႃ တႅၵ်ႇလႅဝ်သေယဝ်ႉၵႃႈ  ဝူၼ်ႉႄဢႇၼႃႇၽႅဝ်ေၵႃႈဢမ်ႇလီ ၵူၺ်းၵႃႈ သင်ဝူၼ်ႉၼမ်ၼႃႇေၵႃႈ  ၸၢင်ႈပဵၼ်ၵူၼ်းယွင်ႇ ယႃႇၵဵပ်းဢဝ်ဝႆႉ သႂ်ႇၼႂ်းႁူဝ်ၼမ်ၼႃႇၽႅဝ် ဢမ်ႇလူဝ်ႇၵႂႃႇ ႁႃေၶႃႈတွပ်ႇ ၵူႈၸိူဝ်ႉၵူႈလွင်ႈ ဢၼ်မီးၼႂ်းၶူင်းၵၢင်ၼႆႉ။

   ပွႆႇဝၢင်းၽွင်ႈေသလႄႈ လွင်ႈႁူႉထုိင်(feeling )သူ ေတလီၶိုၼ်ႈမႃး လွင်ႈမၢင်ဢၼ်ၼႆႉေၵႃႈ ဢမ်ႇမီးေၶႃႈတွပ်ႇၵူႈ မဵဝ်း လွင်ႈႁူဝ်ၸႂ်ၼႆႉ ၶႅၼ်းလမ်ႇလွင်ႈယဝ်ႉ ယႃႇၵႂႃႇထၢင်ႇ ထူိမ်ဢီႈသင်  ၼမ်ၼႃႇၽႅဝ်  ဝူၼ်ႉႄဢႇလူင်းၽွင်ႈ ေတ ၸၢင်ႈႁဵတ်းႁႂ်ႈ သူမီးတၢင်းသူိဝ်းမႃး။

✌️ယႃႇဝူၼ်ႉၼမ် ယုမ်ႉဝႆႉႄလႈ✌️

    ယုမ်ႇပၼ်ႁႅင်းၸႂ်  တူဝ်ၸဝ်ႈၵဝ်ႇၽွင်ႈ   ၵႆႉၵႆႉလၢတ်ႈ  ေတႃႇတူဝ်ၸဝ်ႈၵဝ်ႇ  လႄႈ  ယုမ်ႉပၼ်တူဝ်ၸဝ်ႈၵဝ်ႇၼမ် ၼမ် ဢမ်ႇမီးၽႂ်ေတဝႃႈယွင်ႇ  ၵူၺ်းၵႃႈ မၼ်းပဵၼ် ၵၢၼ်ပၼ်ႁႅင်းၸႂ် တူဝ်ၸဝ်ႈၵဝ်ႇ  ဢမ်ႇဝႃႈေတထူပ်း  ဢီႈသင် ေၵႃႈ မီး တူဝ်ႁဝ်းၵူၺ်း တူဝ်ႁဝ်းၼၼ်ႉယဝ်ႉ ေတဢွၼ်ယၢင်ႈႁဝ်းပူၼ်ႉမႃးလႆႈ  ေသ  လၢတ်ႈေတႃႇၵဝ်ႇဝႃႈ သုိပ်ႇ ၶတ်းၸႂ် ၵႂႃႇႄလႈ။

                              ပိၼ်ႇ ပၢၼ်ပဵၼ်တုၵ်ႉၵတႃႇ
                              ဝၼ်းထီႉ2/6/2020