လိၵ်ႈဢၼ်ၼႆႉေတႉ တႃႇၵူၼ်းၸိူဝ်း ၶႂ်ႈမီးငိုၼ်းၶဝ်ႈလိူဝ်ၶဝ်
ႄလႈ တႃႇၵူၼ်းၸိူဝ်းဢမ်ႇႁူႉဝႃႈ ေတႁဵတ်းၵၢၼ်သင်၊ ေတ
ႁဵတ်းၸိူင်ႉႁိုဝ် ၼႆၼၼ်ႉယဝ်ႉ။
ၵူၼ်းၸိူဝ်းဢၼ်ဝႃႈ ၵၢၼ်ဢမ်ႇေပႃးမီး၊ ဢမ်ႇႁႃၵၢၼ်လႆႈ၊
ေတႁဵတ်းသင်ဢမ်ႇႁူႉ ၼႆႉေၵႃႈ မီးၼမ်ေတႉ"။
ၸၢတ်ႈပၢၼ်ဢၼ်ဝႃႈၼႆႉ ႁႂ်ႈမၼ်းငၢႆႈေတႉေၵႃႈ ဢမ်ႇငၢႆႈၼင်ႇ
ၵဝ်ႇ။ ၵွပ်ႈၼႆႄလႈ တီႈသတ်ႉၸႃႇသီႇပိူင်ၼၼ်ႉ ၻုၵ်ႉၶသတ်ႉ
ၸႃႇ ၸင်ႇမႃးဢွၼ်တၢင်းပိူၼ်ႈယူႇယဝ်ႉ။
ဢမ်ႇငၢႆႈေသတႃႉ ၸွမ်းၼင်ႇပုၼ်ႈၽွၼ်း တီႈလႆႈပဵၼ်ၵူၼ်းမႃး
ၼႆႉ ႁူႉၵႃႈေတလႆႈၶတ်းၸႂ်ေတႃႇသူႈယူႇယဝ်ႉႄလႈပဵၼ်ႁိုဝ်ေၵႃႈ
ၵၼ်ႈၸႂ်၊ ဢူတ်းယိူၼ်ႉဝႆႉေသၵွၼ်ႇႄလႈ။ ယႃႇေပၵုမ်ႇ ႁႅၼ်
တူၺ်း ၸိူဝ်းဢၼ်ၵိူတ်ႇမႃးေၵႃႈ ၵိၼ်ၼိူဝ်ငိုၼ်း ၼွၼ်းၼိူဝ်ၶမ်း
ၸိူဝ်းၼၼ်ႉေသ ဢဝ်ပဵၼ်တၢင်းဝူၼ်ႉဝႃႈ "ၸၢတ်ႈပၢၼ်ၵဝ်ေပႉ
မႃးၶူမ်ၶၼ်းေပႃးတၢၼ်ႇၼႆႉ" ၼႆယူႇ။ ၸဝ်ႈၵဝ်ႇၶႂ်ႈလႆႈၸၢတ်ႈ
ပၢၼ်ၸိူင်ႉႁိုဝ်ေၵႃႈ ၸဝ်ႈၵဝ်ႇၶတ်းၸႂ်ဢဝ်ႁႂ်ႈလႆႈတႃႉ။ မွၵ်ႇမၢၵ်ႇ
ဢၼ်လႆႈၶတ်းၸႂ်ေသ ပဵၼ်မႃးၼၼ်ႉ မၼ်းမီးၼမ်ႉဝၢၼ်၊ ၼမ်ႉ
ၸဵမ်းေတႉ"ယဝ်ႉ။
ေပႃးၼၼ် ႁဝ်းမႃးသိုပ်ႇ လွၵ်းလၢႆးႁႃငိုၼ်း 100 လၢႆးလႆႈယဝ်ႉ။
ယၢမ်ႈလူမႅၼ်ႈၸိူင်းႁူဝ်ၼိုင်ႈ။ မီးလုၵ်ႈဢွၼ်ႇၼုမ်ႇေၵႃႉၼိုင်ႈ
ၽွင်းၵၢင်ၼႂ် မႃးႁႃတူၺ်းသၢႆႉတူၺ်းၶႂႃ၊ ဝၢႆႇၵႂႃႇဝၢႆႇမႃးယူႇၼႆ
ဝႃႇ။ မီးၵူၼ်းၶႂ်ႈၸွပ်ႇႁူႉၸွပ်ႇႁၼ်ေၵႃႉၼိုင်ႈ ယူႇတီႈႁိမ်းၶၢင်ႈ
မၼ်းေသ ထၢမ်ဝႃႈမႃးႁဵတ်းသင်ၼႆႄလႈ ၵူၼ်းၼုမ်ႇဢွၼ်ႇ
ေၵႃႉၼၼ်ႉေၵႃႈ တွပ်ႇဝႃႈ" ၵဝ်ၶႃႈ ႁႃလဵပ်ႈႁဵၼ်း လွၵ်းလၢႆး
ႁႃငိုၼ်း 100 လၢႆးပၢႆပၢႆဢိူဝ်ႈ" ၼႆယဝ်ႉ။ သမ်ႉၸႂ်ႈေတႉၼင်ႇ
ၵဝ်ႇ။ ၼင်ႇၵႃႈမၼ်းႁၼ်တၢင်းသဵင်ႈတီႈၼႂ်းၵၢတ်ႇၼၼ်ႉ ပဵၼ်
လၢႆးလႆႈငိုၼ်းယူႇၵူႈဢၼ်လူး။
ႁဝ်းၶႃႈၸိူဝ်းၼႆႉေၵႃႈ ဢွၼ်ၵၼ်လဵပ်ႈႁဵၼ်းတူၺ်း ၸွမ်းႁိမ်း
ႁွမ်းႁဝ်းၸိူဝ်းၼႆႉလူး။ သင်ႁဝ်းဢွၼ်ၵၼ်ၸွပ်ႇထတ်းတူၺ်း
ၸိုင် ႁဝ်းေတႁၼ် လွၵ်းလၢႆးႁႃငိုၼ်းတၢင်းၼမ်တၢင်းလၢႆယူႇ
ယဝ်ႉ။ ဢမ်ႇၵႃး ႁိမ်းႁွမ်းႁဝ်းၵူၺ်း။ ၼိူဝ် Facebook ေၵႃႈ
ေပႃးေမႃႁႃ မၼ်းႁၼ်ယူႇ။ ႁႃဢုပ်ႇၵုမ်တူၺ်း ဢူၺ်းေၵႃႉ
ၼိူဝ်ၽဵတ်ႉပုၵ်ႉေၵႃႈလႆႈ ဝႃႈေတႁဵတ်းႁိုဝ် ႁႂ်ႈမီးငိုၼ်းၶဝ်ႈၼႆ။
ထႅင်ႈလၢႆးၼိုင်ႈသမ်ႉ လဵပ်ႈႁဵၼ်းတူၺ်း လၢႆးႁႃငိုၼ်း တၢင်ႇဝဵင်း၊
တၢင်ႇမိူင်းၸိူဝ်းၼၼ်ႉႄလႈ။ ယဝ်ႉေၵႃႈ ၶုၵ်းၶူၼ်ႉဝူၼ်ႉတူၺ်း
ဝႃႈ ႁဵတ်းသင် ဝၢၼ်ႈၵဝ်၊ ဝဵင်းၵဝ်၊ မိူင်းၵဝ်သမ်ႉ လၢႆးႁႃငိုၼ်း
မဵဝ်းၼႆႉ ပႆႇဢွၼ်ၵၼ်ၸႂ်ႉတိုဝ်းၼႆႄလႈ။
ၼႂ်းၼႆႉ ၵၢၼ်ဢၼ်ေတသၢင်ႇထုၵ်ႇတႃႇၸဝ်ႈၵဝ်ႇ၊ ၵၢၼ်ဢၼ်
ၸဝ်ႈၵဝ်ႇပႃးဝႃႇသၼႃႇ၊ လူင်ႉလႅၼ်ႇ ႄလႈဢၼ်ေတၵိုင်ႇလႅပ်ႈ
တႃႇၸဝ်ႈၵဝ်ႇၼၼ်ႉ ႁႃႁဵတ်းတႃႉ။ ေၵႃႉၼိုင်ႈ ႄလႈေၵႃႉၼိုင်ႈ
ငဝ်ႈၶၢမ်ႇပိုၼ်ႉ၊ လွင်ႈလူင်ႉလႅၼ်ႇ၊ ႁိမ်းႁွမ်း၊ ဝႃႇသၼႃႇ၊ ၼမ်ႉ
ၵတ်ႉေတႇၵႂႃႇၸိူဝ်းၼႆႉ ယွၼ်ႉဢမ်ႇမိူၼ်ၵၼ်ႄလႈ ၵၢၼ်မၢင်
ဢၼ် သၢင်ႇထုၵ်ႇတႃႇေၵႃႉၼိုင်ႈေၵႃႈ တႃႇထႅင်ႈေၵႃႉၼိုင်ႈသမ်ႉ
ၶႂ်ႈသၢင်ႇထုၵ်ႇ ၸင်ႇေတၸၢင်ႈသၢင်ႇထုၵ်ႇယဝ်ႉ။
တၢင်းဝူၼ်ႉ ဢၼ်ၵဝ်ၶႃႈပၼ်လႆႈေတႉ ေပႃးထုၵ်ႇလီႁဵတ်းၼႆ
လုၵ်ႈၼွင်ႉေၵႃႈႁဵတ်းလႃႈ။ ၶတ်းၸႂ်ႁႂ်ႈေပႃႉလူင်ႉ"လႅၼ်ႇ"။
ႁႂ်ႈဝူၼ်ႉႁႃလၢႆးမၼ်းယူႇတႃႇေသႇဝႃႈ ၵၢၼ်ၼိုင်ႈဢၼ်ၼႆႉ ေတ
ႁဵတ်းႁိုဝ် ႁႂ်ႈေပႃးၶႅမ်ႉလိူဝ်ပိူၼ်ႈ။ ယႃႇေပဝူၼ်ႉ ၶႂ်ႈၵိၼ်လၢႆ"
( တႃႇၶျွင်ႇ ) ၵူၺ်း။ ယႃႇေပၶၢၼ်ႉဢိူၼ်။ ယႃႇဝႆႉၵူၼ်ႈၼၵ်း။
ၵူႈလွင်ႈ" ဝႆႉေၸႇတၼႃႇေသၶတ်းၸႂ်ႁဵတ်းၼင်ႇပဵၼ်လႆႈႄလႈ။
သိုဝ်ႈယူဝ်းႄလႈ။
"ငိုၼ်းလိူၼ်ဢၼ်ပၼ်ၵဝ်ၼႆႉ ေဢႇၼႃႇႄလႇ၊ ႁဵတ်းၼင်ႇၵိုင်ႇ
ငိုၼ်းမၼ်းၵူၺ်းဢိူဝ်ႈ" ၵႂၢမ်းေၶႃႈၼႆႉ သင်တိုၵ်ႉမီးၼႂ်းၸႂ်ၼႆ
ယႃႉပႅတ်ႈလႃႈ။ ပိုတ်ႇႁူ၊ ပိုတ်ႇတႃေသ ၶိုင်ႁႃတိုဝ်ႉတၢင်းဢၼ်
ငိုၼ်းၶဝ်ႈေတလီၼၼ်ႉ တႃႇေသႇႄလႈ။ ေပႃးထုၵ်ႇႁဵတ်းၸိုင်
ၵၢၼ်သွင်ဢၼ်၊ သၢမ်ဢၼ်ေၵႃႈႁဵတ်းလႃႈ။ ႁႂ်ႈယုမ်ႇယမ်တူဝ်
ၵဝ်ႇယူႇတႃႇေသႇဝႃႈ ဝၼ်းၼိုင်ႈ ၵဝ်တိုၼ်းေတလႆႈဢွင်ႇမၢၼ်
ၼႆ။ ေပႃးပဵၼ်ၵၢၼ် သမ်ႇမႃႇဢႃႇၸီႇဝယူႇၸိုင် ၵၢၼ်မဵဝ်းလႂ်
ေၵႃႈယႃႇေပဢၢႆ။ ( ၵၢၼ်ၵူႈ၊ ၵၢၼ်ၸိုၵ်းၼၼ်ႉၵူၺ်း ပဵၼ်ၵၢၼ်
ဢၼ်လီဢၢႆ။ )
ေပႃးၼၼ်ၸိုင် ၵဵဝ်လူၺ်ႈလၢႆးႁႃငိုၼ်း 100 လၢႆးၼႆႉေသ ေတ
လႆႈႁဵတ်းၸိူင်ႉႁိုဝ်ၼႆၸိူဝ်းၼႆႉ ေတပွင်ႇၸႂ်ၵၼ်ယဝ်ႉႄလႈ ေတ
ယွၼ်းၶွတ်ႇယွတ်ႈပၢႆၵမ် တီႈၼႆႈၵွၼ်ႇၶႃႈ။
တွၼ်ႈတႃႇမိူဝ်ႈၽုၵ်ႈ မီးၸိုဝ်ႈႁူဝ်ေၶႃႈဝႆႉဝႃႈ "ငိုၼ်းၶဝ်ႈ၊ ငိုၼ်း
ဢွၵ်ႇ" ၼႆႄလႈ ပႂ်ႉပၼ်ႁႅင်းထႅင်ႈၶႃႈၼႃႈ။😊😊
19/ 12/ 2019
ႁၢၼ်ၶိူဝ်း၊ ထုင်ႉသၼ်လွႆၵွၼ်
.jpg)
No comments:
Post a Comment