💸ငိုၼ်းၶဝ်ႈ၊ ငိုၼ်းဢွၵ်ႇ💸

သင်ဝႃႈၶႂ်ႈပဵၼ်သထေးၸိုင် ႁူႉၵႃႈလူဝ်ႇလႆႈ ႁူႉငိုၼ်းၶဝ်ႈ၊ ငိုၼ်း
ဢွၵ်ႇလီ"ငၢမ်း"ယူႇယဝ်ႉ။

ၼိုင်ႈလိူၼ် ငိုၼ်ႈၶဝ်ႈမီးၵႃႈႁိုဝ်?။ ငိုၼ်းဢွၵ်ႇလူး သမ်ႉမီးၵႃႈ
ႁိုဝ်? ၼႆၸိူဝ်းၼႆႉ    တိူၵ်ႈတီႈပိူၼ်ႈမႃးထၢမ် မိူဝ်ႈတိုၵ်ႉတိုၼ်ႇ
လုၵ်ႉ မဝ်းတႃၼွၼ်းယူႇေၵႃႈ  လူဝ်ႇတွပ်ႇလႆႈၵမ်းလဵဝ်ယဝ်ႉ။



ေပႃးငိုၼ်းဢွၵ်ႇ ၼမ်လိူဝ်ငိုၼ်းၶဝ်ႈၸိုင် ၼႆႉပွင်ႇဝႃႈပဵၼ်ပၼ်ႁႃ
ယဝ်ႉ။ ေတလႆႈၶတ်းၸႂ် ႁႂ်ႈငိုၼ်းၶဝ်ႈၼမ်၊ ဢမ်ႇၼၼ်  ႁႂ်ႈငိုၼ်း
ဢွၵ်ႇေဢႇ တၢင်းသွင်ဢၼ်ယူႇယဝ်ႉ။

(1) တႃႇငိုၼ်းၶဝ်ႈေတတိူဝ်းတွၼ်း
**************************
တႅမ်ႈႄၼၵႂႃႇယဝ်ႉမိူဝ်ႈဝႃး လၢႆးႁႃငိုၼ်း 100 လၢႆး။

တႃႇေတလၢတ်ႈေၼ တႃႇႁႂ်ႈငိုၼ်းၶဝ်ႈေတတိူဝ်းတွၼ်းၼၼ်ႉ
ေတလႆႈႁဵတ်းၵၢၼ်ဢၼ်ၼႆႉဢိူဝ်ႈ၊  ေတလႆႈႁဵတ်းၵၢၼ်ဢၼ်
ၼၼ်ႉဢိူဝ်ႈၼႆ မၼ်းဢမ်ႇငၢႆႈ"။   လၢႆးႁႃငိုၼ်း မီးတၢင်းၼမ်
တၢင်းလၢႆ။    ေၵႃႉၼိုင်ႈႄလႈေၵႃႉၼိုင်ႈ  ဢမ်ႇမိူၼ်ၵၼ်လႆႈ။

ယဝ်ႉသမ်ႉ ၶႃႈေၵႃႈဢမ်ႇၸႂ်ႈ   ၽူႈပၼ်ပၢႆးဝူၼ်ႉ ၶွင်ပၢႆးမၢၵ်ႈ
မီး ( Business Consultant )။   ပဵၼ်ဢၼ်ပၼ်လႆႈပၢႆးဝူၼ်ႉ
( Personal Finance )ၼၼ်ႉၵူၺ်း။

ၵဝ်ၶႃႈ ဢမ်ႇၸႂ်ႈ ၸဝ်ႈၽူႈမီးပၺ်ႇၺႃႇ ၽၢႆႇပၢႆးမၢၵ်ႈမီး။ ၶႃႈလႆႈ
ဝႆႉၸုမ်ႈၶူးဢိၼ်ႇၵျိၼ်ႇၼီႇယႃႇၶႃႈေဢႃႈ။   ၵွပ်ႈၼႆ ပိုၼ်ႉႁူႉၵဵဝ်ႇ
ၵပ်းလူၺ်ႈ ပၢႆးမၢၵ်ႈမီးၵူႈလွင်ႈ"ၼၼ်ႉ ၵဝ်ၶႃႈဢမ်ႇႁူႉသဵင်ႈ"ၶႃႈ။
ၵဵဝ်ႇလူၺ်ႈပၢႆးမၢၵ်ႈမီးၸိူဝ်းၼႆႉ   ႁႂ်ႈေပႃးဝႃႈၵိုင်ႉၵၢင်ႉလၢတ်ႈလႆႈ
လူင်ၵႂႃႇၵူႈဢၼ်ေၵႃႈ   ဢမ်ႇၸႂ်ႈၶႃႈ။     ၵူၺ်းၵႃႈ ႁႃတူၺ်းၼိူဝ်
ဢိၼ်ႇထိူဝ်ႇၼႅတ်ႉ၊  ၵူဝ်းလ်ၵိူဝ်းလ်ၸိူဝ်းၼႆႉေသ ပိၼ်ႇၽႃႇသႃႇ
ပၼ်ေတႉေၵႃႈ လႆႈယူႇ။

ၵူၼ်းၸိူဝ်းမႃးယွၼ်းပၢႆးဝူၼ်ႉ  လွင်ႈပၢႆးမၢၵ်ႈမီးတီႈၶႃႈေၵႃႈမီး
ယူႇ။  ၵူၺ်း ၶႃႈဢမ်ႇၸွႆႈလႆႈၵူႈေၵႃႉ။ ၵၢၼ်ဢၼ်ၵဝ်ၶႃႈ ဢမ်ႇ
လူင်ႉလႅၼ်ႇေသ ႁဵတ်းၼင်ႇႁၢင်ႈေမႃၼႃႇၼၼ်ႉေၵႃႈ   ၵဝ်ၶႃႈ
ဢမ်ႇေမႃ။ သင်ၵႂႃႇထၢမ်တီႈၽူႈမီးပိုၼ်ႉႁူႉၶဝ်ၸိုင် ေတသၢင်ႇ
ထုၵ်ႇလိူဝ်ယူႇ။ ေပႃးပဵၼ်ၵၢၼ်ၵဝ်ၶႃႈႁူႉေတႉ ၶိုၼ်းသပ်းလႅင်း
ေၼ၊ လၢတ်ႈပၼ်ပၢႆးဝူၼ်ႉ ၼႆေၵႃႈလႆႈယူႇၶႃႈ။

ေၵႃႉၼိုင်ႈထၢမ်မႃးဝႃႈ Business Plan ( လွင်ႈၽႅၼ်ၵၢၼ် ပၢႆး
မၢၵ်ႈမီး ) ၼၼ်ႉ ေတလႆႈၸၼ်ႁဵတ်းႁိုဝ်ၼႆႄလႈ ၶႃႈေၵႃႈလႆႈ
သူင်ႇပၼ် ပိူင်ၽၢင်ႁၢင်ႈ Business Plan တီႈမၼ်းၵႂႃႇယူႇ။

ထႅင်ႈေၵႃႉၼိုင်ႈသမ်ႉ  မႃးယွၼ်းေၶႃႈမုၼ်း ဢၼ်ၵပ်းၵၢႆႇၽၢႆႇ
ပၢႆးမၢၵ်ႈမီးၶိုၼ်ႈယႂ်ႇမိူင်းဢီႇရၼ်ႇၼၼ်ႉ    ၵွပ်ႈဢမ်ႇၸႂ်ႈၽၢႆႇ
ဢၼ်ၵဝ်ၶႃႈလူင်ႉလႅၼ်ႇႄလႈ ၵဝ်ၶႃႈဢမ်ႇၸၢင်ႈပၼ်ၵႂႃႇလႆႈ။
လႆႈပၢၵ်ႈပႅတ်ႈ ပႃးတၢင်းလွင်ႈၵဵင်ၸႂ်( ဢႃးၼႃႇ )ယူႇယဝ်ႉ။

ယဝ်ႉေၵႃႈ   မၢင်ပွၵ်ႈမၢင်လႂ် ၵွပ်ႈဢမ်ႇတၼ်းႄလႈသင်၊  ၵူၼ်း
ထၢမ်မႃးၼမ်ႄလႈသင် တီႈဢမ်ႇလႆႈတွပ်ႇၶိုၼ်းၵမ်းလဵဝ်ၼၼ်ႉ
ၶႂၢင်ႉပၼ်ေသၵမ်း။

ပိူင်လူင်မၼ်း တီႈၶႂ်ႈလၢတ်ႈေတႉေၵႃႈ   လွၵ်းလၢႆးႁႂ်ႈငိုၼ်းတိူဝ်း
ၶိုၼ်ႈၼၼ်ႉ မီးဢမ်ႇၵႃးပဵၼ်ၼိုင်ႈပၢၵ်ႇၵွၼ်ႇ။ ၵူၺ်း ဢမ်ႇတၢပ်ႈ
ႁူႉပဵၼ် ၼိုင်ႈပၢၵ်ႇလၢႆးၼင်ႇၵွၼ်ႇ။ ဢဝ်ၵၢၼ်ဢၼ်တူဝ်ၵဝ်ႇလူင်ႉ
လႅၼ်ႇ၊ ၵတ်ႉၶႅၼ်ႇၼၼ်ႉေသ ႁႃငိုၼ်းေၵႃႈလႆႈယူႇ။

" မီးငိုၼ်းၵႃႈၼႆႉၶႃႈဢိူဝ်ႈ၊ ေတႁဵတ်းပၢႆးမၢၵ်ႈမီးဢီသင်"   ေပႃး
ထၢမ်ၸိူင်ႉၼႆၸိုင် တွပ်ႇယၢပ်ႇဝႆႉယူႇ။ ၵွပ်ႈေၵႃႉၼိုင်ႈႄလႈ ေၵႃႉ
ၼိုင်ႈ တၢင်းသူင်၊  ငဝ်ႈၶၢမ်ႇပိုၼ်ႉ၊  ႁိမ်းႁွမ်း၊ လွင်ႈလူင်ႉလႅၼ်ႇ
ဢမ်ႇမိူၼ်ၵၼ်ႄလႈ   ေပႉသမ်ႉမၼ်းသၢင်ႇထုၵ်ႇတႃႇေၵႃႉၼိုင်ႈ
ေသတႃႉ တႃႇေၵႃႉၼိုင်ႈသမ်ႉ  ေတဢမ်ႇၸၢင်ႈသၢင်ႇထုၵ်ႇလႆႈ။
ၵွပ်ႈၼႆ တီႈဢမ်ႇပၼ်လႆႈ  ေၶႃႈပၢႆးဝူၼ်ႉၼၼ်ႉ   ၶႂၢင်ႉပၼ်ေသ
ၵမ်း။

ၸွမ်းၼင်ႇဢၼ်ၶႃႈႁူႉေတႉ ၸိူဝ်းပဵၼ်ၵူၼ်းထၢၼ်ႈၵၢင် ဢၼ်မီး
ငိုၼ်းၶဝ်ႈ    ၼင်ႇၵိုင်ႇတၢၼ်ႇၼၼ်ႉေၵႃႈ ပဵၼ်သထေးလႆႈယူႇ။
ဢမ်ႇတၢပ်ႈႁူႉလွင်ႈလၢႆးႁႃငိုၼ်း  ပဵၼ်ၼိုင်ႈပၢၵ်ႇေၵႃႈလႆႈ။ ဢမ်ႇ
တၢပ်ႈလူဝ်ႇမၢၵ်ႈမီးၵိုင်ႉၵၢင်ႉၽိုၵ်ႉၽၢၵ်ႉေၵႃႈလႆႈ။ ၵႂႃႇပိူင်ၽဵၼ်ႈ၊
ႁဵတ်းယူဝ်း" ဝူၼ်ႉၵျၢမ်ႇသုင်"ေပႃးၼႆၸိုင်   ေတၸၢင်ႈထိုင်ပဵၼ်
ၽဝ ၵူၼ်းသထေးယူႇ။

ႁဵတ်းၵၢၼ် ၵိၼ်ငိုၼ်းလိူၼ်ေၵႃႈ ပဵၼ်သထေးလႆႈယူႇ။   ပိူင်လူင်
မၼ်း  ေတလႆႈတူၺ်းငဝ်းလၢႆး ငိုၼ်းၶဝ်ႈ၊ ငိုၼ်းဢွၵ်ႇႁဝ်းၵူၺ်း။
ၼင်ႇၵႃႈငိုၼ်းၶဝ်ႈႄလႈ ၵႃႈၸႂ်ႉၸၢႆႇတၢင်းၼမ်ေပႃးၼႆၸိုင် ဢမ်ႇ
ဝႃႈၶႂ်ႈပဵၼ်တူဝ်သင်လူင်လၢင်ေၵႃႈယဝ်ႉ   တိုၼ်းေတဢမ်ႇၸၢင်ႈ
ထိုင်တီႈယိူင်းမၢႆလႆႈ။

ၼင်ႇႁိုဝ် ေတဢမ်ႇပိူင်ႈတီႈယိူင်းမၢႆၼၼ်ႉ   ၼင်ႇၵႃႈ ၵဝ်ၶႃႈႁူႉ၊
ၵဝ်ၶႃႈေမႃ လွင်ႈၽၢၼ်ႇတႃႇေယး ၶွင်တူဝ်ၵဝ်ႇ( Personal Fi-
nance )ၼၼ်ႉ   ေတသိုပ်ႇပိုၼ်ေၽၵႂႃႇယူႇ။

ၵဵဝ်ႇလူၺ်ႈ ပၢႆးမၢၵ်ႈမီးေၵႃႈ ၵဝ်ၶႃႈဢမ်ႇတႅမ်ႈ၊ ၵူၺ်း  ေတဢမ်ႇ
သိုပ်ႇပၼ်ပိုၼ်ႉႁူႉယဝ်ႉေတႉေၵႃႈ   ဢမ်ႇၸႂ်ႈၼင်ႇၵဝ်ႇ။   ၸွမ်း
ၼင်ႇၵဝ်ၶႃႈႁူႉၼၼ်ႉေတႉ  ေတသိုပ်ႇတႅမ်ႈပၼ်ၵႂႃႇတိၵ်းယူႇၶႃႈ။

*******************
(2) တႃႇယွမ်းငိုၼ်းဢွၵ်ႇ
*******************

လွၵ်းလၢႆးယွမ်းငိုၼ်းၵႃႈၸႂ်ႉၸၢႆႇၼၼ်ႉ ေတသိုပ်ႇတႅမ်ႈေၼ တီႈ
ၵႂၢင်ႈမၼ်းထႅင်ႈၵူၺ်းေၶႃ" ေပႃးထႅင်ႈႁူဝ်ၼႃႈမႃးယူႇၶႃႈ။   လူဝ်ႇ
ႄဝႈလႆႈလွင်ႈၸၢႆႇၽူဝ်ႉၽႃႉ၊ လူဝ်ႇေမႃဢွမ်ႈေမႃပႅင်းၼၼ်ႉၵူၺ်း။

ဢွၼ်တၢင်း မိူဝ်ႈပႆႇၸႂ်ႉၸၢႆႇ ထတ်းသၢင်ႈၾၢင်ႉတူၺ်း လွင်ႈၸၢႆႇ
ၽူဝ်ႉၽႃႉၼၼ်ႉေသ    ၼိုင်ႈလိူၼ်ၼိုင်ႈပွၵ်ႈ    ႁႂ်ႈထတ်းတူၺ်း
သဵၼ်ႈမၢႆ ငိုၼ်းဢၼ်သဵင်ႈၼၼ်ႉယဝ်ႉ   ႁဝ်းသမ်ႉၸၢႆႇၽူဝ်ႉၽႃႉ
ပႅတ်ႈတီႈလႂ်၊ ဢၼ်လႂ်လၢႆ"ၼႆတႃႉ။ ဝၢႆးၼၼ်ႉ ၼင်ႇႁိုဝ်ေတဢမ်ႇ
ၽူဝ်ႉၽႃႉမႅၼ်ႈၼၼ်ႉ ၾၢင်ႉၾၢင်ႉေသ ၸႂ်ႉၸၢႆႇတႃႉ။  သင်ဢမ်ႇ
ပႆႇယၢမ်ႈႁဵတ်းၸိုင်ႉၼႆၸိုင် ၶႂ်ႈပၼ်တၢင်းႁၼ်ထိုင်ဝႃႈ ႁဵတ်းေတႇ
ဢဝ်လိူၼ်ၼႆႉၵႂႃႇႄလႈ ၼႆယူႇ။

သင်ဢမ်ႇႁူႉ ၼိုင်ႈလိူၼ် သဵင်ႈၵႃႈႁိုဝ်ေတႇၵႂႃႇ ၸဵမ်ႁူဝ်ပဵတ်းႁူဝ်
ၵႆႇမၼ်းၸိုင် လူဝ်ႇမီးသဵၼ်ႈမၢၼ် လွင်ႈၸႂ်ႉၸၢႆႇငိုၼ်းၼႃႇယဝ်ႉ။

မိူဝ်ႈၽုၵ်ႈ ေတမႃးလၢတ်ႈေၼၵႂႃႇ လွင်ႈဝႃႈ ေတလႆႈႁဵတ်းႁိုဝ်
ႁဵတ်း သဵၼ်မၢႆ ငိုၼ်းၵႃႈၸႂ်ႉၸၢႆႇၼႆယူႇၶႃႈ။

ႁႂ်ႈၵူႈေၵႃႉ မီးတူဝ်ၸႂ်သွင်ပိူင် ၵတ်းယဵၼ်ေသၵမ်း........။

××××××××××××××××××××××××××××××××

ႁၢၼ်ၶိူဝ်း၊ ထုင်ႉသၼ်လွႆၵွၼ်
20/ 12/ 2019