ၽူႈယိင်းၵူႈၵေႃႉ ဢၼ်ၶဝ်ၶႂ်ႈလႆႈသုတ်းၼၼ်ႉ ပဵၼ်ဢီသင်?

 

မိူဝ်ႈၵွၼ်ႇၵွၼ်ႇ မီးမိူင်းဢွၼ်ႇမိူင်းၼိုင်ႈလႄႈ မီးၶုၼ်ႁေႃၶမ်းဢွၼ်ႇ

ၵတ်ႉၶႅၼ်ႇၼင်ႈႁၢင်ႈၼင်ႈႁေႃဝႆႉယူႇယဝ်ႉ။

 

မီးၼင်ႇဝၼ်းၼိုင်ႈ ၶုၼ်ႁေႃၶမ်းတၢင်ႇမိူင်း ၶႂ်ႈတိုၵ်းတေႃးႁိမ်ဢဝ်

ဝၢၼ်ႈမိူင်းၵၼ်ၼႆယဝ်ႉ။ ၶုၼ်ႁေႃၶမ်းဢၼ်ၶႂ်ႈမႃးတိုၵ်းၼၼ်ႉ သမ်ႉႁူႉဝႃႈ

ၶုၼ်ႁေႃၶမ်းဢွၼ်ႇၼၼ်ႉ သမ်ႉၵေႃႉလဵၵ်ႉသေ မီးၼမ်ႉၵတ်ႉ လွင်ႈၵတ်ႉ

ၶႅၼ်ႇတင်းၼမ်ၼႆလႄႈ ယွၼ်ႉႁၼ်ထိုင်ၼမ်ႉၵတ်ႉၶုၼ်ႁေႃၶမ်း

ဢွၼ်ႇၼၼ်ႉလႄႈ ၸင်ႇဝူၼ်ႉဝႃႈ ၸူဝ်ႈပႆႇတိုၵ်းၼႆႉ ပၼ်ၶၢဝ်းယၢမ်းမၼ်းၸဝ်ႈသေ တေၸၢမ်းၼမ်ႉၵတ်ႉမၼ်းၸဝ်ႈၼႆသေဢွၵ်ႇၶေႃႈထၢမ် ၸၢမ်းၼမ်ႉၵတ်ႉယူႇယဝ်ႉ။

 

ၶေႃႈထၢမ်မၼ်းၸမ်ႉ

 

ၽူႈယိင်းဢၼ်မီးၼႂ်းလူၵ်ႈၼႆႉတင်းသဵင်ႈ ဢၼ်ၶဝ်ၶႂ်ႈလႆႈသုတ်းၼၼ်ႉ

ပဵၼ်ဢီသင်ၼႆယဝ်ႉ။

 

ၶေႃႈထၢမ်ဢၼ်ၼႆႉတေႉ ႁဵတ်းႁႂ်ႈၶုၼ်ႁေႃၶမ်းဢွၼ်ႇလႄႈ ဢမၢတ်ႈၶဝ်

ႁူဝ်ၶႆႈယူႇၼၼ်ႉယဝ်ႉ။ ၵမ်ႈၽွင်ႈၵေႃႈဝႃႈ ပဵၼ်ၶေႃႈထၢမ် ဢၼ်ဢမ်ႇမီး

ၶေႃႈတွပ်ႇၼႆၵွၼ်ႇယဝ်ႉ။

ၵူၺ်းၵႃႈ တႃႇတွပ်ႇလႆႈၶေႃႈတွပ်ႇဢၼ်ၼႆႉ ယွၼ်ႉပၼ်ၶၢဝ်းယၢမ်းႁႃ

ၶေႃႈတွပ်ႇတႃႇၼိုင်ႈပီၼႆလႄႈ ၶုၼ်ႁေႃၶမ်းဢွၼ်ႇၵေႃႈ ႁပ်ႉဢဝ်ဝႆႉ

ယူႇယဝ်ႉ။

 

ႁဵတ်းၼၼ်သေ ၶုၼ်ႁေႃၶမ်းၸင်ႇႁွင်ႉတုမ်ၵၼ် ၽူႈမီးပၺ်ၺႃႇၼႂ်း

ႁေႃတင်းသဵင်ႈလႄႈ မုၼ်ၸဝ်ႈမုၼ်ၸၢင်းၶဝ်၊ ၽူႈတႅပ်း

တတ်းတြႃးၶဝ်၊ မႄႈမွၵ်ႇယႃႈၶဝ်၊ ၵူၼ်းဝၢၼ်ႈၵူၼ်းမိူင်းၶဝ် ႁွင်ႉမႃး

သေ ႁႃၶေႃႈတွပ်ႇမၼ်းယူႇယဝ်ႉ။ ၵူၺ်းၵႃႈ ဢမ်ႇလႆႈၶေႃႈတွပ်ႇမၼ်း။

 

ၵမ်းလိုၼ်းသုတ်း ပိူၼ်ႈဢၼ်ၵၼ်ဝႃႈ လူဝ်ႇၵႂႃႇထၢမ်တီႈ ၼၢႆးထဝ်ႈလင်ၵွမ် ဢၼ်မီးၼႂ်းမိူင်းႁဝ်းၼႆႉဢေႃႈ ၸွင်ႇၸၢင်ႈတေလႆႈၶေႃႈတွပ်ႇမၼ်းၼႆယဝ်ႉ။

ႁဵတ်းၼၼ်သေ ၶုၼ်ႁေႃၶမ်းတင်းၽွင်းမိူင်း လႄႈ ဢမၢတ်ႈၶဝ်ၵေႃႈ

ၸင်ႇဢွၼ်ၵၼ် ထိုင်ၵႂႃႇတီႈ ၼၢႆးထဝ်ႈလင်ၵွမ်းၼၼ်ႉယူႇယဝ်ႉ။

ၼၢႆးထဝ်ႈလင်ၵွမ်းၼၼ်ႉၵေႃႈ ၸင်ႇ ဝႃႈ တေလႆႈမီးလွင်ႈလႅၵ်ႈလၢႆႈၵၼ်

ဢၼ်ၵႃႈၶၼ်ယႂ်ႇမၼ်းၵွၼ်ႇ ၸင်ႇတေတွပ်ႇပၼ်ၼႆယဝ်ႉ။

 

ဢမ်ႇႁိုင်တေထိုင်ဝၼ်း ဢၼ်ၶဝ်မၵ်းမၼ်ႈၵၼ်ၼၼ်ႉယဝ်ႉလႄႈ ၼၢႆးထဝ်ႈ

လင်ၵွမ်းၵေႃႈ ၸင်ႇဝႃႈ ပေႃးသူၽွမ်းၸွမ်းဢၼ်ၵဝ်ယွၼ်းၼႆႉၵွၼ်ႇ ၵဝ်

ၸင်ႇတေလၢတ်ႈပၼ်ၶေႃႈတွပ်ႇမၼ်းၼႆယဝ်ႉ။

ၶေႃႈဢၼ်ၵဝ်ၶႂ်ႈယွၼ်းၼႆႉတေႉ ပဵၼ်ဢၼ်ၶုၼ်ႁေႃၶမ်း ယုမ်ႇယမ်ၸႂ်ယႂ်ႇလႆႈသုတ်း

ဢူၺ်းၵေႃႉလီၵေႃႈၸႂ်ႈ ၽူႈႁတ်းႁၢၼ်ၼႂ်းမိူင်းၵေႃႈပဵၼ်လႄႈ ၽူႈမီးတၢင်းႁူႉယႂ်ႇ

ဢမၢတ်ႈလူင်ၼၼ်ႉ တေလႆႈဢဝ်ၶႃႈ ၵူပ်ႉၵူႈၵၼ်တင်းမၼ်းၼႆယဝ်ႉ။

 

ၽိူဝ်ႇလႆႈႁူႉၶေႃႈတူၵ်းယွၼ်ႈ ၼၢႆးထဝ်ႈလင်ၵွမ်းယဝ်ႉၵေႃႈ ၶုၼ်ႁေႃၶမ်း

တူၵ်းၸႂ်လူင်လၢင်ၵႂႃႇၵမ်းလဵဝ်ၼၼ်ႉယဝ်ႉ။ ၽိူဝ်လိူဝ်ထဝ်ႈ လင်သမ်ႉၵွမ်း

သမ်ႉမီးပူမ်လူင်တီႈလင်ၵွမ်းထႅင်ႈ ဢမ်ႇလီတူၺ်းၼႂ်းတႃသေဢိတ်း။

ၶဵဝ်ႈၵေႃႈ ၵုိတ်းၶဵဝ်ႈတင်းၼႃႈ ၼိုင်ႈသဵၵ်ႈၵူၺ်း၊ ဢၢႆတူဝ်ဢၢႆၶိင်းၵေႃႈမဵၼ်

လွင်ႈလၢတ်ႈလွင်ႈၸႃၵေႃႈ လိူင်း သမ်ႉဝႃႈၶႂ်ႈၵူပ်ႉၵူႈၵၼ်တင်း ၵူၼ်းႁၢင်ႈလီ

လႅပ်ႈလဝ်း မီးပၺ်ၺႃႇ ႁတ်းႁၢၼ် ၵၼ်တင်း ဢမၢတ်ႈလူင်ႁဝ်းၼၼ်ႉ။

ပဵၼ်လွင်ႈၶမ်ၸႂ်တႃႇၶုၼ်ႁေႃၶမ်းဢွၼ်ႇတေႉၼၼ်ႉယဝ်။

 

ၽူႈမီးပၺ်ၺႃႇဢမၢတ်ႈၼၼ်ႉသမ်ႉဝူၼ်ႉဝႃႈ ပေႃးတေမႃးတႅၵ်ႈၼိူင်းၵၼ်

တင်းဝၢၼ်ႈမိူင်းႁဝ်းၸိုင် လွင်ႈၼႆႉတေႉ ပဵၼ်လွင်ႈလဵၵ်ႉလဵၵ်ႉဢွၼ်ႇၵူၺ်း

ၼႆသေ ၶဝ်ႈလၢတ်ႈတီႈၶုၼ်ႁေႃၶမ်းဝႃႈ ၶႃႈႁပ်ႉဢဝ်လႆႈယူႇၼႆယဝ်ႉ။

 

ႁဵတ်းၼၼ်သေ ၸင်ႇဢွၵ်ႇလိၵ်ႈၽိုၼ်ၶၢဝ်ႇ မၵ်းမၼ်ႈဝၼ်းတေႁဵတ်း

ပွႆးပၢင်ၶႅၵ်ႇၵူပ်ႉၵူႈၵၼ်ယူႇယဝ်ႉ။

 

ဝၢႆးပိုၼ်ၽၢဝ်ႇ ဝၼ်းၵူပ်ႉၵူႈၵၼ်ယဝ်ႉ၊ ၼၢႆးထဝ်ႈလင်ၵွမ်းၼၼ်ႉၵေႃႈ  ၸင်ႇပၼ်

ၶေႃႈတွပ်ႇ ဢၼ်ၶုၼ်ႁေႃၶမ်းထၢမ်ၼၼ်ႉယူႇယဝ်ႉ။

 

ၽူႈယိင်းဢၼ်မီးၼႂ်းလူၵ်ႈၼႆႉတင်းသဵင်ႈ လွင်ႈဢၼ်ၶဝ်ၶႂ်ႈလႆႈသုတ်းၼၼ်ႉ

ပဵၼ် ဢၼ်ၶႂ်ႈပဵၼ်ၼႂ်းၸၢတ်ႈပၢၼ်ၶဝ်လႄႈ ၶဝ်လႆႈပဵၼ်ၸွမ်းၼင်ႇၵၢင်ၸႂ်ၶဝ်ၼၼ်ႉယဝ်ႉ။

 

ပေႃးဝႃႈၶုၼ်ႁေႃၶမ်းႁူႉၶေႃႈတွပ်ႇမၼ်းယဝ်ႉၵေႃႈ တႅမ်ႈတွပ်ႇပၼ် ၶုၼ်ႁေႃၶမ်း

တၢင်ႇမိူင်းသေ ပေႃးဝႃႈၶုၼ်ႁေႃၶမ်းတၢင်ႇမိူင်းၼၼ်ႉလႆႈၶေႃႈတွပ်ႇယဝ်ႉၵေႃႈ ဢမ်ႇ

တိုၵ်းတေႃးၵၼ်သေ ဢဝ်ႁဵတ်းပၼ် မိူင်းဢူၺ်းလီၵၼ်ၵႂႃႇၼၼ်ႉယဝ်ႉ။

 

#ဝၼ်းပၢင်ၶႅၵ်ႇ ၼၢႆးထဝ်ႈလင်ၵွမ်းလႄႈ ၽူႈမီးပၺ်ၺႃႇ ဢမၢတ်ႈ

ပဵၼ်ႁိုဝ်ၵႂႃႇ

 

ၶုၼ်ႁေႃၶမ်းဢွၼ်ႇၵေႃႈ တင်းမူၼ်ႈသိူဝ်းလႄႈ တင်းၶေႃးၶူမ် ပဵၼ်မႃးၼႂ်းၸႂ်

မၼ်းၸဝ်ႈမိူဝ်ႈလဵဝ်ၵၼ်ၼၼ်ႉယဝ်ႉ၊ မူၼ်ႈသိူဝ်းၸွမ်း ဢၼ်လႆႈတွပ်ႇပၼ် ၶေႃႈတွပ်ႇ

ၶုၼ်ႁေႃၶမ်းတၢင်ႇမိူင်း၊ ၶေႃးၶူမ်ၸွမ်း လွင်ႈပိူၼ်ပဵၼ် ဢူၺ်းၵေႃႉလီ ဢမၢတ်ႈမၼ်း

ၼၼ်ႉယဝ်ႉ။

 

ၶၢဝ်ၼုမ်ႇၼုတ်းလဝ်းတီႈသုတ်း ၽူႈမီးပၺ်ၺႃႇဢမၢတ်ႈလႄႈ တင်းၼၢႆးထဝ်ႈ

လင်ၵွမ်း ၶႃတေႁဵတ်းႁိုဝ်ယူႇၵႂႃႇ ၼႂ်းၸၢတ်ႈပၢၼ်ၶႃ ဝူၼ်ႉၼင်ႇၼႆသေ ၶုၼ်ႁေႃၶမ်း ဝူၼ်ႉၸွမ်း ပေႃးဢမ်ႇၶႂ်ႈပွင်ႇၸႂ်ၼၼ်ႉယဝ်ႉ။

 

ထုိင်မႃးဝၼ်းႁဵတ်းပၢင်ၶႅၵ်ႇယဝ်ႉလႄႈ  ၸဝ်ႈဢမၢတ်ႈၵေႃႈ ၶဝ်ႈၵႂႃႇၸူးၼႂ်းႁွင်ႈ

ၼွၼ်းၶႃၼၼ်ႉသေ ၸင်ႇႁၼ်မႅၼ် ၼၢင်းယိင်းႁၢင်ႈလီလဝ်းဢွၼ်ႇၵေႃႉၼိုင်ႈ

ၼင်ႈဝႆႉယူႇလႄႈတူၵ်းၸႂ်သေထၢမ်ၼၢင်းယိင်းဢွၼ်ႇၼၼ်ႉဝႃႈ  ပဵၼ်သင်ၵႂႃႇ

မူတ်းယဝ်ႉလႃႇၼႆႉ

 

ၼၢင်းၼၼ်ႉၸင်ႇဝႃႈ မိူဝ်ႈၶႃႈတေႇၸထူပ်းႁၼ်ၸဝ်ႈႁဝ်းၼၼ်ႉ ၸဝ်ႈႁဝ်း

ဝႆႉၸႂ်ယႂ်ႇယၢဝ်းၼိူဝ်ၶႃႈသေ လၢတ်ႈတေႃႇၶႃႈၵႂၢမ်းလီၵႂၢမ်းဝၼ်လႄႈ ၶႃႈၵေႃႈ

ၶႂ်ႈပၼ်ၶိုၼ်း သုၼ်ႇလႆႈသုၼ်ႇပဵၼ်ၸဝ်ႈႁဝ်းဢၼ်ၼိုင်ႈဢေႃႈ

ဢၼ်ၶႆႈပၼ်ၼႆႉတေႉ မိူၼ်ၼင်ႇ ဢၼ်ၸဝ်ႈႁဝ်း

ႁၼ်ယူႇတေႃလဵဝ်ၼႆႉ ၶႃႈၽၢၼ်ႇသၢင်းဝႆႉ ႁႂ်ႈမၼ်းႁၢင်ႈလီလီသေ

ၸဝ်ႈႁဝ်း ၶႂ်ႈႁႂ်ႈမၼ်းႁၢင်ႈလီၼႂ်းတႃပိူၼ် ၽွင်းၵၢၼ်ဝၼ်းႁႃႉ ဢမ်ႇၼၼ်

ၶႂ်ႈႁႂ်ႈမၼ်းႁၢင်ႈလီ ၽွင်းယၢမ်းၼွၼ်းၸမ်ၸဝ်ႈႁဝ်းၵၢင်ၶိုၼ်းႁႃႉၼႆ

 ၵၢင်ဝၼ် ဢမ်ႇၼၼ် ၵၢင်ၶိုၼ်း ၸဝ်ႈႁဝ်း

ၵျိူၵ်ႈၶၢဝ်းယၢမ်းလႂ်ၵေႃႈလိူၵ်ႈဢဝ်ၶႃႈလႄႈ ၼႃႈ။

 

ၵမ်းၼၼ်ႉ လၢႆးလၢတ်ႈ ၼၢႆးထဝ်ႈလင်ၵွမ်းၼၼ်ႉ ၸင်ႇႁဵတ်းႁႂ်ႈ

ၸဝ်ႈဢမၢတ်ႈလူင်ၵေႃႈ ဝူၼ်ႉၸွမ်းယူႇယဝ်ႉ။

 

ပေႃးတေႁႂ်ႈမၼ်းႁၢင်ႈလီၼႂ်းတႃပိူၼ်ႈၵၢင်ဝၼ်း ပေႃးၵၢင်ၶမ်ႈမႃး

ၵဝ်တေလႆႈၼွၼ်းၵွပ်ႇ တူဝ်ထဝ်ႈမၼ်း၊ ပေႃးၵဝ်တေႁႂ်ႈမၼ်း

ႁၢင်ႈလီၶၢဝ်းၵၢင်ၶမ်ႈ ၵၢင်ဝၼ်းမႃး မၼ်းသမ်ႉတေထဝ်ႈႁၢင်ႈၸ

သေ တေလႆႈၼႃႈဢၢႆၼႂ်းၵေႈၵၢင်ပိူၼ်ႈ။

 

ပေႃးပဵၼ်ၵူၼ်းလူလိၵ်ႈႁဝ်းၶႃႈလူး တေလိူၵ်ႈၶၢဝ်းယၢမ်းလႂ်ၶႃႈ

ဝူၼ်ႉတူၺ်းသေ တွပ်ႇပၼ်တူၺ်းၶႃႈလႄႈၼႃႈ။

 

ၽူႈမီးပၺ်ၺႃႇဢမၢတ်ႈလူင်ၵေႃႈ ၸင်ႇဝူၼ်ႉၶႂ်ႈၸႂ်လီလီသေ

တွပ်ႇဝႃႈ #ဢဝ်ၵၢင်ၸႂ်သူဝႃႈၵူၺ်း ၼႆယဝ်ႉ။

 

ပေႃးဝႃႈ ၼၢႆးထဝ်ႈလင်ၵွမ်း ငိၼ်းၶေႃႈတွပ်ႇ ဢမၢတ်ႈလူင်ယဝ်ႉၵေႃႈ

ၸင်ႇတိူင်ႇၵဝ်ႇ ပိုၼ်ၽၢဝ်ႇယွၼ်းသူးဝႃႈ ၵူႈၶၢဝ်းယၢဝ်း ႁႂ်ႈႁၢင်ႈ

လီမိူၼ်ၼႆသေ ယူႇႁိမ်းၸမ်ၸဝ်ႈႁဝ်းယူႇတႃႇသေႇဢေႃႈၼႆယဝ်ႉ။

 

ယွၼ်ႉဝႃႈ မၼ်းၼၢင်းၵေႃႈ ပဵၼ်ၽူႈယိင်းၵေႃႉၼိုင်ႈလႄႈ

လႆႈၸီႇၸႅၼ်ႇၸွမ်းၼင်ႇ ၵၢင်ၸႂ်မၼ်း ဢၼ်မၼ်းၶႂ်ႈပဵၼ်ၼၼ်ႉယဝ်ႉ။

 

ဢပုမ်ႇဢွၼ်ႇၼႆႉတေႉ သုတ်းတီႈၼႆႈယဝ်ႉၶႃႈ

 

ၵူၺ်းၵႃႈ ၼႂ်းဢပုမ်ႇၼႆႉ မၼ်းၶႂ်ႈဝႃႈႁိုဝ်လႃႇၼႆ

ၽူႈယိင်းသူၼၼ်ႉ ပေႃးဝႃႈမၼ်းဢမ်ႇလႆႈၸီၸႅၼ်ႇၸွမ်းၼင်ႇ

ၵၢင်ၸႂ်ၶဝ်ၶႂ်ႈပဵၼ်ၼၼ်ႉၸိုင် သၢႆငၢႆငဝ်းလၢႆးသူ တွၼ်ႈၵၢင်ၶမ်ႈ

ၼၼ်ႉၵေႃႈ တိုၼ်းဢမ်ႇႁၢင်ႈလီလႆႈ ၼႆၼၼ်ႉယဝ်ႉ။

 

ၶွပ်ႈၸႂ်ယႂ်ႇၼမ် ၽူႈလူလိၵ်ႈႁဝ်းၶဝ်တင်းသဵင်ႈသေ

 

ပၢႆးဝူၼ်ႉၶပ်ႉ ပိၼ်ႇတႅမ်ႈ

 

Credit by... myanmaronlinenew #BurmeseMemory