ပဵၼ်ပေႃႈၸဝ်ႈႁိူၼ်းၼိုင်ႈၵေႃႉၼႆႉ တႃႇတေမေႃဢုပ်ႉပိူင်ႇ
ၼႂ်းႁိူၼ်းၼၼ်ႉ ပဵၼ်လွင်ႈယႂ်ႇတေႉတေႉ လႄႈ လမ်ႇ
လွင်ႈတေႉတေႉ ယွၼ်ႉၼၼ် ဢၼ်ဢမ်ႇလီႁဵတ်းသၢင်ႈ
တေႃႇၼိူဝ်လုၵ်ႈလၢင်း လႄႈ မႄႈၸဝ်ႈႁိူၼ်းၼၼ်ႉ
ထုၵ်ႇလီႁူႉဝႆႉယူႇ၊ ၸွမ်းၼင်ႇလဵပ်ႈႁဵၼ်းလႄႈ ယိုၼ်းမိုဝ်း
ထိုင်လႆႈၼၼ်ႉ တေဢဝ်မႃးၽၢၵ်ႇပၼ် ပီႈပီႈၼွင်ႉၼွင်ႉ
ၶဝ် ပၼ်ႁႅင်းလူတူၺ်း ၶႃႈလႄႈၼႃႈ----
1။ ႁိုတ်းသႂ်ႇသဵင်ယႂ်ႇသဵင်လူင် (သဵင်ႁႅင်း)
မိူဝ်ႈၸႂ်လမ်ဢွၵ်ႇတေႃးသလႂ်ၸိူဝ်းၼႆႉလႄႈသင်
ၺႃးမိူဝ်ႈၶႂ်ႈလၢတ်ႈၼႃႇသေ ႁႂ်ႈဢဝ်ၸႂ်သႂ်ႇလႄႈသင်
မိူဝ်ႈၸႂ်ႉဢမ်ႇမိူၼ်ၸႂ်ၸိူဝ်းၼႆႉလႄႈသင် ပေႃႈၸဝ်ႈႁိူၼ်း
ၵႆႉႁိုတ်းသႂ်ႇသဵင်ယႂ်ႇသဵင်လူင်ၼိူဝ်လုၵ်ႈလၢင်းယူႇယဝ်ႉ။
ၵူၺ်းၵႃႈ ႁိုတ်းသႂ်ႇသဵင်ယႂ်ႇသဵင်လူင်ၼၼ်ႉ ဢမ်ႇႁဵတ်းႁႂ်ႈ
ၸႂ်တေႃးသႃႉပေႇလႆႈၼင်ႇၵဝ်ႇ။ ႁိုတ်းသႂ်ႇသေလၢတ်ႈ
ၼၼ်ႉၵေႃႈ ထၢင်ႇဝႃႈလုၵ်ႈဢွၼ်ႇတေဢဝ်ၸႂ်သႂ်ႇ ၼႆ
ၼၼ်ႉၵေႃႈ ပဵၼ်ဝႆႉလွင်ႈၽိတ်းယူႇဢၼ်ၼိုင်ႈယဝ်ႉ။
မိူဝ်ႈပေႃႈၸဝ်ႈႁိူၼ်းႁိုတ်းသႂ်ႇၼၼ်ႉ ၼႂ်းၸႂ်လုၵ်ႈဢွၼ်ႇ
ၶဝ်တေပဵၼ်လွင်ႈၵူဝ်ဢၼ်လဵဝ်ၵူၺ်း၊ ၼႂ်းဢွၵ်းဢေႃၶဝ်
ၶဝ်တေဢမ်ႇဝူၼ်ႉလႆႈဢီသင် တေၵႂင်ယူႇဝႆႉႁဵတ်းၼၼ်
ၵူၺ်း၊ ၵပ်းၵၢႆႇလူၺ်ႈ ၵၢၼ်ၼႂ်းၼႃႈႁိူၼ်းၵေႃႈ လွင်ႈႁိုတ်း
သႂ်ႇၵၼ်ၼႆႉ ဢမ်ႇႁဵတ်းႁႂ်ႈ ပၼ်ႁႃယဵၼ်ႁၢႆလႆႈ။
ယွၼ်ႉၼၼ် ႁႂ်ႈဝေႈပႅတ်ႈ လွင်ႈႁိုတ်းသႂ်ႇသဵင်ယႂ်ႇသဵင်လူင်
တေႃႇလုၵ်ႈမႄး ၼႂ်းၼႃႈႁိူၼ်း။
2။ လွင်ႈဢမ်ႇၽိူမ်ႉတိူမ်းပၼ် ၼိူဝ်လုၵ်ႈလၢင်း
လွင်ႈၽိူမ်ႉတိူမ်းပၼ် ၵၢၼ်ငဝ်ႈႁၢၵ်ႈၼိူဝ်လုၵ်ႈလၢင်း
ၼႆႉပဵၼ်ႁႅင်းလူင်လုၵ်ႈလၢင်းဢၼ်ၼိုင်ႈယဝ်ႉ။
ပေႃးလၢတ်ႈသိုဝ်ႈသိုဝ်ႈၵေႃႈ လူဝ်ႇလႆႈၽိူမ်ႉပၼ် ၵၢၼ်
ယူႇၵၢၼ်ၵိၼ် ၵၢၼ်ႁဵၼ်းလုၵ်ႈလၢင်းဢၼ်ႁဵတ်းသၢင်ႈ
ယူႇၵူႈဝၼ်းၼၼ်ႉယဝ်ႉ။
ပေႃးဢမ်ႇၽိူမ်ႉတိူမ်းပၼ်လႆႈၵေႃႈ ပွင်ႇဝႃႈ ၵၢၼ်ပေႃႈ
ၸဝ်ႈႁိူၼ်းဢမ်ႇတဵမ်ထူၼ်ႈၼၼ်ႉယဝ်ႉ။
လုၵ်ႈမႄးၵေႃႈ တေမေႃၵူဝ်ၼိူဝ်ပေႃႈၸဝ်ႈႁိူၼ်းသေ
လွင်ႈၼပ်ႉယမ်သမ်ႉတေယွမ်းလူင်းၼၼ်ႉယဝ်ႉ။
3။ ဢမ်ႇႁဵတ်းၸွမ်းၵႂၢမ်း ၵတိ
ပေႃႈ ဢၼ်ဝႃႈၼႆႉ ပဵၼ်တီႈပိုင်ႈဢိင်ၸႂ်ယႂ်ႇ ဢၼ်ဝႃႈ
ၼၼ့် ဢမ်ႇလၢတ်ႈၵေႃႈ မီးဝႆႉယူႇၼႂ်းၸႂ်လုၵ်ႈလၢင်းၵူႈၵေႃႉ
ယဝ်ႉ။ ၵွပ်ႈၼၼ် လူဝ်ႇလႆႈႁဵတ်းၸွမ်းၵတိၼၼ်ႉယဝ်ႉ၊
မိူဝ်ႈဝႃးလၢတ်ႈၼိုင်ႈမဵဝ်း မိူဝ်ႈၼႆႉလၢတ်ႈၼိုင်ႈမဵဝ်းၼႆ
ဢမ်ႇလႆႈ၊ ၶဝ်တေလၢမ်းယၢပ်ႇဝႃႈ ပေႃႈ ပဵၼ်ၵူၼ်းၸိူင်ႉ
ႁိုဝ်ၼႆၼၼ်ႉယဝ်ႉ။ ယႃႇလႅၼ်ၼိူဝ်လုၵ်ႈလၢင်း ပေႃးလၢတ်ႈ
ၵေႃႈတေလႆႈႁဵတ်းၸွမ်းၵႂၢမ်းလၢတ်ႈ မၼ်းၸွင်ႇပဵၼ်တူဝ်
ယင်ႇလီတႃႇလုၵ်ႈလၢင်း ဝၼ်းမိူဝ်းၼႃႈ။
4။ သၢၼ်ၶတ်းၵၼ်တင်း မႄႈၸဝ်ႈႁိူၼ်း
လွင်ႈလၢတ်ႈသၢၼ်ၶတ်းၵၼ်တင်း မႄႈၸဝ်ႈႁိူၼ်း
ၼၼ်ႉ ပေႃးပဵၼ်လွင်ႈယဝ်ႉယွၵ်ႇၵၼ်တေႉဢမ်ႇပဵၼ်သင်
ၽၢႆႇၼႃႈလုၵ်ႈဢွၼ်ႇ ႁႅမ်မႄး ပေႃႉမႄးႁိုတ်းသႂ်ႇမႄး
ၸိူဝ်းၼႆႉဢမ်ႇလီႁဵတ်း၊ ဢၼ်လုၵ်ႈဢွၼ်ႇၸႂ်ယႂ်ႇပိုင်ႈဢိင်
ယူႇၸွမ်းၶဝ်လႆႈ 24ၸူဝ်ႈမူင်းၼၼ်ႉၵေႃႈ ပဵၼ်မႄႈၵေႃႉ လဵဝ်ၵူၺ်းလူး။ ဢၼ်လုၵ်ႈဢွၼ်ႇၶဝ်ၸႂ်ယႂ်ႇ ပိုင်ႈဢိင်လႆႈ
24 ၸူဝ်ႈမူင်းၼၼ်ႉသမ်ႉလႆႈၶၢမ်ႇပေႃႈၸဝ်ႈႁိူၼ်း
လူလၢႆ ႁဵတ်းႁၢႆႉသႂ်ႇပေႃးၼႆ ၼႂ်းၸႂ်လုၵ်ႈဢွၼ်ႇၶဝ်တေ
ပဵၼ် ႁွႆးၸဵပ်းလူင်ဝႆႉယူႇယဝ်ႉ။
5။ ႁဵတ်းၸွမ်းၸႂ်လုၵ်ႈဢွၼ်ႇၼႃႇ
လုၵ်ႈဢွၼ်ႇၶႂ်ႈလႆႈသင်ၵေႃႈသိုဝ်ႉပၼ်ၵမ်းလဵဝ်ၼၼ်ႉ
ဢမ်ႇထုၵ်ႇလီႁဵတ်းၸွမ်းၸႂ်လုၵ်ႈဢွၼ်ႇၼႃႇ။ မဵဝ်းလုၵ်ႈ
ဢွၼ်ႇၼႆႉ ပေႃးၶဝ်ႁၼ် ဢၼ်မႂ်ႇ ဢၼ်လၢၵ်ႇလၢႆးၼႆ
ႁူႉၶဝ်ၶႂ်ႈလႆႈတိၵ်းတိၵ်း၊ ၶဝ်ၶႂ်ႈလႆႈႁ ဢမ်ႇၼၼ် ၶဝ်ၵျိူၵ်ႈ
လၢႆလၢႆၵူၺ်းႁႃႉၼႆ ၸဝ်ႈၵဝ်ႇလူဝ်ႇလႆႈႁူႉ။
မိူဝ်ႈလႂ်ထုၵ်ႇလီသိုဝ်ႉပၼ်လႄႈ ဢၼ်လီသိုဝ်ႉပၼ်
ၼၼ်ႉၵူၺ်း လူဝ်ႇလႆႈသိုဝ်ႉပၼ်၊
ပေႃးႁဵတ်းၸွမ်းၸႂ်လုၵ်ႈၼႃႇ ပေႃးလုၵ်ႈယႂ်ႇမႃး ၸၢင်ႈပဵၼ်လုၵ်ႈ မေႃ သၢၼ်ၶတ်းၵၼ် ပေႃႈမႄႈဢိူဝ်ႈ။
6။ လွင်ႈလၢတ်ႈတဵၵ်းတဵင်ၼိူဝ်လုၵ်ႈလၢင်း
ၸႂ်လုၵ်ႈဢွၼ်ႇၼႆႉ ဢူၼ်ႈဢွၼ်ႇသေ လႅၵ်ႈလၢႆႈဝႆးၼႃႇ
လၢတ်ႈတဵၵ်းတဵင်ၶဝ်၊ လၢတ်ႈလွင်ႈၶဝ်ဢမ်ႇလီၼႆၼၼ်ႉ
ဢမ်ႇထုၵ်ႇလီႁဵတ်း။ ပေႃးလၢတ်ႈၸိူင်ႉၼၼ် လွင်ႈလုၵ်ႈ
ဢွၼ်ႇၼပ်ႉယမ်ၼိူဝ်ပေႃႈဢၼ်ဝႃႈၼၼ်ႉ တေယူပ်ႈယွမ်း
လူင်းၼၼ်ႉယဝ်ႉ။
ၼႂ်းၸႂ်လုၵ်ႈဢွၼ်ႇၼၼ်ႉ တေဝူၼ်ႉဝႃႈ ၵဝ်ၼႆႉပဵၼ်
ၵူၼ်းၸိူင်ႉၶဝ်ဝႃႈႁင်းၵဝ်ၼၼ်ႉႁႃႉၼႆယဝ်ႉ။
ၼႂ်းၸႂ်လုၵ်ႈဢွၼ်ႇၵေႃႈတေဢမ်ႇမီးတၢင်းသိူဝ်းသေ တေၸၢင်ႈယႃႉၸၢတ်ႈပၢၼ်ၶဝ်ဝၼ်းမိူဝ်းၼႃႈၼၼ်ႉယဝ်ႉ။
7။ ဢမ်ႇတူၺ်းထိုင် ဢမ်ႇလုမ်းလႃး တူဝ်ၸဝ်ႈၵဝ်ႇ
ပေႃးဝႃႈ ႁဝ်းတူၺ်းထိုင် ၼိူဝ်လုၵ်ႈလၢင်း လႄႈ
ၼၢင်းမႄးၵႃႈႁိုဝ်ၵေႃႈ တီႈတူဝ်ၸဝ်ႈၵဝ်ႇၵေႃႈ လုဝ်ႇလႆႈ
လုမ်းလႃးပႃးၼၼ်ႉယဝ်ႉ။ ပေႃးဝႃႈ ပေႃႈၸဝ်ႈႁိူၼ်း
ယူႇလီၵိၼ်ဝၢၼ်ၵွၼ်ႇ ၸွင်ႇတေၶတ်းလႆႈၼႃႈႁိူၼ်းၵႂႃႇ
လႆႈၶၢဝ်းႁိုင်။ လွင်ႈၶတ်းၸႂ်လႄႈ လွင်ႈယုမ်ႇယမ်
တူဝ်ၸဝ်ႈၵဝ်ႇၼၼ်ႉၵေႃႈ လူဝ်ႇလႆႈမီးတဵမ်ထူၼ်ႈ၊
တူဝ်ပေႃႈၸဝ်ႈႁိူၼ်းၼၼ်ႉ ႁႂ်ႈပဵၼ်တူဝ်ယင်ႇလီ တႃႇလုၵ်ႈ
လၢင်း လႄႈ ပဵၼ်တီႈလုၵ်ႈလၢင်း ၼပ်ႉယမ် မီးလွင်ႈ
ဢုၼ်ႇၸႂ်တဵမ်ထူၼ်ႈၼၼ်ႉယဝ်ႉ။
ၼပ်ႉယမ်ယႂ်ႇၼမ်သေ
ပၢႆးဝူၼ်ႉၶပ်ႉ ပိၼ်ႇတႅမ်ႈ
.jpg)
