လႆႈယူႇႁၢင်ႇၵႆၵၼ်ၵေႃႈ ယႃႇပေပဵၼ်ၸႂ်ဢမ်ႇလီယူႇ၊ ၽၢတ်ႇၵၼ်မိူဝ်ႈတၢႆၵူၺ်းဢမ်ႇၵႃး ၽၢတ်ႇ
ၵၼ် မိူဝ်ႈလိပ်း ၵေႃႈမီးတင်းၼမ်ယူႇယဝ်ႉ။
လႆႈယူႇၸမ်ၵၼ်ၵေႃႈ ယႃႇပေႁႅင်ႉၸူမ်းၼႃႇၽႅဝ်၊ ၸႂ်တိတ်းႁွႆႈဢၼ်ဝႃႈၼၼ်ႉ မၼ်းတႅပ်းယၢပ်ႇ သင်
လႆႈၽၢတ်ႇၵၼ်မႃး။
လႆႈၶၢမ်ႇတင်းပိူၼ်ႈႁၵ်ႉၼႃႇၵေႃႈ ယႃႇပေၵျေႃႇၸႂ်ၼႃႇဢႃးလႃး၊ သဵၼ်ႈၸိူၵ်ႈ တၼ်ႇႁႃႇ ဢၼ်ဝႃႈၼၼ်ႉ
ေတၺႃးမတ်ႉ ဢမ်ႇပၢႆႈပူၼ်ႉလွတ်ႈမၼ်းလႆႈ။
လႆႈၶၢမ်ႇတင်းပိူၼ်ႈၸင်းၵေႃႈ ယႃႇပေပဵၼ်ၸႂ်လဵၵ်ႉ ၸႂ်ဢမ်ႇလီယူႇ၊ လႆႈသၢၵ်ႈသႃႇသေ ၵေႃႉဢၼ်
လႆႈၶၢမ်ႇပိူၼ်ႈႁၵ်ႉၼႃႇၼၼ်ႉဢိူဝ်ႈ ပေႃးလွင်ႈလႆႈ
ၶၢမ်ႇမၼ်း။
ႁၢင်ႈၽၢင် ႁၢင်ႈလီၼႃႇၵေႃႈ ယႃႇဝႆႉ မၢၼ်ႇမႃႇၼသုင် ပေႃးဢမ်ႇဢၢပ်ႇၼမ်ႉၼႆ မဵၼ်မိူၼ်ၵၼ်ၵူႈၵေႃႉ
ယဝ်ႉ။
ႁၢင်ႈၽၢင် ႁၢင်ႈၸႃႉၼႆၵေႃႈ ယႃႇပေပဵၼ်ၸႂ်လဵၵ်ႉၸႂ်ၼွႆႉလူင်ယူႇ၊ ပေႃးမီးၼမ်ႉၵတ်ႉ လႄႈ ႁတ်း
ႁၢၼ်ၼႆ မီးၼႃႈမီးတႃလိူဝ်ၵူၼ်းႁၢင်ႈလီၶဝ်ၵွၼ်ႇ။
ၺႃးမိူဝ်ႈလႆႈၼႃႇၵေႃႈ ၸႂ်လေႃးၽ ယႃႇၶိုၼ်ႈႁႅင်း
လေႃးၽ ၼႆႉ ပၼ်တၢင်း သေႃးၵ လွင်ႈလိူတ်ႇမႆႈ
ဢိူဝ်ႈ။
လႆႈသၢၵ်ႈပၼ်ယူႇၼၼ်ႉၵေႃႈ ယႃႇပေပဵၼ်ဢမ်ႇလီ
ၸႂ်လဵၵ်ႉယူႇ၊ ပဵၼ်ပုၼ်ႈႁွမ်တွမ်ဝႆႉတႃႇသမ်ႇသရႃႇ
ဝၼ်းၼႃႈယဝ်ႉ။
ႁဵတ်းသင်ၵေႃႈ ပဵၼ်မႃးတႃႇသေႇၼၼ်ႉ ယႃႇပေႁႅင်ႉ
ထၢင်ႇယႂ်ႇတူဝ်ၼႃႇ၊ ၽဝ မႃႇၼဢၼ်ဝႃႈၼၼ်ႉ ၸၢင်ႈ
တၢႆၵႂႃႇပႃးဢိူဝ်ႈ။
ႁဵတ်းသင်ၵေႃႈ ဢမ်ႇမႃးတႃႇသေႇၼၼ်ႉ ယႃႇပေႁႅင်ႉ
ၸႂ်တူၵ်း ၸႂ်လဵၵ်ႉယူႇ၊ ၵူၼ်းႁဝ်း ပေႃးဝႃႈပႆႇတၢႆၼႆ
မီးတိုဝ်ႉတၢင်းတႃႇတေၶတ်းၸႂ်လႆႈထႅင်ႈတင်းၼမ်
ယူႇ။
မိူဝ်ႈလႆႈၼႃႈလီၼႃႇၼၼ့် ယႃႇပေႁႅင့်ၸူမ်းသိူဝ်းၼႃႇ၊
ပေႃးၺႃးမိူဝ်ႈဢမ်ႇလႆႈၼႃႈလီမႃး တေၶၢမ်ႇယၢပ်ႇ
ယူႇယၢပ်ႇဢိူဝ်ႈ။
မီးငိုၼ်းၶမ်ႈ ၼမ်တၢၼ်ႇႁိုဝ်ၵေႃႈ ယႃႇဝႆႉမၢၼ်ႇမႃႇၼ
သုင်၊ မႃႇၼငိုၼ်းၶမ်ႈၼႆႉ ပဵၼ်ဢၼ်သၢၼ်ၶတ်း ၸွမ်း
လွင်ႈတႅပ်းတတ်းတြႃးမၢၼ်ႇမႅၼ်ႈဢိူဝ်ႈ။
ၽၢၼ်ၼႃႇတၢၼ်ႇႁိုဝ်ၵေႃႈ ယႃႇၸႂ်လဵၵ်ႉၸႂ်ၼွႆႉယူႇ၊
ဢမ်ႇဝႃႈ မီးႁိုဝ် ၽၢၼ် ပေႃးတၢႆယဝ်ႉ လႆႈၽင်လိၼ်
မိူၼ်ၵၼ်ၵူၺ်း။
လႆႈၶၢမ်ႇတင်းပိူၼ်ႈယွင်ႈယေႃးၼႃႇၵေႃႈ ယႃႇပေႁႅင်ႉ
ၸူမ်းသိူဝ်းၼႆႉ၊ ၸႂ်ၵူၼ်းႁဝ်းၼႆႉ မၼ်းမေႃပိူင်ႈမိူၼ်
ၶၢဝ်းယၢမ်းဢိူဝ်ႈ။
လႆႈၶၢမ်ႇတင်းပိူၼ်ႈၶႃႉၸိုဝ်ႈၶၢႆသဵင်ၵေႃႈ ယႃႇပေႁႅင်ႉ
ၸႂ်ဢမ်ႇလီ ၸႂ်သႃႇယူႇ၊ ယွၼ်ႉဝႃႈ ဢမ်ႇလႆႈဢဝ်
ႁူးၶူႈၼင်ပိူၼ်ႈမႃးထူၺ်ႈၸႂ်ႁဝ်းဝႆႉလူး။
ဢွင်ႇမႅင်ႇတၢၼ်ႇႁိုဝ်ၵေႃႈ ယႃႇပေၸူမ်းသိူဝ်းၼႃႇ
ဢႃးလႃး၊ ၵေႃႉဢၼ်ပႂ်ႉတူၺ်းတၢင်းၽိတ်းႁဝ်း မီးယူ
ႇဢၼ်ဝႃႈၼၼ်ႉ ယႃလိုမ်း။
ယႃႇပေပဵၼ်ၵူၼ်းၵေႃႉဢၼ် မေႃၸႂ်လဵၵ်ႉငၢႆႈ/ၸႂ်သိူဝ်းငၢႆႈၼႃႇ၊
ႁႂ်ႈမေႃယူႇ ပၢၼ်ၵၢင်သေ တူဝ်ၼိမ်
ၸႂ်ၼိမ် ဢဝ်တူဝ်ထူပ်းဝႆႉၼမ်ၼမ်ၼႆႉ ပဵၼ်ဢၼ်လီ
သုတ်း တွၼ်ႈတႃႇၸၢတ်ႈပၢၼ်။
လွင်ႈမေႃဝႆႉ တူဝ်ၼိမ် ၸႂ်ၼိမ်လီၼႆႉ မိူၼ်ၼမ်ႉပၢင်ႇ
လၢႆႇၼၼ်ႉယဝ်ႉ၊ ဢဝ်ၵိူဝ်ထွၵ်ႇသႂ်ႇႁႂ်ႈမၼ်းၸဵမ်းႁႅင်း
ၵေႃႈ ဢမ်ႇၸဵမ်းလိူဝ်မႃးလႆႈ၊ လူမ်းလႅင်ႉလူဝ်ပဝ်ႇ
ၽတ်ႉၵေႃႈ ဢမ်ႇတိူဝ်ႉၼဵၼ်သင်မၼ်း။
ယိၼ်းၸူမ်းၽူႈလူလိၵ်ႈႁဝ်းၶဝ်ၵူႈၵေႃႉသေ--
ၸဝ်ႈၶမ်းလဵၵ်ႉ ပိၼ်ႇတႅမ်ႈတၢင်ႇၼႄ
.jpg)
