ၵူၼ်းႁဝ်းၵမ်ႉပႃႈၼမ်ၵႆႉဢွၼ်ၵၼ်ယူႇလူင်တူဝ်လုိမ်းၶိင်းဝၼ်းယဝ်ႉဝၼ်းၵႆႉဢဝ်တင်းေၵျႃႇၼမ်းၼႃႈေသယူႇၵႂႃႇၸွမ်း
ဝၼ်းလႂ်ဝၼ်းၼၼ်ႉၵူၺ်း၊
ၶၢဝ်းတၢင်းမူိဝ်းၼႃႈၽဝၸဝ်ႈၵဝ်ႇၶႂ်ႈပၼ်ၸူိင်ႉႁုိဝ်ဢၢၼ်
ပဵၼ်ၸူိင်ႉႁုိဝ်ေၵႃႈဢမ်ႇဝူၼ်ႉ ၵုမ်ႇဢဝ်ေပႃႈတၢင်းႄမႈပဵၼ်တီႈ
ၸႂ်ယႂ်ႇေသ ၵၢၼ်သင်ေၵႃႈဢမ်ႇၶႂ်ႈႁဵတ်း ႁႂ်ႈေပႃႈတၢင်းႄမႈႁပ်
ပုၼ်ႈၽွၼ်းၵမ်ႉၼမ်၊
ၸႂ်ႈယဝ်ႉမူိဝ်ႈလဵဝ်ေတႉႁဝ်းတုိၵ်ႉမီးေပႃႈတၢင်းႄမႈႁဝ်း
ၶႂ်ႈႁဵတ်းသင်ႁဝ်းၶႂ်ႈၵႂႃႇလႂ်ေၵႃႈဢဝ်ၵၢင်ၸႂ်ႁဝ်းဝႃႈလႆႈမူတ်း"
ၵူၺ်းၵႃႈထုၵ်ႇလီဝူၼ်ႉပႃးယူႇၼႃႈဝႃႈဢၼိၸႃႉၼႆႉမၼ်း
ဢမ်ႇမၼ်ႈဢမ်ႇၵုိမ်း ေပႃးထုိင်ဝၼ်းဢၼ်ေပႃႈႄမႈႁဝ်းလပ်း
တႃလုိမ်းမူိင်းၵႂႃႇပႅတ်ႈႁဝ်းယဝ်ႉၼၼ်ႉ ေတလႆႈၵုိတ်းႁဝ်းေၵႃႉ
လဵဝ်ေသ ေတလႆႈသုိပ်ႇပူၵ်းပွင်ၽဝၸဝ်ႈၵႂႃႇၶူိဝ်း"ယႂ်း"ဢူိဝ်ႈ
ဢၼ်ၼႆႉဢမ်ႇထုၵ်ႇလီလုိမ်း၊
ၸူဝ်ႈၵႃႈေပႃႈႄမႈတုိၵ်ႉမီးယူႇၼႂ်းမူိင်းၵူၼ်းၼႆႉႁဝ်းဢမ်ႇ
လီယူႇမဝ်ၵိၼ်မင်လုိမ်းတူဝ်လုိမ်းႁၢင်ႈယူႇ ႁႃႁဵၼ်းတၢင်းႁူႉတၢင်းေမႃႁဝ်းဝႆႉႄလႈ၊
ယၢမ်းမွင်းၼႆႉႁဝ်းသုိဝ်ႉလႆႈဢူိဝ်ႈ ၶၢဝ်းယၢမ်းၼႆႉႁဝ်း
သုိဝ်ႉဢမ်ႇလႆႈ ၸူဝ်ႈၵႃႈတုိၵ်ႉမီးၶၢဝ်းယၢမ်းလီ"ၼႆႉဢမ်ႇထုၵ်ႇ
လီပၼ်ၶၢဝ်းယၢမ်းလုုတ်ႈၵႂႃႇလၢႆ" ထုၵ်ႇလီေမႃၸႂ်ႉတုိဝ်းဝႆႉၵႃႈ
ၶၼ်ၶၢဝ်းယၢမ်းဢူိဝ်ႈ၊
ထုင်းၵႂၢမ်းတႆးႁဝ်းေၵႃႈမီးဝႆႉယူႇ *ပဵၼ်ၵူၼ်းမႃးၼုိင်ႈ
ၸၢတ်ႈ ဢမ်ႇမျႅတ်ႈေၵႃႈယႃႇေပႁႂ်ႈလႆႈသုမ်း* ၼႆယူႇ၊
ၵူၼ်းႁဝ်းၽႂ်လႂ်ေၵႃႈယဝ်ႉၼုိင်ႈၸၢတ်ႈၼႆႉဢမ်ႇၶႂ်ႈသုမ်း
ၶႂ်ႈၶုိၼ်ႈယႂ်ႇဢွင်ႇမၢၼ်ယူႇၽႂ်မၼ်း၊
တူဝ်ေတႉၶႂ်ႈဢွင်ႇမၢၼ်ယူႇ ၸႂ်သမ်ႉၵုမ်ႇၶီႈၶၢၼ်ႉေတႉ
ဢမ်ႇပဵၼ် သင်ၶႂ်ႈၶုိၼ်ႈယႂ်ႇဢွင်ႇမၢၼ်ႄတႉယူႇၸုိင် မူိဝ်ႈတုိၵ်ႉ
မီးၶၢဝ်းယၢမ်းၼႆႉ ၶတ်းပႅတ်ႈၸႂ်ၶၢၼ်ႉၸဝ်ႈၵဝ်ႇၼၼ်ႉေသ
ၶတ်းၸႂ်သွၼ်လဵပ်ႈႁဵၼ်းၵႂႃႇႄလႈ၊
သင်ဝႃႈၸဝ်ႈၵဝ်ႇဢမ်ႇၶုိၼ်ႈႁဵၼ်းေၵႃႈ ပပ်ႉလိၵ်ႈမီးယူႇ
သုိဝ်ႉပပ်ႉေသမႃးလူႄလႈ ၵွပ်ႈဝႃႈၼႂ်းပပ်ႉလိၵ်ႈၼၼ်ႉ ၶဝ်ႈပႃး
ဝႆႉၵူႈလွင်ႈဢၼ်ဢမ်ႇတႅပ်းတတ်းၵႃႈၶၼ်မၼ်းလႆႈ ၸဝ်ႈၵဝ်ႇ
သူၼ်ၸႂ်ၼႃႈၵၢၼ်ၸူိင်ႉႁုိဝ် ၶႂ်ႈႁူႉလွင်ႈသင် ၶႂ်ႈလဵပ်ႈႁဵၼ်းလွင်
သင်ၼႆေၵႃႈ ႁႃသုိဝ်ႉဢဝ်လွင်ႈၼၼ်ႉေသလူႄလႈ လူၵူႈပပ်ႉ
ေၵႃႈၶႅၼ်းလီ၊
သင်ဝႃႈၸဝ်ႈၵဝ်ႇဢမ်ႇသူင်ၸႂ်လူလိၵ်ႈေၵႃႈ ေပႃး
ၸဝ်ႈၵဝ်ႇယင်းမီးၽူင်းယူႇၼႆၸုိင် ယႃႇေပတိလၢႆႉၵႂႃႇတိလၢႆႉမႃးေသႁႂ်ႈႁႅင်းၽူင်းၵႂႃႇသဵင်ႈလၢႆ"ၵူၺ်း ထုၵ်ႇလီႁႃထွမ်ပၢႆးႁူႉပၢႆးႁၼ်ဢၼ်ပူိၼ်ႈလၢတ်ႈတီႈၼူိဝ်ၾႅတ်ႉပုၵ်ႉ
(Facebook)ၼၼ်ႉယူႇ၊၊
ၼမ်ႉယမ်ယ်ႂႇၼမ်ေသယုမ်ႇယမ်ဝႃႈမူႇလိၵ်ႈဢွၼ်ႇႁူဝ်
ၼႆႉ ေတပၼ်ၽွၼ်းလီပုၼ်ႈတႃႇၽူႈသူင်ၸႂ်လူလိၵ်ႈႁဝ်းၶဝ်
ၵူႈေၵႃႉယူႇၶႃႈ။
×××××××××××××××××
သၢႆဝၼ်းသႂ် ထုင်ႉေသႃႉၶမ်း
( 7. 1. 2020 )
.jpg)
No comments:
Post a Comment