ယွၼ်ႉသင် ပိူၼ်ႈဢမ်ႇႁပ်ႉၽဵတ်ႉႁဝ်း

မိူဝ်ႈၽဵတ်ႉတေႇၸဢွၵ်ႇမႃး ၽႂ်ၵေႃႈဢမ်ႇသူမေႃႁဵတ်း ၵူၼ်းမေႃႁဵတ်းၽဵတ်ႉမၼ်း ၵႆၵႆၵႂႃႇမီးၵူၺ်း၊ ပေႃးလႆႈမႃးၽဵတ်ႉ ၼိုင်ႈဢၼ်ယဝ်ႉၵေႃႈ ၼႅတ်ႈတႅမ်ႈမၢႆဝႆႉ ၵူဝ်လိုမ်း၊ ပေႃးလိုမ်း သင်ဝႃႈလႅင်းၼႅတ်ႉဢမ်ႇႁႅင်းလႄႈ ၽဵတ်ႉဢွၵ်ႇၵႂႃႇပႅတ်ႈ ၼႆ ၵူဝ်ဢမ်ႇၶဝ်ႈလႆႈၶိုၼ်း၊ မိူဝ်ႈၼၼ်ႉလႆႈဝႃႈ မေႃဝႆႉၵႃႈၶၼ်ၽဵတ်ႉတေႉတေႉ။

ထိုင်မႃးတေႃႈလဵဝ်ၼႆႉ ၽဵတ်ႉၵေႃႈႁဵတ်းလႆႈငၢႆႈၼႃႇ၊ ဢဝ်မၢႆၽူၼ်းႁဵတ်းၵူၺ်းၵေႃႈလႆႈ၊ မိူဝ်ႈၼၼ်ႉတေႉ ၵမ်ႈၼမ် တေဢဝ် Gmail, Email. yandex, ၸၵႂႃႇႁဵတ်းဢဝ်ၼၼ်ႉယဝ်ႉ။ 

မၢႆတွင်း = Gmail ,လႄႈ Email. ၼႆႉပဵၼ်ဢၼ်လဵဝ်ၵၼ်ၵူၺ်း။

ပေႃးဢဝ် gmail ႁဵတ်း တေမိူၼ်ၼႆဝႆႉ ၽၢင်ႁၢင်ႈမၼ်း

တီႈ Email or Phone number ၼၼ်ႉ #zaitai@gmail.com. zaitai@yandex.com

တီႈ Passwords (မၢႆလပ်ႉ) ၼၼ်ႉ   ............ ၼႆသႂ်ႇသင်ၵေႃႈလႆႈ၊

ၵူၺ်းၵႃႈလူဝ်ႇလႆႈတွင်းမၢႆလပ်ႉမၼ်း ပေႃးဢမ်ႇတွင်း တေလႆႈတႅမ်ႈမၢႆဝႆႉၼႂ်းပပ်ႉၼၼ်ႉယဝ်ႉ။ မၢႆလပ်ႉမၼ်းၼၼ်ႉ မိူၼ်ၵၼ်တင်းၵၢၵ်ႇသေႃးၼၼ်ႉယဝ်ႉ၊ ပေႃးဝႃႈမီးလုၵ်ႈမၢၵ်ႇသေႃးလၢႆလၢႆ ဢဝ်ၵၢၵ်ႇသေႃးမၼ်းႁၢႆၵေႃႈ တေဢမ်ႇၸၢင်ႈပိုတ်ႇၶိုၼ်းၼၼ်ႉယဝ်ႉ။

မိူၼ်တေႃႈလဵဝ်ၼႆႉ တီႈ Email or Phone number ၼၼ်ႉ သႂ်ႇပၼ်မၢႆၽူၼ်းသေ

တီႈ Passwords ၼၼ်ႉၵေႃႈ ၵမ်ႈၽွင်ႈၵေႃႈ ၶိုၼ်းဢဝ်မၢႆၽူၼ်းသႂ်ႇၶုိၼ်း၊ မၢင်ၵေႃႉၵေႃႈ သႂ်ႇတၢင်ႇမဵဝ်း

ၵူၺ်း ၵမ်ႈၼမ် တေဢမ်ႇဝႆႉ မၢႆလပ်ႉမၼ်းၼၼ်ႉပဵၼ်လွင်ႈယႂ်ႇ၊ ပေႃးသႂ်ႇလႆႈယဝ်ႉၵေႃႈ ပွႆႇဝႆႉႁဵတ်းၼၼ် ဢမ်ႇတႅမ်ႈ ဢမ်ႇမၢႆသင်ဝႆႉၸွမ်း၊ ပေႃးႁိုင်မႃး ပေႃးၽဵတ်ႉတူၵ်းၵႂႃႇၵေႃႈ ဢမ်ႇမေႃဢဝ်ၶိုၼ်းလႆႈယဝ်ႉ၊ ႁဵတ်းၼၼ်သေဝႃႈ ထၢင်ႇဝႃႈၽဵတ်ႉၵွႆၼႆသေ ၶုိၼ်းႁဵတ်းထႅင်ႈဢၼ်မႂ်ႇ၊

ႁဵတ်းၼၼ်သေ သင်ဝႃႈၸဝ်ႈၵဝ်ႇၵမ်းၵမ်းႁဵတ်းၽဵတ်ႉမႂ်ႇပေႃးၼႆ ၸဝ်ႈၵဝ်ႇၵႂႃႇယွၼ်းပဵၼ်ဢူၺ်းၵေႃႉပိူၼ်ႈၵေႃႈ

ၸိူဝ်းပိူၼ်ႈလဵၼ်ႈၽဵတ်ႉ ဢၼ်လဵၼ်ႈမႃး ပီယၢဝ်းၶၢဝ်းႁိုင်ၼၼ်ႉၼႆ ပိူၼ်ႈတေဢမ်ႇၶႂ်ႈႁပ်ႉ၊ ယွၼ်ႉဝႃႈ ၽဵတ်ႉၸဝ်ႈ

ၵဝ်ႇၼၼ်ႉသေ တေၵႂႃႇၶမ်ဝႆႉ ၼႂ်းၽဵတ်ႉၶဝ်ၼၼ်ႉ သီႇႁႃႈၽဵတ်ႉၼၼ်ႉယဝ်ႉ။  တႂၢၵ်ႈဝႃႈမၼ်း ၽဵတ်ႉၼႆႉ မီးလွင်ႈမၼ်ၵိုမ်း လႄႈတွင်းၵိုမ်းလႆႈလီလိူဝ်သေၵူၼ်းႁဝ်းၵွၼ်ႇ ၶွပ်ႈၶူပ်ႇၼိုင်ႈပီၼိုင်ႈပွၵ်ႈ ၶဝ်ပၼ်ၽၢင်ႉၶိုၼ်း မိူၼ်ၼင်ႇ ဝၼ်းၵိူတ်ႇႁိုဝ် ဢၼ်ႁဝ်းတၢင်ႇဝႆႉပီယၢဝ်းၶၢဝ်းႁိုင်ၼၼ်ႉၼႆ မၼ်းၶိုၼ်းပၼ်ၽၢင်ႉၶိုၼ်း ၊ ပၼ်ၽၢင်ႉဢၼ်ဝႃႈၼၼ်ႉၵေႃႈ တႃႇႁႂ်ႈႁဝ်း ၶုိၼ်းတူၺ်းၶုိၼ်း ၶုၵ်းၸႂ်လႆႈၶုိၼ်း ဢၼ်တၢင်ႇဝႆႉပီယၢဝ်းၶၢဝ်းႁိုင်ၼၼ်ႉယဝ်ႉ။

ပေႃးပဵၼ်ၸိူင်ႉၼၼ် သင်ဝႃႈႁဝ်း ၵႆႉလၢႆႈၽဵတ်ႉ ၵႆႉႁဵတ်းၽဵတ်ႉမႂ်ႇသေယိပ်းတိုဝ်းပေႃးၼႆ ဢႃယုၽဵတ်ႉႁဝ်းၵေႃႈ တေပွတ်း၊ လွင်ႈတွင်းၵိုမ်း ဢၼ်ၽဵတ်ႉတွင်းပၼ်ဝႆႉၼၼ်ႉၵေႃႈ တေဢမ်ႇႁူႉၸွမ်း တေဢမ်ႇႁၼ်ၸွမ်းသေဢမ်ႇၵႃး ၵႂႃႇယွၼ်းပဵၼ်ဢူၺ်းၵေႃႉပိူၼ်ႈၵေႃႈ ပိူၼ်ႈတေဢမ်ႇပေႃးၶႂ်ႈႁပ်ႉ၊ ယွၼ်ႉဝႃႈၸဝ်ႈၵဝ်ႇ ၵႆႉလၢႆႈၽဵတ်ႉၼၼ်ႉယဝ်ႉ။

တၢင်းၶႂ်ႈၸႂ်

သင်ဝႃႈၸဝ်ႈၵဝ်ႇလႆႈမႃးၽဵတ်ႉၼိုင်ႈဢၼ်ယဝ်ႉၼႆ ဢဝ်မၢႆၽူၼ်းႁဵတ်းသေ လႆႈမႃးၵေႃႈယဝ်ႉ၊ ဢဝ် gmail ႁဵတ်းသေ လႆႈမႃးၵေႃႈယႃႇ ဢၼ်လမ်ႇလွင်ႈလိူဝ်ပိူၼ်ႈ ယႃႇပေလိုမ်း မၢႆလပ်ႉမၼ်းၼၼ်ႉယဝ်ႉ၊ သင်ဝႃႈၵူဝ်လိုမ်းမၢႆလပ်ႉမၼ်း ပေႃးၼႆ တႅမ်ႈမၢႆဝႆႉတီႈၼႂ်းပပ်ႉလႄႈ၊ ပေႃးဝႃႈႁဝ်းတွင်း မၢႆၽဵတ်ႉႁဝ်းၼႆ  ၽူၼ်းႁဝ်းၼၼ်ႉ ႁဝ်းလၢႆႈလၢႆလုၵ်ႈလၢႆႁူၺ်ႇ ၵေႃႈ ၶိုၼ်းဢဝ်ၽဵတ်ႉႁဝ်းၼၼ်ႉ ၸႂ်ႉတိုဝ်းၸွမ်းလႆႈတႃႇသေႇၼၼ်ႉယဝ်ႉ။

မၢႆတွင်း ---- သင်ဝႃႈ ၸဝ်ႈၵဝ်ႇဢမ်ႇမေႃႁဵတ်းဢဝ်ႁင်းၵူၺ်းသေ ၸႂ်ႉပိူၼ်ႈႁဵတ်းပၼ်ၼႆၵေႃႈ

      ႁႂ်ႈၵေႃႉႁဵတ်းၼၼ်ႉ တႅမ်ႈ ပၼ်ပႃး (မၢႆၽူင်း - Gmail ) လႄႈ (မၢႆလပ်ႉ Passwords) မၼ်းၸွမ်းတႃႉ။

ပၢႆးဝူၼ်ႉၶပ်ႉ