႑႗လွင်ႈ ဢတေဵတ်းႁႂ်ႈၵူၼ်းႁဝ်း ယူႇငၢႆႈလူမ်ၸႂ်

ဢၼ်လၢတ်ႈၼႄ ႑႗ လွင်ႈတင်းတႂ်ႈၼႆႉ ယုမ်ႇယမ်ဝႃႈ တေႁဵတ်းႁႂ်ႈၵူၼ်းလူမၼ်း မေႃယူႇ မေႃသဝ်း ၵႂႃႇၼႂ်းလူၵ်ႈၼႆႉယူႇ၊ သင်ဝႃႈႁဵတ်းၸွမ်း။

႑။ ပေႃးဝႃႈဢမ်ႇႁၼ်တႂ်ႈၼႃႈတႂ်ႈတႃတေႉတေႉၼႆ ယႃႇၼႅတ်ႈလၢတ်ႈသၢၵ်ႈသေႇဢွၵ်ႇသူပ်းမႃးၵမ်းသိုဝ်ႈ။
႒။ ဢၼ်ၸဝ်ႈၵဝ်ႇဢမ်ႇႁူႉၼၼ်ႉ လၢတ်ႈဝႃႈဢမ်ႇႁူႉၼႆၵမ်းသိုဝ်ႈလႄႈ တေဢမ်ႇႁဵတ်းႁႂ်ႈၸဝ်ႈၵဝ်ႇၼၵ်းၸႂ်။
႓။ ၵူၼ်းႁဝ်းပေႃးဝႃႈ ၸိုဝ်ႈသဵင်ယႂ်ႇမႃးၼႆ တုိၼ်းလႆႈထူပ်းလွင်ႈသေႉၼႄးၵူၼ်းၵမ်ႈၽွင်ႈယူႇ၊ ပေႃးဝႃႈ ဢမ်ႇၶႂ်ႈထူပ်းလွင်ႈသေႉၼႄးၵူၼ်းၵမ်ႈၽွင်ႈၼၼ်ႉ ယႃႇပေၶႂ်ႈၸိုဝ်ႈသဵင်ယႂ်ႇလႃႈ။

႔။ ပေႃးဝႃႈယိူၼ်ႉလႆႈ ႁႂ်ႈယိူၼ်ႉပၼ်လႄႈ၊ သင်ဝႃႈဢမ်ႇယိူၼ်ႉပၼ်လႆႈ လႅၵ်ႈလၢႆႈသဵၼ်ႈတၢင်းပၼ်လႄႈ၊ လႅၵ်ႈလၢႆႈသဵၼ်ႈတၢင်းပၼ်လႄႈဢမ်ႇလႆႈၸိုင် မၢႆထိုင်ဝႃႈပဵၼ်ၵၢၼ်ၵုသူဝ်ႇၼႆသေလႄႈ။
႕။ ပေႃးထူပ်းလွင်ႈပၼ်ႁႃမႃး ႁႂ်ႈၵိုတ်းလိုဝ်ႈပၼ်ၵမ်းၼိုင်ႈလႄႈ၊ ပေႃးတိုၵ်ႉလၢတ်ႈၵႂၢမ်းယူႇၵေႃႈ ႁႂ်ႈၵိုတ်းလွင်ႈလၢတ်ႈသေၵမ်းၼိုင်ႈလႄႈ၊ လၢႆးၵႄႈလိတ်ႈပၼ်ႁႃ တေသၢင်းလၢင်းမႃးၼႂ်းၸႂ်ယူႇ။
႖။ ႁဵတ်းႁႂ်ႈၸဝ်ႈၵဝ်ႇႁူိဝ်ႈလႅင်းလႄႈ ၵူၺ်းၵႃႈ ယႃႇၵႂႃႇမွတ်ႇပႅတ်ႈၵွၵ်းၽႆးပိူၼ်ႈ။
႗။ ယႃႇပေလပ်းႁူလပ်းတႃသေ ယုၵ်ႉယွင်ႈဢဝ်ၵုင်ႇၼႃႇပူၼ်ႉတီႈ၊ တင်ႈၸႂ်တင်ႈၶေႃးသေလႄႈ တဵၵ်းတဵင် ႁႂ်ႈပေႃးဢမ်ႇလုၵ်ႉလႆႈၼၼ်ႉၵေႃႈ ဢမ်ႇထုၵ်ႇလီႁဵတ်း။
႘။ ဢၼ်ပိူၼ်ႈဢမ်ႇထုၵ်ႇလီႁူႉ ၶေႃႈၵႂၢမ်းလပ်ႉၸဝ်ႈၵဝ်ႇၼၼ်ႉ ဢမ်ႇထုၵ်ႇလီ ၶတ်းၸႂ်လၢတ်ႈဢွၵ်ႇ ၼႄပိူၼ်ႈ ယိူၼ်ႉသီးၸႂ်ပၼ်ႁႂ်ႈလႆႈလႄႈ။
႙။ မၢၵ်ႇမႆႉဢၼ်ဝႃႈၼႆႉ ပေႃးသုၵ်းယဝ်ႉၸွင်ႇလီပိတ်းၼႆၼၼ်ႉ၊ တၢင်းဝူၼ်ႉလႄႈလွင်ႈၶႂ်ႈၸႂ်ၵေႃႈ ပေႃးတဵမ် ထူၼ်ႈယဝ်ႉ ၸွင်ႇၵွႆႈလၢတ်ႈဢွၵ်ႇၼႆႉလီသေပိူၼ်ႈယဝ်ႉ။
႑႐။ ၵၢၼ်ဢၼ်သၢင်းလၢင်းၼၼ်ႉ ဢမ်ႇထုၵ်ႇလီပၼ် ပၼ်ႁႃၵိူတ်ႇၶိုၼ်ႈမႃး၊
ၵၢၼ်ဢၼ်သုၵ်ႉယုင်ႈၼၼ်ႉၵေႃႈ ဢမ်ႇထုၵ်ႇလီပၼ် ၸႂ်သုၵ်ႉယုင်ႈၸွမ်း၊
မိူဝ်ႈၸႂ်လမ်တေႃးသဢွၵ်ႇၼၼ်ႉ ဢမ်ႇထုၵ်ႇလီ တႅပ်းတတ်း
မိူဝ်ႈၸႂ်ၸႃႉ ၸႂ်ႁၢႆႉၼၼ်ႉ ဢမ်ႇထုၵ်ႇလီလၢတ်ႈၵႂၢမ်း။
႑႑။ မိူဝ်ႈၸဝ်ႈၵဝ်ႇႁူႉတူဝ်ဝႃႈ ၸဝ်ႈၵဝ်ႇၽိတ်းၼၼ်ႉ လႅၵ်ႈလၢႆႈပဵၼ်လွင်ႈသၢင်ႇထုၵ်ႇၵႂႃႇၵမ်းလဵဝ်လႄႈ။
႑႒။ မိူဝ်ႈၸဝ်ႇၵဝ်ႇ မီးၸႂ်ၶႂ်ႈပၢၼ်းၽိတ်းပိူၼ်ႈၼၼ်ႉ ယႃႇလိုမ်းဝႃႈ ၼႂ်းလူၵ်ႈၼႆႉ ပဵၼ်ၶဵၼ်ၸဝ်ႈၵဝ်ႇမူတ်း
ဢၼ်ဝႃႈၼၼ်ႉ။
႑႓။ ယႃႇပေၶတ်းၸႂ်ၶႂ်ႈလိင်ႉလႅၼ်ပိူၼ်ႈ၊ ဢၼ်ၸဝ်ႈၵဝ်ႇလႅၼ်ၵႂႃႇၼၼ်ႉ ၵမ်ႈၼမ် ပဵၼ်ၵေႃႉဢၼ်ယုမ်ႇယမ်
ၸဝ်ႈၵဝ်ႇၼၼ်ႉဢိူဝ်ႈ။
႑႔။ ၶတ်းၸႂ်သေ ယုမ်ႇယမ်ပၼ်တူဝ်ၸဝ်ႈၵဝ်ႇၼႆႉ ပဵၼ်ၵၢၼ်ဢၼ်ၶိုပ်ႈၼႃႇတႃႇၸဝ်ႈၵဝ်ႇဢၼ်ၼိုင်ႈယဝ်ႉ။
႑႕။ ၸႂ်လမ်တေႃးသဢွၵ်ႇတၢၼ်ႇႁိုဝ်ၵေႃႈ ဢမ်ႇထုၵ်ႇလီႁဵတ်းလွင်ႈမိူၵ်ႈမႂ်ႈ။
႑႖။ ယုၵ်ႉယွင်ႈဢဝ်ၵုင်ႇမုၼ် ၸဝ်ႈၵဝ်ႇၼႃႇဢႃးလႃးၵေႃႈ ဢမ်ႇထုၵ်ႇလီႁဵတ်း၊
႑႗။ မိူဝ်ႈထူပ်းၵူၼ်းၼႂ်းလေႃးၵလူင်ၼႆႉ ပူတ်းပွႆႇပႅတ်ႈ ၸႂ်မႃႇၼသေ ၵပ်းသိုပ်ႇၶဝ်ၼၼ်ႉ လီသေပိူၼ်ႈယဝ်ႉ။ ၵူၺ်း ယႃႇပေဝႆႉတူဝ်ၸဝ်ႈၵဝ်ႇတႅမ်ႇၼႃႇသေ ထိုင်တီႈ ပေႃးလႆႈတိူဝ်ႉၸႂ်ဝၢႆးမႃးၶိုၼ်း။

ၼပ်ႉယမ်ယႂ်ႇၼမ်ၽူႈပၼ်ႁႅင်းလူလိၵ်ႈႁဝ်းၶဝ်
တင်းသဵင်ႈသေ

   ပၢႆးဝူၼ်ႉၶပ်ႉ ပိၼ်ႇတႅမ်ႈ
                                          Ref: We Chat.