ၵူၼ်းဢၼ်လူလိၵ်ႈလၢႆး ၼႂ်းဝၼ်းမိူဝ်ႈၼႆႉၼၼ်ႉ တေပဵၼ်
ၽူႈဢွၼ်ႁူဝ် ၼႂ်းဝၼ်းမိူဝ်းၼႃႈဢိူဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ၵွပ်ႈပိူဝ်ႈလူလိၵ်ႈလၢႆးသေ ဢမ်ႇၸၢင်ႈလႆႈငိုၼ်းသေတႃႉ
ၵွပ်ႈပိူဝ်ႈလူလိၵ်ႈလၢႆးသေ သူၸၢင်ႈလႆႈလၢႆးႁႃငိုၼ်းဢိူဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ၵူၼ်းလူလိၵ်ႈၵူႈၵေႃႉၼၼ်ႉ တေဢမ်ႇပဵၼ်ၵူၼ်းၶိုၼ်ႈယႂ်ႇ
မၢၵ်ႈမီးလႆႈ ၵူႈၵေႃႉၵေႃႈ ၊
ၵူၺ်းၵႃႈ ၵူၼ်းဢၼ်ၶိုၼ်ႈယႂ်ႇ မၢၵ်ႈမီးၵူႈၵေႃႉၼၼ်ႉ ၶဝ်ပဵၼ်
ၵူၼ်းလူလိၵ်ႈလၢႆး ၵူႈၵေႃႉဢိူဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ၵူၼ်းဢၼ်လူလိၵ်ႈၵူႈၵေႃႉၼၼ်ႉ တေဢမ်ႇပဵၼ်ၽူႈတႅမ်ႈလိၵ်ႈ
လႆႈၵူႈၵေႃႉၵေႃႈ ၊
ၵူၺ်းၵႃႈ ၽူႈတႅမ်ႈလိၵ်ႈၵူႈၵေႃႉၼၼ်ႉ ၶဝ်လူလိၵ်ႈၵူႈၵေႃႉဢိူဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ဢၼ်ဝၢၼ်ႈမိူင်ႈပိူၼ်ႈၶိုၼ်ႈယႂ်ႇၼၼ်ႉ ယွၼ်ႉၽူႈႁူႉမေႃၶဝ်ၼမ်
ဢၼ်ၽူႈႁူႉမေႃၶဝ်ၼမ်ၼၼ်ႉၵေႃႈ ယွၼ်ႉၵူၼ်းလူလိၵ်ႈၶဝ်ၼမ်
ဢိူဝ်ႈၼႆ ယႃႇပေလိုမ်းသေၵမ်း ။
ၽွမ်ႉၵၼ်လူ လိၵ်ႈလၢႆးလႄႈ>>>>
ႁဝ်းလူလိၵ်ႈၵႂႃႇယဝ်ႉသေ ဢမ်ႇတွင်းလႆႈဝႆႉသင်သေလွင်ႈၵေႃႈ
ယႃႇပေၸႂ်လူႉသင် သိုပ်ႇလူထႅင်ႈၼမ်ၼမ်လႄႈ ၊
ထၢတ်ႈမၼ်းတေၸပ်းဝႆႉၼႂ်းၸႂ်ႁဝ်းသေ မိူဝ်ႈႁဝ်းလူဝ်ႇ မိူဝ်ႈႁဝ်း
ထူပ်းတၢင်းယၢပ်ႇၽိုတ်ႇၼၼ်ႉ မၼ်းတေဢွၵ်ႇမႃးၸွႆႈႁဝ်းဢိူဝ်ႈ။
ၽွမ်ႉၵၼ်လူ လိၵ်ႈလၢႆးလႄႈ>>>>
ၵူၼ်းၵေႃႉဢၼ်ဢဝ်လိၵ်ႈလၢႆး ပၢႆးႁူႉသေ တေႇသၢင်ႇၽဝမၼ်း
ၼၼ်ႉ ၽဝမၼ်း တေမီးလွင်ႈၼိမ်ယဵၼ်သေ တေၶိုပ်ႈၼႃႈၸူး
တၢင်းၶိုၼ်ႈယႂ်ႇတိၵ်းတိၵ်း ၵူၺ်းယဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
မိူဝ်ႈပႆႇမီးယိၼ်ႉလူလိၵ်ႈတႄႉတႄႉၼၼ်ႉ ႁႃလူဢၼ်လိၵ်ႈဢၼ်
ၸဝ်ႈၵဝ်ႇၵဵၵ်ႈၸႂ်ၼၼ်ႉလႄႈ ၊
ပေႃးပႃးယိၼ်ႉမၼ်းမႃးယဝ်ႉၼႆ ႁၼ်ပပ်ႉသင်ၵေႃႈလူမူတ်းမူတ်း
လႃႈ ၊
ပေႃးဢႃႇယုႉလူလိၵ်ႈႁဝ်း ႁိုင်မႃးယဝ်တႄႉ ႁႂ်ႈမေႃလိူၵ်ႈပပ်ႉလိၵ်ႈ
ႁေလူလႄၼႃႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ၵူၼ်းတေၶိုၼ်ႈယႂ်ႇ ၵူၼ်းတေပဵၼ်ၽူႈဢွၼ်ႁူဝ်ၶဝ်ၼႆႉ
ၶၢဝ်းယၢမ်းတၼ်းၶဝ်ၼၼ်ႉ ၶဝ်ဢဝ်လွင်ႈလူလိၵ်ႈသေ ၶၢမ်ႈပူၼ်ႉ
ၵႂႃႇဢိူဝ်ႈ ၊
ၵူၼ်းဢၼ်တေပဵၼ် ၵူၼ်းၸွမ်းလင်ပိူၼ်ႈၼႆႉ ၶၢဝ်းယၢမ်း
တၼ်းၶဝ် ၶဝ်တေတူၺ်းငဝ်း ၊ ဢုပ်ႇပိူၼ်ႈ ၊ ၶႃႉၸိုဝ်ႈပိူၼ်ႈ ၊
ၵိၼ် ၊ၼွၼ်း သေၶၢမ်ႈပူၼ်ႉၵႂႃႇဢိူဝ်ႈ ။
ၽွမ်ႉၵၼ်လူ လိၵ်ႈလၢႆးလႄႈ>>>>
ပေႃးၵုမ်ႇမႄးႁၢင်ႈၵူၺ်းၵေႃႈ ႁၢင်ႈလီၼႃႇ တီႈတိူၵ်ႈသုတ်း
ဢသၢၵ်ႈသီႇသိပ်းပၢႆၵႃႈ ၊
ပေႃးၵုမ်ႇ ၵိၼ်ယမ်ႉၵူၺ်းၵေႃႈ တေလႆႈႁႅင်းသေ ၶႆႈမၼ်း
ၵေႃႈတေၼမ်မႃးၵူၺ်း ၊
ပေႃးၵုမ်ႇဢုပ်ႇၵၼ်ၵူၺ်းၵေႃႈ ၸႂ်ပိဝ်ႁေ ဢၵူႉသူဝ်ႇၼမ်ၵူၺ်း၊
ပေႃးၵႆႉလူလိၵ်ႈ သေ ႁၢင်ႈၶိူင်ႈဢွၵ်းဢေႃႁဝ်းၸိုင် တေႃႇထိုင်
ထဝ်ႈ ၊ တၢႆ ပၢႆးဝူၼ်ႉႁဝ်းတေၼုမ်ႇယူႇတႃႇသေႇ ဢိူဝ်ႈ ။
ၽွမ်ႉၵၼ် လူလိၵ်ႈလၢႆးလႄႈ>>>>
လူလိၵ်ႈၼႆႉ ပုၼ်ႈတႃႇပဵၼ်ပႁုႉသုတ လၢႆလၢႆၵူၺ်းဢမ်ႇၸႂ်ႈ
မၼ်းပၼ်ႁႂ်ႈ ႁူဝ်ၸႂ် လႄႈ ဢွၵ်ႈဢေႃႁဝ်း မႂ်ႇသႂ်ႇတႃႇသေႇဢိူဝ်ႈ၊
မၼ်းတေသုၵ်ႈသီ ႁႂ်ႈဝိၺၢၼ်ႇႁဝ်း မႂ်ႇသႂ်ယူႇတႃႇသေႇဢိူဝ်ႈ ။
ၽွမ်ႉၵၼ် လူလိၵ်ႈလၢႆးလႄႈ>>>>
ႁဝ်းလူလိၵ်ႈၼိုင်ႈပပ်ႉ မိူၼ်ၼင်ႇၽူႈမီးပၺႃႇၼိုင်ႈၵေႃႉ
မႃးၼင်ႈသေသင်ႇသွၼ်ႁဝ်းယူႇဢိူဝ်ႈ ၊
ပေႃးလူလိၵ်ႈတြႃးၼိုင်ႈပပ်ႉၵေႃႈ မိူၼ်ၼင်ႇၽြႃးပဵၼ်ၸဝ်ႈ
ၼိုင်ႈသူႇ မႃးၼင်ႈသေ ႁေႃးတြႃးပၼ်ႁဝ်းယူႇဢိူဝ်ႈ ၊
ၽွမ်ႉၵၼ်လူ လိၵ်ႈလၢႆးလႄႈ>>>>
လုၵ်ႈႁဵၼ်းၵေႃႉဢၼ် ၵႆႉလူလိၵ်ႈသေ တူၵ်းၸၼ်ႉလိၵ်ႈ
ဢမ်ႇၸွမ်းလိၵ်ႈၶိုတ်းဢၼ်ဝႃႈၼၼ်ႉ ဢမ်ႇတွၼ်ႉယၢမ်ႈႁၼ်
ဢမ်ႇတွၼ်ႉယၢမ်ႈငိၼ်းႁေပွၵ်ႈ ၊
ၽွမ်ႉၵၼ်လူ လိၵ်ႈလၢႆးလႄႈ>>>>
ၵူၼ်းလူလိၵ်ႈၼမ်ႁေ ပဵၼ်ၵူၼ်းလီၵေႃႈ တေပဵၼ်ၵူၼ်းလီ
ဢၼ်မီးပၺႃႇဢိူဝ်ႈ ၊
ၵူၼ်းလူလိၵ်ႈၼမ်ႁေ ပဵၼ်ၵူၼ်းႁၢႆႉၵေႃႈ တေပဵၼ်ၵူၼ်းႁၢႆႉ
ဢၼ်မီးပၺႃႇဢိူဝ်ႈ ။ ~ ။
<<<ၼပ်ႉယမ်ထိုင်ၽူႈလူတေႃႇသုတ်းသေ>>>
✴️✴️ သႅၼ်ၶိူဝ်းလီ ~ ၵႄႇသီႇ✴️✴️
မၢႆတွင်း==ၵပ်းၵၢႆႇလွင်ႈလူလိၵ်ႈလၢႆးသေ သင်ဝႃႈ
ဢမ်ႇပႆႇႁၢၼ်ႉၸႂ်ၼႆ လၢတ်ႈဝႆႉၼႂ်း Comment လႄႈၼႃႈ😁😁။
.jpg)
No comments:
Post a Comment