ၵႃႈၶၼ်ၼၢင်းယိင်းၼိုင်ႈၵေႃႉ

ၵႃႈၶၼ် ၼၢင်းယိင်းၼိုင်ႈၵေႃႉၼႆႉ ဢမ်ႇၸႂ်ႈႁၢင်ႈၽၢင်

ပဵၼ်လွင်ႈလီဢၢႆလႄႈ မေႃဝႆႉၵႃႈၶၼ်ၵုင်ႇသိၵ်ႉၶႃ

ၶူဝ်းၶွင်ၵႃႈၶၼ်ယႂ်ႇၼႆႉ ၵူၼ်းၶႂ်ႈလႆႈၵူႈၵေႃႉ တေႇဝႃႈ

ၵူၼ်းၵူႈၵေႃႉ ဢမ်ႇသိုဝ်ႉဢဝ်လႆႈ၊

မိူၼ်ၼၼ်ၼင်ႇၵဝ်ႇ ၼၢင်းယိင်းႁၢင်ႈလီၼႆႉ ၽႂ်ၽႂ်

ၵေႃႈၶႂ်ႈလႆႈ ၶႂ်ႈဢုပ်ႇၵူႈၵေႃႉ တေႇဝႃႈပေႃးႁူႉဝႃႈ

ၼၢင်းယိင်းလီ ယဵၼ်ႇငေႈပေႃးၼႆ ၽႂ်ၵေႃႈတေဢမ်ႇ

ႁတ်းယဝ်ႉယွၵ်ႇလဵၼ်ႈလေႃႇ။

ၶူဝ်းၶွင်ၵႃႈၶၼ်တႅမ်ႇၼႆႉ ႁၢင်ႈလီၵေႃႈယဝ်ႉ ဢမ်ႇႁၢင်ႈ 

လီၵေႃႈယဝ်ႉ၊ ၶၢမ်ႇၵေႃႈယဝ်ႉ ဢမ်ႇၶၢမ်ႇၵေႃႈယဝ်ႉ

တွၼ်ႈတႃႇတေသၢင်ႇထုၵ်ႇလႄႈ ၸႂ်ႉလႆႈၵႂႃႇၼၼ်ႉ ဢမ်ႇလႆႈၸႂ်ၵေႃႈ ယွၼ်ႉဝႃႈၵႃႈၶၼ်တႅမ်ႇလႄႈ ၽႂ်ၽႂ်ၵေႃႈ သိုဝ်ႉၸႂ်ႉလႆႈၵူႈၵေႃႉၼၼ်ႉယဝ်ႉ။

မိူၼ်ၼၼ်ၼင်ႇၵဝ်ႇ ၼၢင်းယိင်း ဢၼ်ဝႆႉၵႃႈၶၼ်တူဝ် တႅမ်ႇယေႃႈၼၼ်ႉ ဢမ်ႇတၢပ်ႈလူဝ်ႇဝႃႈႁၢင်ႈလီၵႃႈႁိုဝ်

ယွၼ်ႉဝႃႈ ၵူၼ်းၸၢႆးၶဝ်ၶဝ်ႈဢုပ်ႇဢိူမ်ႈၸမ်လႆႈလႄႈ

ၵူၼ်းၸၢႆးၵူႈသႅၼ်းသႅၼ်း တိုၼ်းတေၶဝ်ႈဢိူမ်ႈၸမ်

ယူႇဢမ်ႇႁၢင်ႉ။

တီႈတေႉမၼ်း ၼၢင်းယိင်းၵေႃႉဢၼ် ၵူၼ်းၸၢႆးၵူႈသႅၼ်း တေႇဢဝ်ပေႃႈၸဝ်ႈႁိူၼ်းၶဝ် ယဝ်ႉယွၵ်ႇၵဝ်းလႆႈ ၶဝ်ႈဢိူမ်ႈၸမ်လႆႈၼၼ်ႉ ဢမ်ႇၸိုဝ်ႈဝႃႈပဵၼ်ၼၢင်းယိင်းလီလေႃႇ။ 

ယွၼ်ႉဝႃႈ ပဵၼ်တီႈပိူၼ်ႈယဝ်ႉယွၵ်ႇ ၵဝ်းလဵၼ်ႈလႆႈ

လႄႈ ပဵၼ်လွင်ႈလီဢၢႆ ဢမ်ႇမီးသ​ရေႇ ဢမ်ႇမီး

ၵႃႈၶၼ်ၵႂႃႇၼၼ်ႉယဝ်ႉ။

ၼၢင်းယိင်း ဢၼ်ၵူၼ်းၸၢႆး ၵူႈသႅၼ်း ယဝ်ႉယွၵ်ႇ ၶဝ်ႈဢိူမ်ႈၸမ်လႆႈၼၼ်ႉ ယႃႇဝူၼ်ႉဝႃႈ ၸဝ်ႈၵဝ်ႇ

ပဵၼ်ၵူၼ်းႁၢင်ႈလီ၊ လူဝ်ႇဝူၼ်ႉဝႃႈ ယွၼ်ႉၵဝ် ဢမ်ႇမေႃ

ဝႆႉၵႃႈၶၼ်တူဝ်ၸဝ်ႈၵဝ်ႇ ဢမ်ႇမေႃဝႆႉၵုင်ႇသ​ရေႇ

ၸဝ်ႈၵဝ်ႇ ပဵၼ်ၼၢင်းယိင်းၵၢင်လၢႆလႄႈ ပိူၼ်ႈၵဝ်း

ယဝ်ႉယွၵ်ႇၶဝ်ႈၸမ်ၵူၺ်း ၼႆၼၼ်ႉယဝ်ႉ။

ယႃႇပေၶႂ်ႈပဵၼ်ၼၢင်းယိင်း ဢၼ်ၵူၼ်းၸၢႆးၵူႈသႅၼ်း

ယဝ်ႉယွၵ်ႇၶဝ်ႈဢိူမ်ႈၸမ်လႆႈသေ ႁႂ်ႈပဵၼ်ၼၢင်းယိင်း

ဢၼ်ပိူၼ်ႈဢမ်ႇႁတ်းယဝ်ႉယွၵ်ႇ လႄႈ မေႃဝႆႉၵႃႈၶၼ်

တူဝ်ၸဝ်ႈၵဝ်ႇၼၼ်ႉတႃႉ။

ႁႂ်ႈမေႃဝႆႉၵႃႈၶၼ်တူဝ်ၸဝ်ႈၵဝ်ႇသေၵမ်း

ပၢႆးဝူၼ်ႉၶပ်ႉ ပိၼ်ႇတႅမ်ႈ