ၶႂ်ႈႁႂ်ႈသူဢၢၼ်ႇ

1. ပဵၼ်ၵူၼ်းႁႂ်ႈမေႃၶွၢင်းပၼ်ပိူၼ်ႈ   ယႃႇပၼ်ႁႂ်ႈ

ပိူၼ်ႈၶႂၢင်းပၼ်ႁဝ်းၽၢႆႇလဵဝ်။

2. ႁဝ်းၵူႈၵေႃႉဢမ်ႇလႆႈပဵၼ်ၸဝ်ႈၶွင်ၵမ်ႇၾႃႇ၊ 

ဢမ်ႇၸႂ်ႈႁဝ်းတေယူႇၵမ်ႉၾႃႉၵႂႃႇလႆႈ 100 ပီ

1,000 ပီ၊  

3. ဝၼ်းမိူဝ်ႈလႂ်သေဢမ်ႇဝႃႈ  ပေႃးသူတတ်းသိၼ်ၸႂ်

တႃႇတေ  တေႇၼႃႈႁိူၼ်း၊  ၶႂ်ႈလၢတ်ႈသူဝႃႈ

သူတေလႆႈယဵၼ်ႉၵၼ်ႈ လႄႈ မေႃပွႆႇဝၢင်း လႄႈ

သူတေလႆႈယွမ်းႁပ်ႉ  ၽၢႆႇၵေႃႉၵူႈသူၼၼ်ႉႁႂ်ႈလႆႈ

”တွင်းဝႆႉၼႃႈ”  ဢမ်ႇမီးပၢင်ၶႅၵ်ႇ ၵူပ်ႉၵူႈလႂ်  တီႈ

မီးလွင်ႈသိူဝ်းၸႂ်  တီႈသုတ်း၊ ယွၼ်ႉလွင်ႈသိူဝ်းၸႂ်

တီႈသုတ်းၼၼ်ႉ၊  မၼ်းမႃးၸွမ်းလွင်ႈယိၼ်ႉၵၼ်ႈ

လႄႈ ပွႆႇဝၢင်း ၊ ၶႂၢင်းပၼ်  တေႃႇၵၼ်လႆႈၵူၺ်း။

4. ဢမ်ႇမီးၽႂ်မႃးပၼ်လွင်ႈတုၵ်ႉ  တီႈသူတုၵ်ႉၼၼ်ႉ

ၵေႃႈယွၼ်ႉသူဢမ်ႇၸႂ်ႉၵႂၢမ်းလၢတ်ႈလီလီ၊  လႄႈ သူ

ၵႂႃႇဢဝ်လွင်ႈပိူၼ်ႈမႃးဝူၼ်ႉ လႄႈ သူၵေႃႈဝူၼ်ႉဝႃႈ

သူၵေႃႈဝူၼ်ႉဝႃႈသူ  ၵျႃႉၶႅၼ်ႇ  လွင်ႈဝူၼ်ႉ  ႁင်းသူ

ၵူၺ်း။  ယဝ်ႉၵေႃႈသူ  ႁဵတ်းပူၼ်ႉလွင်ႈတီႈသူႁဵတ်း

လႆႈၼၼ်ႉယဝ်ႉ။

5. ၵူၼ်းတီႈမီးၸၢတ်ႈပၢၼ် ၽဝ ယူႇလႆႈၵေႃႈ ယွၼ်ႉမီး

သဵင်းၵူၼ်းတူပ်းမိုဝ်း  လႄႈ သဵင်ၵူၼ်းပၼ်ႁႅင်း ပၼ်

ၶေႃႈႁၼ်ထိုင်  ၵမ်ႉထႅမ် ၼၼ်ႉယဝ်ႉ။

”ယဝ်ႉၵေႃႈ ၵူၼ်းဢမ်ႇယူႇလႆႈဢမ်ႇယဵၼ်ႉလႆႈ  ယွၼ်ႉ

သူပ်းၵႂၢမ်းၵူၼ်းၵေႃႈမီးတၢင်းၼမ်၊

6. လွင်ႈတီႈမီးလူမ်းထူၺ်ႈၸႂ်  လႆႈမႃးဝၼ်းမိူဝ်ႈၼႆႉ

မၼ်းႁဵတ်းႁႂ်ႈႁဝ်းယွမ်းႁပ်ႉ  ၼ်ႂးဝၼ်းတီႈသူတိူဝ်ႉၸႂ်

ဢမ်ႇပဵင်းမေႃးၼိူဝ်ၼႂ်းၸၢတ်ႈပၢၼ်သူ

ၶႂ်ႈႁႂ်ႈသူၼင်ႈဝူၼ်ႉတူၺ်း၊  ၼႂ်းဝၼ်းတီႈသူဢမ်ႇမီး

ၶႅပ်းတိၼ်းတႃႇတေသႂ်ႇ၊   သူၸွင်ႇယၢမ်ႈဝူၼ်ႉႁိုဝ်?

ၵူၼ်းတီႈဢမ်ႇမီးၶႃ   တႃႇတေတိုဝ်းၶႅပ်း၊  ဢမ်ႇမီး

တိၼ်တႃႇတေပႆ၊  ဝူၼ်ႉတူၺ်းလႄႈ  ဝႃႈသူလႄႈၶဝ်

ၽႂ်တုၵ်ႉၶ   ၵပ်ႉၵိၼ်းသေၽႂ်၊

တွင်းဝႆႉၼႃႈ   ပဵင်းပေႃးၸွမ်းၼင်ႇတီႈသူပဵၼ်လႄႈၼႃႈ

ယႃႇမီးၸႂ်ၶႂ်ႈလီလိူဝ်သေၵူၼ်းတၢင်ႇၵေႃႉ   တီႈသူပဵၼ်

တီႈသူမီးၵေႃႈလီၼႃႇယဝ်ႉ။

ၵူၼ်းတီႈတုၵ်ႉၶ  ယၢပ်ႇၸႂ်လိူဝ်ႁဝ်းမီး ၼပ်ႉဢၢၼ်ႇပေႃး

ဢမ်ႇလႆႈယဝ်ႉ။  31/7/2021

...........................................................................

ၼပ်ႉယမ်ႉ  ၽူႈႁၵ်ႉလူဢၢၼ်ႇလိၵ်ႈႁဝ်းၶဝ်ၵူႈၵေႃႉ

ယူႇဢေႃႈ၊  သင်ႇမီးလွင်ႈၽိတ်းၵေႃႈၶႂၢင်းပၼ်ၶႃႈႁဝ်း

သေၵမ်ႈၶႃႈ။ မႂ်ႇသုင်ၶႃႈ

      

       ပမ/ လုၵ်ႈႁဵၼ်းဢွၼ်ႇ' မိူင်းၽူင်း' 

             သႃႇမွင်ဢွၼ်ႇ 

ၼၢင်းယိင်းၵေႃႉမိူၼ်မွၵ်ႇ

 

လူဝ်ႇႁတ်းႁၢၼ်ၼင်ႇသၢင်ႇသီႈ

====================

🐍🐍ၼၢင်းယိင်းဢၼ်ဝႃႈၼႆႉ တေလႆႈပဵၼ်ၵူၼ်း ဢူၼ်ႈဢွၼ်ႇဝႆႉတႃႇသေႇႁႃႉ? ပေႃးပဵၼ်ၸိူင်ႉၼၼ်ၸိုင် ႁဝ်းတေလႆႈထုၵ်ႇပိူၼ်ႈ ပႄႉၵိၼ်လူလၢႆၵူၺ်းယဝ်ႈ။

🐯🐯ၼၢင်းယိင်းဢၼ်ဝႃႈၼႆႉ ယွၼ်ႉပဵၼ်ၵူၼ်းႁႅင်းဢွၼ်ႇလႄႈ မၢင်ပွၵ်ႈမႃးၵေႃႈ ဢူၼ်ႈဢွၼ်ႇလႆႈယူႇ။ မၢင်ပွၵ်ႈမႃးၵေႃႈ တိူဝ်ႉၸႂ်လႆႈယူႇ။ မၢင်ပွၵ်ႈမႃး ႁွင်ႉႁႆႈယူႇ။ ၵူၺ်းၵႃႈဝႃႈ တေပဵၼ်တႃႇသေႇတႄႉ မၼ်းဢမ်ႇလႆႈၼႃ။

🐍🐍တီႈၵိုင်ႇလီ ပဵၼ်မႆႉလႅမ်ၵေႃႈ လူဝ်ႇလႆႈလႅမ်ဝႆႉ။ တီႈလူဝ်ႇဝႆႉမႃႇၼၵေႃႈ ဢဝ်မႃႇၼၼႄပၼ်။ တီႈၵိုင်ႇလီၶႅင်ၵေႃႈ ၶႅင်တေႃႇၶိုၼ်းၼၼ်ႉယဝ်ႈ။ 

🐯🐯ႁဝ်းဢမ်ႇထုၵ်ႇလီလႆႈ မိပ်ႇငႅၼ်းတီႈၼိူဝ်တူဝ်ႁဝ်းသေ ၵူဝ်ႈႁေဝႆႉတႃႇသေႇ။ ပေႃးပိူၼ်ႈႁဵတ်းဢမ်ႇလီ ႁဵတ်းႁၢႆႉၼိူဝ်ႁဝ်းမႃးၼႆ ႁဝ်းၵေႃႈ ထုၵ်ႇလီလႆႈႁႄႉၵင်တွပ်ႇၶိုၼ်းၼၼ်ႉယဝ်ႈ။

🐍🐍ၼၢင်းယိင်းဢၼ်ဝႃႈၼႆႉ မိူၼ်မွၵ်ႇဢၼ်ဢူၼ်ႈဢွၼ်ႇၼႆသေတႃႉ လူဝ်ႇလႆႈႁတ်းႁၢၼ် မိူၼ်ၼင်ႇ သၢင်ႇသီႇၼိုင်ႈတူဝ်ၼၼ်ႉထႅင်ႈဢိူဝ်ႈ။ လူဝ်ႇလႆႈမိူၼ်ၼင်ႇငူးႁဝ်ႇၼၼ်ႉ သင်လူဝ်ႇမႃး တီႈၵိုင်ႇလီဢဝ် ၼမ်ႉၵွင်ႉဢွင်ႇၼႄၵေႃႈ လူဝ်ႇဢဝ်ၸႂ်ႉၼၼ်ႉယဝ်ႈ။

🐯🐯ၼၢင်းယိင်းဢၼ်ဝႃႈၼႆႉ တေဢမ်ႇလႆႈဢူၼ်ႈဢွၼ်ႇဝႆႉ တႃႇသေႇၼႃ။ ယဝ်ႉတေဢမ်ႇလႆႈဢူၼ်ႈဢွၼ်ႇသေ ႁႂ်ႈပိူၼ်ႈပေႃးဢမ်ႇသၢင်းၵိၼ် တီႈၼိူဝ်ႁဝ်းၼၼ်ႉၼႃ။ 

ပိၼ်ႇတႅမ်ႈ 

 ♡︎𝙈𝙖𝙬𝙣 𝙃𝙨𝙚𝙣𝙜 𝙆𝙝𝙪𝙧♡︎✍︎

ဢူၺ်းၵေႃႉလီ

မၼ်းႁၵ်ႉမႂ်းဢိူဝ်ႈ ၵူၺ်းၵႃႈ 

ႁၵ်ႉမ​ိူၼ်ၼင်ႇၵေႃႉႁၵ်ႉတေႉ ဢမ်ႇၸႂ်ႈ။

မၼ်းတူၺ်းလူလွမ်ထိုင်မႂ်းဢိူဝ်ႈ  ၵူၺ်းၵႃႈ ႁႂ်ႈမိူၼ်ၵူၼ်းႁိူၼ်းလဵဝ်ၵၼ်တေႉ ဢမ်ႇမိူၼ်။

မၼ်းယူႇႁိမ်းၸမ်သေမေႃပၼ်ႁႅင်းဢိူဝ်ႈ ၵူၺ်းၵႃႈ

တႃႇဝႃႈ ႁႂ်ႈပဵၼ်ၵေႃႉႁူမ်ႈသၢင်ႈၸၢတ်ႈပၢၼ်တေႉ ဢမ်ႇၸႂ်ႈ။

မၼ်းမေႃၸွႆႈထႅမ်ထိုင်မႂ်းဢ​ိူဝ်ႈ  ၵူၺ်းၵႃႈ

ႁႂ်ႈမိူၼ်ပီႈဢွၵ်ႇၼွင်ႉၵၼ်တေႉ ဢမ်ႇၸႂ်ႈ။

ဢၼ်ၼႆႉ ႁွင်ႉဝႃႈဢူၺ်းၵေႃႉလီယဝ်ႉ။

ဢူၺ်းၵေႃႉလီဢၼ်ဝႃႈၼႆႉ တေယူႇမ​ိူၼ်ၼင်ႇဢူႈသေ

မေႃထလႃႇဢိူဝ်ႈ ပေႃးႁဵတ်းဢမ်ႇၸိုဝ်ႈဢမ်ႇၸႂ်ႈ။

ဢူၺ်းၵေႃႉလီဢၼ်ဝႃႈၼႆႉ တေယူႇမိူၼ်ၼင်ႇ

မႄႈသေ မေႃလုမ်းလႃးတူၺ်းထ​ိုင်ဢိူဝ်ႈ။

ဢူၺ်းၵေႃႉလီဢၼ်ဝႃႈၼႆႉ တေယူႇမ​ိူၼ်ၼင်ႇ ပီႈဢၢႆႈ ၵေႃႉၼိုင်ႈသေ မေႃၸၢင်ႈယဝ်ႉယွၵ်ႇဢိူဝ်ႈ။

ဢူၺ်းၵေႃႉလီဢၼ်ဝႃႈၼႆႉ တေယူႇမ​ိူၼ်ၼင်ႇ

ပီႈၼၢင်းၵေႃႉၼ​ိုင်ႈသေ မေႃလၢတ်ႈပၼ်ႁႅင်းၸႂ်ဢိူဝ်ႈ။

ဢူၺ်းၵေႃႉလီဢၼ်ဝႃႈၼႆႉ တေမိူၼ်ၼင်ႇၼွင်ႉၸၢႆး

ၵေႃႉၼိုင်ႈသေ တိူင်ႇပၢင်ႇဢုပ်ႇၵုမ်လႆႈဢိူဝ်ႈ။

ဢူၺ်းၵေႃလီဢၼ်ဝႃႈၼႆႉ တေယူႇမိူၼ်ၼင်ႇ

ၼွင်ႉယိင်းၵေႃႉၼိုင်ႈသေ ႁဵတ်းၵေႃႉၵၼ်ၵႂႃႇမႃး

လႆႈဢိူဝ်ႈ။

ယဝ်ႉၵေႃႈ တေမေႃပွင်ႇၸႂ်ပၼ်သူလိူဝ် 

ၼိူဝ်ၵေႃႉႁၵ်ႉၶဝ်ၵွၼ်ႇဢိူဝ်ႈ။

ယိၼ်းၸူမ်းယႂ်ႇၼမ်ၼိူဝ် ၽူႈလူလိၵ်ႈႁဝ်းၶဝ်တင်းသဵင်ႈသေ

ပၢႆးဝူၼ်ႉၶပ်ႉ ပိၼ်ႇတႅမ်ႈတၢင်ႇၼႄ

ၸၢမ်းၸူႉႁွမ်ငိုၼ်းတူၺ်းလႄႈ

ပေႃးၵႆႉၸႂ်ႉၸၢႆႇလဵၼ်ႈငိုၼ်းႁူဝ်မ​ိုၼ်ႇမၼ်းၸိုင် ၸႂ်ႉ ၸၢႆႇ ၼိုင်ႈမိုၼ်ႇ သိပ်းပွၵ်ႈၵေႃႈ ပဵၼ်ၵႂႃႇ ၼိုင်ႈသႅၼ်

ယဝ်ႉလူး။ 

ပေႃးၵႆႉၸႂ်ႉၸၢႆႇ ႁူဝ်သႅၼ်မၼ်းၵေႃႈ ၸႂ်ႉၸၢႆႇ ၼိုင်ႈ

သႅၼ် သိပ်းပွၵ်ႈၵေႃႈ ပဵၼ်ၵႂႃႇ ႑႐ သႅၼ်ယဝ်ႉလူး။

ၸၢႆႇငၢႆႈၵေႃႈ သႅင်ႈငၢႆႈ လိူမ်ႈငၢႆႈ မူတ်းငၢႆႈၼၼ်ႉယဝ်ႉ။

ဢၼ်ႁဝ်းဢမ်ႇၶႂ်ႈလႆႈတေႉတေႉသေ ယၢမ်ႈသိုဝ်ႉမႃး

ၵေႃႈ ဢမ်ႇၵႃးပွၵ်ႈလဵဝ်ယဝ်ႉလူး။

ဢၼ်ႁဝ်းဢမ်ႇတွင်ႉမႆႈသေ သင်ႇၵိၼ် ဢၼ်လီ ဢၼ်

ဝၢၼ် ၵိၼ်ဢိတ်းဢိတ်းသေ ၸၢႆႇၵႃႈမၼ်းပၼ်ပိူၼ်ႈ

လၢႆလၢႆၼၼ်ႉၵေႃႈ ဢမ်ႇမီးပွၵ်ႈလဵဝ်ယဝ်ႉလူး။

ဢၼ်ၶႂ်ႈလႆႈၼႃႇသေ ပေႃးလႆႈၶၢႆတၢင်ႇမဵဝ်းသိုဝ်ႉဢဝ်

မႃးၼၼ်ႉၵေႃႈ မီးမႃးယဝ်ႉ ၸႂ်ႈႁိုဝ်လႃႇ?။

ငိုၼ်းဢမ်ႇမီးၼႂ်းထွင်းသေပျႃးလႄႈ ပေႃးလႆႈၵူႈယိမ်

ပိူၼ်ႈသေ သိုဝ်ႉမႃးၼၼ်ႉၵေႃႈ ယၢမ်ႈသိုဝ်ႉၵျေႃႇၸႂ်

မႃးယဝ်ႉ ဢမ်ႇၸႂ်ႈႁိုဝ်?

ၸေတၼႃႇ သတ်ႉထႃႇဢမ်ႇပႃးသေ ၶႂ်ႈလႆႈၼႃႈ ၶႂ်ႈ

လႆႈတႃ ႁႂ်ႈပိူၼ်ႈထၢင်ႇယႂ်ႇသေလူႇတၢၼ်းမႃးၵေႃႈ

ယၢမ်ႈလူႇမႃးယဝ်ႉဢမ်ႇၸႂ်ႈႁိုဝ်?

ယွၼ်ႉမေႃဢၢၼ်းၼႃႇပိူၼ်ႈသေ ယၢမ်ႈသဵင်ႈမႃးၵေႃႈ

မီးမႃးယဝ်ႉလူး။

တီႈတေႉတေႉ ဢၼ်ႁဝ်းၸႂ်ႉၸၢႆႇမႃး ၵႃႈၼင်ႇၸႂ်သေ ထိုင်မႃးတေႃႈလဵဝ် ဢၼ်သိုဝ်ႉမႃးၸိူဝ်းၼၼ်ႉ သမ်ႉ ၵိုတ်းလိူဝ်သင်ဝႆႉလႃႇ ဢၼ်မီးယူႇတႂ်ႈၼႃႈတႂ်ႈတႃ?

သူးၸႂ်ႉၸၢႆႇလူင်ၼႆၵေႃႈ ၽႂ်ဢမ်ႇယိုၼ်ႈမွပ်ႈပၼ်ႁဝ်း

သူးၵိၼ်လူင်ၵိၼ်လႆႈၼႃႇၼႆၵေႃႈ ၽႂ်ဢမ်ႇၶျႃႉသူးႁဝ်း

ၼုင်ႈၶူဝ်းလႆႈၼႃႇၼႆၵေႃႈ ဢမ်ႇမီးၸိုဝ်ႈသဵင်တူဝ်ႈလုမ်ႈ

ၾႃႉလႆႈ။

တီႈလႂ်တီႈၼၼ်ႈ လူဝ်ႇႁႂ်ႈမေႃၸႂ်ႉၸၢႆႇ၊ တီႈဢၼ်ဢမ်ႇ

ထုၵ်ႇလီသဵင်ႈၼၼ်ႉ ယႃႇႁႂ်ႈလႆႈသဵင်ႈၸွမ်း။

ယွၼ်ႉႁဝ်းၸႂ်ႉၸၢႆႇငၢႆႈ သဵင်ႈငၢႆႈလႄႈ သမ်ႉလႆႈၼမ်ႉ

မျၢတ်ႈၼမ်ႉတွၼ်းသင်မႃး ဢၼ်ဝႃႈၼၼ်ႉ ႁႂ်ႈမေႃဝူၼ်ႉ

တူၺ်းၶိုၼ်း။

မိူဝ်ႈတိုင်ႉႁဵတ်းလႆႈ ႁႃလႆႈယူႇၼႆႉႁႂ်ႈၸူႉႁွမ်ငိုၼ်း ဝႆႉလႄႈ မိူဝ်ႈပႆႇတူၵ်းလိုၼ်း။

လႆႈၵႃႈႁိုဝ် မီးၵႃႈႁိုဝ် ႁႂ်ႈၸူႉႁွမ်တွမ်ဝႆႉတူၺ်းလႄႈ

ဢမ်ႇၼမ်ၵေႃႈဢႄႇ။

ငိုၼ်းဢၼ်တေၵႂႃႇၸၢႆႇပႅတ်ႈလွၵ်ႇလွၵ်ႇလၢႆလၢႆၼၼ်ႉ

ႁႂ်ႈဢဝ်ဝႆႉၼႂ်းဢႅပ်ႇၼင်ၶိုၼ်းသေလႄႈ 😁

ယိၼ်းၸူမ်းယႂ်ႇၼမ် ၽူႈလူလိၵ်ႈပၼ်ႁႅင်းႁဝ်းၶဝ်

တင်းသဵင်ႈသေ

ၸဝ်ႈၶမ်းလဵၵ်ႉ ပိၼ်ႇတႅမ်ႈတၢင်ႇၼႄ

#ဟာသရသစာပေလူငယ်လေး

ၵႃႈၶၼ်ၼၢင်းယိင်းၼိုင်ႈၵေႃႉ

ၵႃႈၶၼ် ၼၢင်းယိင်းၼိုင်ႈၵေႃႉၼႆႉ ဢမ်ႇၸႂ်ႈႁၢင်ႈၽၢင်

ပဵၼ်လွင်ႈလီဢၢႆလႄႈ မေႃဝႆႉၵႃႈၶၼ်ၵုင်ႇသိၵ်ႉၶႃ

ၶူဝ်းၶွင်ၵႃႈၶၼ်ယႂ်ႇၼႆႉ ၵူၼ်းၶႂ်ႈလႆႈၵူႈၵေႃႉ တေႇဝႃႈ

ၵူၼ်းၵူႈၵေႃႉ ဢမ်ႇသိုဝ်ႉဢဝ်လႆႈ၊

မိူၼ်ၼၼ်ၼင်ႇၵဝ်ႇ ၼၢင်းယိင်းႁၢင်ႈလီၼႆႉ ၽႂ်ၽႂ်

ၵေႃႈၶႂ်ႈလႆႈ ၶႂ်ႈဢုပ်ႇၵူႈၵေႃႉ တေႇဝႃႈပေႃးႁူႉဝႃႈ

ၼၢင်းယိင်းလီ ယဵၼ်ႇငေႈပေႃးၼႆ ၽႂ်ၵေႃႈတေဢမ်ႇ

ႁတ်းယဝ်ႉယွၵ်ႇလဵၼ်ႈလေႃႇ။

ၶူဝ်းၶွင်ၵႃႈၶၼ်တႅမ်ႇၼႆႉ ႁၢင်ႈလီၵေႃႈယဝ်ႉ ဢမ်ႇႁၢင်ႈ 

လီၵေႃႈယဝ်ႉ၊ ၶၢမ်ႇၵေႃႈယဝ်ႉ ဢမ်ႇၶၢမ်ႇၵေႃႈယဝ်ႉ

တွၼ်ႈတႃႇတေသၢင်ႇထုၵ်ႇလႄႈ ၸႂ်ႉလႆႈၵႂႃႇၼၼ်ႉ ဢမ်ႇလႆႈၸႂ်ၵေႃႈ ယွၼ်ႉဝႃႈၵႃႈၶၼ်တႅမ်ႇလႄႈ ၽႂ်ၽႂ်ၵေႃႈ သိုဝ်ႉၸႂ်ႉလႆႈၵူႈၵေႃႉၼၼ်ႉယဝ်ႉ။

မိူၼ်ၼၼ်ၼင်ႇၵဝ်ႇ ၼၢင်းယိင်း ဢၼ်ဝႆႉၵႃႈၶၼ်တူဝ် တႅမ်ႇယေႃႈၼၼ်ႉ ဢမ်ႇတၢပ်ႈလူဝ်ႇဝႃႈႁၢင်ႈလီၵႃႈႁိုဝ်

ယွၼ်ႉဝႃႈ ၵူၼ်းၸၢႆးၶဝ်ၶဝ်ႈဢုပ်ႇဢိူမ်ႈၸမ်လႆႈလႄႈ

ၵူၼ်းၸၢႆးၵူႈသႅၼ်းသႅၼ်း တိုၼ်းတေၶဝ်ႈဢိူမ်ႈၸမ်

ယူႇဢမ်ႇႁၢင်ႉ။

တီႈတေႉမၼ်း ၼၢင်းယိင်းၵေႃႉဢၼ် ၵူၼ်းၸၢႆးၵူႈသႅၼ်း တေႇဢဝ်ပေႃႈၸဝ်ႈႁိူၼ်းၶဝ် ယဝ်ႉယွၵ်ႇၵဝ်းလႆႈ ၶဝ်ႈဢိူမ်ႈၸမ်လႆႈၼၼ်ႉ ဢမ်ႇၸိုဝ်ႈဝႃႈပဵၼ်ၼၢင်းယိင်းလီလေႃႇ။ 

ယွၼ်ႉဝႃႈ ပဵၼ်တီႈပိူၼ်ႈယဝ်ႉယွၵ်ႇ ၵဝ်းလဵၼ်ႈလႆႈ

လႄႈ ပဵၼ်လွင်ႈလီဢၢႆ ဢမ်ႇမီးသ​ရေႇ ဢမ်ႇမီး

ၵႃႈၶၼ်ၵႂႃႇၼၼ်ႉယဝ်ႉ။

ၼၢင်းယိင်း ဢၼ်ၵူၼ်းၸၢႆး ၵူႈသႅၼ်း ယဝ်ႉယွၵ်ႇ ၶဝ်ႈဢိူမ်ႈၸမ်လႆႈၼၼ်ႉ ယႃႇဝူၼ်ႉဝႃႈ ၸဝ်ႈၵဝ်ႇ

ပဵၼ်ၵူၼ်းႁၢင်ႈလီ၊ လူဝ်ႇဝူၼ်ႉဝႃႈ ယွၼ်ႉၵဝ် ဢမ်ႇမေႃ

ဝႆႉၵႃႈၶၼ်တူဝ်ၸဝ်ႈၵဝ်ႇ ဢမ်ႇမေႃဝႆႉၵုင်ႇသ​ရေႇ

ၸဝ်ႈၵဝ်ႇ ပဵၼ်ၼၢင်းယိင်းၵၢင်လၢႆလႄႈ ပိူၼ်ႈၵဝ်း

ယဝ်ႉယွၵ်ႇၶဝ်ႈၸမ်ၵူၺ်း ၼႆၼၼ်ႉယဝ်ႉ။

ယႃႇပေၶႂ်ႈပဵၼ်ၼၢင်းယိင်း ဢၼ်ၵူၼ်းၸၢႆးၵူႈသႅၼ်း

ယဝ်ႉယွၵ်ႇၶဝ်ႈဢိူမ်ႈၸမ်လႆႈသေ ႁႂ်ႈပဵၼ်ၼၢင်းယိင်း

ဢၼ်ပိူၼ်ႈဢမ်ႇႁတ်းယဝ်ႉယွၵ်ႇ လႄႈ မေႃဝႆႉၵႃႈၶၼ်

တူဝ်ၸဝ်ႈၵဝ်ႇၼၼ်ႉတႃႉ။

ႁႂ်ႈမေႃဝႆႉၵႃႈၶၼ်တူဝ်ၸဝ်ႈၵဝ်ႇသေၵမ်း

ပၢႆးဝူၼ်ႉၶပ်ႉ ပိၼ်ႇတႅမ်ႈ

တေလိူၵ်ႈၵူၼ်းၸၢႆးၸိူင်ႉႁိုဝ်?

ၵူၼ်းၸၢႆးၵူႈၵေႃႉဢၼ်ယိပ်းမိုဝ်းသူပႆၼၼ်ႉ မေႃၵူႈ

ၵေႃႉၼႃႈ၊ ၵူၺ်းၵႃႈ ၵူၼ်းၸၢႆးဢၼ်တေၵူမ်ႈမတ်ႉပၼ်

သၢႆၶႅပ်းတိၼ်ၵေႃႉႁၵ်ႉၼၼ်ႉတေႉ တေမီးဢေႇဢိူဝ်ႈ။

ၵူၼ်းၸၢႆးၵေႃႉဢၼ်ၶႂ်ႈႁၵ်ႉသူၼၼ်ႉ ၼမ်ဢိူဝ်ႈ၊

ၵူၺ်းၵႃႈ ၵူၼ်းၸၢႆးၵေႃႉဢၼ်ဝႆႉၵႃႈၶၼ်တၢင်းႁၵ်ႉသူ

ၼၼ်ႉတေႉ တေမီးဢေႇဢိူဝ်ႈ။

ၵူၼ်းၸၢႆးၵေႃႉဢၼ်ၶႂ်ႈဝႆႉသူတဵမ်ꧦထူၼ်ႈꧦၼၼ်ႉ

မီးၼမ်ယူႇၼႃႈ၊ ၵူၺ်းၵႃႈ ၵူၼ်းၸၢႆးၵေႃႉဢၼ် မေႃ

ဝႆႉႁႂ်ႈၸႂ်သူၵတ်းယဵၼ်ၼၼ်ႉတေႉ တေမီးဢေႇ။

ၵူၼ်းၸၢႆးၵေႃႉဢၼ်မေႃၸွမ်းၸႂ်သူ ၽၢႆႇၼႃႈသူၼၼ်ႉ

တေမီးၼမ်ဢိူဝ်ႈ၊ ၵူၺ်းၵႃႈ ၵူၼ်းၸၢႆးၵေႃႉဢၼ်မီး

ၵတိသတ်ႉၸႃႇတေႃႇသူၽၢႆႇလင်ၼၼ်ႉတေႉ တေမီး

ဢေႇ။

ၵူၼ်းၸၢႆးၵေႃႉဢၼ်ဝႃႈ ပၼ်ၵႂၢမ်းၵတိလႆႈယူႇ ဢၼ်

ဝႃႈၼၼ်ႉတေႉ မီးၼမ်ဢိူဝ်ႈ၊ ၵူၺ်းၵႃႈၵႃႈ ၵူၼ်းၸၢႆး

ၵေႃႉဢၼ် ဝႆႉၵတိတေႃႇသူၼၼ်ႉတေႉ တေမီးဢေႇ။

ၵူၼ်းၸၢႆးၵေႃႉဢၼ်မေႃၶႅၼ်သူၼၼ်ႉ မီးၼၼ်ယူႇ

သေတႃႉ ၵူၺ်းၵႃႈ ၵူၼ်းၸၢႆးၵေႃႉဢၼ် မေႃပွင်ႇၸႂ်

တီႈသူလၢတ်ႈသေ ႁၼ်ထိုင်ၼိူဝ်ၵၢင်ၸႂ်သူၼၼ်ႉ

မီးဢေႇဢိူဝ်ႈ။

ပၢႆးဝူၼ်ႉၶပ်ႉ ပိၼ်ႇတႅမ်ႈ

Nan than than thay ဘဝစာပေ

ၵူၼ်း

 

#လိၵ်ႈ

မေႃ ဢမ်ႇမေႃ ဢၼ်ဝႃႈၼၼ်ႉ ဢမ်ႇလမ်ႇလွင်ႈ

ပေႃးလူယဝ်ႉသေ မေႃဢဝ်တွၼ်ႈသွၼ်မၼ်းၼၼ်ႉ

ယဝ်ႉ ဢၼ်လမ်ႇလွင်ႈလိူဝ်။

#ၵႂၢမ်းလၢတ်ႈ

လၢတ်ႈၼမ် လႄႈ လၢတ်ႈဢေႇၼႆႉ ဢမ်ႇၸႂ်ႈပိူင်လူင်

လၢတ်ႈၽိတ်း လႄႈ လၢတ်ႈထုၵ်ႇၼၼ်ႉၵူၺ်း ဢၼ်

ပဵၼ်ပိူင်လူင်မၼ်း။

#ၵူၼ်း

ၵူၼ်းလမ်ႁိုဝ် ၵူၼ်းၶၢဝ် မၼ်းဢမ်ႇၸႂ်ႈလွင်ႈယႂ်ႇ

ဢၼ်လွင်ႈယႂ်ႇၼၼ်ႉ ၼမ်ႉၸႂ်တႅမ်ႇ ၼမ်ႉၸႂ်သုင်

မၼ်းၼၼ်ႉၵူၺ်း။

ၵူၼ်းၵေႃႉဢၼ်လႆႈၸုမ်ႈလႄႈ မၢႆထိုင်ဝႃႈဝႃႈ ပဵၼ်

ၽူႈမီးပၺ်ၺႃႇၼႆသေတႃႉ ပေႃးဢမ်ႇလူလိၵ်ႈ ဢမ်ႇ

တႅမ်ႈလိၵ်ႈ ဢမ်ႇဝူၼ်ႉလွင်ႈလိၵ်ႈၵႂႃႇယဝ်ႉၸိုင် ယင်းတေဢမ်ႇမီးပၢႆးဝူၼ်ႉမိူၼ်ၵေႃႉဢၼ်ပဵၼ်

မေႃသွၼ်ႁူင်းႁဵၼ်းၸၼ်ႉငဝ်ႈ ဢၼ်လူလိၵ်ႈတႅမ်ႈ

လိၵ်ႈယူႇၵူႈဝၼ်းၼၼ်ႉလႃႈ။

ၵူၼ်းၵေႃႉဢၼ်မေႃလၢတ်ႈလႄႈ လႆႈဝႆႉလွင်ႈယုမ်ႇ တီႈပိူၼ်ႈဝႃႈၼႆသေတႃႉ ပေႃးၵပ်းၵၢႆႇလူၺ်ႈ လွင်ႈ

လၢတ်ႈၸွမ်း ဢၼ်မၢၼ်ႇမႅၼ်ႈ ပဵၼ်တေႉၼၼ်ႉ

ယင်းတေဢမ်ႇၶိုတ်းၵူၼ်းလၢတ်ႈၵႂၢမ်းဢေႇၶဝ်ၵွၼ်ႇ။

ၵူၼ်းၵေႃႉဢၼ်ႁၢင်ႈလီ ႁၢင်ႈလဝ်းၼၼ်ႉ ပဵၼ် ႁၢင်ႈၽၢင် လီမိုတ်ႈလီၵိုဝ်းဝႆႉသေတႃႉ ၵူၺ်းၵႃႈ တေဢမ်ႇၶိုတ်းၵေႃႉဢၼ်ႁၢင်ႈၸ​လႄႈ ၼမ်ႉၸႂ်လီ

ၼၼ်ႉလူးၵွၼ်ႇ။

ႁၼ်တင်းၼွၵ်ႈၵူၺ်း ပေႃးပႆႇၵွၵ်းႁၼ်ၸႂ်တင်းၼႂ်း

မၼ်းပေႃးၼႆၸိုင် ယႃႇၵိုင်ႉၵၢင်ႉတႅပ်းတတ်းၸႂ်သေ

ယုမ်ႇယမ်ဢဝ်ႁူဝ်ပၢၵ်ႇတဵမ်။

ၸဝ်ႈၶမ်းလဵၵ်ႉ ပိၼ်ႇတႅမ်ႈ

#NDMBooKStore