ၶၢဝ်းယၢမ်း မိူဝ်ႈဢမ်ႇလီ တူၺ်းၽူၼ်း

ၵပ်းၵၢႆႇလူၺ်ႈ တူၺ်းၽူၼ်းၼႆႉ ၵၢင်ၼႂ် တေႃႇၵၢင်ၶမ်ႈ ၶႂ်ႈဝႃႈဢမ်ႇလွတ်ႈၽႂ် ၸဵမ်လုၵ်ႈဢွၼ်ႇ
ၵူၼ်းလူင်၊ ဢၼ်ၵူၼ်းႁဝ်းတူၺ်းၼမ်လိူဝ်သေပိူၼ်ႈၼႆႉၵေႃႈ ပဵၼ် ၽူၼ်း ယဝ်ႉ။

မိူဝ်ႈၽူၼ်းပႆႇဢွၵ်ႇမႃးထိုင် ၼႂ်းမိုဝ်းၵူၼ်းၸႂ်ႉမၼ်းၼမ်ၼၼ်ႉ လိူဝ်သေတူၺ်းလိၵ်ႈ ဢမ်ႇပေႃးၸၢင်ႈ
တူၺ်းသင်၊ ဝၢႆးၽူၼ်းဢွၵ်ႇမႃးယဝ်ႉ ၵၢၼ်တူၺ်းလိၵ်ႈတူၺ်းလၢႆးၼၼ်ႉၵေႃႈ ဢဝ်ယူပ်ႈယွမ်းလူင်းၵႂႃႇ။

ၵမ်ႈၽွင်ႈ ၸိူဝ်းသူၼ်ၸႂ်လူလိၵ်ႈၼၼ်ႉ ၶိုၼ်းလၢႆႈမႃးလူၼႂ်းၽူၼ်း ၼႂ်းဢွၼ်ႇလၢႆး၊ ၸိူဝ်းဢမ်ႇသူၼ်ၸႂ်လူလိၵ်ႈ
ၼၼ်ႉၵေႃႈ ဢမ်ႇလူသင်၊

ၵဵဝ်ႇလူၺ်ႈလွင်ႈ တူၺ်းၽူၼ်းၼႆႉ ႁဝ်းလီဝႆႉၶၢဝ်းယၢမ်းမၼ်းၼၼ်ႉယဝ်ႉ။ ပေႃးဝႃႈႁဝ်းဢမ်ႇဝႆႉၶၢဝ်းယၢမ်းမၼ်း
ၼႆ ၵၢၼ်ႁဝ်းၵေႃႈၸၢင်ႈလူႉ၊ တၢၼ်ႇယဝ်ႉၵေႃႈဢမ်ႇယဝ်ႉ။
ၵၢၼ်ႁဝ်းဢမ်ႇၸၢင်ႈၶိုပ်ႈၼႃႈ ၵုမ်ႇသဵင်ႈၶၢဝ်းယၢမ်းၸွမ်းဢၼ်တူၺ်းၽူၼ်းၼၼ်ႉၵူၺ်း။

ဢၼ်တူၺ်းၽူၼ်း ဢမ်ႇမၵ်းမၼ်ႈၶၢဝ်းယၢမ်းၼႆႉၵေႃႈတေႁဵတ်းႁႂ်ႈ သၢႆတႃႁဝ်းလူႉၸွမ်းၵွၼ်ႇၼႆယဝ်ႉ။
ၼင်ႇႁိုဝ်သၢႆတႃႁဝ်းတေဢမ်ႇလူႉၸွမ်းယွၼ်ႉတူၺ်းၽူၼ်းၼၼ်ႉ ထုၵ်ႇလီႁူႉဝႆႉၸွမ်းၽွင်ႈယူႇ။

႑ႉ မိူဝ်ႈမွတ်ႇၽႆးယဝ်ႉသေ မိူဝ်ႈတေၼွၼ်း။

ပေႃးဝႃႈမွတ်ႇၽႆးယဝ်ႉ ယွၼ်ႉဢမ်ႇမီးႁႅင်းၽႆး ဢၼ်မႃးၵမ်ႉၸွႆႈ လႅင်းၽႆးလႄႈ ပေႃးတူၺ်းၽူၼ်း
ၸိုင် ႁႅင်းသၢႆတႃႁဝ်းတင်းမူတ်းၼႆႉ ၵႂႃႇၵွင်သႂ်ႇတီႈၼႃႈၽူၼ်း ဢၼ်လႅင်းယူႇၼၼ်ႉဢၼ်လဵဝ်
ၸၢင်ႈႁဵတ်းႁႂ်ႈသၢႆတႃႁဝ်းဢူၼ်ႈ မႃး။

႒ႉ မိူဝ်ႈလုၵ်ႉမႃး ပႆႇလႆႈသုၵ်ႈၼႃႈ။

ၵၢင်ၼႂ်ၸဝ်ႉ တိုၼ်ႇယဝ်ႉ ပႆႇလုၵ်ႉ ပႆႇသုၵ်ႈၼႃႈၼၼ်ႉဢမ်ႇထုၵ်ႇလီတူၺ်းၽူၼ်း၊ ယွၼ်ႉဝႃႈသၢႆတႃႁဝ်း
ပႆႇလႆႈသၢႆလႅင်း ပႆႇၸိုၼ်ႈပၢင်ႇလီလႄႈ လႅင်းၽူၼ်းၼၼ်ႉတေၸၼ်သၢႆတႃသေ သၢႆတႃၸၢင်ႈဢူၼ်ႈမႃး။

႓ႉ မိူဝ်ႈၵိၼ်ၶဝ်ႈ။
ၶၢဝ်းယၢမ်းမိူဝ်ႈၵိၼ်ၶဝ်ႈၼၼ်ႉၵေႃႈ ဢမ်ႇထုၵ်ႇလီတူၺ်း ၽူၼ်း လဵၼ်ႈၽူၼ်း။ ယွၼ်ႉဝႃႈ မၼ်းတေမႃးယႃႉ 

ၶၢဝ်းယၢမ်းၵိၼ်ၶဝ်ႈလႄႈ တေယႃႉ ဢရသႃႇ ၼမ်ႉဝၢၼ် ၶဝ်ႈၽၵ်း၊  ပေႃးဝႃႈၵိၼ်ၶဝ်ႈၼႆၵေႃႈ လူဝ်ႇလႆႈဢဝ်

ဢႃႇရူင်ႇၸပ်းဝၢၼ်ႇၶဝ်ႈဝၢၼ်ႇၽၵ်းသေၵိၼ် မၼ်းတေႁူႉလႆႈၼမ်ႉဝၢၼ်ဢရသႃႇၶဝ်ႈၽၵ်းလီ။

႔ႉ မိူဝ်ႈၵႂႃႇၶဝ်ႈထၢင်။

ၶၢဝ်းယၢမ်းမိူဝ်ႈၵႂႃႇၶဝ်ႈထၢင်ၼၼ်ႉ ယွၼ်ႉဝႃႈပဵၼ်ၶၢဝ်း ယၢမ်းဢၼ်ႁဝ်းၵႂႃႇယႃလွင်ႈတွင်ႉဢိဝ်ႈလႄႈ ပဵၼ်ၶၢဝ်း
ယၢမ်းဢၼ်ယူတ်းယႃတၢင်းပဵၼ်ဢၼ်ၼိုင်ႈၼႆယဝ်ႉ။ ယွၼ်ႉၼၼ် မိူဝ်ႈႁဝ်းတိုၵ်ႉယူတ်းယႃ တွင်ႉဢိဝ်ႈႁဝ်းယူႇ
ၼၼ်ႉ လူဝ်ႇႁႂ်ႈဢဝ်ၸႂ်သႂ်ႇတီႈတွင်ႉဢိဝ်ႈႁဝ်းၼၼ်ႉ၊ သင်တူၺ်းၽူၼ်း တေယႃႉလွင်ႈဢဝ်ၸႂ်သႂ်ႇတီႈတွင်ႉဢိဝ်ႈ
ၼၼ်ႉလႄႈ တေႁဵတ်းႁႂ်ႈတွင်ႉဢမ်ႇၵႂႃႇလီ။

႕ႉ ၶၢဝ်းယၢမ်း မိူဝ်ႈပႆတၢင်း။

မိူဝ်ႈႁဝ်းတိုၵ်ႉပႆတၢင်းယူႇၼၼ်ႉၵေႃႈ ဢမ်ႇထုၵ်ႇလီတူၺ်းၽူၼ်း၊ ယွၼ်ႉဝႃႈလူဝ်ႇတူၺ်းတၢင်း၊ ပေႃးဢမ်ႇ
တူၺ်းတၢင်းသေပႆ ၸၢင်ႈပႆတူၵ်းလုၵ်း၊ ၽႃႇသဝ်ၽႃႇၵူၼ်း၊ ဢမ်ႇၼၼ် လူတ်ႉၵႃး ၸၢင်ႈၽႃႇၺႃး၊
ယွၼ်ႉၵုမ်ႇတူၺ်းၽူၼ်းၵူၺ်း ဢမ်ႇတူၺ်းတၢင်း။ ထိုင်တီႈ ၸၢင်ႈတၢႆပႃးၵွၼ်ႇ။

ဢိင်ၼိူဝ် လွင်ႈလဵပ်ႈႁဵၼ်းသေ

ပၢႆးဝူၼ်ႉၶပ်ႉ။