ၵေႃႉၵႂင်တၢင်း

တႃႇၶိုၼ်ႈယႂ်ႇမႂ်ႇသုင်ၼႆႉ လူဝ်ႇမီးယိူင်း
ဢၢၼ်း လူဝ်ႇမီးယိူင်းမၢႆလႄႈ ၸႂ်ၶႂ်ႈလႆႈၶႂ်ႈပဵၼ်ၼႆတႄႉ ႁူႉယူႇ။ၵူၺ်းၵႃႈ မၢင်ပွၵ်ႈၼႆႉ

ယႃႇဝႃႈ တေႁူႉယိူင်းဢၢၼ်းႁဝ်းပဵၼ်သင်
ယိူင်းမၢႆႁဝ်းပဵၼ်သင် ၼႆၼၼ်ႉၵွၼ်ႇလႃႈ
တေႃႈၵၢၼ်ဢၼ်ႁဝ်းတိုၵ်ႉႁဵတ်းယူႇၼၼ့်
ႁဝ်းႁဵတ်းမၼ်းၵွပ်ႈပိူဝ်ႈသင်ၼႆ ယင်းဢမ်ႇ
ႁူႉဢမ်ႇၸႂ်ႈႁိုဝ်?

တႃႇတေႁူႉဝႃႈ ယိူင်းဢၢၼ်းႁဝ်းပဵၼ်သင်
ၼႆၼၼ်ႉ ႁိုဝ်ၵႂႃႇၸႂ်ႈလွင်ႈငၢႆႈလႃႇ။

ၽူႈတႅမ်ႈၵေႃႈယၢမ်ႈတႅမ်ႈ ယၢမ်ႈတိုၵ်းသူၼ်းပိူၼ်ႈ ႁႂ်ႈမီးယိူင်းမၢႆယိူင်းဢၢၼ်းၼႆယူႇ။ၵွၺ်းၵႃႈမၢင်ၵေႃႉၼႆႉ ၶဝ်တွပ်ႇဝႃႈ ၶဝ်ဢမ်ႇ
ဢမ်ႇႁူႉယိူင်းဢၢၼ်းၶဝ်ပဵၼ်သင် ၼႂ်းၵၢင်
ၸႂ်ၶဝ်ၶဝ်ၶႂ်ႈလႆႈသင်ၼႆၵွၼ်ႇ။

ၵွပ်ႈၼႆ ယိူင်းၸူးထိုင်တႆးၵေႃႉ ၽူႈလူလိၵ်ႈ
ႁဝ်းၶဝ်ၸိူဝ်းဢၼ်ဢမ်ႇႁူႉ ဝႃႈတူဝ်ၵဝ်ႇၶႂ်ႈပဵၼ်သင် ဢမ်ႇႁူႉဝႃႈ ယိူင်းဢၢၼ်းတူဝ်ၵဝ်ႇပဵၼ်သင်ၼႆၼၼ်ႉသေ တေလၢတ်ႈၼေၵႂႃႇ
လၢႆးႁႃယိူင်းဢၢၼ်းႁဝ်း ဢမ်ႇၼၼ်လၢႆးႁႃ
သဵၼ်ႈတၢင်းၵႂႃႇၼႃႈႁဝ်းသၢမ်လၢႆး။

(1)ႁဵတ်းသေလွင်ႈလွင်ႈတႃႉ
ဢမ်ႇႁူႉဝႃႈ တူဝ်ၵဝ်ႇၶႂ်ႈႁဵတ်းသင်ၼႆသေ ၼင်ႈယူႇလၢႆလၢႆတႄႉဢမ်ႇပဵၼ် လုၵ်ႉႁဵတ်းသေလွင်ႈလွင်ႈလႄႈ ၶႂ်ႈလဵတ်းၵီႊတႃႉလဵတ်း ၶႂ်ႈၸၼ်ႁၢင်ႊၸၼ် ၶႂ်ႈႁွင်ႉၵႂၢမ်းႁွင်ႉၵႂၢမ်း
လူဝ်ႇလႆႈႁဵတ်းတူၺ်းၵူႊဢၼ် ႁဵတ်းတူၺ်း
ႁိုင်ႁိုင် ဢၼ်လႂ်ႁဝ်းပႃးၸႂ်သေပိူၼ်ႈလႄႈ
ဢၼ်လႂ်ႁဝ်းႁဵတ်းၼမ်သေပိူၼ်ႈ ထတ်း
သၢင်ႈတူၺ်းလႄႈ။

(2)ၽိုၵ်းတမ်းယိူင်းမၢႆဢွၼ်ႇ
ယိူင်းမၢႆလူင်ႁဝ်းၼၼ်ႉ ပဵၼ်သင်ၼႆႁဝ်းပႆႇႁူႉသေၵေႃႈယႃႇ ဢမ်ႇပဵၼ်သင် ၽိုၵ်းသၢင်ႈယိူင်းမၢႆဢွၼ်ႇဢွၼ်တၢင်းသေၵွၼ်ႇ။

ယိုင်ႈဝၼ်းတေၽိုၵ်း ႁွင်ႉၽဵင်းလၢႆပွၵ်ႈလႄႈလိၵ်ႈလၢႆပွင်ႈ တႅပ်းတတ်းဝႆႉတႅတ်ႈၼႅတ်ႈ
သေၶိုင်တႃႉ။သင်ႁဵတ်းၼႆႁိုင်မႃးၸိုင် ၸဝ်ႈ
ၵဝ်ႇတေၸပ်းယၢမ်ႈသေ ပေႃးဢမ်ႇမီးယိူင်းမၢႆ တေဢမ်ႇယူႇလႆႈ လုၵ်ႉဢဝ်တီႈယိူင်းမၢႆဢွၼ်ႇသေ မၼ်းတေသိုပ်ႇလၢမ်းပဵၼ်ၵႂႃႇ
ယိူင်းမၢႆလူင်မႃးယူႇ။ပိူင်လူင်မၼ်းတႄႉၵေႃႈ
ႁဝ်းလူဝ်ႇမီးဝႆႉ တၢင်းယၢမ်ႈၵၢၼ်ဝႆႉဝၢင်း
ယိူင်းမၢႆၼၼ်ႉၵွၺ်း။မိူဝ်ႈၽိုၵ်းၼၼ်ႉ သင်
ၵေႃႈႁူႉတိုၼ်းဝႃႈတေယၢပ်ႇယူႇ ၵွၺ်းၵႃႊ
ပေႃးႁဵတ်းႁိုင်မႃးၸိုင် မၼ်းတေငၢႆႈၵႂႃႇၵမ်း
ဢိတ်းဢိတ်းၵူၺ်း။

(3)လပ်းႁူလပ်းတႃတႅပ်းတတ်းလႄႈ
မၢင်ပွၵ်ႈၵၢၼ်ဝူၼ်ႉၵၢၼ်သွၼ်ႇပုၼ်ႉၼႆႉ
ၼၼ်ႉၼႆႉလွင်ႈယႂ်ႇယူႇၵေႃႈ တႃႇၵေႃႉတေႇ
ၸႃႉၽိုၵ်းၶဝ် မၼ်းဢမ်ႇသၢင်ႇထုၵ်ႇ။

ပေႃးၵုမ်ႇဝူၼ်ႉ ၵုမ်ႇသွၼ်ႇတၢင်းၼႃႈတၢင်း
လင်ယူႇတိၵ်းၼႆ တေဢမ်ႇပဵၼ်ႁဵတ်းသေ
ပွၵ်ႈ။ၵွပ်ႈၼႆ လပ်းႁူလပ်းတႃတႅပ်းတတ်း
ပႅတ်ႈၵမ်းလဵဝ်ၼႆႉလီသေပိူၼ်ႈ။

ၶႂ်ႈတႅမ်ႈလိၵ်ႈၼႆၵေႃႈ ယႃႇၵုမ်ႇဝူၼ်ႉဝႃႈ ၽႂ်တေလူၽႂ်တေဝႃႈယူႇ လပ်းႁူလပ်းတႃသေ တႅပ်းတတ်းၸႂ်ၸဝ်ႈၵဝ်ႇႁတ်းႁတ်းသေယဝ်ႉ
တႅမ်ႈၵမ်းလဵဝ်လႃႈ။

ၵူၼ်းဢၼ်တေ ဢမ်ႇထိုင်ယိူင်းမၢႆလႆႈၼႆႉ မီးၶဝ်သွင်သႅၼ်း။သႅၼ်းၼိုင်ႈယွမ်းသုမ်းလႄႈ သႅၼ်းၼိုင်ႈသမ်ႉတေႃႈတေႇၸၵွၺ်းၵေႃႈ
ၶဝ်ဢမ်ႇႁတ်းႁꩡတ်းၼၼ်ႉယဝ်ႉ။

Nawloa
 1.4.2019