ဢမ်ႇၸႂ်ႈလွင်ႈလီဢၢႆ

     ၵိူတ်ႇမႃးၼႂ်းၼႃႈႁိူၼ်းဢမ်ႇမီးသင်ၼၼ်ႉဢမ်ႇၸႂ်ႈ
လွင်ႈလီဢၢႆ ယွၼ်ႉဢမ်ႇမီးတၢင်းၶတ်းၸႂ်ၼႂ်းၸူဝ်ႈပၢၼ်
သေ ဢမ်ႇမီးသင်တေႃႇပေႃးသုတ်းၸူဝ်ႈပၢၼ်ၼၼ်ႉ
ယဝ်ႉ ပဵၼ်လွင်ႈလီဢၢႆ ။



   ဢမ်ႇလႆႈၶိုၼ်ႈႁဵၼ်းသုင် ဢမ်ႇမီးၸၼ်ႉလိၵ်ႈၼၼ်ႉ
ဢမ်ႇၸႂ်ႈလွင်ႈၼႃႈလီဢၢႆ သင်ဢမ်ႇမေႃၸႅၵ်ႇၽႄလွင်ႈ
ၽိတ်းလွင်ႈထုၵ်ႇၼၼ်ႉယဝ်ႉ ပဵၼ်လွင်ႈလီဢၢႆ ။

    ဢမ်ႇလႆႈၼုင်ႈၶူဝ်းမႂ်ႇလႄႈလႆႈၼုင်ႈမႂ်ၶူဝ်းယွၵ်းဝႆႉ
ၼၼ်ႉဢမ်ႇၸႂ်ႈလွင်ႈလီဢၢႆ မီးငိုၼ်းသိုဝ်ႉသုပ်းၶူဝ်းၵႃႈ
ၶၼ်ယႂ်ႇသေမီးတၢင်းယၢမ်ႈယွၵ်းၼၼ်ႉယဝ်ႉ ပဵၼ်လွင်ႈ
လီဢၢႆ ။

    ႁၢင်ႈၽၢင်ၽၢႆႇၼွၵ်ႈဢမ်ႇႁၢင်ႈလီၼၼ်ႉ ဢမ်ႇၸႂ်ႈ
လွင်ႈၼႃႈလီဢၢႆ သင်ၼမ်ႉၸႂ်ႁၢင်ႈၸႃႉၶႅၼ်းပဵၼ်လွင်ႈ
လီလိူဝ်ယဝ်ႉ ။

   ဢမ်ႇသၢင်ႇထုၵ်ႇသေပႃႈလၢတ်ႈလူမ်ႉၽၢႆႇၼႃႈၵူၼ်း
ၼမ်ၼၼ်ႉ ဢမ်ႇၸႂ်ႈလွင်ႈလီဢၢႆ ယွၼ်ႉႁဵတ်းလွင်ႈဢမ်ႇ
လီယူႇသေဢမ်ႇသူၼ်ၸႂ်သၢႆတႃၵူၼ်းၼမ်ၶဝ်ၼၼ်ႉယဝ်ႉ
ပဵၼ်လွင်ႈလီဢၢႆ ။

    ၼႃႈၵၢၼ်ဢၼ်လႂ်သေဢမ်ႇဝႃႈသင်ၸဝ်ႈၵဝ်ႇႁဵတ်းႁႃ
လူၺ်ႈလွင်ႈၽိူၵ်ႇၸိုၼ်ႈၶၢဝ်သႂ်ၸိုင် ဢမ်ႇၸႂ်ႈလွင်ႈၼႃႈလီ
ဢၢႆ ၼႃႈၵၢၼ်ဢၼ်တဵၵ်းတဵင် ယွၵ်ႇလႅၼ် လွၵ်ႇငိုတ်ႈ
ဢဝ်ငိုၼ်းပိူၼ်ႈမႃးၼၼ်ႉယဝ်ႉ ပ​ဵၼ်လွင်ႈလီဢၢႆ ။

     ယွၼ်ႉလွင်ႈႁဵတ်းသၢင်ႈၸဝ်ႈၵဝ်ႇသေယႃႇႁႂ်ႈတိူၵ်ႉ
ၶိူၵ်ႈ ၵူၼ်းႁိမ်းႁွမ်း သုၵ်ႈသီႁၢင်ႈၶိူင်ႈပၼ် ႁၢင်ႈၽၢင်
ၽၢႆႇၼွၵ်ႈ ႁႂ်ႈလီယဵမ်ႈလီတူၺ်းၼႂ်းသၢႆတႃၵူၼ်းၼမ်ယဝ်ႉ
ယႃႇလိုမ်းႁၢင်ႈၶိူင်ႈပႃး ၼမ်ႉၸႂ်ႁၢင်ႈလီ ႁႂ်ႈလီႁၵ်ႉ လီမိုတ်ႈ ၼႂ်းႁူဝ်ၸႂ်ၵူၼ်းႁိမ်းႁွမ်းမိူၼ်ၵၼ်လႄႈ ။

    ယၢမ်းမိူဝ်ႈႁွတ်ႈၽႅဝ်တူၵ်းထိုင်မႅၼ်ႈတီႈဢၼ်ဢမ်ႇ
ၵိုင်ႇထိူၵ်ႈ တီႈဢၼ်မီးလွင်ႈႁၢင်ႈႁၢႆႉ ဢမ်ႇမီးလွင်ႈလီ
မိုတ်ႈၼၼ်ႉ တၢင်းယၢမ်ႈလီၸဝ်ႈၵဝ်ႇၼၼ်ႉႁႂ်ႈတိုဝ်းၵမ်
ဝႆႉမၼ်ႈၵႅၼ်ႇလႄႈ ။

 ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။

ငဝ်ႈတိုၼ်း -- page .....  Light

ပိၼ်ႇတႅမ်ႈ - မွၵ်ႇႁၢမ်းဢၢႆ ( ဝဵင်းသဝ်ႁိၼ် )
25 . 6 . 2019 ဝၼ်းဢၢင်းၵၢၼ်း