ပၢႆးဝူၼ်ႉၶပ်ႉ

Monday, July 22, 2019

တၢင်းယၢမ်ႈၵူၼ်းၸိူဝ်းဢၼ်ၶိုၼ်ႈယႂ်ႇၶဝ်



  ၵူၼ်းၶိုၼ်ႈယႂ်ႇ မီးတၢင်းယၢမ်ႈလုၵ်ႉၸဝ်ႉ လွင်ႈတိုၼ်ႇ
ၸဝ်ႉ လုၵ်ႉၸဝ်ႉၼၼ်ႉ မၼ်းႁဵတ်းႁႂ်ႈ ၸဝ်ႈၵဝ်ႇမီးၶၢဝ်း
ယၢမ်းတၼ်းၼမ်လိူဝ်သေၵူၼ်းၸိူဝ်းလုၵ်ႈလႃႈၶဝ်ယဝ်ႉ။

   ၶဝ်မီးလွင်ႈဝၢင်းတမ်းၶၢဝ်းယၢမ်း ႁႂ်ႈမီးပၵ်းပိူင်လႄႈ
ႁဵတ်းၸွမ်းႁႂ်ႈၽဵၼ်ႈꧦ ။



  မိူဝ်ႈၸဝ်ႈၵဝ်ႇတင်ႈၸႂ်ႁဵတ်းသေဢၼ်ꧦယဝ်ႉတူဝ်ႈၵႂႃႇ
ယဝ်ႉၼၼ်ႉ ထုၵ်ႇလီတွၼ်ႈသူးတူဝ်ၵဝ်ႇၶိုၼ်းၽွင်ႈ
မိူၼ်ၼင်ႇ သိုဝ်ႉသေလွင်ႈဢၼ်ၸဝ်ႈၵဝ်ႇလႆႈၸႂ် ၵႂႃႇလႄႇ
လိုဝ်ႈႁိူဝ်ႉတီႈဢၼ်ၸဝ်ႈၵဝ်ႇၵျိူ ၵ်ႈ ၸၵႂႃႇၸိူဝ်းၼၼ်ႉ ။

  မိူဝ်ႈၸဝ်ႈၵဝ်ႇတေၽိုၵ်းတၢင်းယၢမ်ႈဢၼ်လီၼိုင်ႈ
ၼၼ်ႉ ဢမ်ႇလူဝ်ႇဢဝ်ၸႂ်သႂ်ႇၼၵ်းၼႃၼိူဝ်မၼ်းႁႅင်း
ပူၼ်ႉတီႈၵေႃႈလႆႈ ၽိုၵ်းၵႂႃႇၵမ်းလွႆးꧦလႄႈ ။

  ဝၼ်းၼိုင်ႈၸဝ်ႈၵဝ်ႇတေၶႂ်ႈႁဵတ်းသင် ဢၼ်လႂ်လမ်ႇလွင်ႈ ဢၼ်လႂ်ဢမ်ႇပေႃးလမ်ႇလွင်ႈၼႆ
ၼၼ်ႉလိူၵ်ႈႁဵတ်းလမ်ႇလမ်ႇမၼ်းယဝ်ႉသေၸင်ႇၵွႆႈႁဵတ်း
ဢၼ်ၸဝ်ႈၵဝ်ႇၶႂ်ႈႁဵတ်းၼၼ်ႉလႄႈ ။

  မိူဝ်ႈၸဝ်ႈၵဝ်ႇလွတ်ႈလႅဝ်းယူႇၵေႃႉလဵဝ်ၼၼ်ႉ ၸဝ်ႈၵဝ်ႇၶႂ်ႈလုၵ်ႉၶၢဝ်းလႂ်ၵေႃႈလႆႈ ၵူၺ်းၵႃႈ မိူဝ်ႈၵဝ်ႇမီး
ၼႃႈၵၢၼ်ၼမ်မႃး ဢမ်ႇၼၼ် ပဵၼ်ႁူဝ်ၼႃႈႁဵတ်းၵၢၼ်
မ​ီးလုၵ်ႈၼွင်ႉဢၼ်တေလႆႈလၢတ်ႈၼေလွင်ႈၼႃႈၵၢၼ်
ၼမ်မႃး ၸဝ်ႈၵဝ်ႇတေလႆႈလုၵ်ႉၸဝ်ႉႁၢင်ႈႁႅၼ်း
တူဝ်ႈတၼ်းဝႆႉဢွၼ်တၢင်းတႃႇသေႇယဝ်ႉ ။

  တႃႇတေလႅၵ်ႈလၢႆႈတၢင်းယၢမ်ႈၼိုင်ႈဢၼ်ၼၼ်ႉ
မၼ်းဢမ်ႇငၢႆႈ ယဝ်ႉၵေႃႈ ဢမ်ႇယၢပ်ႇ သင်ဝႃႈတူၼ်ႈၸႂ်
ၶႂ်ႈမူၼ်ႉမႄးလႅၵ်ႈလၢႆႈလႄႈ ၶႂ်ႈၶိုၼ်ႈယႂ်ႇတေႉꧦ ။

  ၼပ်ႉယမ်ထိုင်ၽူႈပၼ်ႁႅင်းလူဢၢၼ်ၵူႈၵေႃႉယူႇဢေႃႈ။

မွၵ်ႇႁၢမ်းဢၢႆ ( ဝဵင်းသဝ်ႁိၼ် )
22 . 7 . 2019 ဝၼ်းၸၼ်

No comments:

Post a Comment

ၽူႈယိင်းၵူႈၵေႃႉ ဢၼ်ၶဝ်ၶႂ်ႈလႆႈသုတ်းၼၼ်ႉ ပဵၼ်ဢီသင်?

  မိူဝ်ႈၵွၼ်ႇၵွၼ်ႇ မီးမိူင်းဢွၼ်ႇမိူင်းၼိုင်ႈလႄႈ မီးၶုၼ်ႁေႃၶမ်းဢွၼ်ႇ ၵတ်ႉၶႅၼ်ႇၼင်ႈႁၢင်ႈၼင်ႈႁေႃဝႆႉယူႇယဝ်ႉ။   မီးၼင်ႇဝၼ်းၼိုင်ႈ ၶုၼ်ႁေ...