ႄမႈၸဝ်ႈႄလႈလုၵ်ႈပႂ်ႉ

လွင်ႈၸႂ်ႉၸၢတ်ႈပၢၼ် ယူႇၸွမ်းႄမႈၸဝ်ႈႁႂ်ႈေပႃးထုၵ်ႇ
ထုၵ်ႇမႅၼ်ႈၵၼ်ၼၼ်ႉ လႆႈဝႃႈပဵၼ်ဢၼ်ယၢပ်ႇယဵၼ်း
ဝႆႉေတႉေတႉယဝ်ႉ ။

လုၵ်ႈပႂ်ႉဢၼ်ဝႃႈၼၼ်ႉ လူဝ်ႇႁူႉဝႃႈ ႄမႈေတႉၸဝ်ႈၵဝ်ႇ
ႄလႈႄမႈၸဝ်ႈဢမ်ႇမီးလွင်ႈမိူၼ်ၵၼ်လႆႈ ထိုင်ဝႃႈၸဝ်ႈ
ၵဝ်ႇေတႁွင်ႉႄမႈၽူဝ်ဝႃႈႄမႈေသတႃႉ လွင်ႈယူႇႁူမ်ႈ
ၵၼ်ၼၼ်ႉ ဢမ်ႇမိူၼ်ၵၼ်တၢင်းဢၼ်ယူႇႁူမ်ႈၸွမ်းႄမႈ
ေတႉတူဝ်ၸဝ်ႈၵဝ်ႇၼၼ်ႉလႆႈ ...



ၵွပ်ႈၼၼ်ေတႁဵတ်းၸိူင်ႉႁိုဝ် ႁႂ်ႈပဵၼ်လုၵ်ႈပႂ်ႉတီႈလီၼႂ်း
သၢႆတႃႄမႈၸဝ်ႈဢၼ်ဝႃႈၼၼ်ႉ ၸၢမ်းဢၢၼ်ႇတူၺ်းပႃႈ
တႂ်ႈၼႆႉၵွၼ်ႇၶႃႈေၼႃႈ ...

>> မိူဝ်ႈႁဝ်းယူႇၸွမ်းႄမႈေတႉႁဝ်းၼၼ်ႉ ႁဝ်းတွပ်ႇထဵင်
ႄမႈႁဝ်းၶိုၼ်းေသတႃႉ ၶၢဝ်းယၢမ်းၵဵပ်ႉၵမ်းဢွၼ်ႇၼိုင်ႈ
ၵူၺ်းေၵႃႈ ႄမႈႁဝ်းႁၢႆလွင်ႈၸႂ်လမ်ယဝ်ႉ ။

ႋႋႋ ၽိူဝ်ႇပဵၼ်လုၵ်ႈပႂ်ႉမႃး သင်ဝႃႈႁဝ်းတွပ်ႇထဵင်ႄမႈ
ၸဝ်ႈၶိုၼ်းၸိုင် ၸၢင်ႈႁဵတ်းႁႂ်ႈႄမႈၸဝ်ႈတွင်းမၢႆဝႆႉၵႂႃႇ
ေတႃႇၸူဝ်ႈေၵႃႈပဵၼ်လႆႈ ။

>> မိူဝ်ႈႁဝ်းယူႇၸွမ်းႄမႈႁဝ်းၼၼ်ႉ ႄမႈႁဝ်းႁုင်ၶဝ်ႈ
ၽၵ်းလဵင်ႉႁဝ်းေသ လၢင်ႉဝၢၼ်ႇပၼ်ႁဝ်းေၵႃႈ ႄမႈႁဝ်း
ေတႁၼ်ပဵၼ်လွင်ႈထမ်ႇမႃႇတႃႇၵူၺ်း ။

ႋႋႋ ၽိူဝ်ႇပဵၼ်လုၵ်ႈပႂ်ႉမႃး ႄမႈၸဝ်ႈႁဵတ်းၶဝ်ႈၽၵ်းလဵင်ႉ
ႁဝ်းေသ ႁဝ်းၵိၼ်ၶဝ်ႈယဝ်ႉ ႄမႈၽူဝ်လႆႈလၢင်ႉဝၢၼ်ႇ
ၶဝ်ႈပၼ် ဢၼ်ၼႆႉဢမ်ႇၸႂ်ႈလွင်ႈလီယဝ်ႉ ။

>> ႄမႈၸဝ်ႈႁဵတ်းၶဝ်ႈၽၵ်းပၼ်လုၵ်ႈၶူၺ်ၵိၼ် လွင်ႈၼႆႉ ပဵၼ်လွင်ႈသၽႃႇဝၵူၺ်း ။

ႋႋႋ ႄမႈၸဝ်ႈႁဵတ်းၶဝ်ႈၽၵ်းပၼ်လုၵ်ႈပႂ်ႉၵိၼ် ဢၼ်ၼႆႉ
ဢမ်ႇၸႂ်ႈသၽႃႇဝယဝ်ႉ ။

>> ႄမႈေတႉႁဝ်းႁဵတ်းၵၢၼ်သုၵ်ႉယုင်ႈၼႃႇ ႁဝ်းဢမ်ႇ
လႆႈၸွႆႈထႅမ်ေၵႃႈ ေတဢမ်ႇပဵၼ်သင် ။

ႋႋႋ ႄမႈၸဝ်ႈႁဵတ်းၵၢၼ်သုၵ်ႉယုင်ႈၼႃႇ ႁဝ်းဢမ်ႇလႆႈၸွႆႈ
ထႅမ်ၸိုင် ဢၼ်ၼႆႉ ဢမ်ႇထုၵ်ႇမႅၼ်ႈ ပိူၼ်ႈေတဝႃႈႁဝ်း
ဢမ်ႇမီးၼမ်ႉၸႂ် ဢမ်ႇႁၢင်ႈႁူႉသင်ၼႆယဝ်ႉ ။

>> မိူဝ်ႈယူႇၸွမ်းႄမႈႁဝ်းၼၼ်ႉ ႁဝ်းလုၵ်ႈလႃႈေၵႃႈ ႄမႈႁဝ်းဢမ်ႇဝႃႈသင် ။

ႋႋႋ မိူဝ်ႈယူႇၸွမ်းႄမႈၸဝ်ႈ သင်ဝႃႈႁဝ်းၼွၼ်းတိုၼ်ႇ
လုၵ်ႉလႃႈၸိုင် ဢမ်ႇၸႂ်ႈလွင်ႈလီယဝ်ႉ ပိူၼ်ႈဢုပ်ႇၵၼ်
ၸွတ်ႇတူဝ်ႈဝၢၼ်ႈယဝ်ႉ ။

>> မိူဝ်ႈယူႇေတႃႇၼႃႈႄမႈေတႉႁဝ်းၼၼ်ႉ ႁဝ်းႁဵတ်း
တူဝ်ၶီႈၶၢၼ်ႉေၵႃႈ ဢမ်ႇပဵၼ်သင် ။

ႋႋႋ ေတႃႇၼႃႈႄမႈၸဝ်ႈ လွင်ႈၶၢၼ်ႉဢိူၼ်ႄလႈေၶႃႈၵႂၢမ်း
ဝႃႈၶၢၼ်ႉၼၼ်ႉ ယႃႇလၢတ်ႈဢွၵ်ႇယႃႇႁဵတ်းႄၼႁႂ်ႈႁၼ်
လႃးꧦ ။

>> မိူဝ်ႈယူႇၸွမ်းႄမႈေတႉႁဝ်းၼၼ်ႉ ယၢမ်းမီးတၢင်း
ၵိၼ်ဢၼ်လီဢၼ်ဝၢၼ်ေၵႃႈ ႄမႈႁဝ်းၶၢမ်ႇယွမ်းပၼ်ႁႂ်ႈ
ႁဝ်းၵိၼ်ဢိူဝ်ႈ ။

ႋႋႋ ယူႇႁိူၼ်းႄမႈၸဝ်ႈ တၢင်းၵိၼ်ဢၼ်လီဢၼ်ဝၢၼ်
ၼၼ်ႉ ႁဝ်းလူဝ်ႇၵဵပ်းဝႆႉပၼ်ေပႃႈႄမႈၽူဝ်ၵိၼ်ဢိူဝ်ႈ ။

>> ႄမႈႁဝ်းလဵင်ႉလူႁဝ်းယႂ်ႇမႃး  မူတ်ႉဢမ်ႇပၼ်ၸီႈ
ယုင်းဢမ်ႇပၼ်ၶူပ်း ေၵႃႉယႂ်ႇမႃးယဝ်ႉေၵႃႈ ဢမ်ႇေပႃး
ႁတ်းၸႂ်ႉၵိၼ်လုၵ်ႈေတႉေတႉဝႃႈဝႃႈလူးၵွၼ်ႇ ။

ႋႋႋ ၽိူဝ်ႇမႃးပဵၼ်လုၵ်ႈပႂ်ႉ ေပႃးထူပ်းၺႃးႄမႈၸဝ်ႈၸႂ်ႁၢႆႉ
ၸိုင် ယိုင်ႈၶႅၼ်းယၢပ်ႇၸႂ်ယဝ်ႉ ၽဝပၢၼ်ၵူၼ်းယိင်းႁဝ်း
လႆႈမႃးႁပ်ႉၸႂ်ႉႄမႈၽူဝ် ဢမ်ႇပိူင်ႈသင်ၵၼ်တၢင်းၵူၼ်း
ၸႂ်ႉၼႂ်းႁိူၼ်းယဝ်ႉ ။

>> ႄမႈၸဝ်ႈဢမ်ႇယၢမ်ႈပွင်ႉလႃႇ လွင်ႈလုၵ်ႈၶူၺ်ဢမ်ႇ
ႁဵတ်းၶဝ်ႈၽၵ်းလဵင်ႉ ထိုင်ဢမ်ႇယၢမ်ႈလၢင်ႉဝၢၼ်ႇၶဝ်ႈ
ပၼ်ေၵႃႈယဝ်ႉ  ။

ႋႋ ၵူၺ်းၼႃႇ ပၢၼ်ပဵၼ်လုၵ်ႈပႂ်ႉၼၼ်ႉ ဢမ်ႇမိူၼ်ၼၼ်

ၼႆႉေတႉ လၢတ်ႈႄၼပိူင်တႅၵ်ႈလွင်ႈယူႇၸွမ်းႄမႈေတႉ
ႄလႈႄမႈၽူဝ်မၼ်းပိူင်ႈၵၼ်ၸိူင်ႉႁိုဝ်ၼႆယဝ်ႉ ဢမ်ႇၸႂ်ႈ
ဝႃႈၸီႉၸမ်ႈႁႂ်ႈႁဵတ်းသၢင်ႈေတႃႇႄမႈေတႉႁဝ်းၸိူင်ႉၼၼ်ၼင်ႇၵွၼ်ႇၼႃႈ ။

ေပႃးၵႃႈၼၢႆႉၵွၼ်ႇယဝ်ႉၶႃႈေၼႃႈ ယိုင်ႈပိၼ်ႇေၵႃႈယိုင်ႈ
လီေဢးလူယဝ်ႉ ၽဝပၢၼ်ၵူၼ်းယိင်း ။

ၶွပ်ႈၸႂ်ထိုင်ၽူႈဢၢၼ်ႇလိၵ်ႈၵူႈေၵႃႉေသ
ပိၼ်ႇ - မွၵ်ႇမွင်းၽူၼ် ( လၢႆးၶႃႈ )
႐႔ - ႐႘ - ႒႐႑႘ /ဝၼ်းသဝ်