"ၶတ်းၸႂ်ယူႇလႄႈ သင်ပႆႇထိုင်တီႈ"

ပႂ်ႉၶၢဝ်းယၢမ်း၊

ပႂ်ႉၶၢဝ်းယၢမ်းဢၼ်ဝႃႈၼၼ်ႉ ဢမ်ႇၸႂ်ႈဝႃႈ ဢမ်ႇႁဵတ်း
သင်​​သေ ၼင်ႈပႂ်ႉယူႇ။ ဢၼ်ႁဝ်းလူဝ်ႇလႆႈၶတ်းၸႂ်ႁဵတ်း
ၵႂႃႇၼၼ်ႉ ႁဵတ်းၵႂႃႇၽဵၼ်ႈၽဵၼ်ႈ ၊ ႁဵတ်းယူႇတႃႇ​​သေႇ
လႄႈ။ တီႈယူႇ ဢၼ်ဝႃႈလွင်ႈၶိုၼ်ႈယႂ်ႇတွၼ်ႈတႃႇၸဝ်ႈ
ၵဝ်ႇၼၼ်ႉ ​​တေႁွတ်ႈထိုင်မႃးယူႇ။ မၢင်ပွၵ်ႈမၢင်လႂ် လွင်ႈ
ၶိုၼ်ႈယႂ်ႇၼၼ်ႉ ​​တေၼၢၼ်းထိုင်တီႈၸဝ်ႈၵဝ်ႇ​​ၵေႃႈ ၸၢင်ႈ

ပဵၼ်လႆႈယူႇ။ ၵူၺ်းၵႃႈ ဢမ်ႇသုတ်ႉဢမ်ႇႁူၼ်​​သေ ႁဝ်း
လူဝ်ႇလႆႈၶတ်းၸႂ်ၵႂႃႇၵူၺ်း။

ႁႂ်ႈပဵၼ်လွင်ႈၶတ်းၸႂ်ဢၼ်မၢၼ်ႇမႅၼ်ႈ၊

မိူဝ်ႈၼႆႉလုၵ်ႉႁဵတ်း မိူဝ်ႈၽုၵ်ႈသမ်ႉဢမ်ႇႁဵတ်းၼႆ​​သေ ​​ပေ
ႁႂ်ႈပဵၼ် မိူၼ်ၼင်ႇၾႆးၽိူင်းၼၼ်ႉ။ တွၼ်ႈတႃႇ​​တေထိုင်
တီႈလႆႈ တီႈဢၼ်ၸဝ်ႈၵဝ်ႇၶႂ်ႈၵႂႃႇၼၼ်ႉ ႁဝ်းလူဝ်ႇလႆႈဝႆႉ
သတိ ဝိရိယ​​သေ ၶတ်းၸႂ်သႂ်ႇၸႂ်သႂ်ႇႁႅင်း ႁဵတ်းယူႇတႃႇ​​
သေႇၵူၺ်း။

ယိုင်ႈၵၢၼ်လူင်းတိုၼ်းလၢင်းၼမ် ယိုင်ႈၶိုၼ်ႈယႂ်ႇ၊

မႅၼ်ႈ​​တေႉ လွင်ႈၶိုၼ်ႈယႂ်ႇဢၼ်လွင်ႈလူင်းတိုၼ်းလၢင်း
​​ဢေႇၼၼ်ႉ​​ၵေႃႈ ​​တေပဵၼ်လဵၵ်ႉလဵၵ်ႉၵူၺ်း။
သင်ၶိုၼ်းၵွၵ်းတူၺ်းပိုၼ်းလင် ၽူႈယိုၼ်ႈယႂ်ႇ/မၢၵ်ႈမီး
ၶဝ်ၵမ်ႉပႃႈၼမ်ၸိုင် ၵၢၼ်ဢၼ်လႆႈလူင်းတိုၼ်းလၢင်း
ၼၼ်ႉ တေလႆႈႁၼ်ဝႃႈ ယိုၼ်ႈယႂ်ႇ​​တေႉ​​တေႉ။

မိူဝ်ႈပႆႇထိုင်တၢင်းယိူင်းဢၢၼ်း ​​ပေၼႅတ်ႈယွမ်းၵၢၼ်ႉ၊

​​"ပေႃးယဝ်ႉ၊ ဢမ်ႇႁဵတ်းယဝ်ႉ၊ ဢၼ်ၵဝ်ၶႂ်ႈႁဵတ်းၼၼ်ႉ
မၼ်းႁိူဝ်ႉၼႃႇ ​၊ တေယွမ်းၵၢၼ်ႉယဝ်ႉ၊ ယူႇၵႂႃႇယူဝ်းယူဝ်း
ၸိူင်ႉၼႆၵူၺ်းယဝ်ႉ၊ တၢႆၵႂႃႇယဝ်ႉ ​​တေပႃးၵႂႃႇၸွမ်းႁဝ်း​​
ၵေႃႈဢမ်ႇၸႂ်ႈ" ႁဵတ်းၼႆ​​သေ ၵႆႉဢွၼ်ၵၼ်ယွမ်းၵၢၼ်ႉယူႇ
ယဝ်ႉ။ ပေႃးၸိူင်ႉၼၼ် လွင်ႈၶိုၼ်ႈယႂ်ႇၼၼ်ႉ​​ၵေႃႈ ၸမ်ထိုင်ႁဝ်းယဝ်ႉ သမ်ႉၶိုၼ်းဢွၵ်ႇၵႂႃႇပႅတ်ႈၵႆၵႆယူႇယဝ်ႉ

ႁႂ်ႈၼႄၵၢင်ၸႂ် ဝႆႉထၢတ်ႈၸႂ် ၶႂ်ႈလႆႈၶႂ်ႈပဵၼ်​​တေႉ​​တေႉ၊

"ၵဝ်ၶႂ်ႈပဵၼ်သ​​ထေး ၊ ၶႂ်ႈပဵၼ်ၽူႈႁွင်ႉၵႂၢမ်း" ၼႆ​​သေ မီးၸႂ်
ၶႂ်ႈပဵၼ်​​တေႉ​​တေႉၸိုင် ၵူၼ်း​​ၵေႃႉၼၼ်ႉ တိုၼ်းပဵၼ်ဢမ်ႇ
ႁၢင်ႉယဝ်ႉ။ သင်ၸိူဝ်ႉဝႃႈ ဢမ်ႇမီးၸႂ်ၶႂ်ႈပဵၼ် ၶႂ်ႈႁဵတ်း
တႄႉ ၶႂ်ႈပၼ်တၢင်းႁၼ်ထိုင်ဝႃႈ မၼ်းတိုၼ်းဢမ်ႇပဵၼ်
သင်မႃးလႆႈ​​သေဢိတ်းၼၼ်ႉယဝ်ႉ။ ယွၼ်ႉၼၼ် ၶတ်းၸႂ်
ယူႇလႄႈ သင်ဢမ်ႇၶိုၼ်ႈယႂ်ႇၸိုင် ​​ပေၸႂ်လဵၵ်ႉ၊ မၼ်း​​တေ
ပဵၼ်မႃးယူႇၵူၺ်း။

ယႃႇလိုမ်းဝႃႈ လၵ်းယိူင်းမၢႆဢၼ်ဝႃႈၼႆႉ ပွင်ႇဝႃႈ "ပဵၼ်တီႈဢၼ်ၸဝ်ႈၵဝ်ႇလူဝ်ႇလႆႈၵႂႃႇႁႂ်ႈႁွတ်ႈထိုင်" ၼႆ
ယဝ်ႉ။
ယွၼ်ႉၼၼ် ​​ပေႃးၵႂႃႇၵွၼ်ႇ ၸင်ႇၵွႆႈႁွတ်ႈၼၼ်ႉ ႁွင်ႉဝႃႈ
"လၵ်းယိူင်းမၢႆ" ။

ႁဵတ်းႁႂ်ႈပွင်ႇၸႂ် လႄႈ ၶုၵ်းၸႂ်လႆႈတီႈပွင်ႇ လၵ်းယိူင်းမၢႆ
သူၼၼ်ႉလီလီတႃႇ​​သေႇလႄႈ။

ၼပ်ႉယမ်ယႂ်ႇၼမ်ထိုင်ၵူႈ​​ၵေႃႉ​​သေ ...........

                                   ပိၼ်ႇတႅမ်ႈ/မႆႉသၢင်းၶမ်း
                                 (ပၢႆးဝူၼ်ႉၶပ်ႉ လပ်ႉၽၢႆၽၢႆ)