မႃႇၼ

ၶႃႈယိင်းဢမ်ႇၸႂ်ႈၵူၼ်းမီးၸႂ်မႃႇၼယႂ်ႇ

ၽႅၼ်သုင် ၵူၺ်းၵႃႈ မႃႇၼ ဢၼ်ပဵၼ်

ၸွႆႈထိင်းသ​ရေႇ ၼၢင်းယိင်းၵေႃႉၼိုင်ႈ

ၼၼ်ႉ ၶႃႈမီးယူႇဢိူဝ်ႈ ။

ၶႃႈယိင်းဢမ်ႇၸႂ်ႈၵူၼ်းၸႂ်လမ်ဢွၵ်ႇတေႃးသ

ငၢႆႈတေႃႇပိူၼ်ႈငၢႆႈ ၵူၺ်းၵႃႈ သင်ႁဵတ်းပူၼ်ႉလိူဝ်

ထိုင်တီႈယိူၼ်ႉဢမ်ႇလႆႈၸိုင် ၵၢင်ၸႂ်တေဢမ်ႇ

ယၵ်ႉတူၺ်းၶိုၼ်းသေပွၵ်ႈၼၼ်ႉတႄႉ မီးဢိူဝ်ႈ ။

ၸႂ်တိတ်းႁွႆႈ တီႈၼိူဝ်ၵူၼ်းသေၵေႃႉꧦၼၼ်ႉ

မေႃမီးယူႇဢိူဝ်ႈ ၵူၺ်းၵႃႈ သင်ဝႃႈ ၵူၼ်းၵေႃႉ

ၼၼ်ႉဢမ်ႇၸႂ်ႈ တွၼ်ႈတႃႇႁဝ်းၸိုင် တႃႇတေ

ၸွမ်းသုၵ်ႉယုင်ႈတိုတ်ႉၸၼ် ဢွၼ်ႈဝွၼ်းၼၼ်ႉ 

ၶႃႈယိင်းဢမ်ႇမေႃ ။

ၸႂ်ႁၵ်ႉဢၼ်မၼ်ႈၵိုမ်းၼၼ်ႉ မ​ီးဝႆႉယူႇဢိူဝ်ႈ

ၵူၺ်းၵႃႈ သင်ထုၵ်ႇႁဵတ်းႁၢႆႉၼမ်ႉၸႂ်တီႈၵၼ်

ၸိုင် လွင်ႈယုမ်ႇယမ်ၼၼ်ႉ မေႃမူတ်းသဵင်ႈၵႂႃႇ

ၵမ်းလဵဝ်ဢိူဝ်ႈ ။

မၢင်ပွၵ်ႈမၢင်လႂ်မေႃယူႇမူၼ်ႈꧦသိူဝ်းꧦၸွမ်းၼႂ်း

ၽုင်ဢူၺ်းၵေႃႉဢူၺ်းသႄႈဢိူဝ်ႈ ၵူၺ်းၵႃႈ 

ဢမ်ႇၸႂ်ႈၵူၼ်းႁူဝ်ႈလူဝ်ႈႁႃႈလႃႈ ဢမ်ႇမေႃထိင်း

သ​ရေႇၼင်ႇၵဝ်ႇၼႃႈ ။

ဢမ်ႇၸႂ်ႈဝႃႈၶႂ်ႈႁဵတ်းတူဝ်ပဵၼ်ၵူၼ်းႁူဝ်ၶႅင်

ၵတ်ႉၶႅၼ်ႇ တႃႇတေၸုၵ်းမၼ်ႈလႆႈၼိူဝ်ၶႅင်ႈၶႃ 

ၸဝ်ႈၵဝ်ႇၼၼ်ႉၶတ်းၸႂ်ယူႇဢိူဝ်ႈ ။

ဢမ်ႇလႆႈၶႂ်ႈပဵၼ် ၵူၼ်းႁၢင်ႈလီၶိုတ်းၵၢပ်ႈ

ၶိုတ်းပၢၼ်တႃႇမီးတၢင်းယၢမ်ႈႁၢင်ႈလီၼၼ်ႉ 

ၶတ်းၸႂ်ၽိုၵ်းယၢမ်ႈဢိူဝ်ႈ ။

ဢမ်ႇၸႂ်ႈဝႃႈဢမ်ႇမေႃၸဵပ်းသႅပ်ႇ ယွၼ်ႉဢမ်ႇ

ၶႂ်ႈႁႂ်ႈပိူၼ်ႈႁၼ် လွင်ႈဢူၼ်ႈဢွၼ်ႇလႄႈဢူတ်း

ယိူၼ်ႉ ၵဵပ်းသိမ်းဝႆႉၵေႃႉလဵဝ်ၵူၺ်း ။

ဢမ်ႇယၢမ်ႈႁၼ်ထိုင်ငိုၼ်းၶမ်းၶဝ်မွင်းပႂ်ႉ

ၵူၼ်းမၢင်ၵေႃႉ သင်မီးၵေႃႉဢၼ်သိုဝ်ႈယူဝ်း

ယုမ်ႇယမ်တမ်းၸႂ်ၵၼ်လႆႈၵေႃႈပေႃးယဝ်ႉ ။

သင်ပိုတ်ႇၼေၸႂ်ႁၵ်ႉ တီႈမၼ်းၼမ်ပူၼ်ႉ

တီႈၸိုင် ၵူဝ်လႆႈထုၵ်ႇတၢင်းထၢင်ႉလဵၵ်ႉလႄႈ 

ႁဵတ်းၵႅင်ႈဢဝ်မႃႇၼ​ႁေႉဝႆႉၵူၺ်း ။

သင်မီးလွင်ႈၵဵင်ၸႂ်ၼမ်ပူၼ်ႉတီႈ တီႈၵူၼ်း

မၢင်ၵေႃႉၸိုင် တေထုၵ်ႇတၢင်းၶဝ်ယဵပ်ႇယၢၼ်

ဢမ်ႇဝႆႉၵႃႈၶၼ်လႄႈ

မၢင်ပွၵ်ႈမၢင်လႂ် လႆႈမီးၸႂ်မႃႇၼမႃးဢိူဝ်ႈ ။

 >> ၼပ်ႉယမ်ထိုင် ၽူႈပၼ်ႁႅင်းလူဢၢၼ်ႇ

ၵူႈၵေႃႉယူႇၶႃႈ။

မွၵ်ႇႁၢမ်းဢၢႆ ( ဝဵင်းသဝ်ႁိၼ် )

_______________________

10 . 8 . 2019 ဝၼ်းသဝ် 📄💟