လွၵ်းလၢႆးတုမ်ႉတွပ်ႇ ဢၼ်လီတီႈသုတ်း

   လူၵ်ႈၶူင်းၵၢၵ်ၼႆႉ ၵႂၢင်ႈယႂ်ႇႁႅင်းၼႃႇလႄႈ တႃႇတေပွင်ႇ
ၸႂ်လႆႈ ၵူႈၸိူဝ်ႉၵူႈလွင်ႈဢမ်ႇငၢႆႈ ပုၼ်ႈတႃႇၵူၼ်းႁဝ်း ....

   ယွၼ်ႉၼၼ် မၢင်လွင်ႈမၢင်ဢၼ် ဢမ်ႇလူဝ်ႇပွင်ႇၸႂ်
ၼိူဝ်မၼ်းသေ ယူႇၵႂႃႇၸိူင်ႉၼၼ်ေၵႃႈ လီယူႇမိူၼ်ၵၼ် ။



  သင်ဝႃႈၸဝ်ႈၵဝ်ႇၵုမ်ႇသုမ်းၶၢဝ်းယၢမ်းၸွမ်းလွင်ႈဢၼ်
ဢမ်ႇၶဝ်ႈၶႂၢင်ႇ ဢၼ်ဢမ်ႇပၼ်ၽွၼ်းလီသင်ၼၼ်ႉၵူၺ်း
ၸိုင် မိူၼ်ၵၼ်တင်းၸဝ်ႈၵဝ်ႇ ဢိုတ်းပႅတ်ႈ လွင်ႈၶိုပ်ႈၼႃႈ
ၸူဝ်ႈပၢၼ်ၸဝ်ႈၵဝ်ႇၵူၺ်း ။

   ၽိူဝ်ႇတေတွပ်ႇထဵင်ၵၼ်တင်းၵူၼ်းၵေႃႉဢၼ်
ဢမ်ႇထုၵ်ႇၵၼ်တင်းၸဝ်ႈၵဝ်ႇယူႇၼၼ်ႉ ဢမ်ႇမီးၽွၼ်း
လီသင် ဢၼ်ၸဝ်ႈၵဝ်ႇတေလႆႈႁပ်ႉယွၼ်ႉမၼ်း ။

   ပိူင်တႅၵ်ႈ ----

     ပုင်းၼမ်ႉဢၼ်ဢမ်ႇမီးသႂ်ႇၼမ်ႉၼၼ်ႉ တေမဝ်
သေ ပိၼ်ႈငၢႆႈယူႇယဝ်ႉ ။

    တူၼ်ႈၶဝ်ႈဢၼ်လိပ်ႈၽၢင်းၼၼ်ႉ တေပူၵ်းတင်ႈဝႆႉ
သေ တူၼ်ႈၶဝ်ႈဢၼ်မၢၵ်ႈၼၼ်ႉတေႉ တိုၼ်းငေႃးသေ
ၵူမ်ႈဝႆႉယူႇယဝ်ႉ ။

    မိူၼ်ၵၼ်တင်း ၽူႈႁၢမ်းပၢႆးဝူၼ်ႉၼၼ်ႉယဝ်ႉ ။

သင်ဝႃႈၸဝ်ႈၵဝ်ႇလႆႈထူပ်းၵူၼ်းၸိူင်ႉၼၼ်ၸိုင် ယႃႇပေ
တုမ်ႉတွပ်ႇ ထဵင်မေႃးၵၼ်ႁႂ်ႈသဵင်ႈၶၢဝ်းယၢမ်း ယူႇတဵတ်ႇယဵၼ်ပႅတ်ႈသေလႄႈ လီတီႈသုတ်းယဝ်ႉ ။

   ၽူႈမီးတၢင်းႁူႉၵေႃႉၼိုင်ႈၼၼ်ႉ ၶဝ်တေဢမ်ႇဢဝ်
ၶၢဝ်းယၢမ်းဢၼ်မီးၵႃႈၶၼ် မႃးထဵင်မေႃးၵၼ် ။

   ၽူႈမီးတၢင်းႁူႉၵေႃႉၼိုင်ႈၼၼ်ႉ ၶဝ်ဢမ်ႇလႆႈၽိတ်း
သေတႃႉ ၶဝ်မေႃယွမ်းၼွမ်း ပၼ်သုမ်းတေႃႇ ၵေႃႉဢၼ်
ထၢင်ႇၽိတ်းၶဝ်ယူႇၼၼ်ႉဢိူဝ်ႈ ။

    လွင်ႈႁဵတ်းသၢင်ႈၸဝ်ႈၵဝ်ႇၼၼ်ႉ တႅပ်းတတ်းပၼ်
ၵႃႈၶၼ်တူဝ်ၵဝ်ႇလႆႈဢိူဝ်ႈ  ။

    ၸဝ်ႈၵဝ်ႇၶႂ်ႈပဵၼ်ၵူၼ်းၸိူင်ႉႁိုဝ်ဢၼ်ဝႃႈၼၼ်ႉ
တူဝ်ၵဝ်ႇလိူၵ်ႈဢဝ်လႆႈႁင်းၵူၺ်းၵေႃႉလဵဝ်ယဝ်ႉ ။

 ၼပ်ႉယမ်ထိုင်ၽူႈပၼ်ႁႅင်းယူဢၢၼ်ႇၵူႈၵေႃႉယူႇၶႃႈ ။

မွၵ်ႇႁၢမ်းဢၢႆ ( ဝဵင်းသဝ်ႁိၼ် )
24 . 8 . 2019 ဝၼ်းသဝ်