ပၢႆးဝူၼ်ႉလီၵႂၢၼ်းယု ပူၵ်းပွင်ၸိုင်ႈမိူင်း

လုၵ်ႉတႄႇဢဝ်ဝၢၼ်ႈတမ်ႇငႃႈ ၶိုၼ်ႈမႃးပဵၼ်
မိူင်းမၢၵ်ႈမီးလူင်မိူင်းၼိုင်ႈၼႂ်းၵုၼ်ဢေးသျႃး

1. မိူင်းၸိင်ႇၵပူဝ်ႇၼႆႉ မိူဝ်ႈဢွၼ်တၢင်း ပဵၼ်ဝၢၼ်ႈတမ်ႇငႃႈ ပဵၼ်ၵုၼ်ပႅၼ်ၵျႃဝ်ႇႁူဝ်းမိူင်းမ​လေးသျႃး ဢွၼ်ႇၵူၺ်းတၢင်း ၵႂၢင်ႈမၼ်းမီးယူႇ ( 173)လၵ်းပၼ်ႇမူၼ်း (707.1ၵီႇလူဝ်ႇမီႇတိူဝ်ႇ ဝၢႆးသေၼၼ်ႉလႆႈယူႇတႂ်ႈမိူင်းႁေႃၶမ်းဢင်းၵိတ်ႉ ဢုပ်ႉပိူင်ႇၽွင်းငမ်းမႃး ၶၢဝ်းတၢင်းႁူဝ်( 10 )ပီမၼ်း မႅၼ်ႈမိူဝ်ႈ ၽွင်းသိုၵ်းလုမ်ႈ ၾႃႉပွၵ်ႈၵမ်း( 2 )ၵေႃႈ

ယၢမ်ႈၺႃး သိုၵ်းၵျႃႇပၢၼ်ႇတိုၵ်းသိမ်း လႆႈတႂ်ႈဢင်းၵိတ်ႉထႅင်ႈလႄႈ ၸိင်ႇၵပူဝ်ႇၵေႃႈလႆႈတူၵ်းၵႂႃႇတႂ်ႈမိုဝ်း သိုၵ်းၵျႃႇပၢၼ်ႇဢုပ်ႉပိူင်ႇၽွင်းငမ်း ဝၢႆးသိုၵ်းလုမ်ႈၾႃႉပွၵ်ႈ( 2 )
ယဝ်ႉသိုၵ်းၵျႃႇပၢၼ်ႇထွႆသိုၵ်းဢွၵ်ႇ
ဢင်းၵိတ်ႉၶဝ်ၶိုၼ်းၶဝ်ႈမႃး ဢုပ်ႉပိူင်ႇထႅင်ႈ
ၵမ်းၼိုင်ႈ မႃးပူၵ်းပွင်ပၼ် ႁူင်းႁဵၼ်းၸၼ်ႉ
ၸွမ် ၵေႃးလဵၵ်ႉ ႁူင်းယႃထႅင်ႈ ယူႇဢမ်ႇႁိုင် ၵူၼ်းမိူင်းၸိင်ႇၵပူဝ်ႇၶဝ် ယွၼ်းယူႇမိူင်းလွတ်ႈလႅဝ်းႁင်းၶေႃ  ဢင်းၵိတ်ႉပၼ်လွတ်ႈလႅဝ်းလၢႆပီၵူၺ်း ၶိုၼ်ႈၵႂႃႇၶဝ်ႈႁူမ်ႈမိူင်းႁူမ်ႈတုမ်မ​လေးသျႃး ဝၢႆးၼၼ်ယူႇဢမ်ႇႁိူင်သင် တွတ်ႈၶႅပ်းၵၢင်ၸႂ်ေသၽၢတ်ႇဢွၵ်ႇမိူင်းႁူမ်ႈတုမ်မလေးသျႃး ၶိူဝ်း ၵႃးလႃးလႄႈၶႄႇ သုၼ်ႇလႆႈဢမ်ႇပဵင်းၵၼ် ဢမ်ႇႁၢၼ်ႉၸႂ် ယူႇႁူမ်ႈၵၼ်ဢမ်ႇလႆႈသေ ၸိင်ႇၵပူဝ်ႇ ယွၼ်းၽၢတ်ႇဢွၵ်ႇတင်ႈမိူင်း
ႁင်းၶေႃ သိုပ်ႇမႃးႁၢၼ်ႉတေႃႇထိုင်ပၢၼ်
ယၢမ်းလဵဝ်ယဝ်ႉ။

2. လီၵႂၢၼ်းယုၼႆႉမၼ်းမီးပိင်ႇၺႃႇ ၵေႃႉ
ၼိုင်ႈ ဢမ်ႇသူႈယူႇလၢႆလၢႆ မေႃၶဝ်ႈႁႃၵပ်း
သိုပ်ႇပိူၼ်ႈဢမ်ႇၸႅၵ်ႇၽႄၸၼ်ႉထၢၼ်ႈၵူၼ်း ဢမ်ႇဝႆႉၼႃႈလဵၵ်ႉၼႃႇယႂ်ႇ တေႃႇၵူၼ်းမိူင်းမၼ်း ႁၼ်ဝႃႈမိူင်းၸိင်ႇၵ
ပူဝ်ႇၼႆႉ ပဵၼ်မိူင်း
ဢွၼ်ႇလဵၵ်ႉလဵၵ်ႉ၊ ၼမ်ႉဢမ်ႇမီးၵိၼ်၊  ၼင်ႇလိၼ်ဢမ်ႇၸၢင်ႈၽုၵ်ႇသွမ်ႈ ၊ မႆႉတႃႇတေၸႂ်ႉတိုဝ်းၸိုင်ႈမိူင်း
ၵေႃႈဢမ်ႇမီး ပဵၼ်ၼိူဝ်ၵုၼ်မၢၵ်ႇႁိၼ်လူင် ဢွၼ်ႇၵူၺ်းမၼ်းၸဝ်ႈၼၵ်းၸႂ်ဝူၼ်ႉသင်
ဢမ်ႇမႃးသင် သေတႃႉ လီႇၵႂၢၼ်းယု
ဢမ်ႇတွၼ်ႉႁူၼ်လင်ပႅတ်ႈၵူၼ်းမိူင်းမၼ်း
မႃးသေပွၵ်ႈၼင်ႇႁဝ်းႁၼ်ယူႇၼၼ်ႉယဝ်ႉ။

3. ၼင်ႇႁိူဝ်ၸိင်ႇၵပူဝ်ႇႁဝ်းတေ ၶိုၼ်ႈယႂ်ႇၼၼ်ႉမီးတၢင်းလဵဝ်ၵူၺ်း ၼၼ်ႉၵေႃႈ
4. ႁဝ်းလူဝ်ႇပူၵ်းပွင်ပၼ်ၵူၼ်းၼုမ်ႇႁဝ်း ၊ႁႂ်ႈမီးပိင်ႇၺႃႇ ၼမ်ၼမ်  ပေႃးဝႃႈၵူၼ်းမိူင်းၸိင်ႇၵပူဝ်ႇႁဝ်း
မီးပိင်ႇၺႃႇၼမ်ၼႆႉ ဝၢၼ်ႈမိူင်းႁဝ်းမီးၵၢင်
ၵၢင်
လုမ်ႈၾႃႉ ပဵၼ်သဵၼ်ႈတၢင်းပၢႆးမၢၵ်ႈမီး တႃႈ
ႁိူဝ်းသၢင်းၽေႃး ၵူႈမိူင်းမိူင်းၼႂ်းလုမ်ႈၽႃႉ
တႃႇတေတေႃႉၵုၼ်ႇ မိူင်းဝၼ်းမိူင်းတူၵ်းမိူၼ် ဢ​မေႇရိၵၢၼ်ႇ ၊ယူးရူပ်ႉ၊ ၶိုၼ်ႈမိူင်းတၢင်းၵုၼ် ဢေးသျႃး ၼႆႉမၼ်းတေလႆႈၽၢၼ်ႇမိူင်းႁဝ်း ပေႃးၵုၼ်ႇပွတ်းဢေးသျႃးတေၵႂႃႇပွတ်းၵုၼ်ယူးရူပ်ႉ ဢ​မေႇရိၵၢၼ်ႇၵေႃႈတေမႃးတင်းႁဝ်း ၼႆႉပဵၼ်သဵၼ်ႈတၢင်းႁဝ်းတႃႇႁဝ်းတေလႆႈငိုၼ်းၶဝ်ႈ တႃႇပူၵ်းပွင်ၸိုင်ႈမိူင်းႁဝ်း ၵွပ်ႈၼၼ်ႁဝ်းလူဝ်ႇလႆႈပူၵ်းပွင်ၵူၼ်းမိူင်းႁဝ်းႁႂ်ႈမီးပိင်ႇၺႃႇႁႂ်ႈၸၼ်ႉၸွမ်ႁဝ်း ၵၢၼ်ႁဵၼ်းႁဝ်း ၶိုတ်းၸၼ်ႉလုမ်ႈၾႃႉ ၼင်ႇႁိူဝ်ၵူၼ်းၼွၵ်ႈမိူင်းၶဝ်ပေႃးတေၶႂ်ႈမႃးၶိုၼ်ႈႁဵၼ်းမိူင်းႁဝ်းၼမ်ၼမ်
မႃးႁဵတ်းၵၢၼ်မႃးလူင်းတိုၼ်းရၢင်းၼႂ်း
မိူင်းႁဝ်းၼၼ်ႉပေႃးၸိူင်ႉၼၼ်ၵွၼ်ႇႁဝ်း
ၸင်ႇၸၢင်ႈ ၶိုၼ်ႈယႂ်ႇလႆႈ ။

4.မိူင်းၸိင်ႇၵပူဝ်ႇႁဝ်းၼႆႉ ပႅၵ်ႉသမ်ႉဢမ်ႇမီး
တီႈလိၼ်တႃႇၽုၵ်ႇသွမ်ႈ တႃႇၵႃႇၶၢႆတေႃႇ ၼွၵ်ႈမိူင်းသေတႃႉ ၵေႃႈႁဝ်းၸၢင်ႈႁဵတ်းၵုၼ်ႇ ဢွၵ်ႇၶၢႆလႆႈ မိူၼ်မိူင်းပိူၼ်ႈယူႇ ၼၼ်ႉၵေႃႈပဵၼ် ၶိူင်ႈၸၢၵ်ႈ ၊ၶွမ်ႇပျႃႇတိူဝ်ႇ၊ ၽူင်း၊ ၶိူင်ႉၸႂ်ႉတိုဝ်း ၼႂ်းႁူင်းၵၢၼ်ၶွမ်ႇပၼီႇ ၸိူဝ်းၼႆႉႁဝ်းၶူင်
သၢင်ႈဢွၵ်ႇႁဵတ်းလႆႈယူႇ ပေႃးႁဝ်းပိင်ႇၺႃႇ။

5. ၶေႃႈၵႂၢမ်းဢၼ်် လီၵႂၢၼ်းယုၵႆႉလၢတ်ႈ
တႃႇသေႇ ၽၢႆႇၼႃႈၵူၼ်းမိူင်းမၼ်းၼၼ်ႉ ႁႂ်ႈမီးလွင်ႈမူတ်းသႂ် ယႃႇပေဝူၺ်ႇႁၢင်ႈ ၼင်ႇ
ႁိူဝ်တေဢမ်ႇမီးလွင်ႈဝူၺ်ႇႁၢင်ႈ ႁႂ်ႈပေႃးမီးလွင်ႈ မူတ်းသႂ်ၼၼ်ႉ လူဝ်ႇမီးပၵ်းပိူင် ၵႅၼ်ႇၶႅင်ၼႅၼ်ႈၼႃ ၵူၼ်းၵေႃႉလႂ်၊ ႁိူၼ်းလႂ်၊ ပွၵ်ႉလႂ်၊ ဝဵင်းလႂ်ဢမ်ႇၸွမ်းပၵ်းပိူင်ၵေႃႈ တၵ်ႉလႆႈၺႃးတၢမ်ႇငိုၼ်း တၢမ်ႇၶွၵ်ႈႁၢဝ်ႉ
ႁႅင်းယူႇ ၵွပ်ႈပိူဝ်ႈဝႃႈပေႃးဝၢၼ်ႈမိူင်းႁဝ်း မီးလွင်ႈမူတ်းသႂ်ၼႆၵူၼ်းၶိူဝ်လႂ် ၊ မိူင်းလႂ်ၵေႃႈ ၊ပိူၼ်ႈၶႂ်ႈမႃးလႄႇမႃးလိုဝ်ႈႁိူဝ်ႉ၊ လိုဝ်ႈၸႂ်
တၢင်းၼမ်တၢင်းလၢႆ မၼ်းတေပဵၼ်ငိုၼ်း
ၶဝ်ႈမိူင်းႁဝ်း ၵူၼ်းမိူင်းႁဝ်းၵေႃႈတေမီးၵၢၼ်ၼမ်မႃးပေႃးၵူၼ်းမိူင်းႁဝ်းမီးၵၢၼ်ၵေႃႈ ၸိုင်ႈမိူင်းၵေႃႈတေၸၢင်ႈ ၶိုၼ်ႈယႂ်ႇၽႂ်းၽၢႆၼင်ႇမိူင်းပိူၼ်ႈၶိုၼ်ႈယႂ်ႇ။

6.  တႃႇတေႁႂ်ႈၵူၼ်းမိူင်းၸိင်ႇၵပူဝ်ႇဢမ်ႇ
ၵူၼ်းၵိၼ်သူး ၵိၼ်လၢပ်ႈ ၵိၼ်ၸိၵ်းတွၵ်ႇ ၸွၵ်းၼိူဝ်ၵၼ် ငိုၼ်းမွၼ် တီႈၼၼ်ႈတီႈၼႆႉ မိူၼ်ၼင်ႇမိူင်းပိူၼ်ႈ ဢမ်ႇၶႂ်ႈႁႂ်ႈၽူႈယႂ်ႇၵူၼ်းလူင် ၵူၼ်းႁၢပ်ႇၵၢၼ်ၶုၼ်ၼႂ်း
မိူင်းၸိင်ႇၵပူဝ်ႇၶဝ်ပဵၼ်ၼၼ် ၸင်ႇလႆႈ
တႅမ်ႈပၵ်းပိူင်ဝႆႉ သင်ဝႃႈမီးမႃး တေၺႃး
တၢမ်ႇၼၵ်းၼႃ တၢမ်ႇၶွၵ်ႈ ထိုင်တၢမ်ႇတၢႆၵွၼ်ႇဝႃႈၼႆ။

7.  လီႇၵႂၢၼ်းယုဝႃႈ မိူင်းႁဝ်းပဵၼ်မိူင်းလဵၵ်ႉ
ဢမ်ႇမီးတပ်ႉသိုၵ်းဢၼ် ၵႅၼ်ႇၶႅင်သေတႃႉ
ၵေႃႈပေႃးႁဝ်းပိင်ႇၺႃႇ ပၢႆးမၢၵ်ႈမီးႁဝ်းၵႅၼ်ႉ
ၶႅင်ၸိုင် ႁဝ်းလူဝ်ႇၵူဝ်ၽႂ် ၵၢၼ်ႁူမ်ႇလူမ်ႈ
ႁဝ်းၵေႃႈ မၼ်းတေမီးမႃး ၵွပ်ႈၼၼ်ႁဝ်း
လူဝ်ႇမေႃၵပ်းသိုပ်ႇလဵၼ်ႈၵေႃႉ မိူင်းယႂ်ႇမိူၼ်
ၼင်ႇ ဢမေႇရိၵၢၼ်ႇ ၊ၶႄႇ ၊ရသျႃး ၶဝ်ၸိူဝ်း ၼႆႉယူႇယဝ်ႉ ၼင်ႇႁိူဝ်မိူင်းႁဝ်းဢမ်ႇၸပ်း
ၽၢၵ်ႇၼၼ်ႉ ႁဝ်းလူဝ်ႇၸုၵ်းၼိူဝ်ၶႃႁဝ်း
ႁဝ်းႁႂ်ႈလႆႈ။

ပိၼ်ႇတႅမ်ႈ ဢဝ်မႃးၼိူဝ်ဝႅပ်ႉသၢႆႉ ၵူၼ်းမိူင်း
Singapore ၶဝ်တႅမ်ႈတၢင်ႇဝႆႉ ၼင်ႇႁိူဝ်
တေမီးၽွၼ်းလီတႃႇပီႈၼွင်ႉႁဝ်းၶဝ်
ပဵၼ်ပၢႆးဝူၼ်ႉမႂ်ႇမႂ်ႇၼၼ်ႉၶႃႈႁဝ်းၸွင်ႇလႆႈ
ပိၼ်ႇတႅမ်ႈမႃးယူႇၶႃႈ,,,,,,,,,,,,,,,,,

ၼပ်ႉယမ်ထိုင်သေ
                                ၶႃႈႁဝ်းၸၢႆးၸိုၼ်ႈလႅင်း
                                         သႅၼ်ဝီႁွင်ႇ
https://m.facebook.com/story.php?story_fbid=642805373220251&id=100024723829179