ၽွၼ်းလီၸဝ်ႈၽူဝ်ႁႃႈပိူင်

- ၼၢင်းယိင်း ၸိူဝ်းဢၼ်ဢဝ်ၽူဝ်ယဝ်ႉလႄႈသင် ပႆႇဢဝ်
လႄႈသင် လွင်ႈဢဝ်ၽူဝ်ၼႆႉ ဢဝ်ႁႂ်ႈမၼ်းမီးၽွၼ်းလီ
ဢမ်ႇၸႂ်ႈဝႃႈ ၶဝ်မီးငိုၼ်းဢိူဝ်ႈပေႃးဢဝ်ၶဝ်ဢမ်ႇလႆူတုၵ်ႉၶ
ဢမ်ႇလႆႈၼႃႈလဵၵ်ႉ ၸၵႂႃႇၸိူဝ်းၼႆႉ၊ ၵူၺ်းယႃႇၽူမ်ႈထၢင်ႇ
ၵိူဝ်းဝႃႈ ပေႃးဢဝ်ၽူဝ်ၵူၼ်းမီးလႄႈ တေလႆႈတဵမ်ထူၼ်ႈ
ၵူႈလွင်ႈၼႆ၊ ၵူၼ်းမီးငိုၼ်းၼႆႉ လိူဝ်သေငိုၼ်းယဝ်ႉ ဢမ်ႇ
မီးသင်လွင်ႈယႂ်ႇတႃႇၶဝ် ဢၼ်ဝႃႈၼၼ်ႉ ဢမ်ႇထုၵ်ႇလီ

လိုမ်း၊ ၵူၼ်းမီးငိုၼ်းၼမ်ၼႆႉ ပဵၼ်သင်မႃးၵေႃႈ ၵႆႉဢဝ်
ငိုၼ်းတႅပ်းတတ်းဢဝ်လၢႆလၢႆ။ ဢၼ်ၼႆႉၶႂ်ႈ ၶႃႉၶၢႆသ​ရေႇ ၵူၼ်းမီးငိုၼ်းတေႉဢမ်ႇၸႂ်ႈ။ ၶႂ်ႈလၢတ်ႈၼႄဝႃႈ မႃၼ
ၼၼ်ႉယဝ်ႉ၊ မႃၼၼႆႉ ၵူၼ်းၽၢၼ်ၵေႃႈ မီးမႃႇၼ ၵူၼ်းၽၢၼ်၊ ၵူၼ်းမီးၵေႃႈ မီးမႃၼၵူၼ်းမီး၊ ၵူၺ်းၵႃႈ
မႃႇၼ ၵူၼ်းၽၢၼ်ၼၼ်ႉ ဢမ်ႇလီၵူဝ်တၢၼ်ႇ မႃႇၼ
ၵူၼ်းမီးငိုၼ်း။ ယွၼ်ႉၼၼ် မႃႇၼၵူၼ်းမီးငိုၼ်းၼႆႉ
ၸၢင်ႈဢဝ်ပေႉပုၼ်ႈပိူၼ်ႈလႆႈတႃႇသေႇ။ ၶႂ်ႈၽၢၵ်ႇထိုင်
ၼၢင်းယိင်း ၸိူဝ်းပႆႇမီးၽူဝ်သေ တိုဝ်ႉႁႃတႃႇတေၵူပ်ႉၵူႈ
ယူႇၼၼ်ႉ ယႃႇပေႁႅင်ႉၶႂ်ႈလႆႈ ၵူၼ်းမီးငိုၼ်းၶဝ်ၼႃႇပူၼ်ႉ
တီႈ ၵူဝ်လႆႈၵႂႃႇတူၵ်းပဵၼ်ၶီႈၶႃႈငိုၼ်း၊ ၵူဝ်ဢမ်ႇလႆႈမိူၼ်ၸႂ်
ၼင်ႇဢၼ်ဝူၼ်ႉဝႆႉ၊ ၵူဝ်လႆႈၼႃႈလဵၵ်ႉၵွပ်ႈငိုၼ်း၊ ယဝ်ႉၵေႃႈ ယႃႇလိုမ်းဝူၼ်ႉဝႃႈ ၵူၼ်းမီးငိုၼ်းၼႆႉ ၶႂ်ႈသိုဝ်ႉ
ဢဝ်ၽႂ် ၶႂ်ႈ သိုဝ်ႉၶၢႆၽႂ်ၵေႃႈလႆႈ ပေႃးဝႃႈမီးငိုၼ်း လွင်ႈ
ဢမ်ႇလီၼႆႉ ႁဵတ်းလႆႈငၢႆႈၼႃႇ။ ယဝ်ႉၵေႃႈ ၽွၼ်းလီၸဝ်ႈ
ၽူဝ်ႁႃႈပိူင်ၼၼ်ႉၵေႃႈ ဢမ်ႇၼပ်ႉတေႃႈလႆႈ မိူၼ်တင်း
ၵႂႃႇႁဵတ်းၶႃႈၶဝ်လုမ်းလုမ်းၼၼ်ႉယဝ်ႉ။

ပဵၼ်ၸိူင်ႉႁိုဝ်ေၵႃႈလီ ၼင်ႇႁိုဝ်တေလီလႆႈ တင်းသွင်ပႃႈ
သွင်ၽၢႆႇၼၼ်ႉ မိူဝ်ႈဢဝ်ၵၼ် ဢမ်ႇမီးသင်ၵေႃႈ ပေႃးဝႃႈ
သွင်ၵေႃႉၽူဝ်မႄး ႁူမ်ႈၵၼ်ႁဵတ်းႁႃသေ လႆႈမႃးငိုၼ်းၶမ်း ၼႂ်းမိုဝ်းတင်းသွင်ၵေႃႉၼႆတေႉ တေလီတီႈသုတ်း၊
ယဝ်ႉၵေႃႈ ၽႂ်ၵေႃႈပိူင်ႇၼင်ႇၵၼ် ဢမ်ႇလႆႈပိူင်ႇၵေႃႉလဵဝ်
မိူၼ်ၵႂႃႇဢဝ်ၵေႃႉမီးငိုၼ်းၼၼ်ႉ။

ၵူႈၸိူဝ်းၵူႈလွင်ႈ ပေႃးႁဵတ်းႁႃၽွမ်ႉၵၼ်သေ လႆႈမႃးၼႆ
ၽၢႆႇၼၢင်းယိင်း တေလႆႈမီးလွင်ႈဢုၼ်ႇၸႂ်တဵမ်ထူၼ်ႈ
ယဝ်ႉၵေႃႈ ၽွၼ်းလီၸဝ်ႈၽူဝ်ႁႃႈပိူင်ၼၼ်ႉၵေႃႈ တေလႆႈ
တဵမ်ထူၼ်ႈ။
ဢဝ်ၽူဝ်ၼႆႉ ပေႃးဝႃႈ ဢမ်ႇလႆႈၽွၼ်းလီၽူဝ် ၼႂ်းႁႃႈပိူင်
ၼၼ်ႉၼႆ ဢဝ်သုမ်းလၢႆလၢႆၵူၺ်း။

ယွၼ်ႉၶႂ်ႈမီးလွင်ႈဢုၼ်ႇၸႂ်လႄႈ ၸင်ႇဢဝ်ၽူဝ် ။
ယွၼ်ႉၶႂ်ႈမီးတီႈပိုင်ႈဢိင်လႄႈ ၸင်ႇဢဝ်ၽူဝ် ။
ယွၼ်ႉၶႂ်ႈမီးၵေႃႉတိူင်ႇပၢင်ႇဢုပ်ႇဢူဝ်းၵၼ်လႆႈလႄႈ --- ။
ယွၼ်ႉလူဝ်ႇတၢင်းၸွႆႈထႅမ်လုမ်းလႃးတူၺ်းထိုင်လႄႈ --။
ယွၼ်ႉၶႂ်ႈမီးၼႃႈႁိူၼ်းမူၼ်း ဢွၵ်ႇၼႃႈဢွၵ်ႇတႃ
ၸိူင်ႉပိူၼ်ႈလႄႈ ၸင်ႇဢဝ်ၽူဝ်။

ပၢႆးဝူၼ်ႉၶပ်ႉ။