လူဝ်ႇၵႅၼ်ႇၶႅင်ဢိူဝ်ႈ

>> မၢင်ပွၵ်ႈမၢင်လႂ်ႁိူဝ်ႉၼႃႇသေမိူဝ်ႈလႆႈလူမ်ႉလူင်းၵေႃႈ
တေမီး လႆႈႁဵတ်းမႅၼ်ႈတၢင်းၽိတ်းဢၼ်ဢမ်ႇၵေႈလႆႈ
ၼၼ်ႉၵေႃႈတေမီး လွင်ႈယူပ်ႈယွမ်းတီႈတူဝ်ၸဝ်ႈၵဝ်ႇ
ၼၼ်ႉၵေႃႈတေမီးဝႆႉယူႇတၢင်းၼမ်ယဝ်ႉ ။

>> ၵူၺ်းၵႃႈယႃႇပေၸႂ်လဵၵ်ႉသေၼင်ႈငဝ်ဝူၼ်ႉၵႂင်ယူႇ
ယဝ်ႉလႃႈ လူဝ်ႇလႆႈၵႅၼ်ႇၶႅင်ဢိူဝ်ႈ ။

>> တီႈဢၼ်ၸဝ်ႈၵဝ်ႇၵတ်ႉၶႅၼ်ႇၼၼ်ႉၵူၼ်းတၢင်ႇၵေႃႉ
ၶဝ်ဢမ်ႇႁဵတ်းပဵၼ်လႆႈၵေႃႈတေမီး တီႈဢၼ်ၵူၼ်းမၢင်
ၵေႃႉလူင်ႉလႅၼ်ႇၼၼ်ႉ ၸဝ်ႈၵဝ်ႇဢမ်ႇမေႃႁဵတ်းၵေႃႈ
တိုၼ်းမီးဝႆႉယူႇယဝ်ႉ ။
>> ၸဝ်ႈၵဝ်ႇဢမ်ႇႁဵတ်းပဵၼ်လႆႈၵူႈလွင်ႈလူင်ႉလႅၼ်ႇၵူႈ
ၽၢႆႇ ၵတ်ႉၶႅၼ်ႇၵူႈပၢႆးလႆႈလေႃႇ မၢင်တီႈၸဝ်ႈၵဝ်ႇ
တေပဵၼ်ၵူၼ်းလႅတ်းၵူၼ်းလၵ်းလႅမ်ၽၢႆႇၼႃႈပိူၼ်ႈသေ
မၢင်ဢွင်ႈတီႈသမ်ႉ ၸဝ်ႈၵဝ်ႇတေပဵၼ်ၵူၼ်းငိူဝ်ႈဢမ်ႇႁူႉ
သင်ၵေႃႈ တေမီးယူႇယဝ်ႉ ။
>> ၵူၺ်းၵႃႈယႃႇၶႂ်ႈၶတ်းၸႂ်ၶႂ်ႈႁုပ်ႈဢဝ်ၵူႈလွင်ႈꧦလေႃႇ
လူဝ်ႇလႆႈႁဵတ်းလွင်ႈလႂ်လွင်ႈၼိုင်ႈ ႁႂ်ႈၶႅမ်ႉလႅပ်ႈတီႈသုတ်း
ၵူၺ်းဢိူဝ်ႈ ။
>> မၢင်ပွၵ်ႈမၢင်လႂ်ယွၼ်ႉထုၵ်ႇပွႆႇၽႃႈလႄႈတေငဝ်မွင်
ႁွင်ႉႁႆႈယူႇၵေႃႈတေမီးယူႇ ယွၼ်ႉၸဝ်ႈၵဝ်ႇတုၵ်ႉၽၢၼ်
ႁိုဝ် ဢမ်ႇၼၼ် ယွၼ်ႉႁၢင်ႈၽၢင်ႁၢင်ႈၸႃႉႁိုဝ် မီးလွင်ႈ
ယူပ်ႈယွမ်းတီႈလႂ်လႄႈထုၵ်ႇၶဝ်ပွႆႇပႅတ်ႈၼႆတေလွမ်ဝူၼ်ႉ
ယူႇ ။
>> ၵူၺ်းၵႃႈယႃႇပေၼႅင်ၸႂ်ယူႇယဝ်ႉလႃႈ ဝူၼ်ႉဝႃႈတေမီး
ၵူၼ်းလီꧦၶဝ်ႈမႃးတႅၼ်းတၢင်တီႈယူႇၶဝ်ၵူၺ်းၼႆလႄႈ
လူဝ်ႇလႆႈၵႅၼ်ႇၶႅင်ဢိူဝ်ႈ ။
>> မၢင်ပွၵ်ႈမၢင်လႂ်တေလႆႈထူပ်းပၼ်ႁႃဢၼ်ၵေႈလိတ်ႈ
ယၢပ်ႇသေပိူၼ်ႈၵေႃႈတေမီးယူႇ ထုၵ်ႇၵူၼ်းတၢင်းၼမ်
သေႉၼေးထၢင်ႇလဵၵ်ႉၵေႃႈတေမီးယူႇ ။
>> ၵူၺ်းၵႃႈယႃႇၵႂင်မဝ်းၸွမ်းလွင်ႈသုၵ်ႉယုင်ႈသေလိုမ်း
ႁႃသဵၼ်ႈတၢင်းဢွၵ်ႇတႃႇတူဝ်ၵဝ်ႇ ႁႂ်ႈမီးသတိၸႂ်ၵႅၼ်ႇၶႅင်
ယူႇၵူႈၶၢဝ်းယၢမ်းလႄႈ ။
>> သင်ဝႃႈၸဝ်ႈၵဝ်ႇၶႂ်ႈပဵၼ်ၵူၼ်းၵႅၼ်ႇၶႅင်ၸိုင်ယႃႇပေ
ယွၼ်ႇၸႂ်ယွၼ်ႉတၢင်းတူၺ်းၵူၼ်းတၢင်ႇၵေႃႉၶဝ် ယႃႇပေ
ဢူၼ်ႈဢွၼ်ႇယွၼ်ႉၵႂၢမ်းလၢတ်ႈၵူၼ်းတၢင်ႇၵေႃႉၶဝ် ။
>> ၶဝ်ဢမ်ႇယၢမ်ႈထူပ်းလွင်ႈဢၼ်သူလႆႈထူပ်း ၶဝ်ဢမ်ႇ
ယၢမ်ႈပဵၼ် လွင်ႈဢၼ်သူလႆႈပဵၼ် ၶဝ်ႁိုဝ်တေႁူႉထိုင်
လွင်ႈယၢပ်ႇၽိုတ်ႇၶွင်သူ ယွၼ်ႉၼၼ်ၶဝ်ဢမ်ႇၸၢင်ႈၵေႈ
လိတ်ႈ တေႃႇသူႈတႅၼ်းတၢင်သူလႆႈ ။
>ပိူင်လူင်မၼ်းတူဝ်ၵဝ်ႇတေလႆႈမီးတူၼ်ႈၸႂ်ဢၼ်ၵႅၼ်ႇ
ၶႅင် ႁတ်းတႃႉတေႃႇ လွင်ႈယၢမ်ႈၽိုတ်ႇဢၼ်မႃးပၼ်
တွၼ်ႈသွၼ်ၼႂ်းၸၢတ်ႈပၢၼ်တူဝ်ၵဝ်ႇၼၼ်ႉၵူၺ်းဢိူဝ်ႈ။
ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။
ငဝ်ႈတိုၼ်း -- page ဦးဘုန်း
ပိၼ်ႇတႅမ်ႈ -- မွၵ်ႇႁၢမ်းဢၢႆ ( ဝဵင်းသဝ်ႁိၼ် )
17 . 2 . 2019 ဝၼ်းဢႃးတိတ်ႉ