ၽွၼ်းလီ လွင်ႈလူလိၵ်ႈ

>> ယၢမ်းမိူဝ်ႈၸဝ်ႈၵဝ်ႇဝူၼ်ႉၵႂင်ၼႂ်းလွင်ႈတၢင်းသေ
လွင်ႈꧦၼၼ်ႉ လူလိၵ်ႈလႄႈ ။

>> ယၢမ်းမိူဝ်ႈၸဝ်ႈၵဝ်ႇထူပ်းၺႃးလွင်ႈတုၵ်ႉသေႁႅင်းၸႂ်
တူၵ်းယူႇၼၼ်ႉ လူလိၵ်ႈလႄႈ ။

>> ယၢမ်းမိူဝ်ႈၸဝ်ႈၵဝ်ႇထုၵ်ႇပွႆႇၽႃႈဢမ်ႇၵိုတ်းလိူဝ်ၽႂ်
ဢမ်ႇၸၢင်ႈလၢတ်ႈလွင်ႈၶုၺ်ႉႁၢၼ်တေႃႇၽႂ်ၼၼ်ႉ လူလိၵ်ႈလႄႈ ။



>> ႁၼ်ပိူၼ်ႈၶိုၼ်ႈယႂ်ႇသေ ၼင်ႇႁိုဝ်ၸဝ်ႈၵဝ်ႇတေၶိုၼ်ႈ
ယႂ်ႇမိူၼ်ၸိူဝ်းၶဝ်ၼၼ်ႉ လူလိၵ်ႈလႄႈ ။

>> ယၢမ်းမိူဝ်ႈၸဝ်ႈၵဝ်ႇၸႂ်ပိဝ်ၸွမ်းမၢင်ၸိူဝ်ႉမၢင်လွင်ႈ
ဢမ်ႇမီးသတိၸိုင် ၼင်ႇႁိုဝ်ၸႂ်တေၼိမ်ၼၼ်ႉ လူလိၵ်ႈလႄႈ ။

>> ဢမ်ႇဝႃႈၸဝ်ႈၵဝ်ႇတေထူပ်းလွင်ႈသုၵ်ႉလွင်ႈယၢပ်ႇ
တၢၼ်ႇလႂ် သင်ဝႃႈၸဝ်ႈၵဝ်ႇၵႆႉလူပၼ်လိၵ်ႈၸိုင် ၼႂ်းလွင်ႈယၢပ်ႇၽိုတ်ႇ 100% ၼၼ်ႉ ပုၼ်ႈတႃႇၸဝ်ႈၵဝ်ႇ
တေမီးမွၵ်ႈ 50% ၵူၺ်းယဝ်ႉ ။

>> ၵၢၼ်ၼမ်လႄႈဢမ်ႇမီးၶၢဝ်းယၢမ်းလူလိၵ်ႈဢၼ်ဝႃႈ
ၼၼ်ႉ ပဵၼ်ၶေႃႈဢၢင်ႈၵူၼ်းၶၢၼ်ႉၶဝ်ၵူၺ်းယဝ်ႉ ။

>> ငဝ်ႈႁၢၵ်ႈၶွင်ၵူၼ်းၸိူဝ်းၶိုၼ်ႈယႂ်ႇဢွင်ႇမၢၼ်ၶဝ်ၼၼ်ႉ
ပဵၼ်လွင်ႈလူလိၵ်ႈလႄႈမေႃဢဝ်မႃးၸႂ်ႉတိုဝ်းၼၼ်ႉယဝ်ႉ။

>> ၵူၼ်းလူလိၵ်ႈၶဝ်ၵူႈၵေႃႉဢမ်ႇပဵၼ်ၵူၼ်းလီၵူၼ်းဝႃႈ
ငၢႆႈသေတႃႉ ၵူၼ်းလီၵူၼ်းဝႃႈငၢႆႈၶဝ်ၵူႈၵေႃႉၼၼ်ႉ ၵႆႉလူလိၵ်ႈဢိူဝ်ႈ ။

>> ၵူၼ်းၵေႃႉဢၼ်ၵႆႉလူလိၵ်ႈၼၼ်ႉ ယၢမ်းမိူဝ်ႈၶဝ်ထူပ်း
လွင်ႈသုၵ်ႉယုင်ႈပၼ်ႁႃၸိုင် ၶဝ်မေႃပၼ်ၾၢင်ႉၶိုၼ်း
ၸႂ်ၸဝ်ႈၵဝ်ႇ လွင်ႈလႂ်လီႁဵတ်း ဢမ်ႇလီႁဵတ်း လွင်ႈလႂ်လီ
လၢတ်ႈ ဢမ်ႇလီလၢတ်ႈၼႆၼၼ်ႉ ၶဝ်မေႃဝူၼ်ႉသွၼ်ႇ
တႅပ်းတတ်းႁင်းၵူၺ်းယဝ်ႉဢိူဝ်ႈ ။

>> မိူဝ်ႈႁႅင်းလူလိၵ်ႈၼမ်မႃး လွင်ႈၽိတ်းပိူင်ႈတူဝ်ၵဝ်ႇ
ၵေႃႈ တေယွမ်းလူင်းယူႇယဝ်ႉ ။

>>လွင်ႈၵႆႉလူလိၵ်ႈႁဵတ်းႁႂ်ႈဢွၵ်းဢေႃၵူၼ်းႁဝ်းမေႃတွင်း
ငၢႆႈမႃး လႅတ်းၽၢႆမႃး ႁူဝ်ၸႂ်ၵေႃႈႁတ်းႁၢၼ်မႃးသေ ၼႂ်း
ၵႄႈၵၢင်ၵူၼ်းၼမ်ၼၼ်ႉ ၸဝ်ႈၵဝ်ႇတေဢမ်ႇၵူဝ်ႁေယူႇ
ယဝ်ႉ ။

>> ၵူၼ်းၵေႃႉဢၼ်ၵႆႉလူလိၵ်ႈလႄႈ ၵူၼ်းဢၼ်ဢမ်ႇလူ
လိၵ်ႈၼၼ်ႉ လွင်ႈႁဵတ်းသၢင်ႈ လွင်ႈလၢတ်ႈၸႃ လွင်ႈတၢင်းဝူၼ်ႉၸိူဝ်းၼႆႉ ပႅၵ်ႇပိူင်ႈၵၼ်ဝႆႉယူႇယဝ်ႉ ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။

မွၵ်ႇႁၢမ်းဢၢႆ ( ဝဵင်းသဝ်ႁိၼ် )
3 . 2 . 2019 ဝၼ်းဢႃးတိတ်ႉ