ၶၢဝ်းယၢမ်း မိူဝ်ႈဢမ်ႇလီ တူၺ်းၽူၼ်း

ၵပ်းၵၢႆႇလူၺ်ႈ တူၺ်းၽူၼ်းၼႆႉ ၵၢင်ၼႂ် တေႃႇၵၢင်ၶမ်ႈ ၶႂ်ႈဝႃႈဢမ်ႇလွတ်ႈၽႂ် ၸဵမ်လုၵ်ႈဢွၼ်ႇ
ၵူၼ်းလူင်၊ ဢၼ်ၵူၼ်းႁဝ်းတူၺ်းၼမ်လိူဝ်သေပိူၼ်ႈၼႆႉၵေႃႈ ပဵၼ် ၽူၼ်း ယဝ်ႉ။

မိူဝ်ႈၽူၼ်းပႆႇဢွၵ်ႇမႃးထိုင် ၼႂ်းမိုဝ်းၵူၼ်းၸႂ်ႉမၼ်းၼမ်ၼၼ်ႉ လိူဝ်သေတူၺ်းလိၵ်ႈ ဢမ်ႇပေႃးၸၢင်ႈ
တူၺ်းသင်၊ ဝၢႆးၽူၼ်းဢွၵ်ႇမႃးယဝ်ႉ ၵၢၼ်တူၺ်းလိၵ်ႈတူၺ်းလၢႆးၼၼ်ႉၵေႃႈ ဢဝ်ယူပ်ႈယွမ်းလူင်းၵႂႃႇ။

ၵွပ်ႈသင်သွၼ်ႁဵၼ်းဢဝ်ပၺ်ႇၺႃႇ ꨀြပ္ꨳသင္ သြꨓ္ꨟꨱꨓ္းꨡဝ္ပꨉ္ꨲꨉꨣꨲ

ၵူၼ်းႁဝ်းပေႃးဝႃႈၵိူတ်ႇမႃး ၼႂ်းမိူင်းၶိုၼ်ႈယႂ်ႇၶဝ် ႁူဝ်ပၢၵ်ႇလႂ် ႙႙ ပဵၼ်ၵူၼ်းသွၼ်ႁဵၼ်းဢဝ်ပၺ်ၺႃႇယဝ်ႉ၊
ပေႃးပဵၼ်ၼႂ်းမိူင်းမၢၼ်ႈၼႆႉ ႁူဝ်ပၢၵ်ႇလႂ် ႗႐ လႆႈသွၼ်ဢဝ်ပၺ်ၺႃႇတီႈႁူင်းႁဵၼ်းသေ လိူဝ် ႓႐ ၼၼ်ႉပဵၼ်
ၵူၼ်းဢမ်ႇသွၼ်ဢဝ်ပၺ်ၺႃႇသေ ပဵၼ်ၵူၼ်းဢမ်ႇမီးတၢင်းႁူႉ ဢမ်ႇမီးတၢင်းဝူၼ်ႉ တႃႇပူၵ်းပွင်ၸၢတ်ႈပၢၼ်
ၸဝ်ႈၵဝ်ႇလႄႈ ဝၢၼ်ႈမိူင်းၼၼ်ႉယဝ်ႉ။

ပေႃးမႃးလၢတ်ႈတူၺ်းၼႂ်းမိူင်းတႆးႁဝ်းၼႆ လႆႈဝႃႈႁူဝ်ပၢၵ်ႇလႂ်႖႐ သွၼ်ႁဵၼ်းသေ တႃႇ႔႐ ၼၼ်ႉပဵၼ်ၵူၼ်း

ဢမ်ႇလႆႈႁဵၼ်းပၺ်ႇၺႃႇယူႇယဝ်ႉ။

ပေႃးတႃၼွၼ်းလူႉ မီးၽွၼ်းႁၢႆႉသင်လၢႆလၢႆ

ၵပ်းၵၢႆႇလူၺ်ႈ လွင်ႈတႃၼွၼ်းလူႉၼႆႉသေ ၵွပ်ႈသင်လႄႈတႃၼွၼ်းလူႉဢၼ်ဝႃႈၼၼ်ႉ ၵမ်ႈၽွင်ႈၵေႃႈ တေပႂ်ႉပႃးပၢင်မႃႇသႃႇ၊ ၵမ်ႈၽွင်ႈၵေႃႈ လႆႈတူမ်ႈႁုင်လဵင်ႉၶႅၵ်ႇမိူဝ်ႈပဵၼ်ပွႆးလူင်၊ ၵမ်ႈၽွင်ႈၵေႃႈလေႇပွႆး၊ ၵမ်ႈၽွင်ႈၵေႃႈလဵၼ်ႈၵဵမ်းၼႂ်းၽူင်း၊ ၵမ်ႈၽွင်ႈၵေႃႈ ဢုပ်ႇမၢဝ်ႇဢုပ်ႇသၢဝ်သုတ်းၶိုၼ်း၊ ၵမ်ႈၽွင်ႈၵေႃႈတူၺ်းၸိူင်း ငဝ်းတူင်ႉတင်းၶိုၼ်း၊ ၸၵႂႃႇၸိူဝ်းၼႆႉ ယွၼ်ႉသင်သေလႄႈ တႃၼွၼ်းလူႉၵေႃႈယဝ်ႉယဝ်ႉ၊ ယွၼ်ႉဝႃႈတႃၼွၼ်းလူႉ မိူၼ်ၵၼ်ၵူၺ်းလႄႈ ယူႇတီႈတူဝ်ၵူၼ်း ၵေႃႉဢၼ်ၶၢမ်ႇတႃၼွၼ်းလူႉၼၼ်ႉ တေမႃးလၢတ်ႈပၼ်ဝႃႈ မၼ်းမီးၽွၼ်းႁၢႆႉသင်လၢႆလၢႆၼႆ ၸွမ်းၼင်ႇဢၼ်တေလၢတ်ႈၼႄတီႈတႂ်ႈၼႆႉ---

ယႃႇပေႁႂ်ႈပဵၼ် ၵူၼ်းဢူၼ်ႈဢွၼ်ႇ

ၸဝ်ႈၵဝ်ႇႁၵ်ႉမႅၼ်ႈၺႃးၵူၼ်းသေၵေႃႉၵေႃႉႁႃႉ ႁၵ်ႉလႄႈ ႁၵ်ႉမၼ်းလႄႈ

ၵူၺ်းၵႃႈ ယွၼ်ႉႁၵ်ႉၶဝ်ဢၼ်လဵဝ်ၵူၺ်းလႄႈ ယႃႇပေႁႂ်ႈ ၸၢတ်ႈပၢၼ်

ၸဝ်ႈၵဝ်ႇလႆႈလူႉလႅဝ်။

ဢၼ်ၸဝ်ႈၵဝ်ႇၶႂ်ႈပဵၼ်လႄႈ ဢမ်ႇပဵၼ်မႃးၸိူဝ်းၼၼ်ႉ ၸဝ်ႈၵဝ်ႇလႆႈၸႂ်သုၵ်ႉ

ၸႂ်ယုင်ႈဝႆႉႁႃႉ၊ ၸႂ်သုၵ်ႉယုင်ႈၸွမ်းလႆႈယူႇ၊ ၵူၺ်းၵႃႈ လွင်ႈၸႂ်သုၵ်ႉယုင်ႈ

ၸဝ်ႈၵဝ်ႇၼၼ်ႉ ႁႂ်ူႈပဵၼ်ႁႅင်းၸႂ် ဢၼ်တေသုိပ်ႇႁဵတ်းၵႂႃႇတင်းၼႃႈထႅင်ႈလႄႈ။

ၸဝ်ႈၵဝ်ႇလႆႈၶၢမ်ႇတၢင်း ၸိူဝ်းႁိမ်းႁွမ်းၸဝ်ႈၵဝ်ႇ ထၢင်ႇလဵၵ်ႉတဵၵ်းတဵင်

ၸဝ်ႈၵဝ်ႇသေ ၸႂ်တူၵ်းဝႆႉႁႃႉ၊ ၸႂ်တူၵ်းလႆႈယူႇ၊ ၵူၺ်းၵႃႈ လွင်ႈၸႂ်တူၵ်း

ယူႇၼၼ်ႉ မၼ်းဢမ်ႇၸႂ်ႈၶေႃႈတွပ်ႇပၼ်ၸဝ်ႈၵဝ်ႈသေဢမ်ႇၵႃး တႃႇၸဝ်ႈၵဝ်ႇ

တေလႆႈငွၵ်ႈႁူဝ်ယူႇၵႂႃႇမိူၼ်ပိူၼ်ႈၼၼ်ႉ လုၵ်ႉသုတ်ႇလူမ်းၵတ်းဢွၼ်ႇသေ

ဝူၼ်ႉဝႃႈ ပိူၼ်ႈၵေႃႈပဵၼ်ၵူၼ်းမိူၼ်ၵဝ် ၵဝ်ၵေႃႈပဵၼ်ၵူၼ်းမိူၼ်ပိူၼ်ႈၵူၺ်း

ဝႃႈၼႆသေ သိုပ်ႇၶတ်းၸႂ်ၵႂႃႇလႄႈယႃႇထွမ်ႇဢၼ်ပိူၼ်ႈဝႃႈယူႇၼၼ်ႉဢၼ်လဵဝ်။

မီးလွင်ႈၸႂ်လဵၵ်ႉၶေႃးၶူမ်သေ ၼင်ႈႁႆႈၶီငဝ်ယူႇဝႆႉႁႃႉ၊ ႁႆႈပၼ်မၼ်းသေလႄႈ

ၵူၺ်းၵႃႈ ပေႃးဝႃႈႁႆႈယဝ်ႉ လူဝ်ႇၶတ်းၸႂ်ႁႂ်ႈပေႃးယုမ်ႉၶူဝ်လႆႈၶိုၼ်းဢိူဝ်ႈ။

ၸဝ်ႈၵဝ်ႇလႆႈလွင်ႈဢွင်ႇမၢင်ႇသေ ယုမ်ႉၶူဝ်မူၼ်ႈသိူဝ်းဝႆႉယူႇႁႃႉ၊

ယုမ်ႉၶူဝ်မူၼ်ႈသိူဝ်းၵႂႃႇလႄႈ၊ ၵူၺ်းၵႃႈ လူဝ်ႇလႆႈထိင်းလွင်ႈ ဢွင်ႇမၢင်ႇ

ၵႂႃႇလႆႈၶၢဝ်းႁိုင်ဢိူဝ်ႈ ၸဝ်ႈၵဝ်ႇၵေႃႈ ၸွင်ႇတေယုမ်ႉၶူဝ်မူၼ်ႈသိူဝ်း

ၵႂႃႇလႆႈၶၢဝ်းႁိုင်။

ၸဝ်ႈၵဝ်ႇလႆႈ ယၢၼ်ၵၼ်တင်းၵေႃႉႁၵ်ႉ ၸဝ်ႈၵဝ်ႈလႄႈ ၸႂ်ထိုင်

ၶဝ်ဝႆႉယူႇႁႃႉ၊ ၸႂ်ထိုင်လႄႈ ၵူၺ်းၵႃႈ တွၼ်ႈတႃႇတေလႆႈယူႇၸမ်ၵၼ်

တင်းၵေႃႉႁၵ်ႉတေႃႇၸူဝ်ႈၼၼ်ႉ ယႃႇဢဝ်လွင်ႈၸႂ်ထိုင်ၼၼ်ႉ မႃးယႃႉပႅတ်ႈ

လွင်ႈယိူင်းဢၢၼ်းၸဝ်ႈၵဝ်ႇၼႃႈ။

ဢူၺ်းၵေႃႉႁဝ်းၶဝ်တင်းသဵင်ႈ - ၸၢတ်ႈပၢၼ်ၵူၼ်းႁဝ်းၼႆႉ ၽႂ်ၵေႃႈမိူၼ်ၵၼ်

မီးမိူဝ်ႈယုမ်ႉၶူဝ်၊ မီးမိူဝ်ႈႁွင်ႉႁႆႈ၊ မီးမိူဝ်ႈလိူတ်ႇမႆႈ၊ မီးမိူဝ်ႈမူၼ်ႈသိူဝ်းၸႂ်ၼၼ်ႉယဝ်ႉ။

ယွၼ်ႉၼၼ် ဢူၺ်းၵေႃႉႁဝ်းၶဝ် လႆႈထူပ်းယူႇလွင်ႈၸိူင်ႉႁိုဝ်ၵေႃႈယဝ်ႉ

လူဝ်ႇလႆႈဢဝ်လွင်ႈ ၸႂ်ၵႅၼ်ႇၶႅင်ၸဝ်ႈၵဝ်ႇၼၼ်ႉသေ ၶၢမ်ႈပူၼ်ႉမၼ်းၵႂႃႇႁႂ်ႈလႆႈဢိူဝ်ႈ။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ --

ပၢႆးဝူၼ်ႉၶပ်ႉ

Credit: Jenenic makwe

ႁၼ်တင်းၼွၵ်ႈၵူၺ်း ယႃႇၵိုင်ႉၵင်ႉတႅပ်းတတ်းဝႃႈ တင်းၼႂ်းမၼ်းမိူၼ်ႁိုဝ်

မၢၵ်ႇၽိတ်ႉလုၵ်ႈလႅင်လႅင်ဢွၼ်ႇလုၵ်ႈၼိုင်ႈၼၼ်ႉ ပေႃးတူၺ်းဢဝ်တင်းၼွၵ်ႈမၼ်းတေႉ

လႅင်ၸွင်းႁွင်းသေ မိူၼ်ၼင်ႇဝႃႈတင်းၼႂ်းမၼ်း တေၸဵမ်းၼၼ်ႉယဝ်ႉ။ ၵူၺ်းၵႃႈ

ဢမ်ႇမိူၼ်ၼင်ႇ ဢၼ်ထၢင်ႇဝႆႉဝႃႈမၼ်းတေၸဵမ်းၼၼ်ႉ ယိုင်ႈႁူၺ်ႇမၼ်းလႅင်လီ

ယိုင်ႈၽဵတ်းလီၼၼ်ႉယဝ်ႉ။

တႅင်တမ်ႇပူႇၼႆႉ ပေႃးတူၺ်းတင်းၼွၵ်ႈမၼ်း ၶဵဝ်လၢႆးမူၼ်ႇမူၼ်ႇဝႆႉ

မိူၼ်ၼင်ႇဝႃႈ တင်းၼႂ်းမၼ်းတေၶူမ် တေၽၢတ်ႇၼၼ်ႉယဝ်ႉ၊

ၵူၺ်းၵႃႈ ဢမ်ႇမိူၼ်ၼင်ႇ ဢၼ်ထၢင်ႇဝႆႉၼၼ်ႉ

ယိုင်ႈသုၵ်းလီ တင်းၼႂ်းမၼ်း ယိုင်ႈလႅင်သေၸဵမ်းဝႆႉၼၼ်ႉယဝ်ႉ။

ပေႃးႁၵ်ႉယဝ်ႉ တေဢမ်ႇမီးလွင်ႈၼႅင်ၸႂ် ၵူၼ်းၸၢႆး (႗)ၵေႃႉ

ၵေႃႉဢၼ်ဢမ်ႇထိူၵ်ႈ တင်းႁၵ်ႉလီ ၼၼ်ႉၵေႃႈတေမီး ၵေႃႉဢၼ်ထိူၵ်ႈၼၼ်ႉၵေႃႈ တေမီးယူႇတင်းၼမ်၊ 

သင်ဝႃႈၸဝ်ႈၵဝ်ႇ လႆႈႁၵ်ႉယဝ်ႉ လႆႈပဵၼ်ၵေႃႉႁၵ်ႉၵၼ်ယဝ်ႉ တေဢမ်ႇလႆႈၼႅင်ၸႂ်ဝၢႆးလိုၼ်း ၵူၼ်းၸၢႆး 

(႗) ၵေႃႉၼႆၼၼ်ႉယဝ်ႉ။ ဢမ်ႇၼၼ် ၵူၼ်းၸၢႆး ဢၼ်ထုၵ်ႇလီလိူၵ်ႈတႃႇႁူမ်ႈသၢင်ႈၸၢတ်ႈပၢၼ် (႗) ၵေႃႉ

 ၼႆၵေႃႈဝႃႈလႆႈယူႇယဝ်ႉ။

႑ႉ ၵႂႃႇလေႇၸွမ်းၵၼ်ယဝ်ႉ မိူဝ်းသူင်ႇထိုင်ႁိူၼ်း။

မိူဝ်ႈလႆႈၵႂႃႇလေႇမႃးၸွမ်းၵၼ်ၼၼ်ႉ သင်ဝႃႈမႃးတူၵ်းလိုၼ်းတၢၼ်ႇႁိုဝ်ၵေႃႈ ၵႆတၢၼ်ႇႁိုဝ်ၵေႃႈ မၼ်းၸၢႆး

တိုၼ်းမႃးသူင်ႇထိုင်ႁိူၼ်းပၼ်ယူႇတႃႇသေႇ၊

ၵႃႈၶၼ် လႄႈ ၵူၼ်း

မီပွၵ်ႈၼိုင်ႈ မီးၵူၼ်းယွၼ်းၵေႃႉၼိုင်ႈ၊ ၵူၼ်းယွၼ်းၵေႃႉၼၼ်ႉ ၶႅၼ်မၼ်းၽၢႆႇသၢႆႉလႆႈပုတ်းဝႆႉသေ လႄႇႁႃယွၼ်းၵိၼ်တင်းတႂ်ႈတင်းၼိူဝ်ယူႇယဝ်ႉ၊ ပိူၼ်ႈၵေႃႈဢဵတ်းလူမၼ်း ၵႆႉၵႆႉတွၼ်ႈပၼ်တၢင်းၵိၼ် မၼ်းၸိူင်ႉၼၼ်။  မီးဝၼ်းၼိုင်ႈ မၼ်းႁွတ်ႈၵႂႃႇၽၢႆႇၼႃႈ ႁိူၼ်းလင်ၼိုင်ႈသေယွၼ်း၊ ၼႂ်းႁိူၼ်းလင် ၼၼ်ႉ ႁၼ် ၼၢင်းမႄႈၸဝ်ႈႁိူၼ်းဢွၵ်ႇမႃးသေ ထၢမ်ၵူၼ်းယွၼ်းၼၼ်ႉဝႃႈ မႂ်းၶႂ်ႈလႆႈငိုၼ်းႁႃႉ ထၢမ်ၵႂႃႇၸိူင်ႉၼႆ၊ ၵူၼ်းယွၼ်းၼၼ်ႉၵေႃႈ ငွၵ်းႁူဝ်ၼႄသေ ၼၢင်းမႄႈၸဝ်ႈႁိူၼ်းၼၼ်ႉၸင်ႇၶိုၼ်းဝႃႈ