ပေႃးႁၵ်ႉယဝ်ႉ တေဢမ်ႇမီးလွင်ႈၼႅင်ၸႂ် ၵူၼ်းၸၢႆး (႗)ၵေႃႉ

ၵေႃႉဢၼ်ဢမ်ႇထိူၵ်ႈ တင်းႁၵ်ႉလီ ၼၼ်ႉၵေႃႈတေမီး ၵေႃႉဢၼ်ထိူၵ်ႈၼၼ်ႉၵေႃႈ တေမီးယူႇတင်းၼမ်၊ 

သင်ဝႃႈၸဝ်ႈၵဝ်ႇ လႆႈႁၵ်ႉယဝ်ႉ လႆႈပဵၼ်ၵေႃႉႁၵ်ႉၵၼ်ယဝ်ႉ တေဢမ်ႇလႆႈၼႅင်ၸႂ်ဝၢႆးလိုၼ်း ၵူၼ်းၸၢႆး 

(႗) ၵေႃႉၼႆၼၼ်ႉယဝ်ႉ။ ဢမ်ႇၼၼ် ၵူၼ်းၸၢႆး ဢၼ်ထုၵ်ႇလီလိူၵ်ႈတႃႇႁူမ်ႈသၢင်ႈၸၢတ်ႈပၢၼ် (႗) ၵေႃႉ

 ၼႆၵေႃႈဝႃႈလႆႈယူႇယဝ်ႉ။

႑ႉ ၵႂႃႇလေႇၸွမ်းၵၼ်ယဝ်ႉ မိူဝ်းသူင်ႇထိုင်ႁိူၼ်း။

မိူဝ်ႈလႆႈၵႂႃႇလေႇမႃးၸွမ်းၵၼ်ၼၼ်ႉ သင်ဝႃႈမႃးတူၵ်းလိုၼ်းတၢၼ်ႇႁိုဝ်ၵေႃႈ ၵႆတၢၼ်ႇႁိုဝ်ၵေႃႈ မၼ်းၸၢႆး

တိုၼ်းမႃးသူင်ႇထိုင်ႁိူၼ်းပၼ်ယူႇတႃႇသေႇ၊

႒ႉ ၵူၼ်းၸၢႆးၵေႃႉဢၼ် ထွမ်ႇပၼ်ၵႂၢမ်းလၢတ်ႈ။

ဢမ်ႇမၢႆထိုင်ဝႃႈ ထွမ်ႇပၼ်ၵႂၢမ်းၵေႃႉႁၵ်ႉလၢတ်ႈယူႇၵူႈၸိူဝ်းၵူႈဢၼ်၊ ၸွမ်းၼင်ႇ Theory သၽေႃးတြႃး 

မဵဝ်းၼၢင်းယိင်းၼႆႉ ပေႃးဝႃႈၶဝ်ၵႂၢမ်းၼမ်မႃးၼႆ ၵမ်ႉၼမ်ၵူၼ်းၸၢႆးၶဝ် ဢမ်ႇသူႈ ထွမ်ႇပၼ်ၵႂၢမ်း ၼၢင်းယိင်း 

လၢတ်ႈ၊ ယွၼ်ႉၼၼ်ၵူၼ်းၸၢႆးၵေႃႉဢၼ်ၵႆႉထွမ်ႇပၼ်ၵႂၢမ်းၼၢင်းယိင်း လၢတ်ႈမိူဝ်ႈၶဝ်ၸႂ်လမ်ၼၼ်ႉ

  တေဢမ်ႇၸႂ်ႈ ၵူၼ်းၸၢႆး ဢၼ်ပၼ် လွင်ႈလိူတ်ႇမႆႈႁုၵ်းၸႂ်။

႓ႉ ၽႅဝ်လႂ်ၵေႃႈ ထူဝ်းၽူင်းမွၵ်ႇပၼ်ယူႇတႃႇသေႇ။

ဝၢႆးၵႂႃႇလေႇမိူဝ်ႈၶမ်ႈမိူဝ်ႈၶိုၼ်းသေ မိူဝ်းၽႅဝ်ႁိူၼ်းၶိုၼ်းသေဢမ်ႇဝႃႈ ၽႅဝ်လႂ်ၵေႃႈယဝ်ႉ ထူဝ်းၽူင်းသေ 

လၢတ်ႈပၼ်ၵေႃႉႁၵ်ႉမၼ်းဝႃႈ ႁဝ်းၽႅဝ်ဝႆႉတီႈၼၼ်ႈတီႈၼႆႈဢိူဝ်ႈၼႆၼၼ်ႉ ပဵၼ်ၵူၼ်းၸၢႆးဢၼ်ဢမ်ႇပၼ် 

ၵေႃႉႁၵ်ႉမႆႈၸႂ်ၸွမ်းလႄႈ ႁွတ်ႈလႂ်ၵေႃႈသူင်ႇၶၢဝ်ႇယူႇတႃႇသေႇၼၼ်ႉ ပဵၼ်ၵူၼ်းၸၢႆးၵေႃႉဢၼ် 

ၼၢင်းယိင်းၶဝ်လႆႈၸႂ်ယူႇၼၼ်ႉယဝ်ႉ။

႔ႉ ၵူၼ်းၸၢႆးၵေႃႉဢၼ်မီးပၵ်းပိူင်

ၵူၼ်းၸၢႆးၵေႃႉဢၼ် မေႃႁူႉမေႃႁၼ်ၼၼ်ႉ ၼၢင်းယိင်းၶဝ်လွတ်ႈလၢတ်ႈယဝ်ႉဝႃႈ လွင်ႈယူႇ

လွင်ႈၵိၼ်ၵူႈၸိူဝ်ႉၵူႈလွင်ႈ မီးပၵ်းမီးပိူင်၊ လွင်ႈတၢင်းႁၵ်ႉ ဢၼ်ပႃးလွင်ႈလွတ်ႈလႅဝ်းၼၼ်ႉ 

ၶဝ်ဢမ်ႇတွၼ်ႉဝႃႈမၼ်းတေမႃးထိၶိူၵ်ႈတၢင်းႁၵ်ႉၶဝ်။ သင်ဝႃႈၺႃးမိူဝ်ႈ ၵေႃႉႁၵ်ႉဢွၵ်ႇၵႂႃႇ

တင်းၼွၵ်ႈၵေႃႈလွတ်ႈလၢတ်ႈယဝ်ႉဝႃႈ ၶဝ်မေႃတူၺ်းထိုင်ၸိူင်ႉႁိုဝ်ဢၼ်ဝႃႈၼၼ်ႉ။

႕ႉ ၵူၼ်းၸၢႆးၵေႃႉဢၼ် ဢမ်ႇပၼ်ၵႂၢမ်းမၼ်ႈလႆႈငၢႆႈငၢႆႈ။

ဢမ်ႇပၼ်ၵႂၢမ်းမၼ်းတေႃႇ ၵေႃႉႁၵ်ႉမၼ်း ဢၼ်ၼိုင်ႈယဝ်ႉဢၼ်ၼိုင်ႈသေ ၵၢၼ်ၼိုင်ႈဢၼ်ၼႆႉ

ၶဝ်ၵႆႉဢဝ်တူဝ်ထူပ်းႁဵတ်းၼႄၼၼ်ႉလႄႈ ပၼ်လႆႈလွင်ႈဢုၼ်ႇၸႂ်တေႃႇၵေႃႉႁၵ်ႉၼၼ်ႉယဝ်ႉ။

႖ႉ ၵူၼ်းၸၢႆးၵေႃႉဢၼ်တူၺ်းထိုင်လီ။

ၵေႃႉဢၼ်တူၺ်းထိုင်လီဢၼ်ဝႃႈၼၼ်ႉ ဢမ်ႇၵွမ်ႈၵႃႈ ၵေႃႉလဵဝ်ၵူၺ်း၊ မိူၼ်ၼင်ႇၵူၼ်းတၢင်ႇၵေႃႉ

ၸိူဝ်းၼၼ်ႉ ယူႇဢမ်ႇလီၵိၼ်ဢမ်ႇဝၢၼ်ႁႃႉၸၵႂႃႇၸိူဝ်းၼႆႉ ပေႃးဝႃႈၶဝ်ႁူႉ ၶဝ်ႁၼ်ၼႆႉ ၶဝ်မေႃတူၺ်း

ထိုင် ပိူၼ်ႈလီသေ မေႃလုမ်းလႃးပိူၼ်ႈၼၼ်ႉယဝ်ႉ။ သင်ဝႃႈပဵၼ်ၵေႃႉဢၼ်မေႃတူၺ်းထိုင်ၼိူဝ် 

တူဝ်တိရိသၢၼ်ႇၶဝ်ၸိူဝ်းၼၼ်ႉပႃးပေႃးၼႆ ၶႅၼ်းလီၼၼ်ႉယဝ်ႉ။

႗ႉ ၵူၼ်းၸၢႆးၵေႃႉဢၼ်မေႃလၢတ်ႈႁႂ်ႈၶူဝ်။

ဢမ်ႇၸႂ်ႈဝႃႈပဵၼ်ၵူၼ်းၸၢႆးၵေႃႉဢၼ်မေႃလၢတ်ႈပႅၵ်ႈသေႁႂ်ႈပိူၼ်ႈၶူဝ်ယူႇတႃႇသေႇၼၼ်ႉ၊ ၵူၺ်းၵႃႈသင်ဝႃႈၺႃးမိူဝ်ႈ ၵေႃႉႁၵ်ႉဢမ်ႇသိူဝ်းၸႂ် ဢမ်ႇမူၼ်ႈၸႂ်လႆၸိူဝ်းၼႆႉ ပဵၼ်ၵေႃႉဢၼ် မေႃလၢတ်ႈႁႂ်ႈၵေႃႉႁၵ်ႉမီးတၢင်းသိူဝ်းၼၼ်ႉယဝ်ႉ။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ

ပၢႆးဝူၼ်ႉၶပ်ႉ

Credit: Yawthama.