လွင်ႈယိူၼ်ႉၵၼ်ႈဢၼ်ဝႃႈၼၼ်ႉ

လွင်ႈယိူၼ်ႉၵၼ်ႈၼႆႉ ၶူမ်ၼႃႇသေၶူမ်ယဝ်ႉ

ၵူၺ်းၵႃႈ တီႈသုတ်းတီႈပၢႆ လွင်ႈယိူၼ်ႉၵၼ်ႈၼၼ်ႉတေႉ

ၸဵမ်းမိူၼ်ၼမ်ႉၽိုင်ႈယဝ်ႉ။

ၵၢၼ်သင်သေဢမ်ႇဝႃႈ ႁဵတ်းႁိုဝ်သေပဵၼ်မႃး ႁဵတ်းႁိုဝ်သေယိူၼ်ႉလႆႈမႃး ဢၼ်ဝႃႈၼၼ်ႉ

ပေႃးႁူႉလႆႈလွင်ႈဢၼ်လႆႈယိူၼ်ႉၵၼ်ႈသေ ပႂ်ႉမႃးၼၼ်ႉပေႃးၼႆ ပဵၼ်လွင်ႈသိူင်ႇသိမ်းလူင်

လွင်ႈဢွင်ႇမၢင်ႇၼၼ်ႉယဝ်ႉ။

တွၼ်ႈတႃႇၸၢတ်ႈပၢၼ် တေလႆႈဢွင်ႇမၢင်ႇၼၼ်ႉ တေလႆႈၶတ်းၸႂ် ႁႂ်ႈမီးလွင်ႈယိူၼ်ႉၵၼ်ႈ

ဢွၼ်တၢင်းသေ ၸွင်ႇၵွႆႈလႆႈမႃးယဝ်ႉ။

ၵူၼ်းႁဝ်းၼင်ႇၵၼ် တေလႆႈမီးလွင်ႈယိူၼ်ႉၵၼ်ႈ ပၼ်ၵၼ်၊

တေလႆႈမီးလွင်ႈယိူၼ်ႉၵၼ် ၸွမ်းၶၢဝ်းယၢမ်း၊

တေလႆႈမေႃယိူၼ်ႉၵၼ်ပၼ် ၸွမ်းၽိင်ႈသၽႃႇဝႃႉ၊

ၵၢင်ၸႂ်ၵူၼ်းၼိုင်ႈၵေႃႉ ဢၼ်ၶႂ်ႈပဵၼ်ၸွမ်းၸၢတ်ႈပၢၼ်ၼၼ်ႉလႄႈသင်၊

ၶၢဝ်းတၢင်းဢၼ်ၶႂ်ႈၵႂႃႇၶႂ်ႈပႆၼၼ်ႉလႄႈသင်၊ သင်မီးလွင်ႈယိူၼ်ႉၵၼ်ႈပၼ်ၼႆ

တေတဵမ်ထူၼ်ႈမႃး မိူၼ်ၼင်ႇၵၢင်ၸႂ်ၸဝ်ႈၵဝ်ႇဢမ်ႇႁၢင်ႉ။

ၵူၼ်းၵေႃႉဢၼ် ဢမ်ႇမီးလွင်ႈယိူၼ်ႉၵၼ်ႈၼၼ်ႉ၊ လွင်ႈယိူင်းဢၢၼ်း

ဢၼ်လီလီၼၼ်ႉၵေႃႈ တေဢမ်ႇၸၢင်ႈလႆႈမႃးလႆႈ။ လိူဝ်ၼၼ်ႉ တေလႆႈမေႃဝႆႉၸႂ်

ဢမ်ႇႁၵ်ႉ ဢမ်ႇၸင်း ၵူၼ်းၵေႃႉဢၼ်မေႃၶႃႉၶၢႆၸိုဝ်ႈၸဝ်ႈၵဝ်ႇ၊ ၵူၼ်းၵေႃႉဢၼ်မေႃႁႃ

တေႇတၢင်းၽိတ်း ႁဵတ်းၽိတ်း တေႃႇၸဝ်ႈၵဝ်ႇ တေႃႇပိူၼ်ႈ၊

ၵူၼ်းၵေႃႉဢၼ် ၶႂ်ႈဢဝ်ပေႉပုၼ်ႈပိူၼ်ႈၵူႈလွင်ႈ၊ ၵူၼ်းၵေႃႉဢၼ်မီးၸႂ် ဢိသ်သႃႇ မိၸ်သရိယ၊

ၵူၼ်းၸိူဝ်းဢၼ်လၢတ်ႈမႃးၼႆႉ သင်ႁၼ်ၶဝ် သင်ထူပ်းၶဝ်ၼႆ လူဝ်ႇလႆႈမီးလွင်ႈယိူၼ်ႉၵၼ်ႈ

တေႃႇၶဝ်လႄႈ မီးၸႂ် မဵတ်ႉတႃႇတေႃႇၶဝ်ၼၼ်ႉယဝ်ႉ၊

သင်ဝႃႈ ႁဝ်းမီးၸႂ်မဵတ်ႉတႃႇ လႄႈလွင်ႈယိူၼ်ႉၵၼ်ႈတေႃႇၶဝ်ပေႃးၼႆ ၶဝ်ၸၢင်ႈပိၼ်ႇလႅၵ်ႈလၢႆႈ

မေႃႁူႉ မေႃႁၼ်ထိုင် ဢၼ်လီတေႃႇႁဝ်းၶိုၼ်းဢိူဝ်ႈ။

ၵၢၼ်လဵၵ်ႉယႂ်ႇ လွင်ႈယၢပ်ႇလႄႈငၢႆႈ လေႃးၵထမ်ႇလူင်ၼၼ်ႉ ၽႂ်ၵေႃႈတေဢမ်ႇ ဝေႈလွတ်ႈ

 ပူၼ်ႉမၼ်းလႆႈ၊ ၵူၺ်းၵႃႈ လူဝ်ႇလႆႈမီး လွင်ႈယိူၼ်ႉၵၼ်ႈလီသေ ယႃႇပေဢဝ်ၸႂ်သုၵ်ႉယုင်ႈ

ၸွမ်း၊ လူဝ်ႇမေႃဝႆႉၸႂ် လီလီသေ ႁဵတ်းၵႂႃႇၸွမ်းၼင်ႇ ၶႅပ်ႉမၢႆၸႅၼ်ႇ ၼင်ႇဢၼ်ၸဝ်ႈၵဝ်ႇ

တမ်းဝၢင်းဝႆႉၼၼ်ႉယဝ်ႉ။  ၶၢဝ်းယၢမ်းၼႆႉ မၼ်းမိူၼ် ၽူႈတႅပ်းတတ်းတြႃးယဝ်ႉ၊ ႁဝ်းဢမ်ႇၸႂ်ႉ 

ဢမ်ႇဝႃႈသင်မၼ်းၵေႃႈ မၼ်းတိုၼ်းတႅပ်းတတ်းပၼ်ၵႂႃႇယူႇ ဢမ်ႇႁၢင်ႉ။

ႁဝ်းလူဝ်ႇလႆႈမီးလွင်ႈယိူၼ်ႉၵၼ်ႈပၼ်သေ ဝႆႉၸႂ်ယၢဝ်းယၢဝ်းၵႂႃႇၸွမ်းမၼ်းၼၼ်ႉၵူၺ်း။

ၶၼ်ႇထီ လွင်ႈယိူၼ်ႉၵၼ်ႈၼၼ်ႉ မိူဝ်ႈပႆႇမေႃယိူၼ်ႉၵၼ်ႈတေႉ တေပဵၼ်ၵၢၼ်ယၢပ်ႇလူင်

ဢၼ်ၼိုင်ႈယဝ်ႉ၊ ၵူၺ်းၵႃႈ ၵူၼ်းၵေႃႉ ဢၼ်မီးပၢႆးႁူႉ ပၢႆးႁၼ် ပၢႆးဝူၼ်ႉၼမ်ၶဝ်ၼၼ်ႉတေႉ

လွင်ႈယိူၼ်ႉၵၼ်ႈၼႆႉ မၼ်းဢမ်ႇလၢၵ်ႇလၢႆးသင်တႃႇၶဝ်။

ၵူၼ်းၵေႃႉဢၼ်ဢမ်ႇမီးလွင်ႈယိူၼ်ႉၵၼ်ႈလႄႈတၢင်းၶတ်းၸႂ် ဢၼ်ဢဝ်ၸႂ်သႂ်ႇၼႃႈၵၢၼ်

ၼၼ်ႉပေႃးၼႆတေႉ လွင်ႈဢွင်ႇမၢင်ႇဢၼ်ဝႃႈၼၼ်ႉ မၼ်းတေဢမ်ႇမီးဝၼ်းထိုင်တီႈလႆႈ။

ၼပ်ႉယမ်ၽူႈလူလိၵ်ႈႁဝ်းၶဝ် တင်းသဵင်ႈသေ ---

ပၢႆးဝူၼ်ႉၶပ်ႉ

Translate by The Patience