ပေႃးဝႃႈဢမ်ႇၶႂ်ႈသုမ်း ၵေႃႉဢၼ်ဝႆႉၵႃႈၶၼ်ၸဝ်ႈၵဝ်ႇပေႃးၼႆ

ၵူၼ်းႁဝ်းၵေႃႉၼိုင်ႈလႄႈၵေႃႉၼိုင်ႈ ႁၵ်ႉၵၼ်တၢၼ်ႇႁိုဝ်ၵေႃႈယဝ်ႉ ပေႃးဝႃႈဢမ်ႇမီး

လွင်ႈယုမ်ႇယမ် ၼိူဝ်ၵၼ်ပေႃးၼႆ တေလႆႈၽၢတ်ႇယၢၼ်ၵၼ်ၵႂႃႇယူႇဢမ်ႇႁၢင်ႉ။

ၵေႃႉၼိုင်ႈ လႄႈ ၵေႃႉၼိုင်ႈ ပွင်ႇၸႂ်ပၼ်ၵၼ်ၵႃႈႁိုဝ်ၵေႃႈ ပေႃးဢမ်ႇမီး လွင်ႈၼပ်ႉယမ်ၵၼ် ပေႃးၼႆ လွင်ႈပွင်ႇၸႂ် ၵၼ်ၼၼ်ႉ ၸၢင်ႈပိူင်ႈ ၸၢင်ႈပင်းၵႂႃႇဢိူဝ်ႈ။

ၵေႃႉၼိုင်ႈလႄႈၵေႃႉၼိုင်ႈ ယူႇႁူမ်ႈၵၼ်မႃးႁိုင်တၢၼ်ႇႁိုဝ်ၵေႃႈယဝ်ႉ၊ ပေႃးဢမ်ႇမီး လွင်ႈၸႅင်ႈလႅင်း 

ၼိူဝ်ၵၼ်ပေႃးၼႆ လွင်ႈထဵင်မေႃးၵၼ်ၽိတ်းၵၼ်ၼၼ်ႉ ၸၢင်ႈၽုတ်းဢွၵ်ႇမႃး ယူႇၵူႈၶၢဝ်းယၢမ်းဢိူဝ်ႈ။

ၵေႃႉၼိုင်ႈလႄႈၵေႃႉၼိုင်ႈ လၢတ်ႈဝႃႈ ၸႂ်တိတ်းႁွႆႈဝႆႉတေႃႇၵၼ်ၵႃႈႁိုဝ်ၵေႃႈယဝ်ႉ၊ ပေႃးဝႃႈ ၸႂ်ထၢင်ႇ

ထိူမ်ၼိူဝ်ၵၼ်ၼၼ်ႉ ၶဝ်ႈမႃးပေႃးၼႆ ယူႇၸမ်ၵၼ်ဝႆႉယူႇၵေႃႈ လွင်ႈႁူဝ်ၸႂ်တွတ်ႇၸူး ၵၼ်ၼၼ်ႉ 

ၸၢင်ႈႁၢႆၵႂႃႇဢိူဝ်ႈ။

ၵေႃႉၼိုင်ႈလႄႈၵေႃႉၼိုင်ႈ လၢတ်ႈဝႃႈ ဝႆႉၸႂ်မဵတ်ႉတႃႇတေႃႇၵၼ်ၵႃႈႁိုဝ်ၵေႃႈယဝ်ႉ၊ ၵေႃႉၼိုင်ႈ လႄႈၵေႃႉၼိုင်ႈ ပေႃးဢမ်ႇ မေႃဝႆႉၵႃႈၶၼ်ၵၼ်ပေႃးၼႆ ၵေႃႉၼိုင်ႈလႄႈၵေႃႉၼိုင်ႈ ၸၢင်ႈသုမ်း ၵၼ်ၵႂႃႇဢိူဝ်ႈ။

ၵေႃႉၼိုင်ႈလႄႈၵေႃႉၼိုင်ႈ လၢတ်ႈဝႃႈ ၸႂ်တင်းသွင် မိူၼ်ၵၼ် ဝႃႈၼႆသေတႃႉ၊ ပေႃးၸၢင်ႈႁႃ 

တၢင်းၽိတ်းၵၼ်ပေႃးၼႆ ၸမ်တၢၼ်ႇႁိုဝ်ၵေႃႈ တိုၼ်းၸၢင်ႈၵႆၵႂႃႇဢမ်ႇႁၢင်ႉ။

ပေႃးဝႃႈဢမ်ႇၶႂ်ႈသုမ်း ၵေႃႉဢၼ်ဝႆႉၵႃႈၶၼ်ႁဝ်းၼၼ်ႉ ပေႃးၼႆ ---

ယုမ်ႇယမ်ပၼ်ၵၼ်လႄႈ၊

ၼပ်ႉယမ်ပၼ်ၵၼ်လႄႈ၊

ပွင်ႇလႅင်းပၼ်ၵၼ်လႄႈ၊

လိုပ်ႈပႅတ်ႈၸႂ် ဢၼ်မေႃထၢင်ႇထိူမ်ၼိူဝ်ၵၼ်ၼၼ်ႉလႄႈ၊

ဝႆႉၵႃႈၶၼ်ၵၼ်လႄႈ၊

တတ်းၶၢတ်ႇပႅတ်ႈၸႂ် ဢၼ်ၸၢင်ႈႁႃတၢင်းၽိတ်းၵၼ်ၼၼ်ႉလႄႈ၊

ၵေႃႉႁၵ်ႉၵၼ်ဢၼ်ဝႃႈၼၼ်ႉ ႁၵ်ႉဝႆႉႁဵတ်းၼၼ် မၼ်းဢမ်ႇယဝ်ႉ ဢမ်ႇထိုင်တီႈလႆႈ၊

ၽၢႆႇၶဝ်ၽၢႆႇႁဝ်း တေလႆႈမီးလွင်ႈဝူၺ်ႉၽဵင်ႇပဵင်းၼိူဝ်ၵၼ်ၵွၼ်ႇ၊ ၵေႃႉႁၵ်ႉၵၼ်သွင်ၵေႃႉ

ၸွင်ႇတေသိုပ်ႇၵႂႃႇၶၢဝ်းယၢဝ်းၵႆလႆႈ။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ -----

ပၢႆးဝူၼ်ႉၶပ်ႉ

Credit: to Original Writer.