ပေႃးတႃၼွၼ်းလူႉ မီးၽွၼ်းႁၢႆႉသင်လၢႆလၢႆ

ၵပ်းၵၢႆႇလူၺ်ႈ လွင်ႈတႃၼွၼ်းလူႉၼႆႉသေ ၵွပ်ႈသင်လႄႈတႃၼွၼ်းလူႉဢၼ်ဝႃႈၼၼ်ႉ ၵမ်ႈၽွင်ႈၵေႃႈ တေပႂ်ႉပႃးပၢင်မႃႇသႃႇ၊ ၵမ်ႈၽွင်ႈၵေႃႈ လႆႈတူမ်ႈႁုင်လဵင်ႉၶႅၵ်ႇမိူဝ်ႈပဵၼ်ပွႆးလူင်၊ ၵမ်ႈၽွင်ႈၵေႃႈလေႇပွႆး၊ ၵမ်ႈၽွင်ႈၵေႃႈလဵၼ်ႈၵဵမ်းၼႂ်းၽူင်း၊ ၵမ်ႈၽွင်ႈၵေႃႈ ဢုပ်ႇမၢဝ်ႇဢုပ်ႇသၢဝ်သုတ်းၶိုၼ်း၊ ၵမ်ႈၽွင်ႈၵေႃႈတူၺ်းၸိူင်း ငဝ်းတူင်ႉတင်းၶိုၼ်း၊ ၸၵႂႃႇၸိူဝ်းၼႆႉ ယွၼ်ႉသင်သေလႄႈ တႃၼွၼ်းလူႉၵေႃႈယဝ်ႉယဝ်ႉ၊ ယွၼ်ႉဝႃႈတႃၼွၼ်းလူႉ မိူၼ်ၵၼ်ၵူၺ်းလႄႈ ယူႇတီႈတူဝ်ၵူၼ်း ၵေႃႉဢၼ်ၶၢမ်ႇတႃၼွၼ်းလူႉၼၼ်ႉ တေမႃးလၢတ်ႈပၼ်ဝႃႈ မၼ်းမီးၽွၼ်းႁၢႆႉသင်လၢႆလၢႆၼႆ ၸွမ်းၼင်ႇဢၼ်တေလၢတ်ႈၼႄတီႈတႂ်ႈၼႆႉ---

႑။ ၸၢင်ႈၸပ်းရေႃးၵႃႇႁူဝ်ၸႂ်။

မိူဝ်ႈဢၼ်ၸဝ်ႈၵဝ်ႇ ၼွၼ်းဢမ်ႇလပ်း ဢမ်ႇၼၼ်ဢမ်လႆႈၼွၼ်းလႄႈ တႃၼွၼ်းလူႉၼၼ်ႉ ၸၢင်ႈၸပ်းလႆႈရေႃးၵႃႇ ႁူဝ်ၸႂ် ဢၼ်ႁွင်ႉဝႃႈ (ၼလူင်းရေႃးၵႃႇ)ၼၼ်ႉ ႔႘ % ပိူဝ်းသိူၼ်ႉၼႆယဝ်ႉ။

႒။ လိူတ်ႈၶိုၼ်ႈ လိူတ်ႈတိူဝ်းလိူဝ်မႃး။

တႃၼွၼ်းလူႉၼႆႉ ၸၢင်ႈႁဵတ်းႁႂ်ႈ လိူတ်ႈသုင်မႃး (လိူတ်ႈၶၼ်ႈ) ၼႆၼၼ်ႉယဝ်ႉ၊ ပေႃးဝႃႈလိူၼ်ႈၶိုၼ်ႈမႃးၼမ်ပေႃးၼႆ ၸၢင်ႈႁဵတ်းႁႂ်ႈၵူၼ်းႁဝ်းလိုမ်းတူဝ်ၵႂႃႇၼႆၼၼ်ႉယဝ်ႉ။

႓။ ဢမ်ႇပၢင်ႇႁူဝ်ပၢင်ႇၸႂ်။

ၵူၼ်းၵေႃႉဢၼ်တႃၼွၼ်းလူႉၼၼ်ႉ တေပဵၼ်လႆႈႁူဝ်ၶႆႈ ႁူဝ်ၼၵ်းပႃး ယဝ်ႉၵေႃႈတေႁိူဝ်ႉတေဢူၼ်ႈငၢႆႈၼႆၼၼ်ႉယဝ်ႉ။

ယွၼ်ႉဝႃႈဢွၵ်းဢေႃဢမ်ႇလႆႈလိုဝ်ႈႁိူဝ်ႉလီလီလႄႈ ၸၢင်ႈထိၶိူၵ်ႈပႃးလွင်ႈ မၢႆလွင်ႈတွင်းၵိုမ်းၵွၼ်ႇၼႆယဝ်ႉ။

႔။ ယဵဝ်ႈဝၢၼ်။

လွင်ႈတႃၼွၼ်းလူႉၼႆႉ ပၼ်ပဵၼ်လႆႈ ယဵဝ်ႈဝၢၼ်တိူဝ်းလိူဝ်မႃးသၢမ်ပုၼ်ႈၼႆယဝ်ႉ။

႕။ ၽၢႆႇဢင်ႇၵႃႇၵေႃႈ တေမီးလွင်ႈယူပ်ႈယွမ်း။

ပေႃးပဵၼ်ၵူၼ်းတေၼႃႈႁိူၼ်းယဝ်ႉ ပေႃးဝႃႈတႃၼွၼ်းလူႉၼႆ ၸၢင်ႈမီးပၼ်ႁႃလႆႈ လွင်ႈမူၼ်ႈၸႂ်ပၼ်ၵၼ်ၼၼ်ႉယဝ်ႉ။

ပေႃးဝႃႈတႃၼွၼ်းလူႉၼႆ ယွၼ်ႉႁႅင်းၵေႃႈတေဢမ်ႇတဵမ်ထူၼ်ႈလႄႈ တေဢမ်ႇပေႃးမီးၸႂ်ၶႂ်ႈမူၼ်ႈလူၺ်ႈၵၼ်သေ

ပေႃးပဵၼ်ၼၼ်ႁိုင်မႃး ၸၢင်ႈမီးပၼ်ႁႃ ထိၶိူၵ်ႈပႃးလွင်ႈၼႃႈႁိူၼ်းတႃယေးၵွၼ်ႇၼႆယဝ်ႉ။

႖။ ရေႃးၵႃႇၸႂ်။

ၼွၼ်းဢမ်ႇလပ်း တႃၼွၼ်းလူႉၼႆႉ ၸၢင်ႈပဵၼ်လႆႈပႃး ရေႃးၵႃႇၸႂ် ၼႆၵွၼ်ႇယဝ်ႉ။ ရေႃးၵႃႇၸႂ်ၼႆႉ

တေပဵၼ်မႃးလႆႈ ၵူၼ်းၸႂ်ဢမ်ႇၼဵမ်၊ ၸႂ်ဢမ်ႇမၢၼ်ႇ၊ ၸႂ်ယွင်ႇ၊ ၸႂ်မႃႈၸိူဝ်းၼႆႉယဝ်ႉ။

႗။ ၼမ်ႉၼၵ်းတူဝ်ၶိုၼ်ႈ။

ၼွၼ်းဢမ်ႇလပ်းၼႆႉၵေႃႈ ၸၢင်ႈႁဵတ်းႁႂ်ႈၼမ်ႉၼၵ်းတူဝ်ႁဝ်းၶိုၼ်ႈမႃး တိူဝ်းလိူဝ်မႃး ပီမႃးၼႆၼၼ်ႉယဝ်ႉ။

႘။ ႁႅင်းၶၢမ်ႉတူဝ်ဢႄႇမႃး ယူပ်ႈယွမ်းမႃး။

လွင်ႈတႃၼွၼ်းလူႉၼႆႉ ႁဵတ်းႁႂ်ႈဢဵၼ်ႁႅင်းတူဝ်ႁဝ်း ယွမ်းမႃးသေ ပေႃးဝႃႈ ဢဵၼ်ႁႅင်းတူဝ်ႁဝ်းယွမ်းၼႆၵေႃႈ ရေႃးၵႃႇတင်းၼွၵ်ႈၵေႃႈ ၸၢင်ႈၶဝ်ႈမႃးလႆႈငၢႆႈငၢႆႈၼႆၼၼ်ႉယဝ်ႉ။

ၼပ်ႉယမ်ၽူႈလူလိၵ်ႈႁဝ်းၶဝ်တင်းသဵင်ႈသေ --

ပၢႆးဝူၼ်ႉၶပ်ႉ

Em Em