ပၵ်းပိူင် (7) ​​ၶေႃႈ တွၼ်ႈတႃႇၸၢတ်ႈပၢၼ်

1. လွင်ႈဝၼ်းလင်ဢၼ်ပူၼ်ႉမႃးၼၼ်ႉလိုမ်းပႅတ်ႈမၼ်း
သေ သွၵ်ႈႁႃတိုဝ်ႉတၢင်းဢၼ်တေႁဵတ်းႁႂ်ႈၸဝ်ႈၵဝ်ႇမီး
လွင်ႈမၢၼ်ၼၼ်ႉလႄႈ။

2. ၵူၼ်းတၢင်ႇၵေႃႉၶဝ်တေတူၺ်းႁၼ်ၸဝ်ႈၵဝ်ႇပဵၼ်
ၵူၼ်းၸိူင်ႉႁိုဝ်ဢၼ်ဝႃႈၼၼ်ႉ ဢမ်ႇလမ်ႇလွင်ႈလေႃႇ
ပိူင်လူင်မၼ်းၸဝ်ႈၵဝ်ႇလူဝ်ႇလႆႈမီးလွင်ႈမၼ်ႈၸႂ်ၼႂ်းတူဝ်
ၵဝ်ႇၶိုၼ်းၵူၺ်း။



3. ၶၢဝ်းယၢမ်းမူၼ်ႉမႄးပၼ်လႆႈၵူႈလွင်ႈꧦဝႆႉၸႂ်ယၢဝ်းꧦ
လႄႈ လွင်ႈၸႃႉတေလႅၵ်ႈလၢႆႈပဵၼ်လွင်ႈလီမႃးၵူၺ်း။

4. ယႃႇတႅပ်းတတ်းၵႃႈၶၼ်ၵူၼ်းၼိုင်ႈၵေႃႉလူၺ်ႈႁၼ်
ႁၢင်ႈၽၢင်ၽၢႆႇၼွၵ်ႈၶဝ်ၵူၺ်း ယွၼ်ႉႁဝ်းဢမ်ႇႁူႉလႆႈဝႃႈ
ၵူၼ်းၵေႃႉၼၼ်ႉ မၼ်းလႆႈလတ်းၶၢမ်ႈလွင်ႈသင်မႃးလၢႆꧦ။

5. ယႃႇပေဝူၼ်ႉၼမ် လွင်ႈမၢင်လွင်ႈၼႆႉဢမ်ႇတၢပ်ႈ
လူဝ်ႇႁူႉႁၼ်ၸွမ်းတၢင်းမူတ်းတၢင်းသဵင်ႈၵေႃႈလႆႈ
မၢင်ပွၵ်ႈမၢင်လႂ်ၶေႃႈတွပ်ႇၸၢင်ႈႁွတ်ႈမႃးမိူဝ်ႈႁဝ်းဢမ်ႇလႆႈ
မုင်ႈမွင်းၼၼ်ႉဢိူဝ်ႈ။

6. တႃႇတေၶူင်သၢင်ႈပၼ်တၢင်းသိူဝ်းၸႂ်တူဝ်ၵဝ်ႇလႆႈ
ၼၼ်ႉ ဢမ်ႇၸႂ်ႈၵူၼ်းတၢင်ႇၵေႃႉ တူဝ်ၵဝ်ႇတေလႆႈသွၵ်ႈ
ႁႃဢဝ်ႁင်းၵူၺ်းၵေႃႉလဵဝ်ယဝ်ႉ။

7. လွင်ႈသုၵ်ႉယုင်ႈဢၼ်မီးယူႇၼႂ်းလူၵ်ႈၼႆႉဢမ်ႇၸႂ်ႈ
တူဝ်ၵဝ်ႇၵူၺ်းလႆႈထူပ်းၺႃးယူႇၵေႃႉလဵဝ် ၵူႈၵေႃႉလႆႈထူပ်း
လႆႈႁူပ်ႉ လႆႈၺႃး လႆႈၶၢမ်ႇမိူၼ်ၵၼ်တၢင်းသဵင်ႈယဝ်ႇ။

××× ယႃႇၼႅင်ၸႂ် ယႃႇၸႂ်လဵၵ်ႉၸွမ်းၸူဝ်ႈပၢၼ်ယူႇ
ၶၢဝ်းယၢမ်းၵူၼ်းႁဝ်းမီးပွတ်းꧦဢွၼ်ႇၵူၺ်း ထုၵ်ႇလီၸႂ်ႉ
မၼ်းႁႂ်ႈတဵမ်ထူၼ်ႈ ႁႂ်ႈမီးၽွၼ်းလီဢိူဝ်ႈ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇၶႃႈ။
ဢိင် မွၵ်ႇႁၢမ်းဢၢႆ(ဝဵင်းသဝ်ႁိၼ်) ယူႇၶႃႈ
ၸိုၼ်ႈလႅင်း(ၼမ်ႉႁၢမ်းၵိူဝ်)
4.3.2019 ဝၼ်းၸၼ်