ယွၼ်းထႅမ်ႁႅင်းၸႂ်သူ

           ယွၼ်ႉပိူၼ်ႈဢမ်ႇႁၼ်ထိုင်လီၼိူဝ်သူသေ
  သူတေပွႆႇၽႃႈပႅတ်ႈလွင်ႈယိူင်းဢၢၼ်းသူၼၼ်ႉႁ?
ယွၼ်ႉပိူဝ်ႈၵူၼ်းတၢင်ႇၵေႃႉမႃးလၢတ်ႈဝႃႈသေႉၼေး
ၼိူဝ်သူသေသူတေယွမ်းသုမ်းပႅတ်ႈၵၢၼ်ဢၼ်သူ
 (ဝႃႇသၼႃႇ)ႁၵ်ႉၼၼ်ႉႁ?



  ဝူၼ်ႉဝႃႈပေႃးၵူႈၵေႃႉထူပ်းလွင်ႈဢမ်ႇမိူၼ်ၸႂ်မႃး
မၢင်ပွၵ်ႈၸၢင်ႈႁဵတ်းႁႂ်ႈၸႂ်သူဢမ်ႇႁတ်းႁၢၼ်သေၶႂ်ႈ
ၵူဝ်ႁေမႃးလွႆးꧦမိူဝ်ႈမီးၵူၼ်းသေႉၼေးလႄႈဢမ်ႇမီးၽႂ်
ပၼ်ႁႅင်းၸႂ်ၼၼ်ႉ ၸိူဝ်းသူတေသဝ်ႈမွင် သူတေဝူၼ်ႉ
ဝႃႈ{ၵဝ်ၵိူတ်ႇမႃးၼႆႉႁဵတ်းသင်ပေႉမႃးၵၢမ်ႇႁၢႆႉဢမ်ႇၼၼ်
တေဝူၼ်ႉဝႃႈၵဝ်ၼႆႉႁဵတ်းၵၢၼ်ဢီႈသင်ၵေႃႈဢမ်ႇပဵၼ်လႆ ႈ
ၵဝ်ၵိူတ်ႇမႃးတႃႇသၢႆႈဝူတ်ႈၵူၺ်းႁ? ၵဝ်ၵိူတ်ႇမႃးၼႆႉ
ၵူႈၵေႃႉဢမ်ႇႁၼ်ထိုင်လီၼိူဝ်ၵဝ်လႄႈၵဝ်တေယူႇၵႂႃႇႁဵတ်း
သင်?   ၵဝ်ယူႇၵႂႃႇၵေႃႈဢမ်ႇမီးၽႂ်ႁၵ်ႉလႄႈဢမ်ႇမီးၽႂ်
ဢၼ်တွၼ်ႉမႆ ႈၸႂ်တႃႇၵဝ် ၵဝ်ၼႆႉပဵၼ်တူဝ်သုၵ်ႉယုင်ႈ
တႃႇၸိူဝ်းၶဝ်ႁ?}

    တီႈတေႉꧦယဝ်ႉၵူၼ်းၵူႈၵေႃႉ မီးတၢင်းယိူင်းဢၢၼ်း
ၽႂ်မၼ်းလႄႈမီးၵၢၼ်ဢၼ်ႁဝ်းႁၵ်ႉ(ဝႃႇသၼႃႇ)သေႁဝ်း
ၶႂ်ႈႁဵတ်းၸွမ်းၵၢၼ်ဢၼ်ႁဝ်းႁၵ်ႉ(ဝႃႇသၼႃႇ)ၼၼ်ႉယူႇ
ၵူၺ်းၵႃႈမၢင်ပွၵ်ႈႁဝ်းၵေႃႈဢမ်ႇၸၢင်ႈႁဵတ်းၵၢၼ်ဢၼ်ႁဝ်း
ႁၵ်ႉ(ဝႃႇသၼႃႇ)ၼၼ်ႉလႆ ႈႋႋႋ

ၵွပ်ႈၼၼ်မၢင်ပွၵ်ႈဢၼ်ႁဝ်းၶႂ်ႈႁဵတ်းၼၼ်ႉဢမ်ႇလႆ ႈႁဵတ်း
မၢင်ပွၵ်ႈဢၼ်ႁဝ်းဢမ်ႇၶႂ်ႈႁဵတ်းၼၼ်ႉသမ်ႉၵႃႈလႆ ႈႁဵတ်း
မၢင်ပွၵ်ႈဢၼ်ႁဝ်းၶႂ်ႈႁဵတ်းၼၼ်ႉၵေႃႈသမ်ႉလႆ ႈႁဵတ်း
ပေႃးပဵၼ်ၼၼ်မႃးပွင်ႇဝႃႈတၢင်းမုင်ႈမွင်းဢၼ်ႁဝ်းမီး
ၼၼ်ႉပွၵ်ႈၼိုင်ႈဢမ်ႇတဵမ်ထူၼ်ႈၵေႃႈပွၵ်ႈၼိုင်ႈၸၢင်ႈတဵမ်ထူၼ်ႈယူႇၵူၺ်းၵႃႈႋႋႋႋႋႁႂ်ႈမၼ်းတဵမ်ထူၼ်ႈလႆ ႈၵူႈလွင်ႈ
ၵူႈပွၵ်ႈတေႉဢမ်ႇပဵၼ်ၼင်ႇၵဝ်ႇ

မိူဝ်ႈၸဝ်ႈၵဝ်ႇဢွင်ႇမၢင်ႇတဵမ်ထူၼ်ႈၼၼ်ႉ
တေပဵၼ်ယွၼ်ႉပိူဝ်ႈၸဝ်ႈၵဝ်ႇၶတ်းႁႅင်းၸႂ်ၶတ်းၸႂ်ႁဵတ်း
ႁႂ်ႈတဵမ်ထူၼ်ႈၼၼ်ႉဢိူဝ်ႈ

ၵွပ်ႈၼၼ်မိူဝ်ႈၸဝ်ႈၵဝ်ႇဢမ်ႇတဵမ်ထူၼ်ႈ
မိူဝ်ႈၸဝ်ႈၵဝ်ႇႁူပ်ႉၺႃးလွင်ႈသေႉၼေး
မိူဝ်ႈႁူပ်ႉၺႃးတင်းတူၵ်းသုမ်းလႄႈ
ႁူပ်ႉၺႃးလွင်ႈဢမ်ႇမိူၼ်ၸႂ်တင်းၼမ်ၼၼ်ႉ
သူတေၸႂ်လဵၵ်ႉလႄႈသူတေဝူၼ်ႉၼမ်သူတေမီးလွင်ႈၶမ်
ၸႂ်လၢႆꧦလွင်ႈသေထိုင်တီႈပေႃးဢမ်ႇႁူႉဝႃႈတေယူႇၵႂႃႇ
ၸိူင်ႉႁိုဝ်? ၵိၼ်ၵေႃႈဢမ်ႇဝၢၼ်ၼွၼ်းၵေႃႈဢမ်ႇလပ်း
ယွၼ်ႉဝႃႈသူၸႂ်လဵၵ်ႉလႄႈသူဝူၼ်ႉၼမ်ၸွမ်းလွင်ႈဢမ်ႇ
မိူၼ်ၸႂ်ပူၼ်ႉတီႈဢိူဝ်ႈ

ပေႃးၼၼ်သူယႃႇပေၸႂ်တူၵ်းပေႃးသူၶဝ်ႁူပ်ႉၺႃးပၼ်ႁႃ
သင်တီႈဢမ်ႇမိူၼ်ၸႂ်ပေႃးၼႆဝူၼ်ႉတူၺ်းၸိူဝ်းၶဝ်တီႈတႂ်ႈၼႆႉၽွင်ႈဝႃႈၶဝ်လူးၸွင်ႇမီးလွင်ႈလႂ်ဢၼ်တဵမ်ထူၼ်ႈၸိူင်ႉသူၽွင်ႈၸွင်ႇၶဝ်သေသုၵ်ႉၸႂ်ယူႇၵူႈယၢမ်းႁ?။

မိူဝ်ႈၽွင်းဢမ်ႇမီးငိုၼ်းလႄႈမိူဝ်ႈၽွင်းၸႂ်သုၵ်ႉယွၼ်ႉ
ငိုၼ်းဢၼ်သူလႆ ႈၼၼ်ႉမၼ်းဢေႇပေႃးၼႆၸိုင်?
ယင်းတိုၵ်ႉမီးၵူၼ်းၸိူဝ်းဢမ်ႇတဵမ်ထူၼ်ႈၵူၼ်းယွၼ်းလႄႈၵူၼ်းၸိူဝ်းၼႆႉၶဝ်ယင်းတိုၵ်ႉသုၵ်ႉၸႂ်ယူႇတွၼ်ႈတႃႇ
တေလႆ ႈၵိၼ်ၶဝ်ႈၼိုင်ႈတႃႇ၊

မိူဝ်ႈၽွင်းသူဢမ်ႇမီးငိုၼ်းၵႃႈၸႂ်ႉၸၢႆႇဢမ်ႇမီးငိုၼ်းတႃႇ
သိုဝ်ႉၶူဝ်းၶွင်ဢၼ်ၶႅမ်ႉၶိုၵ်ႉဢမ်ႇမီးငိုၼ်းတႃႇသိုဝ်ႉၾူၼ်း
ဢၼ်ၶိုၵ်ႉꧦၶႅမ်ႉꧦသေၸႂ်ႉတိုဝ်းၼၼ်ႉ
ယင်းမီးၵူၼ်းတႃမွတ်ႇဢၼ်ဢမ်ႇမီးသုၼ်ႇႁူႉလႆ ႈ
ဝႃႈၾူၼ်းၼၼ်ႉၶႅမ်ႉၵႃႈႁိုဝ်လႄႈၶူဝ်းၶွင်ၸႂ်ႉတိုဝ်းဢၼ်ၵႃႈၶၼ်ယႂ်ႇၼၼ်ႉၶိုၵ်ႉၶႅမ်ႉမွၵ်ႈၵႃႈႁိုဝ်။

မိူဝ်ႈၽွင်းဢမ်ႇမီးငိုၼ်းတႃႇသိုဝ်ႉတိုဝ်းသွၵ်းတိၼ်ၶႅပ်း
တိၼ်ၶႅမ်ႉꧦၼၼ်ႉယင်းမီးၵူၼ်းၸိူဝ်းဢၼ်လႆ ႈၵိၼ်ၸၢင်ႈ
ပတ်းၽုၼ်ႇမုၵ်ႉၸွမ်းသွၵ်းတ​ိၼ်ၶႅပ်ႈတိၼ်ပိူၼ်ႈသေ
ၸင်ႇလႆ ႈၵိၼ်ၶဝ်ႈၼိုင်ႈတႃႇ၊

မိူဝ်ႈၽွင်းယၵ်ႉၸမ်ႈသေတူၺ်းၼႃႈတႃႁၢင်ႈၽၢင်သူ
ဢမ်ႇႁၢင်ႈလီပဵင်းပေႃးဢမ်ႇၶိုၵ်ႉၶႅမ်ႉၼၼ်ႉသူလီဝူၼ်ႉဝႃႈ
ယင်းမီးၵူၼ်းတႃမွၵ်ႇဢၼ်ဢမ်ႇမီးသုၼ်ႇႁူႉႁၼ်လႆ ႈဝႃႈ
ႁၢင်ႈၽၢင်ၼႂ်းလုမ်ႈၾႃႉလူင်ၼႆႉမၼ်းၶိုၵ်ႉၶႅမ်ႉမွၵ်ႈၵႃႈႁိုဝ်၊

ၸိူဝ်းသူႁဝ်းၸိူဝ်းၼႆႉတိုၵ်ႉမီးတိၼ်၊ မီးမိုဝ်းမီးႁၢင်ႈၽၢင်ၵုမ်ႇထူၼ်ႈလီꧦယူႇ
မၢင်ပွၵ်ႈယွၼ်ႉလွင်ႈတၢင်းသေဢၼ်ꧦလႄႈႁဵတ်းႁႂ်ႈသူ
သုၵ်ႉၸႂ်ယူႇၼၼ်ႉ၊

သူလီဝူၼ်ႉႁၼ်ဝႃႈ ယင်းမီးၵူၼ်းတီႈဢမ်ႇမီးတိၼ်၊
ဢမ်ႇမီးမိုဝ်းဢမ်ႇမီးႁၢင်ႈၽၢင်တဵမ်ထူၼ်ႈသေဢမ်ႇႁတ်း
ၶဝ်ႈၵႄႈဢွၵ်ႇၵၢင်ပိူၼ်ႈတင်းၼမ်ယူႇ၊

မိူဝ်ႈၼႆႉလႄႈၶၢဝ်းယၢမ်းမိူဝ်ႈလဵဝ်ၼႆႉသူတိုၵ်ႉမီးသၢႆၸႂ်ယူႇ
လႄႈၼႂ်းၶၢဝ်းယၢမ်းၼိုင်ႈသၵၢၼ်ႉဢွၼ်ႇၵူၺ်းၵေႃႈမီး
ၵူၼ်းတၢႆဢမ်ႇႁူႉပဵၼ်လၢႆၵေႃႉယဝ်ႉ၊ယဝ်ႉၵေႃႈၵူၼ်းၸိူဝ်းဢၼ်တၢႆၵႂႃႇၼၼ်ႉပေႃးပဵၼ်လႆ ႈၶဝ်ၵေႃႈၶေးတေပႆႇၶႂ်ႈတၢႆ
ၵေႃႈပဵၼ်လႆ ႈယူႇဢိူဝ်ႈ

ယွၼ်ႉပိူဝ်ႈၼႆလႄႈပေႃႈဝႃႈသူတိုၵ်ႉမီးသၢႆၸႂ်ယူႇၵေႃႈပွင်ႇဝႃႈသူတိုၵ်ႉပဵၼ်ၵူၼ်းၵၢမ်ႇလီယူႇယွၼ်ႉသင်လႄႈၸဝ်ႈ
ၵဝ်ႇလႆ ႈတူၵ်းသုမ်းယွၼ်ႉသင်လႄႈၸဝ်ႈၵဝ်ႇဢမ်ႇမီး
လွင်ႈဢွင်ႇမၢင်ႇလႆ ႈၶႃႈလႃႇဢမ်ႇမီးဢၼ်လႂ်ဢၼ်သူ
ႁဵတ်းဢမ်ႇလႆ ႈဢမ်ႇမီးဢၼ်လႂ်ဢၼ်သူတေလႆ ႈမွင်ၸႂ်
ယူႇ ပေႃးသူတိုၵ်ႉမီးသၢႆၸႂ်ယူႇၵေႃႈပွင်ႇဝႃႈ``လွင်ႈယိူင်း
ဢၢၼ်းသူၼၼ်ႉတိုၼ်းပဵၼ်တႃႇသူပႆၸွမ်းလႄႈၶတ်းၸႂ်
ႁဵတ်းႁႂ်ႈဢွင်ႇမၢင်ႇႁႃလွၵ်းလၢႆးႁဵဵတ်းႁႂ်ႈဢွင်ႇမၢင်ႇႁႂ်ႈလႆ ႈ
ဢိူဝ်ႈ"

ယွၼ်ႉပိူဝ်ႈလွင်ႈသေႉၼေးလွင်ႈသီႈၵႄႉႁေႉတႃ
လွင်ႈဢမ်ႇမိူၼ်ၸႂ်ၸိူဝ်းၼႆႉသေယႃႇပေႁႂ်ႈၸႂ်ဝၢင်ႇဝိူဝ်ႈ
ဝူၼ်ႉၼမ်ယူႇလႃႈ၊

ပေႃးမီးၵူၼ်းသေႉၼေးၼႆသူလီႁႃၶေႃႈယူပ်ႈယွၼ်းသူသေ
မူၼ်ႉမေးၽႂ်းꧦဢိူဝ်ႈ
ပေႃးမီးၵူၼ်းသီႈၵေႉႁေႉတႃၸိုင်ပွၵ်ႇဝႃႈသူလူဝ်ႇၶတ်းၸႂ်
ႁဵတ်းလိူဝ်ၵဝ်ႇဢိူဝ်ႈ
ဢဝ်လွင်ႈသေႉၼေးၼၼ်ႉပဵၼ်ၶေႃႈမူၼ်ႉမေး
ဢဝ်လွင်ႈသီႈၵေႉႁေတႃၼၼ်ႉမႃးႁဵတ်းႁႅင်းၸႂ်သေ
ၶတ်းၸႂ်ၵႂႃႇၸူးတီႈလွင်ႈဢွင်ႇမၢင်ႇၼၼ်ႉလႄႈ၊

သူၵူႈၵေႃႉပဵၼ်ၵူၼ်းၵၢမ်ႇလီလႄႈသူၵူႈၵေႃႉႁဵတ်းႁႂ်ႈဢွင်ႇ
မၢင်ႇလႆ ႈယူႇၵူႈလွင်ႈပေႃးသူတိုၵ်ႉမီးလွင်ႈယုမ်ႇယမ်ဝႃႈ
သူပဵၼ်ၵူၼ်းၵၢမ်ႇလီယူႇၼႆ

ၶေႃႈလိုၼ်းသုတ်းၶႂ်ႈသင်ႇဝႃႈ``လွင်ႈၶႅမ်ႉလႅပ်ႈၼၼ်ႉမီးမႃးၽၢႆႇလင်လွင်ႈၶတ်းၸႂ်လႄႈ
လွင်ႈဢွင်ႇမၢင်ႇၼၼ်ႉမီးမႃးဝၢႆးလင်ၵေႃႉယုမ်ႇယမ်တူဝ်
ၵဝ်ႇဝႃႈၸဝ်ႈၵဝ်ႇပဵၼ်ၵူၼ်းၵၢမ်ႇလီၼၼ်ႉဢိူဝ်ႈ"
ွယွၼ်ႉၼႆၸိူဝ်းသူၶတ်းၸႂ်တူၺ်းထႅင်ႈလႄႈယုမ်ႇယမ်
ဝႃႈၸဝ်ႈၵဝ်ႇပဵၼ်ၵူၼ်းၵၢမ်ႇလီယူႇတီႈတိုၵ်ႉမီးသၢႆၸႂ်သေ
မီးတိုဝ်ႉတၢင်းတႃႇတေၶဝ်ႈၸူးလွင်ႈလွင်ႈၶႅမ်ႉလႅပ်ႈဢွင်ႇမၢင်ႇယူႇၼႆဢေႃႈ

ပၼ်ႁႅင်းၸႂ်တေႃႇၵူႈၵေႃႉသေၼပ်ႉယမ်ယႂ်ႇၼိူဝ်ၽူႈသူင်
လူလိၵ်ႈႁဝ်းၶဝ်ယူႇဢေႃႈသင်ဝႃႈမီးတီႈၽိတ်းပိူင်ႈလႄႈ
မီးတီႈယုပ်ႈယွမ်းလႄႈမီးတီႈဢမ်ႇမိူၼ်ၸႂ်ပေႃးၼႆၸိုင်
ၶႅၼ်းတေႃႈမူၼ်ႉမႄးပၼ်သေၵမ်းၶႃႈ
          ပၢႆၵမ် ၵွၼ်းလႅင်းၶိူဝ်း    ဝၼ်းထီႉ03ႋ03ႋ2018