ၶတ်းၸႂ်ႁႃငိုၼ်းလႄႈ

×× ၼႂ်းမုင်ႉႁေႃႁိူၼ်းၼိုင်ႈလင်ၼၼ်ႉ ၵေႃႉဢၼ်မေႃႁႃ
ငိုၼ်းၶဝ်ႈၼႂ်းၼႃႈႁိူၼ်းၼၼ်ႉ ပဵၼ်ဢဵၼ်ႁႅင်းလမ်ႇလွင်ႈ
တႃႇမုင်ႉႁေႃႁိူၼ်းတေႉꧦယဝ်ႉ ။

×× လွင်ႈဢၼ်ၸဝ်ႈၵဝ်ႇၶႂ်ႈပဵၼ်ၼၼ်ႉ သင်မီးငိုၼ်း
တိုၼ်းပဵၼ်လႆႈငၢႆႈလိူဝ်ၵဝ်ႇ လွင်ႈဢၼ်ၸဝ်ႈၵဝ်ႇၶႂ်ႈလႆႈ
ၼၼ်ႉ သင်မီးငိုၼ်းတိုၼ်းၸဵဝ်းလႆႈလိူဝ်ၵဝ်ႇ ။

×× လွင်ႈမိုတ်ႈၵိုဝ်းလမ်ႇလွင်ႈသေငိုၼ်းၶမ်း ××
-----------------------------------------------------

>> ၵူၺ်းၵႃႈၵေႃႉဢၼ်မီးငိုၼ်းၶမ်းၼမ်ၼၼ်ႉ ၵူၼ်းမိုတ်ႈၵိုဝ်း ၵူၼ်းၶဝ်ႈႁႃတေၼမ်လိူဝ်သေၵေႃႉဢၼ်
ႁၢမ်းငိုၼ်းၶမ်းၼၼ်ႉဢိူဝ်ႈ ။

×× လွင်ႈသိုဝ်ႈယူဝ်းလမ်ႇလွင်ႈသေငိုၼ်းၶမ်း ××
------------------------------------------------------

>> ၵူၺ်းၵႃႈၵေႃႉဢၼ်မီးဢၢမ်းၼၢတ်ႈ ၵေႃႉဢၼ်မီးႁႅင်းငိုၼ်းယႂ်ႇၼၼ်ႉ ၶဝ်ႁဵတ်းၽိတ်းပၵ်းပိူင်
ယူႇသေတႃႉ ဢမ်ႇမီးၽႂ်ႁတ်းလၢတ်ႈၵႂၢမ်းသင် ။

×× ပၢႆႇၺႃႇလွင်ႈယႂ်ႇသေငိုၼ်းၶမ်း ××
-------------------------------------------

>> ၵူၺ်းၵႃႈ ၼႂ်းၵၢပ်ႈပၢၼ်ယၢမ်းလဵဝ် သင်ဢမ်ႇမီးငိုၼ်း
ၶမ်းၸိုင် ဢမ်ႇၸၢင်ႈၶိုၼ်ႈႁဵၼ်း ဢမ်ႇၸၢင်ႈလႆႈႁဵၼ်း
ဢဝ်တၢင်းႁူႉမေႃမိူၼ်ပိူၼ်ႈ ။

×× တၢင်းယၢမ်ႈလီလွင်ႈယႂ်ႇလိူဝ်ငိုၼ်းၶမ်း ××
---------------------------------------------------

>> ၵ​ေႃႉဢၼ်မီးတၢင်းယၢမ်ႈဢမ်ႇလီၼၼ်ႉ သင်မၼ်း
မီးငိုၼ်းၶမ်းၼမ်ၸိုင် လွင်ႈမၢၼ်ႇမႅၼ်ႈၼၼ်ႉ ပေႉဢမ်ႇ
ႁဵတ်းသင်ၶဝ်လႆႈ ။

×× တၢင်းႁၵ်ႉလမ်ႇလွင်ႈသေငိုၼ်းၶမ်း ××
------------------------------------------------

>> ၵူၼ်းၵမ်ႈပႃႈၼမ်တေၸႂ်ႉတိုဝ်းၵႂၢမ်းၶေႃႈၼႆႉယူႇယဝ်ႉ
ၵူၺ်းၵႃႈ လွင်ႈပိူင်ပဵၼ်တေႉမၼ်းသမ်ႉ ၵေႃႉဢၼ်မီးငိုၼ်းၶမ်းၼၼ်ႉၵူၺ်း ဢၼ်တေၸၢင်ႈလႆႈ
ၵူပ်ႉၵူႈပဵၼ်ႁိူၼ်းၸွမ်းၶဝ် ။

×× ၶႂ်ႈႁႂ်ႈၵူၼ်းႁဵတ်းၵၢၼ်ၵူႈၵေႃႉၶတ်းၸႂ်ႁႃငိုၼ်းလႄႈ
မေႃၵဵပ်းႁွမ်ငိုၼ်းဢၼ်ႁႃမႃးလႆႈၼၼ်ႉသေၵမ်း ။

×× ငိုၼ်းၼႆႉ ထိုင်တီႈမၼ်းပဵၼ်မၢင်ၸေႈမၢင်ꧦဢွၼ်ႇ
ဢၼ်ၼိုင်ႈၵူၺ်းၼႆသေတႃႉ ယၢမ်းမိူဝ်ႈႁဝ်းထူပ်းတၢင်း
ယၢပ်ႇၽိုတ်ႇ မီးပၼ်ႁႃသေလွင်ႈꧦၼၼ်ႉ မၼ်းၸွႆႈထႅမ်
ႁႂ်ႈၵူၼ်းႁဝ်းဢွၵ်ႇပူၼ်ႉလႆႈယူႇ 50% ဢိူဝ်ႈ ။

×× ယၢမ်းမိူဝ်ႈၸဝ်ႈၵဝ်ႇယင်းတိုၵ်ႉမီးသၢႆၸႂ်တိုၵ်ႉၼုမ်ႇ
ယူႇၼၼ်ႉ ႁႂ်ႈမေႃၶတ်းၸႂ်ႁဵတ်းႁႃၸူႉတွမ်ငိုၼ်းဝႆႉလႄႈ
ၼႃႈ ။

×× ယၢမ်းမိူဝ်ႈဢႃႇယုဢႃႈသၢၵ်ႈၸဝ်ႈၵဝ်ႇယႂ်ႇမႃးၼၼ်ႉ
ဢဵၼ်ႁႅင်းၼႂ်းတူဝ်ၵေႃႈတေယွမ်းလူင်း ပၢႆးယူႇလီၵေႃႈ
တေယွမ်းလူင်း လွင်ႈမၢင်လွင်ႈၸဝ်ႈၵဝ်ႇၶႂ်ႈႁဵတ်းတၢၼ်ႇ
လႂ်ၵေႃႈ တေဢမ်ႇႁဵတ်းပဵၼ်လႆႈယဝ်ႉ ။

×× မိူဝ်ႈတိုၵ်ႉမီးႁႅင်းမႃႇႁႅင်းတူဝ်တဵမ်ထူၼ်ႈၼႆႉ
ၶတ်းၸႂ်ႁႂ်ႈထိုင်တီႈလႄႈ ၶၢမ်ႇတုၵ်ႉၶၢမ်ႇယၢပ်ႇဝၼ်းမိူဝ်ႈ
ၼႆႉ ၼင်ႇႁိုဝ်တေလႆႈယူႇသႃႇ ၼႂ်းဝၼ်းမိူဝ်းၼႃႈ ။

×× မေႃႁႃယဝ်ႉၵေႃႈ ႁႂ်ႈမေႃႁွမ် ယႃႇၸၢႆႇလူၼ်ႉလိူဝ်ၼင်ႇ
ႁႃမႃးလႆႈ ။

ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇဢေႃႈ ။

ငဝ်ႈတိုၼ်း -- page ဦးဘုန်း

ပိၼ်ႇ - မွၵ်ႇႁၢမ်းဢၢႆ ( ဝဵင်းသဝ်ႁိၼ် )
20 . 3 . 2019 ဝၼ်းပုတ်ႉ